აზერბაიჯანმა ირანიდან დიპლომატიური პერსონალის გამოყვანის გადაწყვეტილება მიიღო

ზოგიერთმა ქვეყანამ დაიწყო მედიაციის მცდელობები, – ამის შესახებ ირანის პრეზიდენტმა, მასუდ ფეზეშქიანმა განაცხადა.ირანის პრეზიდენტის თქმით, თეირანი რეგიონში მდგრადი მშვიდობის მომხრეა, თუმცა უყოყმანოდ დაიცავს ერის ღირსებასა და სუვერენიტეტს.„მედიაციის პროცესი უნდა ეხებოდეს მათ, ვინც ირანელი ხალხი არასაკმარისად შეაფასა და ეს კონფლიქტი გამოიწვია“, – აღნიშნა მასუდ ფეზეშქიანმა.  

გერმანიის კანცლერი ფრიდრიხ მერცი აცხადებს, რომ ახლო აღმოსავლეთში მიმდინარე სამხედრო ესკალაციამ არ უნდა გამოიწვიოს ირანის სახელმწიფოს დანგრევა.მისი თქმით, ამას შესაძლოა, სერიოზული შედეგები მოჰყვეს ევროპაში მიგრაციის თვალსაზრისით.„უსასრულო ომი ჩვენი ინტერესი არ არის. იგივე ეხება ირანის სახელმწიფოებრიობის დაშლას ან ირანის ტერიტორიაზე წარმოებულ მარიონეტულ კონფლიქტებს“, – განაცხადა მერცმა.გერმანიის კანცლერი თქმით, მიუხედავად იმისა, რომ გერმანია იზიარებს აშშ-ისა და ისრაელის მიზანს ირანის ბირთვული და სარაკეტო პროგრამის შეჩერების შესახებ, მნიშვნელოვანია ქვეყნის ფუნქციონირების შენარჩუნება.„ირანელ ხალხს უფლება აქვს, თავად გადაწყვიტოს საკუთარი ბედი“, – აღნიშნა გერმანიის კანცლერმა.

ტრამპის ადმინისტრაციის წარმომადგენლებმა დახურულ ბრიფინგებზე კანონმდებლებს განუცხადეს, რომ აშშ-ის სამიზნე ირანში ის ტერიტორია იყო, სადაც დაწყებითი სკოლა მდებარეობს, - განუცხადა NBC News-ს აშშ-ის ორმა ოფიციალურმა პირმა.აშშ-ის ორმა ოფიციალურმა პირმა განაცხადა, რომ ტრამპის ადმინისტრაციის წარმომადგენლებმა კანონმდებლებს მიაწოდეს ინფორმაცია, რომლის მიხედვითაც, აშშ-მა იცის, რომ სკოლაზე დარტყმა ისრაელელების მიერ არ განხორციელებულა.აშშ-ის ორი ოფიციალური პირის თქმით, ადმინისტრაციის წარმომადგენლებმა კანონმდებლებთან აღიარეს, რომ აშშ ირანის იმ სექტორში ოპერირებდა.ირანის ხელისუფლების ინფორმაციით, ირანის სამხრეთში მდებარე ქალაქ მინაბის შაჯარეჰ თაიებას სახელობის სკოლაში, სულ მცირე, 168 ადამიანი დაიღუპა, თუმცა ზოგიერთმა ირანელმა მაღალჩინოსანმა საჯაროდ განაცხადა, რომ მსხვერპლის რაოდენობა, შესაძლოა, უფრო დიდი იყოს.აშშ-ის ცენტრალურმა სარდლობამ განაცხადა, რომ დარტყმის ფაქტზე გამოძიება გრძელდება. თავდაცვის მდივანმა, პიტ ჰეგსეტმა ოთხშაბათს აღნიშნა, რომ აშშ კვლავ „იძიებს“ მომხდარს და დასძინა: „რა თქმა უნდა, ჩვენი სამიზნე მშვიდობიანი მოსახლეობა არასდროსაა, თუმცა ჩვენ ვსწავლობთ და ვიძიებთ ამ შემთხვევას“.

