ბათუმში კაცის ცხედარი იპოვეს – ის სავარაუდოდ მოკლულია

„ჯენოას“, „ტორინოს“, „იუვენტუსისა“ და „პალერმოს“ ყოფილმა ფეხბურთელმა, რუბინიომ „ნაპოლიდან“ ხვიჩა კვარაცხელიას წასვლას გამოეხმაურა. ბრაზილიელი ექსფეხბურთელის თქმით, მიუხედავად იმისა, რომ კვარა მნიშვნელოვანი ფეხბურთელია, ანტონიო კონტემ იცის, რას აკეთებს, და „პარტენოპეი“ ქართველის გარეშეც კარგად გამოიყურება რა თქვა რუბინიომ: „ნაპოლი“ სკუდეტოსკენ მიიწევს, რაც ჩემთვის გასაკვირი არაა. კონტე ძლიერი და ჭკვიანი მწვრთნელია, რომელიც შედეგს დებს. ეს მოულოდნელი არაა. კვარას წასვლა? ის მნიშვნელოვანი ფეხბურთელი იყო, მაგრამ „ნაპოლი“ მის გარეშეც კარგად გამოიყურება. მწვრთნელმა იცის, როგორ მოაგვაროს ეს პრობლემა. გარნაჩო კვარას შემცვლელად? ისინი განსხვავებული სტილის ფეხბურთელები არიან. კვარა უფრო ძლიერია. თუ „ნაპოლი“ გარნაჩოს დაიმატებს, არგენტინელი გუნდს კარგად მოერგება, მაგრამ ხარისხის მხრივ, ხვიჩას ვანიჭებ უპირატესობას“.

ილონ მასკი გერმანიის ულტრამემარჯვენე პარტიის წინასაარჩევნო კამპანიის დროს გამართულ შეხვედრას ვიდეოზარის საშუალებით შეუერთდა, – ამის შესახებ „როიტერი” წერს. ილონ მასკი გერმანიის ქალაქ ჰალეში, ულტრამემარჯვენე პარტიის მხარდასაჭერად საჯაროდ სიტყვით გამოვიდა. წინასაარჩევნო ღონისძიებაზე, სადაც 4 500 ადამიანი იმყოფებოდა, პარტიის ლიდერ ალისა ვაიდელთან ერთად სიტყვით გამოსვლისას მასკმა გერმანული კულტურის შენარჩუნებასა და გერმანელი ხალხის დაცვაზე ისაუბრა. „კარგია, იამაყო გერმანული კულტურით, გერმანული ღირებულებებით და არ დაკარგო ეს რაღაც მულტიკულტურალიზმით, რომელიც ყველაფერს აფერხებს. მე ძალიან აღფრთოვანებული ვარ პარტიით „ალტერნატივა გერმანიისთვის”, ვფიქრობ, რომ თქვენ ნამდვილად საუკეთესო იმედი ხართ გერმანიისთვის. იბრძოლეთ გერმანიის დიდი მომავლისთვის“, – განაცხადა მასკმა. ვაიდელმა მადლობა გადაუხადა მასკს და აღნიშნა, რომ რესპუბლიკელები ამერიკას კვლავ დიდებულს გახდიან და მხარდამჭერებს მოუწოდა, გერმანია კვლავ დიდებული გახადონ. პარალელურად, მთელი გერმანიის მასშტაბით ულტრამემარჯვენე პარტიის, „ალტერნატივა გერმანიისთვის“ წინააღმდეგ საპროტესტო აქციები იმართება. ბერლინში, ბრანდერბურგის კარიბჭესთან 100 000 დემონსტრანტი შეიკრიბა, სულ მცირე, 20 000 კი კელნში. გამოკითხვების მიხედვით, პარტია „ალტერნატივა გერმანიისთვის“ მეორე ადგილზეა, პირველ ადგილზე კი „კონსერვატიული პარტიაა“. მესამე და მეოთხე ადგილზე არიან გერმანიის კანცლერ ოლაფ შოლცის მმართველი „სოციალ-დემოკრატიული პარტია“ და მწვანეთა პარტია.

