ბექა დავითულიანი – რუსეთის ხელისუფლების ამ ქმედებით, სამწუხაროდ, უკრაინის ეროვნული ინტერესები შეილახა და ახლა საერთაშორისო საზოგადოების რეაქციაზე ბევრი რამ არის დამოკიდებული

პრიშტინაში მიმდინარე ჭაბუკ ძალოსანთა ევროპის ჩემპიონატზე (U17) საქართველოს ნაკრებიდან გიორგი ქინქლაძემ (65 კგ)  და შოთა კაკაბაძემ (65 კგ) იასპარეზეს და ოქროსა და ვერცხლის მედლები მოიპოვეს.ქინქლაძემ ატაცში 118 კგ დაძლია, აკვრაში 148 კგ, ორჭიდის ჯამში 266 კგ მოაგროვა, სამი ოქროს მედალი და ევროპის ჩემპიონის ტიტული არავის დაუთმო.შოთა კაკაბაძე ატაცში ქინქლაძეს ერთი კოლოგრამით ჩამორჩა,  117 კგ დაძლია, აკვრაში 143-კილოგრამიან შტანგას გაუმკლავდა, ხოლო ორჭიდის ჯამში მოგროვილი 260 კილოგრამით სამი ვერცხლი მედალი მოიპოვა და ვიცე-ჩემპიონი გახდა.

„ნაცმოძრაობის“ ერთ-ერთმა ლიდერმა, ბატონმა საყვარელიძემ პრაქტიკულად აღიარა ყველა ის ბრალდება, რაზეც წლებია, ვსაუბრობთ „ნაცმოძრაობის“ და მათი ლიდერების მიმართ 2008 წლის აგვისტოს ომთან დაკავშირებით, რომ მაშინდელი ხელისუფლება იყო აყოლილი პროვოკაციას, არ ჰქონდათ გეგმა, დაემორჩილნენ იმ პროვოკაციას, რაც წამოვიდა უცხოური ძალების, რუსეთის მხრიდან, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მაჭარაშვილის თქმით, დავით საყვარელიძემ აღიარა, რომ მაშინდელმა ხელისუფლებამ „სასწორზე შეაგდო საქართველოს ბედი“.„საუბრობდნენ, რომ მათ ყველაფერი გეგმის მიხედვით ჰქონდათ და აღმოჩნდა, თურმე მეორე დღეს გაიგეს, რომ რუსეთი არ დაუთმობდა არავის იმ ტერიტორიას, რომელზეც სააკაშვილმა შეიყვანა სამხედრო ძალები. საყვარელიძემ, პრაქტიკულად, აღიარა, რომ მაშინდელმა ხელისუფლებამ სასწორზე შეაგდო საქართველოს ბედი და თქვა კიდეც, ნახევარი ნაბიჯი გვაკლდა, რომ დავკარგავდით სახელმწიფოებრიობასო. ამაზე ვსაუბრობთ ჩვენც, სხვაზე კი არაფერზე – სახელმწიფოებრიობას, დამოუკიდებლობას და ქართულ იდენტობას რომ დაკარგავდნენ ამ პროვოკაციაზე და ასეთ ავანტიურაზე აყოლით, რომ არ ადარდებდათ საქართველოს ბედი. ამ დროს ტელევიზიებიც სხვა რამეს აცხადებდნენ. კარგად გვახსოვს მეორე, მესამე დღეს, რომ ჩვენ დავიკავეთ რაღაც ერთი მთა, მეორე მთა, ვიმარჯვებთ და ა.შ. როგორც დღეს, სამწუხაროდ, უკრაინაზე საუბრობენ. უკვე მეხუთე წელია, ამბობენ, იმარჯვებს უკრაინა და რუსეთი მარცხდებაო. ვხედავთ ჩვენ, რა სამწუხარო მდგომარეობაც არის უკრაინაში. და აქ მეორე, თუ მესამე დღეს აზეიმეს რუსთაველზე გამარჯვება, სააკაშვილმა და მისმა ხელისუფლებამ. ეს ყველაფერი პრაქტიკულად დაადასტურა „ნაცმოძრაობის“ ერთ-ერთმა ლიდერმა საყვარელიძემ. ამაზე ჩვენ, წლებია, ვსაუბრობთ, კომისიაზე დავადგინეთ, რომ, პირდაპირი გაგებით, ადგილი ჰქონდა ღალატს და საკუთარი სახელმწიფოს ინტერესების საწინააღმდეგოდ იყო გადადგმული ნაბიჯები“, – აღნიშნა გურამ მაჭარაშვილმა.შეგახსენებთ, ოპოზიციონერმა პოლიტიკოსმა, დავით საყვარელიძემ განაცხადა: „რუსეთი მაინც მოუმზადებელი იყო 2008 წელს, არ ჰქონდათ საქართველოს დაპყრობის გეგმა ბოლომდე დამუშავებული, ისინიც ქაოტურად მოქმედებდნენ, კიდევ კარგად ვართ გადარჩენილები​“.

