აშშ-ში უკრაინის ელჩი – უკრაინა მხარს უჭერს 30-დღიან ცეცხლის შეწყვეტას, თუმცა ტანგოსთვის ორია საჭირო

აშშ-ის პრეზიდენტ დონალდ ტრამპის განცხადებით, მიმდინარეობს ინტენსიური მუშაობა შავ ზღვაში სამხედრო დაპირისპირების შესამცირებლად.ტრამპის თქმით, მისი ადმინისტრაცია კრემლის მიერ დასახელებულ პირობებს სიღრმისეულად სწავლობს.„ჩვენ ამჟამად ყველა პირობას განვიხილავთ, არის დაახლოებით ხუთი ან ექვსი პირობა. ჩვენ ყველა მათგანს ვიკვლევთ“, – განაცხადა ტრამპმა.ამასთან, აშშ-ის პრეზიდენტმა აღნიშნა, რომ მოლაპარაკებები მიმდინარეობს რუსეთთან, უკრაინასთან და ახლო აღმოსავლეთის ქვეყნებთან.„ჩვენ მოლაპარაკებებს ვაწარმოებთ რუსეთთან და უკრაინასთან. ეს მეტ-ნაკლებად კარგად მიმდინარეობს, თუმცა ეს ისეთი სიტუაციაა, რომლის შესახებაც არასოდეს უნდა გვეფიქრა. ეს არასოდეს არ უნდა მომხდარიყო. ჩვენ დიდ პროგრესს ვაღწევთ, ამის თქმა შემიძლია. მიმდინარეობს ძალიან დიდი და დეტალური მოლაპარაკებები ორივე ფრონტზე“, – აღნიშნა აშშ-ის პრეზიდენტმა.მისივე შეფასებით, მოლაპარაკებები რთული და კომპლექსურია, მაგრამ გამოთქვამს იმედს, რომ მხარეები შეძლებენ დიალოგს და კონფლიქტის მშვიდობიან მოგვარებას.

UFC-ის ქვემსუბუქი დივიზიონის ჩემპიონის, ილია თოფურიას სახელი ესპანეთის ქალაქ ტოლედოს ერთ-ერთ ქუჩას მიენიჭა.ღონისძიება ტოლედოს ევროპის სპორტის ქალაქად აღიარების პროგრამის ფარგლებში შედგა. გადაწყვეტილება ქალაქის ხელმძღვანელებმა მერთან, კარლოს ველასკესთან შეთანხმებით მიიღეს.„ჩემთვის დიდი პრივილეგიაა, როცა ქალაქი ტოლედო ასე მაფასებს. აქაურობასთან ბევრი ემოცია მაკავშირებს და ახლა ძალიან ბედნიერი ვარ“, – განაცხადა ილია თოფურიამ.28 წლის მებრძოლმა UFC-ის საჩემპიონო ქამარი 2024 წლის თებერვალში მოიპოვა, ხოლო ის ოქტომბერში წარმატებით დაიცვა. მიმდინარე წლის დასაწყისში თოფურიამ განაცხადა, რომ ქვემსუბუქ დივიზიონს ტოვებს და ასპარეზობის გაგრძელება მსუბუქ დივიზიონში (70 კგ) სურს.ასევე ცნობილი გახდა, რომ ილია თოფურიამ მეტსახელი შეიცვალა. ის აქამდე ბრძოლებში „მატადორის“ (El Matador) სახელით გამოდიოდა, ხოლო ამიერიდან მას „ლეგენდა“ (La Leyenda) ერქმევა.ილია თოფურია ესპანეთში 15 წლის ასაკში ოჯახთან ერთად გადავიდა. მან შერეულ ორთაბრძოლებში ვარჯიში ძმასთან, ალექსანდრესთან ერთად ქალაქ ალიკანტეში დაიწყო. 2015 წელს პროფესიონალთა შორის მისი დებიუტი შედგა. თოფურიას კარიერაში 16 ბრძოლა აქვს ჩატარებული და ჯერ არ დამარცხებულა.

