ოთხშაბათი, თებერვალი 5, 2025

გაერო აცხადებს, რომ ალექსეი ნავალნის გარდაცვალების ფაქტი დამოუკიდებელმა ორგანომ უნდა გამოიძიოს

გაერო აცხადებს, რომ ალექსეი ნავალნის გარდაცვალების ფაქტი დამოუკიდებელმა ორგანომ უნდა გამოიძიოს. ინფორმაციას „ბიბისი“ ავრცელებს.

ჟენევაში გავრცელებულ განცხადებაში გაერო-ს ოფისმა განაცხადა, რომ არაერთხელ გამოთქვა შეშფოთება ნავალნის დაპატიმრების შესახებ.

გაერო-ს ადამიანის უფლებათა დაცვის უფროსმა, ვოლკერ ტურკმა საჯაროდ მოითხოვა მისი გათავისუფლება გასულ ზაფხულს და თქვა, რომ მისი ხანგრძლივი სასჯელის ვადა მიუთითებს, რომ რუსეთი სასამართლო სისტემას პოლიტიკური მიზნებისთვის იყენებს.

„თუ ვინმე სახელმწიფოს პატიმრობაში იღუპება, არსებობს ვარაუდი, რომ სახელმწიფოა ამაზე პასუხისმგებელი“, – აღნიშნულია გაერო-ს განცხადებაში.

ალექსეი ნავალნი სასჯელაღსრულების დაწესებულებაში გარდაიცვალა. რუსული მედიის ინფორმაციით, ნომერ მე-3 კოლონიაში გარეთ სეირნობის დროს ნავალნიმ თავი შეუძლოდ იგრძნო და გონება დაკარგა. სასწრაფო სამედიცინო დახმარების ჯგუფმა ალექსეი ნავალნის დაღუპვა დაადასტურა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

სახელმწიფო ბოლომდე ზრუნავს ყველა პატიმრის ჯანმრთელობის მდგომარეობაზე და მზია ამაღლობელის შემთხვევაშიც ზრუნვა არის მაქსიმალური – ირაკლი კობახიძე

სახელმწიფო ბოლომდე ზრუნავს ყველა პატიმრის ჯანმრთელობის მდგომარეობაზე და მზია ამაღლობელის შემთხვევაშიც ზრუნვა არის მაქსიმალური, - განუცხადა საქართველოს პრემიერ-მინისტრმა ირაკლი კობახიძემ ყაზახეთში ქართველ ჟურნალისტებს. მთავრობის მეთაურის ინფორმაციით, მზია ამაღლობელს ჩაუტარდა შესაბამისი გამოკვლევები და გაგრძელდება დაკვირვება პატიმრის ჯანმრთელობაზე. „მე მაქვს ასევე კონკრეტულად ინფორმაცია იმასთან დაკავშირებით, რომ გამოკვლევები ჩატარდა, ყველაფერი არის ნორმის ფარგლებში. რა თქმა უნდა, გაგრძელდება დაკვირვება და ზრუნვა ყველა პატიმრის ჯანმრთელობაზე, მათ შორის კონკრეტულად ამ პატიმრის, მზია ამაღლობელის ჯანმრთელობაზე. ეს არის სახელმწიფოს პასუხისმგებლობა. აქაც განვსხვავდებით ჩვენ იმ ხელისუფლებისგან, რომელიც არათუ არ ზრუნავდა პატიმრების ჯანმრთელობაზე, პირიქით, ყველაფერს აკეთებდა პატიმრების ჯანმრთელობის გაუარესებისთვის“, - განაცხადა პრემიერ-მინისტრმა.

ირაკლი კობახიძე – გვაქვს ამბიციური ამოცანა, მაქსიმალურად აღვუდგინოთ ჩვენს ქვეყანას ისტორიული, დაკავშირებადობისა და სატრანზიტო ფუნქცია