მსოფლიოს არ სჭირდება ხელოვნური ინტელექტი, რომელიც კაცობრიობას დააკნინებს, – ამის შესახებ რომის პაპმა, ლეო XIV-მ განაცხადა.მისი თქმით, მსფლიოს სჭირდება სიბრძნით განათლებული ადამიანური ინტელექტი.„მსოფლიოს არ სჭირდება ხელოვნური ინტელექტი, რომელიც კაცობრიობას დააკნინებს. პირიქით, მას სჭირდება სიბრძნით განათლებული ადამიანური ინტელექტი, სინდისით წარმართული პოლიტიკური ძალაუფლება და ქველმოქმედებით წარმართული ტექნოლოგიური ინოვაცია. მხოლოდ ამის შემდეგ გახდება ხელოვნური ინტელექტი არა კაცობრიობის კონკურენტი, არამედ საყოველთაო სიკეთის მსახური“, – აღნიშნა რომის პაპმა.

ესტონეთში ზაფხულის მიწურულს ხილის ბუზები ნამდვილ თავსატეხად იქცევა ხოლმე. გამოცემა Maaleht-მა სახლიდან ამ აბეზარი მწერების მოსაშორებლად 10 ეფექტიანი რჩევა შეაგროვა:1. ხილი მაცივარში ან საკუჭნაოში შეინახეთ — ხილის ბუზებს განსაკუთრებით ხილისა და ფერმენტაციის სუნი იზიდავს. პროდუქტების სწორად შენახვა მათ შენობაში მოზიდვას გამორიცხავს.2. დაუყოვნებლივ მოწმინდეთ დაღვრილი სითხეები — დაღვრილი ხილის წვენი, ალკოჰოლი თუ გაჭყლეტილი ხილი მწერებს მყისიერად იზიდავს.3. ხშირად გადაყარეთ ნაგავი — ნარჩენები ურნაში ერთ კვირაზე მეტხანს არ გააჩეროთ. ამ დროში განაყოფიერებულ დედალ ბუზს 300-მდე კვერცხის დადება შეუძლია, რაც რამდენიმე დღეში მწერების მთელ ახალ თაობას გააჩენს.4. მაღაზიაში ნაყიდი ხილი სახლში მოტანისთანავე გარეცხეთ — შესაძლოა, ბუზებს კვერცხები ხილზე ჯერ კიდევ მაღაზიასა თუ ბაღში ჰქონდეთ დადებული.5. გამოიყენეთ მტვერსასრუტი — ხილის ბუზი იმდენად პატარაა, რომ მისი ჩვეულებრივი საკლავით დევნას აზრი არ აქვს. ზრდასრული მწერების დასაჭერად მტვერსასრუტი საუკეთესო გამოსავალია.6. გამოიყენეთ სპეციალური მახეები — შეიძინეთ მაღაზიებში ხელმისაწვდომი სპეციალური წებოვანი ლენტები, მახე-პაკეტები თუ აეროზოლები.7. სახლში დამზადებული მახე ღვინით — ჭიქაში ჩაასხით ცოტა ღვინო ან ფერმენტირებული წვენი, ქაღალდი ძაბრისებურად გადაახვიეთ, წვეროზე პატარა ხვრელი დაუტოვეთ და ჭიქას წებოვანი ლენტით დაამაგრეთ. მწერები შიგნით შევლენ, თუმცა გარეთ გამოსვლას ვეღარ შეძლებენ.8. გამოიყენეთ ვაშლის ძმარი და ჭურჭლის სარეცხი სითხე — კიდევ ერთი გამოცდილი მახე: პლასტმასის ჭიქაში ჩაასხით ცოტა წყალი, ვაშლის ძმარი და ჭურჭლის სარეცხი სითხე, შემდეგ კი ნახვრეტიანი თავსახური დააფარეთ.9. ხილი ღია სივრცეში დაამუშავეთ — წვენებისა და მურაბების მომზადება ხილის ბუზების მომრავლებას უწყობს ხელს. შესაძლებლობის შემთხვევაში, ეს პროცესი ეზოში წარმართეთ, რათა სახლში ბუზების მიზიდვას აარიდოთ თავი.10. დახურეთ კარ-ფანჯარა — ცხელ ამინდშიც კი ეცადეთ კარ-ფანჯარა დახურული გქონდეთ. სტანდარტული მწერებისგან დამცავი ბადე 1–4 მილიმეტრის ზომის ბუზებს ვერ აკავებს.ესტონეთში ხილის ბუზის რამდენიმე სახეობა გვხვდება, თუმცა ყველაზე გავრცელებული Drosophila-ა (ესტონურად მას Äädikakärbsed ანუ „ძმრის ბუზს“ უწოდებენ, რაც მისი კვებითი პრეფერენციითაა განპირობებული). ბოლო პერიოდში ასევე გავრცელდა ქაცვის ბუზიც (Rhagoletis batava)

