არჩილ მუსელიანცი მოსამართლეს-რა ტანჯვაც და წამებაც მაქვს გავლილი, ღმერთმა დაგიფართ თქვენ, ქალბატონო პროკურორო, გაიაროთ. [ნებაყოფლობით] ხელს მოაწერთ კი არა კენედის მკვლელობასაც დაიბრალებთ

4 ოქტომბერს გავერთიანდეთ რუსთაველზე და ქართველი ხალხის გამარჯვება გარდაუვალია, ვაჩვენოთ ივანიშვილსაც და „დასაქმებულ“ ოპოზიციასაც, რა შეუძლია ხალხს, – ამის შესახებ „ნაციონალური მოძრაობის“ პოლიტსაბჭოს თავმჯდომარე ლევან ხაბეიშვილი სოციალურ ქსელში წერს.„„ტიპებს“ ოპოზიციური პარტიის „ლიდერი“ რომ აწერიათ, Facebook-ზე 8-12 „ლაიქი“ რომ აქვთ და ჭკუას გვარიგებენ ტელევიზიით, რომ მხოლოდ მათ იციან ივანიშვილის დამარცხების გზა – თმენით, დალოდებით, დასვენებით (აგვისტოაო :))) ) და „გარედან“…ოჯახის წევრები არ იწონებენ „ფეისბუქზე“ და „ინტელექტუალური“, სერიოზული სახით, როგორც „გამოცდილი“ პარტმუშაკი აფრქვევს სიჭკვიანეებს… აზრზე არ არიან, რა უნდათ, ან ვინ არიან, ან სად მიდიან… სიტყვა მშვიდობიანი დამხობის და მშვიდობიანი რევოლუციისაც კი ეშინიათ, მუხლებში „კვეთავთ“…არ „მოიღალოთ“ ამ ხალხის ყურებით!!! 4 ოქტომბერს გავერთიანდეთ რუსთაველზე და ქართველი ხალხის გამარჯვება გარდაუვალია!!!ვაჩვენოთ ივანიშვილსაც და „დასაქმებულ“ ოპოზიციასაც, თუ რა შეუძლია ხალხს! დამხობა ივანიშვილს!!!“ – წერს ხაბეიშვილი.

ევროკავშირმა უკრაინას დამოუკიდებლობის დღის წინ 4,05 მილიარდი ევრო გადაურიცხა.ამის შესახებ ნათქვამია ევროკომისიის განცხადებაში, რომელიც 22 აგვისტოს გამოქვეყნდა.„ეს დაფინანსება ხაზს უსვამს ჩვენს ერთგულებას არა მხოლოდ უკრაინის აღდგენის, არამედ მისი მომავლის მიმართ, როგორც სუვერენული და დემოკრატიული ქვეყნისა“, – განაცხადა ევროკომისიის პრეზიდენტმა, ურსულა ფონ დერ ლაიენმა.როგორც უკრაინის პრემიერ-მინისტრმა, იულია სვირიდენკომ აღნიშნა 3,05 მილიარდი ევრო გამოყოფილია პროგრამა Ukraine Facility-ის ფარგლებში უკრაინის აღსადგენად, კიდევ მილიარდი ევრო კი – ERA Loans-ის ინიციატივის ფარგლებში, რომელიც ფინანსდება რუსეთის გაყინული აქტივებიდან მიღებული შემოსავლებით.„ეს მხარდაჭერა აძლიერებს როგორც სახელმწიფო ბიუჯეტს, ასევე აღდგენის პროცესს. მადლობა ევროპელ პარტნიორებს“, – დაწერა უკრაინის პრემიერ-მინისტრმა თავის ტელეგრამარხში.უკრაინის დამოუკიდებლობის დღე 24 აგვისტოს აღინიშნება.