ყაზახეთთან ორმხრივი თანამშრომლობის განვითარებას ჩვენი ქვეყნისთვის აქვს განსაკუთრებული მნიშვნელობა, ამიტომ გასაკვირი არ არის, რომ საპარლამენტო არჩევნების შემდეგ ერთ-ერთი პირველი ოფიციალური ვიზიტი იმართება სწორედ ყაზახეთში,- ამის შესახებ საქართველოს პრემიერ-მინისტრმა, ირაკლი კობახიძემ ყაზახეთში ქართველ ჟურნალისტებს განუცხადა. მისივე თქმით, საქართველოს ყაზახეთთან აქვს ძალიან მჭიდრო პოლიტიკური თანამშრომლობა და სავაჭრო-ეკონომიკური თანამშრომლობა. „ჩვენ დღეს ვისაუბრეთ მრავალ თემაზე, რაც უკავშირდება ამ თანამშრომლობის კიდევ უფრო მეტად გაღრმავებას. როგორც მოგეხსენებათ, ჩვენ გვაქვს ამბიციური ამოცანა, მაქსიმალურად აღვუდგინოთ ჩვენს ქვეყანას მისი ისტორიული ფუნქცია. ეს არის დაკავშირებადობის ფუნქცია, სატრანზიტო ფუნქცია და ამ კუთხით საქართველოსა და ყაზახეთს შორის სავაჭრო-ეკონომიკური თანამშრომლობის გაღრმავებას აქვს განსაკუთრებული მნიშვნელობა. ჩვენ დღეს ვისაუბრეთ სხვადასხვა პროექტზე, რომლებიც ხელს შეუწყობს ეკონომიკური თანამშრომლობის განვითარებას. ვფიქრობ, არის ძალიან დიდი პერსპექტივა იმისთვის, რომ კიდევ უფრო მჭიდროდ ვითანამშრომლოთ სხვადასხვა თემაზე. გარდა პოლიტიკური და ეკონომიკური საკითხებისა, სხვადასხვა სფეროში შევეხეთ თანამშრომლობის პერსპექტივებს, როგორიცაა კულტურა, სპორტი, განათლება და ა.შ. ყველა მიმართულებით გვექნება პროგრესი, რაც არის მნიშვნელოვანი როგორც ჩვენი ქვეყნისთვის, ისე ყაზახეთისთვის“, – აღნიშნა პრემიერმა.

ირაკლი კობახიძე – საქართველო მიესალმება ყაზახური ენერგორესურსების ტრანსპორტირების ზრდის პერსპექტივებს საქართველოს სატრანსპორტო ინფრასტრუქტურისა და შავი ზღვის პორტების მეშვეობით

საქართველოს, ყაზახეთისა და აზერბაიჯანის რკინიგზებს შორის მჭიდრო თანამშრომლობის შედეგად შესაძლებელი გახდა შუა დერეფნის პროექტის განხორციელება, – ამის შესახებ საქართველოს პრემიერ-მინისტრმა, ირაკლი კობახიძემ ყაზახეთის რესპუბლიკის პრემიერ-მინისტრთან, ოლჟას ბეკტენოვთან შეხვედრისას განაცხადა. როგორც პრემიერმა აღნიშნა, ამ მარშრუტის გამოყენებით ხორციელდება სარკინიგზო-საკონტეინერო გადაზიდვები ჩინეთიდან ევროპისა და საპირისპირო მიმართულებით. „მიზანშეწონილია ძალისხმევის გააქტიურება „შუა დერეფნის“ განვითარების ხელშეწყობისა და დამატებითი ტვირთების მოზიდვის მიმართულებით. საქართველოს აქვს შესაძლებლობა, იყოს დამაკავშირებელი რგოლი ევროპას, ახლო აღმოსავლეთსა და სამხრეთ აზიას შორის, ასევე ცენტრალურ აზიასა და აღმოსავლეთ აზიას შორის. დაკავშირებადობის საერთაშორისო მარშრუტები გვაძლევს იმის შესაძლებლობას, რომ ვიქცეთ ევროპასა და აზიას შორის ციფრულ ცენტრად. საქართველო მიესალმება ყაზახური ენერგორესურსების, კერძოდ, ნავთობისა და ნავთობპროდუქტების ტრანსპორტირების ზრდის პერსპექტივებს საქართველოს სატრანსპორტო ინფრასტრუქტურისა და შავი ზღვის პორტების მეშვეობით“, – განაცხადა პრემიერ-მინისტრმა.

მარკო რუბიო – სახდეპის ოფიციალური პირებისა და ელჩებისგან არის პრეტენზია, რომ USAID-ი ძირს უთხრის საქმეს, რასაც აშშ აკეთებს იმ ქვეყანაში, ეს აღაშფოთებს მასპინძელ მთავრობას,...