აშშ-ის პრეზიდენტი დონალდ ტრამპი აცხადებს, რომ სურს, ფედერალური ბიუჯეტიდან ეროვნული საზოგადოებრივი რადიოსა და საზოგადოებრივი მაუწყებლობის სამსახურის დაფინანსება შეწყდეს.„მე მსურს ამის გაკეთება. მიმაჩნია, რომ ეს ძალიან უსამართლოა. ისინი ძალიან მიკერძოებულები არიან. მედიაში უკვე საკმარისი რაოდენობის ლიბერალური შინაარსია. ეს ფულის ფლანგვაა“, – განაცხადა დონალდ ტრაპმა.რესპუბლიკელმა კონგრესმენმა მარჯორი ტეილორ გრინმა ეროვნული საზოგადოებრივი რადიოსა და საზოგადოებრივი მაუწყებლობის სამსახურის ხელმძღვანელების მოსმენა მოითხოვა სამთავრობო ეფექტიანობის ქვეკომიტეტის სხდომაზე. საინფორმაციო მედიის ხელმძღვანელები ჩვენებას ხვალ მისცემენ.

წულუკიანის ფეხის ბაკუნზე არავინ არსად მისვლას არ აპირებს, მით უმეტეს ჩვენი კოალიციის ლიდერები, – ამის შესახებ „ძლიერი საქართველოს“ ერთ-ერთმა ლიდერმა, ალეკო ელისაშვილმა ბადრი ჯაფარიძისა და მამუკა ხაზარაძის პარლამენტის დროებით საგამოძიებო კომისიაში დაბარების შესახებ საუბრისას განაცხადა.მისი თქმით, „ქართულ ოცნებას“ საგამოძიებო კომისია „ძლიერი საქართველოს“ შესაშინებლად და რეპრესიების იარაღად ჭირდება.„პროკურატურა თუ მოგვადგება, მოგვადგეს. მომდგრები არ არიან? არ მივიდა საგამოძიებო კომისიაში და ერთი წლით ციხეში დაიჭერენ? დაიჭირონ, ვინმეს ეშინია მაგათი? ამათ ვუგოროთ კოჭი და იმ სამარცხვინო რაღაცაში მივიღოთ მონაწილეობა? ჯერ ერთი, ეს კომისია ამას ვერ გამოიძიებს, ეს არის სარეკომენდაციო სტრუქტურა, რომელიც დაწერს დასკვნას და გადაუგზავნის ან არ გადაუგზავნის პროკურატურას. პროკურატურაში დასკვნის გაგზავნა რად გინდა, ცოცხალი ადამიანები არიან და დადიან, იძახიან ეს და ეს მოხდა და არაფერს არ იძიებენ უმაქნისები. რამის გამოძიება თუ უნდოდათ, გამოიძიებდნენ.დღეს ეს სჭირდებათ იმისთვის, რომ შეგვაშინონ და რეპრესიების იარაღად გამოიყენონ. ხედავენ, რომ თავი არ დავუხარეთ, არ დავუჩოქეთ, ჩვენი კოალიცია მაგრად და პრინციპულად დგას, აღარ იციან რა ქნან, რით შეგვაშინონ. მე ცალკე პროცესი მაქვს პირველ აპრილს და ბადრის და მამუკას წამმზომი ჩაურთეს. მაგის ფეხის ბაკუნზე რომ არავინ აპირებს სიარულს, მაგის ჩვენება მინდოდა, მაგათი რაღაცების რომ არ გვეშინია მაგის ჩვენება გვინდოდა“, – განაცხადა ალეკო ელისაშვილმა.მისივე თქმით, თუკი კოალიციის ლიდერები საგამოძიებო კომისიაზე მივიდოდნენ, ამით კომისიისა და პარლამენტისთვის ლეგიტიმაციის მინიჭება მოხდებოდა.„საგამოძიებო კომისიაზე მისვლით, ამათი აღიარება მოხდებოდა, ამ შაპიტოს ლეგიტიმაცია მოხდებოდა, კომისიის და პარლამენტის. მეორე, იქ შეურაცხყოფის მეტი არაფერი არ იქნებოდა, ვინ მოგცემდა ნორმალური დებატების საშუალებას. ბოლოს პარლამენტში დებატები იყო ან სიტყვა-პასუხი იყო? მიკროფონს ჩართავდი და შეურაცხყოფებს გაყენებდნენ. არ უკრავდნენ პირს ოპოზიციას ბოლო პერიოდში? მიკროფონს გამოგირთავენ, იმ ოთახში კი გააგონებ ხალხს, მაგრამ ეთერში ვერ გააგონებ“, – განახადა ალეკო ელისაშვილმა.ცნობისთვის, „ნაციონალური მოძრაობის“ ხელისუფლების საქმიანობის შემსწავლელმა პარლამენტის დროებითმა საგამოძიებო კომისიამ „ძლიერი საქართველოს“ ლიდერები, მამუკა ხაზარაძე და ბადრი ჯაფარიძე დაიბარა, თუმცა სხდომაზე არც ერთი მათგანი არ მივიდა. კომისიის გადაწყვეტილებით, სხდომაზე გამოუცხადებლობის გამო მამუკა ხაზარაძისა და ბადრი ჯაფარიძის საქმეები პროკურატურაში გადაიგზავნება.