მიხეილ სააკაშვილის დიქტატორული რეჟიმის წინააღმდეგ ბრძოლა 2007 წლის შემოდგომაზე გააქტიურდა. 2 ნოემბრის აქციის ორგანიზებისთვის მთელი საქართველო მოვიარეთ, ყველა რეგიონი, ყველა რაიონი და 150 000 მოქალაქე შევიკრიბეთ რუსთაველის გამზირზე. 5 ნოემბერს, მოთხოვნების არ შესრულების გამო ლიდერებმა შიმშილობა გამოაცხადეს. 7 ნოემბერს, დილით ადრე მოშიმშილეები დაარბიეს, მერე რაც მოხდა ყველამ კარგად იცით. 2007 წლის 7 ნოემბერმა, 2012 წლის 1 ოქტომბერი მოიტანა, ქართველი ხალხის და ბიძინა ივანიშვილის გამარჯვება! ლევან გაჩეჩილაძე ამ პროცესის გამორჩეული ლიდერი იყო, დიდება მის ხსოვნას! არავინ და არაფერია დავიწყებული!

აშშ-ის სახელმწიფო დეპარტამენტი 55 მილიონზე მეტი უცხოელის მოქმედ ვიზას ამოწმებს, რათა დაადგინოს, ხომ არ დაარღვიეს მათ საიმიგრაციო წესები. ინფორმაციას ამის შესახებ სააგენტო Associated Press ავრცელებს.სააგენტოს ცნობით, თუკი დარღვევები გამოვლინდება, ამ პირებს ვიზები გაუუქმდებათ, ხოლო მათი მფლობელები დეპორტირებულნი იქნებიან.უწყების განცხადებით, ვიზის ყველა მფლობელი გადის „მუდმივ შემოწმებას“ მოთხოვნებთან შესაბამისობის დასადგენად.ამ პროცესის ფარგლებში ხდება სამართალდამცავი ორგანოების მონაცემების, საიმიგრაციო ჩანაწერების და ნებისმიერი სხვა ინფორმაციის ანალიზი, რომელიც ვიზის გაცემის შემდეგ გახდა ცნობილი.ვიზის გაუქმების საფუძველი შეიძლება გახდეს დოკუმენტის ვადაგასულობა, დანაშაულებრივი საქმიანობა, საზოგადოებრივი უსაფრთხოებისთვის საფრთხის შექმნა, ასევე ტერორისტულ ორგანიზაციებში მონაწილეობა ან მათი მხარდაჭერა.

27-მა ქვეყანამ, მათ შორის დიდმა ბრიტანეთმა, საფრანგეთმა და გერმანიამ ხელი მოაწერეს განცხადებას, რომელშიც ისრაელს მოუწოდებენ, ღაზაში დაუყოვნებლივ დაუშვან უცხოური მედია.„ჟურნალისტები და მედია მნიშვნელოვან როლს ასრულებენ ომის რეალობის განსაზღვრაში. კონფლიქტის ზონებში წვდომა სასიცოცხლოდ მნიშვნელოვანია ამ როლის ეფექტურად შესასრულებლად. ჩვენ ვეწინააღმდეგებით მედიის თავისუფლების შეზღუდვას. ასევე მკაცრად ვგმობთ ჟურნალისტებისა და მედიის წარმომადგენლების წინააღმდეგ მიმართულ ყველა ძალადობას. მოვუწოდებთ ისრაელის ხელისუფლებას და ყველა სხვა მხარეს, რომ ყველა ღონე იხმარონ იმისთვის, რომ ღაზაში, ისრაელში, დასავლეთ სანაპიროსა და აღმოსავლეთ იერუსალიმში მედიის წარმომადგენლებმა შეძლონ თავიანთი საქმიანობის თავისუფლად და უსაფრთხოდ შესრულება“,- აღნიშნულია ერთობლივ განცხადებაში.ამასთან, განცხადების ხელმომწერი ქვეყნები ცეცხლის შეწყვეტის, ღაზაში დარჩენილი მძევლების გათავისუფლების, ჰუმანიტარული ნაკადის შეუფერხებელი წვდომისა და ორი სახელმწიფოს პრინციპზე დაფუძნებული გადაწყვეტის მოწოდებით გამოდიან.განცხადების ხელმომწერები არიან: ავსტრალია, ავსტრია, ბელგია, ჩილე, დანია, ესტონეთი, ფინეთი, საფრანგეთი, გერმანია, ისლანდია, ირლანდია, იტალია, იაპონია, ლატვია, ლიეტუვა, ლუქსემბურგი, ახალი ზელანდია, ნორვეგია, პორტუგალია, სიერა ლეონე, სლოვაკეთი, სლოვენია, შვედეთი, შვეიცარია, უკრაინა, ნიდერლანდები და დიდი ბრიტანეთი.