ერთ-ერთი ყველაზე გავრცელებული პრეტენზია, თუ საელჩოებში მიხვალთ მთელ მსოფლიოში, სახელმწიფო დეპარტამენტის ოფიციალური პირებისგან და ელჩებისგან არის, რომ USAID არ არის არამხოლოდ თანამშრომლობისკენ მიდრეკილი, ისინი ძირს უთხრიან იმ საქმეს, რასაც ჩვენ ვაკეთებთ იმ ქვეყანაში, რაც აღაშფოთებს მასპინძელ მთავრობას, ვისთვისაც ჩვენ ვცდილობთ მუშაობას უფრო ფართო მასშტაბით, – ამის შესახებ აშშ-ის სახელმწიფო მდივანმა, მარკო რუბიომ განაცხადა. როგორც მარკო რუბიო აცხადებს, USAID-ი არის სრულიად უპასუხისმგებლო ორგანიზაცია, რომელიც არ მიიჩნევს, რომ მუშაობს აშშ-ისთვის. „USAID-ი ძირითადად გადაიქცა სააგენტოდ, რომელიც თვლის, რომ არც კი არიან აშშ-ის სამთავრობო სააგენტო, თითქოს ისინი გარეთ არიან, გლობალური საქველმოქმედო ორგანიზაციაა, იღებენ გადასახადის გადამხდელის ფულს და ხარჯავენ, როგორც გლობალური საქველმოქმედო ორგანიზაცია, მიუხედავად იმისა, არის თუ არა ეს ეროვნული ინტერესი. ერთ-ერთი ყველაზე გავრცელებული პრეტენზია, რომელსაც ნახავთ, თუ საელჩოებში მიხვალთ მთელ მსოფლიოში, სახელმწიფო დეპარტამენტის ოფიციალური პირებისგან და ელჩებისგან არის, რომ USAID-ი არ არის არამხოლოდ თანამშრომლობისკენ მიდრეკილი, ისინი ძირს უთხრიან იმ საქმეს, რასაც ჩვენ ვაკეთებთ იმ ქვეყანაში. ისინი მხარს უჭერენ პროგრამებს, რაც აღაშფოთებს მასპინძელ მთავრობას, ვისთვისაც ჩვენ ვცდილობთ მუშაობას უფრო ფართო მასშტაბით. ასე რომ, ისინი არიან სრულიად უპასუხისმგებლო, არ მიიჩნევენ, რომ მუშაობენ აშშ-სთვის. უბრალოდ ფიქრობენ, რომ გლობალური სუბიექტია და რომ მათი მესაკუთრე არის მსოფლიო და არა შეერთებული შტატები. ეს არ არის ის, რასაც წესდება ამბობს“, – განაცხადა რუბიომ. მარკო რუბიოს თქმით, მიზანი ყოველთვის იყო USAID-ის რეფორმირება. „ახლა ჩვენ გვაქვს დაუმორჩილებლობა. ახლა ჩვენ ძირითადად გვაქვს აქტიური ძალისხმევა. მათი ძირითადი დამოკიდებულება არის ის, რომ „ჩვენ არ ვმუშაობთ ვინმესთვის, ვმუშაობთ საკუთარი თავისთვის, არცერთ სააგენტოს არ შეუძლია, გვითხრას, რა უნდა გავაკეთოთ“. ასე რომ, პრეზიდენტმა დამნიშნა ადმინისტრატორის მოვალეობის შემსრულებლად. მე ეს ძალაუფლება გადავეცი იმ ადამიანს, ვინც იქ არის სრულ განაკვეთზე და ჩვენ ვაპირებთ იგივე პროცესის გავლას USAID-ში, როგორც ახლა გავდივართ სახელმწიფო დეპარტამენტში. ეს არ ეხება უცხოური დახმარების თავიდან აცილებას. არსებობს საქმეები, რასაც USAID-ის საშუალებით ვაკეთებთ, რაც უნდა გავაგრძელოთ, ამას აზრი აქვს. ჩვენ უნდა გადავწყვიტოთ, ეს უკეთესია სახელმწიფო დეპარტამენტის მეშვეობით, თუ რაღაცის საშუალებით, როგორიცაა რეფორმირებული USAID-ი. ეს არის პროცესი, რომლზეც ჩვენ ვმუშაობთ. USAID-ში არის რაღაც, რომლის დაფინანსებაში არ უნდა მივიღოთ მონაწილეობა ან რომელთანაც ბევრი კითხვა გვაქვს, მაგრამ მათ საერთოდ არ სურთ თანამშრომლობა. ასე რომ, ჩვენ სხვა არჩევანი არ გვქონდა, გარდა დრამატული ნაბიჯების გადადგმისა, რომ ეს კონტროლის ქვეშ მოექცეს“, – განაცხადა რუბიომ.

საქართველოს პრემიერ-მინისტრი ყაზახეთის რესპუბლიკის პრემიერ-მინისტრს შეხვდა

საქართველოს პრემიერ-მინისტრი ირაკლი კობახიძე ყაზახეთის რესპუბლიკის პრემიერ-მინისტრს ოლჟას ბეკტენოვს შეხვდა. ყაზახეთის რესპუბლიკის მთავრობის სახლში გამართულ პირისპირ შეხვედრაზე მხარეებმა სხვადასხვა სფეროში ორი ქვეყნის წარმატებულ თანამშრომლობაზე ისაუბრეს. აღინიშნა სავაჭრო-ეკონომიკური კავშირების განვითარების დადებითი დინამიკა და ორი ქვეყნის მთავრობათაშორისი ეკონომიკური თანამშრომლობის კომისიის როლი ამ მიმართულებით. მხარეებმა დადებითად შეაფასეს ორმხრივი სავაჭრო ბრუნვა, რომელიც 2024 წელს, გასული წლის ანალოგიურ პერიოდთან შედარებით, 25%-ით გაიზარდა. შეხვედრისას ასევე განიხილეს ექსპორტის მოცულობის ზრდის პოტენციალი და ხაზი გაუსვეს ამ კუთხით არსებული შესაძლებლობების სრულად ათვისების მნიშვნელობას. ირაკლი კობახიძემ ყაზახეთის რესპუბლიკის პრემიერ-მინისტრი ოფიციალური ვიზიტით საქართველოში მოიწვია.

ბოლო სიახლეები