საქართველოს პარლამენტის დელეგაციამ ამერიკის შეერთებული შტატების კონგრესში შეხვედრები დაასრულა.დელეგაციის წევრები დღეს ხუთ კონგრესმენს შეხვდნენ, რომლებიც ძირითადად საგარეო ურთიერთობათა კომიტეტს წარმოადგენდნენ.როგორც საქართველოს პარლამენტის დელეგაციის ხელმძღვანელმა, ნიკოლოზ სამხარაძემ განაცხადა, შეხვედრებისას საუბრის ძირითად თემას ქართულ-ამერიკული ურთიერთობები, უსაფრთხოების საკითხები, რეგიონში მიმდინარე მოვლენები და შუა დერეფნის განვითარების საკითხი წარმოადგენდა.კონგრესში ბოლო შეხვედრა დელეგაციის წევრებმა კიტ სელფთან გამართეს, რომელიც წარმომადგენელთა პალატის ევროპის ქვეკომიტეტის თავმჯდომარეა. დღის განმავლობაში ასევე შეხვედრები გაიმართა რენდი ფაინთან, მაიკ ტერნერთან, რაიან ცინკესა და ანა პაულინა ლუნასთან.„შეხვედრებისას საუბრის ძირითადი თემა ქართულ-ამერიკული ურთიერთობები, ამ ურთიერთობების გაჯანსაღება და ახალ ეტაპზე გადაყვანა იყო. მიმოვიხილეთ საკითხების ფართო სპექტრი – ძირითადად, უსაფრთხოების საკითხები, ჩვენს რეგიონში მიმდინარე მოვლენები და ოკუპაცია. კონგრესმენებისგან ინფორმაცია მივიღეთ ირანში მიმდინარე მოვლენებზე და მათ შეფასებაზე არსებულ მდგომარეობასთან დაკავშირებით“, – განაცხადა ნიკოლოზ სამხარაძემ.მისი თქმით, კონგრესმენები ასევე დაინტერესდნენ შუა დერეფნის განვითარების საკითხით და საქართველოს როლით შუა დერეფანში.„შეხვედრებისას ძალიან საინტერესო დიალოგი წარიმართა. კონგრესმენებს ვთხოვეთ, ყურადღებით შეისწავლონ ზოგიერთი კონგრესმენის მიერ წარმოდგენილი ის საკანონმდებლო ინიციატივები, რომლებსაც აშკარად ანტიქართული ხასიათი აქვს, რათა ზიანი არ მიადგეს იმ პოზიტიურ დინამიკას, რაც ჩვენს ურთიერთობებში ახლა გამოჩნდა“, – აღნიშნა პარლამენტის საგარეო ურთიერთობათა კომიტეტის თავმჯდომარემ.ინფორმაციას საქართველოს პარლამენტი ავრცელებს.

აშშ-ის პრეზიდენტი დონალდ ტრამპი აცხადებს, რომ ირანში რელიგიური ლიდერის არსებობის წინააღმდეგი არ არის, მთავარია, ახალ ხელმძღვანელობას კარგი ურთიერთობა ჰქონდეს აშშ-თან, ისრაელთან და რეგიონის სხვა ქვეყნებთანროგორც ტრამპმა აღნიშნა, არ ღელავს იმაზე, გახდება თუ არა ირანი დემოკრატიული სახელმწიფო.„ირანი აღარ არის იგივე ქვეყანა, როგორიც ერთი კვირის წინ იყო. ერთი კვირის წინ ისინი ძლიერები იყვნენ, ახლა კი ისინი მართლაც ნეიტრალიზებული არიან“, – განაცხადა დონალდ ტრამპმა „სიენენთან“ სატელეფონო ინტერვიუში.ამასთან, აშშ-ის პრეზიდენტმა იმედი გამოთქვა, რომ მარტივი იქნება ახალი ლიდერის არჩევის პროცესი, რომელშიც თავად აუცილებლად უნდა იყოს ჩართული.„ეს ძალიან მარტივად იმუშავებს. იმუშავებს ისე, როგორც ვენესუელაში. ჩვენ იქ შესანიშნავი ლიდერი გვყავს. ის ფანტასტიკურ საქმეს აკეთებს. ეს იმუშავებს ისევე, როგორც ვენესუელის შემთხვევაში“, – აღნიშნა დონალდ ტრამპმა.მისივე თქმით, ის ღია იყო ირანში რელიგიური ლიდერის არსებობის საკითხში.„რელიგიური ლიდერების წინააღმდეგი არ ვარ. ბევრ რელიგიურ ლიდერთან მაქვს ურთიერთობა და ისინი ფანტასტიკურები არიან. მე ვამბობ, რომ უნდა იყოს ლიდერი, რომელიც სამართლიანი იქნება და კარგ საქმეს გააკეთებს. კარგად მოეპყრობა აშშ-სა და ისრაელს, ასევე ახლო აღმოსავლეთის სხვა ქვეყნებს – ისინი ყველანი ჩვენი პარტნიორები არიან“, – განაცხადა აშშ-ის პრეზიდენტმა.ამასთან, დონალდ ტრამპმა განაცხადა, რომ ახლო აღმოსავლეთის ქვეყნებთან კარგი ურთიერთობა აქვს და აღნიშნა, რომ ისინი ამერიკისთვის იბრძვიან.„მე ძალიან დავმეგობრდი ამ ქვეყნებთან, სწორედ ამიტომ ისინი ჩვენთვის იბრძვიან. ვიდრე მე ჩავერთვებოდი, ჩვენ არც კი გვისაუბრია არაბთა გაერთიანებულ საამიროებთან და საუდის არაბეთთან. იცით, ბაიდენმა და ობამამ საუდის არაბეთი, არაბთა გაერთიანებული საამიროები და კატარი გარიყეს. ისინი ჩინეთისკენ აპირებდნენ წასვლას, მე კი ძალიან მოკლე დროში ჩავერთე და ისინი ჩემი მეგობრები გახდნენ“, – აღნიშნა ტრამპმა.