თბილისის მერი კახა კალაძე თბილისელებს რუსთაველის გამზირის რეაბილიტაციის პროცესში შექმნილი დისკომფორტისთვის ბოდიშს უხდის და რეაბილიტაციის მნიშვნელობაზე საუბრობს.როგორც მერმა თავის ვიდეომიმართვაში განაცხადა, ვინაიდან სამუშაოები საკმაოდ მასშტაბურია, სექტემბრიდან დაახლოებით ორი თვის განმავლობაში გადაადგილების თვალსაზრისით თბილისს რთული პერიოდი ექნება, თუმცა ეს დროებითი დისკომფორტია იმისთვის, რომ მომავალში დედაქალაქს სრულად განახლებული რუსთაველის გამზირი ჰქონდეს.„სამუშაოები, რომელსაც დღეს აქ ვახორციელებთ, არის მასშტაბური და ფუნდამენტური. ჩვენ მხოლოდ ასფალტის საფარს არ ვცვლით, სრულად ვაახლებთ ათწლეულების მანძილზე ხელუხლებელ ამორტიზებულ მიწისქვეშა კომუნიკაციებს და ინფრასტრუქტურას. კარგად მესმის, რომ ამ ყველაფერს თან ახლავს სერიოზული დისკომფორტი, პირველ რიგში, მიმდებარე ტერიტორიაზე მცხოვრები ადამიანებისთვის – გადაადგილების პრობლემა, ხმაური, მტვერი, კომუნიკაციების დროებითი შეზღუდვა. ამის გამო თითოეულ მათგანს, მინდა, ბოდიში მოვუხადო და განსაკუთრებული მადლობა გადავუხადო მოთმინებისთვის.ყველაზე რთული პერიოდი წინ გვაქვს. სექტემბრიდან ქალაქში მოქალაქეების დიდი ნაწილი დაბრუნდება, დაიწყება სასწავლო პროცესი და საავტომობილო მოძრაობა მნიშვნელოვნად გაიზრდება. პირდაპირ გეტყვით, დაახლოებით ორი თვის განმავლობაში გადაადგილების თვალსაზრისით თბილისს რთული პერიოდი ექნება. ამიტომ მინდა, თითოეულ თბილისელს წინასწარ ვთხოვო მოთმინება და მიმდინარე პროცესის სწორად გაცნობიერება.  ეს არ არის დისკომფორტი, რომელიც იმიტომ იქმნება, რომ ქალაქში არაფერი კეთდება. პირიქით, ეს არის დროებითი დისკომფორტი იმისთვის, რომ შემდეგ ათწლეულების განმავლობაში გვქონდეს სრულად განახლებული რუსთაველის გამზირი და თანამედროვე ინფრასტრუქტურა“, – განაცხადა თბილისის მერმა.მისივე თქმით, მერია მაქსიმალურად მუშაობს ალტერნატიული გადაადგილების სქემების დახვეწაზე, რათა დატვირთვა შეძლებისდაგვარად შეამციროს. ამასთან, როგორც მერმა აღნიშნა, ყველა ცვლილებისა და გადაწყვეტილების შესახებ მოქალაქეები წინასწარ იქნებიან ინფორმირებული.„მინდა, გულწრფელად ვთქვა – ასეთი მასშტაბის პროექტის განხორციელება ისე, რომ ქალაქმა საერთოდ ვერ იგრძნოს დისკომფორტი, შეუძლებელია. ამიტომ ჩვენი თხოვნაა – ორი თვე ყველამ ერთად მოვითმინოთ იმისთვის, რომ მივიღოთ შედეგი, რითაც მრავალი წლის განმავლობაში ყველანი ვიამაყებთ“, – განაცხადა კახა კალაძემ.მისივე თქმით, ქალაქის განვითარება ყოველთვის მოითხოვს ხისტ გადაწყვეტილებებს, შრომას და მოთმინებას.„დღეს გვიწევს დროებითი დისკომფორტის ატანა, მაგრამ რამდენიმე თვეში გვექნება სრულად განახლებული რუსთაველის გამზირი, რომელიც თბილისს დაამშვენებს. ამიტომ კიდევ ერთხელ გთხოვთ — გამოვიჩინოთ მოთმინება, ცოტა მეტი გულისხმიერება და საავტომობილო გზებზე ერთმანეთის პატივისცემა. ეს ორი თვე გაივლის, განახლებული რუსთაველი კი თბილისს დარჩება“, – აღნიშნა თბილისის მერმა.