გაერო-ში აშშ-ის წარმომადგენელი – ირანმა ამერიკული ძალები მიზნად არ უნდა ამოიღოს, შედეგები ირანისთვის სავალალო იქნება

14 ივნისს სტამბოლში მიღწეული შეთანხმებების ფარგლებში რუსეთმა უკრაინას კიდევ 1200 ჯარისკაცის ცხედარი გადასცა.ამის შესახებ სამხედრო ტყვეების საკითხზე მომუშავე საკოორდინაციო შტაბში განაცხადეს.უკრაინაში აცხადებენ, რომ უახლოეს დროში ექსპერტიზა ჩაინიშნება, რათა დადგინდეს, რომ ნამდვილად უკრაინის მოქალაქეთა ცხედრებია.უკრაინამ დახმარებისთვის მადლობა „წითელი ჯვრის“ საერთაშორისო კომიტეტს გადაუხადა.ამავე დროს რუსული მედია წყაროზე დაყრდნობით იტყობინება, რომ უკრაინულ მხარეს რუსეთისთვის დღეს არცერთი ცხედარი არ გადაუცია.

ერევანი ირანზე გმობს ისრაელის თავდასხმას, – ამის შესახებ სომხეთის პრემიერ-მინისტრმა, ნიკოლ ფაშინიანმა ჩეხეთში მიმდინარე GLOBSEC 2025-ის ფორუმზე განაცხადა.ფაშინიანის თქმით, ეჭვქვეშ დგება რეგიონის მყიფე სტაბილურობა.„ეს ეჭვქვეშ აყენებს ჩვენს რეგიონში მყიფე სტაბილურობას და ჩვენ ძალიან შეშფოთებულები ვართ“, – თქვა ფაშინიანმა.ამასთან, განცხადება გაავრცელა სომხეთის საგარეო საქმეთა სამინისტრომაც.„ირანზე ცალმხრივი თავდასხმა სერიოზულ შეშფოთებას იწვევს, განსაკუთრებით მოლაპარაკებების შემდეგი რაუნდის წინ, რაც საფრთხეს უქმნის სამშვიდობო ძალისხმევას, ასევე რეგიონულ სტაბილურობას და გლობალურ მშვიდობას“, – აღნიშნულია საგარეო უწყების განცხადებაში. 

დუბაიში, 67 სართულიან ცათამბრჯენში ხანძარი გაჩნდა - შენობიდან თითქმის 4000 ადამიანია ევაკუირებული. უცხოური მედიის ინფორმაციით, საბედნიეროდ, არავინ დაშავებულა.მაშველებმა ევაკუაცია ოპერატიულად განახორციელეს და აცხადებენ, რომ საცხოვრებელი კომპლექსის მაცხოვრებლებს საფრთხე აღარ ემუქრებათ.მედიის ცნობით, ხანძრის ჩაქრობას ექვსი საათი დასჭირდა. მაშველებმა 764 ბინიდან 3 820 ადამიანი გაიყვანეს.

ისრაელის თავდაცვის ძალებში აცხადებენ, რომ, საერთო ჯამში, ირანის ბირთვულ პროგრამაზე მომუშავე ცხრა მეცნიერისა და ექსპერტის ლიკვიდაცია განახორციელეს.მათივე ინფორმაციით, მათ შორის არიან ექსპერტები მექანიკის, ფიზიკისა და მასალების ინჟინერიაში.მეცნიერების დაღუპვას ადასტურებენ ირანშიც. მანამდე ვრცელდებოდა ინფორმაცია, რომ ლიკვიდირებული იყო ექვსი მეცნიერი.

საპარლამენტო უმრავლესობის წევრისთვის, დავით მათიკაშვილისთვის სიტყვიერი შეურაცხყოფის მიყენებისთვის თბილისის საქალაქო სასამართლომ მოქალაქე ალექსანდრე სამხარაძე ადმინისტრაციულ სამართალდამრღვევად ცნო, ის სამართალდამცავებმა დღეს დილით, სახლთან დააკავეს.სამხარაძეს სასამართლომ ადმინისტრაციული სახდელის სახით 14-დღიანი ადმინისტრაციული პატიმრობა შეუფარდა. ის ზაჰესის დროებითი მოთავსების იზოლატორში გადაიყვანეს.მოქალაქის დაკავებას ადასტურებენ და მიზეზებს განმარტავენ შინაგან საქმეთა სამინისტროში.„თბილისის საქალაქო სასამართლომ, მიმდინარე წლის 13 ივნისს, ალექსანდრე სამხარაძეს ადმინისტრაციული სახდელის სახით შეუფარდა ადმინისტრაციული პატიმრობა.ალექსანდრე სამხარაძემ თავი აარიდა სასამართლოში გამოცხადებას. შესაბამისად, სასამართლოს მიერ გამოტანილი გადაწყვეტილების აღსრულების მიზნით, შინაგან საქმეთა სამინისტროს თანამშრომლებმა ის დააკავეს.ალექსანდრე სამხარაძე გადაყვანილია დროებითი მოთავსების იზოლატორში, ადმინისტრაციული პატიმრობის აღსრულების მიზნით“, - ნათქვამია შსს-ს ინფორმაციაში.