„პოლიტიკურ პარტიებს რაც შეეხება, მე ვფიქრობ, რომ დიდი ერთიანობის დროა. დავიგვიანეთ კიდეც. თქვენი ეთერითაც ყველა პოლიტიკურ პარტიას, მათ შორის ქალბატონ სალომესაც მინდა ვუთხრა, რომ ავტორიტარულ რეჟიმს რომ ვებრძვით, იმის გარჩევის დრო არ არის, ვინ რომელი პარტიიდან არის. მათ შორის ამერიკიდან ერთ-ერთი მთავარი გზავნილი იყო ეს, ელოდებიან ჩვენს დიდ ერთიანობას. ამიტომ, ვინც თქვენთან მოვა ეთერში, ყველას კითხვა დაუსვით, რას ფიქრობენ დიდ ერთიანობაზე. გამოსავალი, რომელიც ამ პროცესს დააჩქარებს არის ერთი საერთო დიდი პოლიტიკური პლატფორმის შექმნა, რომლითაც ვიშორებთ ხელისუფლებას, ვანიშვნინებთ ახალ არჩევნებს, გავდივართ არჩევნებზე, ვიშორებთ ივანიშვილს და მერე თუ გინდათ კიდევ ხუთი პარტია შევქმნათ და ორმოცდაშვიდი პარტია – ეს არის რეალობა, რაც ჩვენ გვჭირდება. სხვა ალტერნატივას, პოლიტიკური ცხოვრების პერსპექტივაში მე ვერ ვხედავ, ამიტომ ვფიქრობ, მნიშვნელოვანია ყველამ ამაზე ისაუბროს“, – განაცხადა გიორგი ვაშაძემ.

Messenger-ს კიდევ ერთი ახალი ფუნქცია დაემატა. ამიერიდან Messenger-ში შეგიძლიათ ზარები HD ხარისხში განახორციელოთ. ამ ფუნქციით კი მოპასუხეს უფრო მაღალ ხარისხში დაელაპარაკებით, - ამის შესახებ ინფორმაციას ბლოგერი და ჟურნალისტი უჩა პირმისაშვილი ავრცელებს.  👉 ასევე ნახეთ Messenger-ის კიდევ ერთი სიახლე, რომელიც რამდენიმე კვირის უკან დაემატა.

უკრაინა მზად არის აზერბაიჯანული გაზის ტრანსპორტირებისთვის, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. ზელენსკიმ განმარტა, რომ გაზის ტრანზიტის საკითხი დავოსის მსოფლიო ეკონომიკური ფორუმის ფარგლებში, აზერბაიჯანის პრეზიდენტთან, ილჰამ ალიევთან შეხვედრისას განიხილა. მისი თქმით, მხარეებმა უკრაინის ინფრასტრუქტურის გამოყენების შესაძლებლობაზე ისაუბრეს, რაც ევროპის გაზით მომარაგებას შეუწყობს ხელს. „ჩვენ შეგვიძლია, გამოვიყენოთ ჩვენი ინფრასტრუქტურა სხვა ერთობლივი ნაბიჯებისთვის, თუ ევროპას სჭირდება გაზი და არა რუსული გაზი“, – განაცხადა ზელენსკიმ. უკრაინის პრეზიდენტმა აღნიშნა, რომ აზერბაიჯანი დღეისთვის დაახლოებით 40 მილიარდ კუბურ მეტრ გაზს მოიპოვებს, საიდანაც თავად იყენებს მხოლოდ 14-15 მილიარდ კუბურ მეტრს, შესაბამისად, მას აქვს დაახლოებით 25 მილიარდი კუბური მეტრი გაზის ექსპორტის პოტენციალი. ზელენსკიმ ხაზი გაუსვა, რომ უკრაინა მზად არის, ყველა საჭირო კონტრაქტი გააფორმოს გაზის ექსპორტისთვის, თუ მიიღებს შესაბამის სიგნალს ევროპისგან, განსაკუთრებით აღმოსავლეთ ევროპიდან. აღსანიშნავია, რომ უკრაინამ პირველი იანვრიდან შეწყვიტა რუსული გაზის ტრანზიტი.