ამინდი უარესდება

დღეს მართლმადიდებლები კვირაცხოვლობას, იგივე თომას კვირას აღნიშნავენ.ლოცვა, რომელიც ამ დღეს უნდა წაიკითხოთ:ტროპარიდაბეჭდულით საფლავით ცხოვრებაჲ აღმობრწყინდი, ქრისტე ღმერთო, და კართა ხშულთა მოწაფეთა წარმოუდეგ, ყოველთა აღდგომაჲ, და სული შენი წრფელი მათ მიერ ჩუენ შორის განმიახლენ დიდითა შენითა წყალობითა.კონდაკიგამომეძიებელითა მარჯუენითა გუერდი შენი ცხოველსმყოფელი განიხილა თომა, ქრისტე ღმერთო, შე-რაჲ-ხვედ კართა დახშულთა, და სხუათა მათ თანა მოციქულთა ხმა-ყო: შენ ხარ უფალი ჩემი და ღმერთი, დიდებაჲ და ქებაჲ აღდგომასა შენსა, ყოვლადძლიერო.

ეკვადორის ქალაქ ესმერალდაში 6,3 მაგნიტუდის სიმძლავრის მიწისძვრა მოხდა, რომლის შედეგად 20 ადამიანი დაშავდა. ინფორმაციას BBC ავრცელებს.მიწისძვრის შედეგად დანგრეულია და დაზიანებულია. შენობები, მათ შორის საცხოვრებელი სახლებიცეკვადორის პრეზიდენტმა დანიელ ნობოამ განაცხადა, რომ გააგზავნა პროვინციაში მინისტრები თავშესაფრების საკითხის მოსაგვარებლად და ჰუმანიტარული დახმარების კოორდინაციის უზრუნველსაყოფად.

საფრანგეთის საელჩოს მიერ გაცემული გრანტების საკითხს საქართველოს პარლამენტის თავმჯდომარე შალვა პაპუაშვილი სოციალურ ქსელში გამოეხმაურა.„საფრანგეთის საელჩო ხალხად არ გვთვლის. აქ სულელი არავინ არის, დავიჯეროთ, რომ საელჩო რადიკალური პარტიების წევრებს ფულს უხდის, რათა ტურისტული მარშრუტები დახაზონ - ეჭვი მაქვს, ეს აქციების არაპირდაპირი დაფინანსებაა“, - წერს შალვა პაპუაშვილი.

ყვარელში,  „კანონიერი ქურდის“ ძმის, ბიზნესმენ ლევან ჯანგველაძის მკვლელობაში ბრალდებულის სახლის დაწვა სცადეს. ადგილობრივების ინფორმაციით, ამ დროისათვის დაუდგენელმა პირმა გელა უძილაურის საცხოვრებელ სახლს, სავარაუდოდ, ეგრეთ წოდებული "მოლოტოვის კოქტეილი" ესროლა.აალების შედეგად, სახლის მცირე ნაწილი, დაახლოებით 2-3 კვადრატული ფართობი დაზიანდა. ვინ ისროლა " მოლოტოვის კოქტეილი", ან ვინ იმყოფებოდა იმ დროისათვის საცხოვრებელ სახლში, დეტალები ჯერჯერობით ცნობილი არ არის.ცნობისათვის, ლევან ჯანგველაძის მკვლელობა 14 მარტს ღამით, თბილისში, ილია ჭავჭავაძის გამზირზე მოხდა. გამოძიების ინფორმაციით,ყვარელში მცხოვრებმა გელა უძილაურმა ხალხმრავალ ადგილზე ცეცხლსასროლი იარაღიდან ლევან ჯანგველაძეს და მის მძღოლს, გია ჩადუნელს, რამდენჯერმე ესროლა.მიღებული მრავლობითი დაზიანების შედეგად ჯანგველაძე შემთხვევის ადგილზე გარდაიცვალა, ხოლო ჩადუნელი ცეცხლსასროლი იარაღიდან მიყენებული ჭრილობებით საავადმყოფოში გადაიყვანეს.გელა უძილაურს ბრალი საქართველოს სისხლის სამართლის კოდექსის 109-ე მუხლის „ბ“ და „ლ“ ქვეპუნქტებით და 236-ე მუხლის მესამე და მეოთხე ნაწილებით აქვს წარდგენილი. ბრალის დამტკიცების შემთხვევაში უძილაურს 16-დან 20 წლამდე, ან უვადო თავისუფლების აღკვეთა ემუქრება.