ალერგოლოგმა ბიძინა კულუმბეგოვმა ტელეკომპანია „რუსთავი 2“-ის გადაცემაში ალერგიისა და გაციების ერთმანეთისგან განსხვავების წესებზე ისაუბრა:„გაციება და ალერგია ერთმანეთისგან მარტივად განირჩევა. სეზონური ალერგიისთვის, ისევე როგორც ზედა სასუნთქი გზების რესპირაციული დაავადებისთვის, დამახასიათებელია ცხვირთან და თვალთან დაკავშირებული სიმპტომები. სეზონური ალერგიის სიმპტომები დიდხანს გრძელდება, იმიტომ, რომ არცერთი მცენარე არ ყვავილობს ერთი კვირა. გაციებასთან არ გვაქვს საქმე, როდესაც ეს 10 დღეზე მეტხანს გრძელდება. ინფექციის დროს გამონადენი, რომელიც თავიდან გამჭვირვალეა, გაყვითლდება და შესქელდება. ალერგიის დროს ეს იშვიათად მოხდება. ასევე მნიშვნელოვანია ტემპერატურული რეაქცია. ალერგია და სიცხე ერთმანეთთან არ მეგობრობენ. თვალთან დაკავშირებული სიმპტომატიკა განსაკუთრებით სეზონურ ალერგიას ახასიათებს. თუ  მცენარეული მარცვალი ჰაერშია, ის თვალის ლორწოვანზეც ეწეპება. ადამიანებს ქვიშის შეგრძნება აქვთ თვალში. ამ დროს რაც უფრო იქავებს ადამიანი თვალს, ამწვავებს პრობლემას საკუთარი ხელით. დროული ჩარევა მნიშვნელოვანია, იმიტომ, რომ მერე მეორადი ინფიცირება ხდება.„ჩვენ სალაღობო ტერმინსაც კი ვიყენებთ ხოლმე. ალერგიული რინიტის მქონე ადამიანებს ორ ნაწილად ვყოფთ: გაჭედილები და მომხოცველები. მომხოცველები არიან ის ადამიანები, რომლებსაც აქვთ მცენარის მიმართ გამოწვეული ალერგია. გაჭედილები არიან ის ადამიანები, რომლებსაც აქვთ მთელი წელი ალერგია, ოთახის მტვერზე, ძაღლზე, კატაზე. ასე გამოიცნობა ხოლმე უხშირესად. თუმცა შესაძლებელია, სეზონური ალერგიის დროს იყოს ძლიერი გამონადენიც და გაჭედილობაც. ყველაზე რთული კატეგორიის არიან ადამიანები პოლისენსიბილიზაციით. ისინი ბევრ რამეზე სენსიტიურები და მგრძნობიარეები არიან. მათ შეიძლება მთელი წელიც ჰქონდეთ ალერგია და პარალელურად სეზონურადაც,“-აღნიშნა ბიძინა კულუმბეგოვმა.