აზერბაიჯანისა და ირანის საგარეო საქმეთა მინისტრებს შორის სატელეფონო საუბარი შედგა

ისრაელი ლიბანის დედაქალაქ ბეირუთის მოსახლეობას აფრთხილებს, ქალაქის სამხრეთ გარეუბნები, მათ შორის დაჯგუფება „ჰეზბოლას“ მიერ კონტროლირებადი ტერიტორიები დატოვონ.ამასთან, ისრაელის სამხედრო წარმომადგენელმა, ავიჩაი ადრაიმ ქალაქის სამხრეთ გარეუბნების მოსახლეობას მოუწოდა დაუყოვნებლივ აღმოსავლეთით და ჩრდილოეთით გადაადგილდნენ. მისი თქმით, ისრაელი აღნიშნულ ტერიტორიაზე დაჯგუფება „ჰეზბოლას“ ობიექტების დაბომბვას გეგმავს.„გადაარჩინეთ თქვენი სიცოცხლე, დაუყოვნებლივ დატოვეთ თქვენი სახლები“, – დაწერა ისრაელის სამხედრო წარმომადგენელმა, ავიჩაი ადრაიმ, X-ზე და აღნიშნა, რომ სამხრეთისკენ ნებისმიერმა მოძრაობამ შეიძლება საფრთხე შეუქმნას მათ სიცოცხლეს.ამასთან, ლიბანის ჯანდაცვის სამინისტროც ცნობით, ლიბანზე ისრაელის მიერ განხორციელებული დარტყმების შედეგად დაღუპულთა რიცხვი 102-ს შეადგენს. მათივე ინფორმაციით, იერიშების დაწყების შემდეგ სხეულის სხვადასხვა დაზიანება სულ მცირე 638 ადამიანმა მიიღო.

საქართველოს პრემიერ-მინისტრი ირაკლი კობახიძე აზერბაიჯანის რესპუბლიკის პრეზიდენტ ილჰამ ალიევს ტელეფონით ესაუბრა. ინფრომაციას ამის შესახებ საქართველოს მთავრობის ადმინისტრაცია ავრცელებს.ადმინისტრაციის ცნობით, მთავრობის მეთაურმა შეშფოთება გამოთქვა აზერბაიჯანის რესპუბლიკის ნახიჩევანის ავტონომიურ რესპუბლიკაში დრონებით განხორციელებულ შეტევასთან დაკავშირებით.„ირაკლი კობახიძემ ილჰამ ალიევს სოლიდარობა გამოუცხადა და მომხდარის შედეგად დაშავებულ მოქალაქეებს მალე გამოჯანმრთელება უსურვა.მხარეებმა ხაზი გაუსვეს ორ ქვეყანას შორის არსებულ სტრატეგიულ პარტნიორობას, მჭიდრო პოლიტიკურ ურთიერთობებს და რეგიონში მშვიდობის და სტაბილურობის შენარჩუნების განსაკუთრებულ მნიშვნელობას“, – ნათქვამია ადმინისტრაციის გავრცელებულ ინფორმაციაში.

ირანმა ნახიჩევანზე თავდასხმა 4 დრონით განახორციელა, - ამის შესახებ აზერბაიჯანის თავდაცვის სამინისტრომ განაცხადა.აზერბაიჯანის თავდაცვის უწყების განცხადებით, ტექნიკური საშუალებების გამოყენების შედეგად დაადგინეს, რომ ოთხი უპილოტო საფრენი აპარატი აზერბაიჯანის ნახიჩევანის რეგიონის მიმართულებით ირანის ისლამური რესპუბლიკის შეიარაღებული ძალების მიერ იქნა გაშვებული.განცხადებაში აღნიშნულია, რომ ერთი დრონი აზერბაიჯანის შეიარაღებულმა ძალებმა გაანადგურა.უწყება აღნიშნავს, რომ ირანის ისლამური რესპუბლიკის შეიარაღებული ძალების გენერალური შტაბის მტკიცება, რომ პატივს სცემს ყველა ქვეყნის, განსაკუთრებით მუსლიმური და მეზობელი ქვეყნების სუვერენიტეტს და უარყოფს აზერბაიჯანზე უპილოტო საფრენი აპარატების გამოყენებით დღეს განხორციელებულ თავდასხმებს, არანაირად არ შეიძლება ჩაითვალოს მისაღებად."ზემოაღნიშნულის გათვალისწინებით, ჩვენ ველით, რომ ირანის ისლამური რესპუბლიკის შეიარაღებული ძალები შეწყვეტენ აშკარა უარყოფას, ბოდიშს მოიხდიან ინციდენტისთვის და უზრუნველყოფენ, რომ დამნაშავეები დაისაჯონ ირანის შესაბამისი ორგანოების მიერ", - აღნიშნულია ინფორმაციაში.ასევე, აზერბაიჯანული მედიის ცნობით, ქვეყნის საგარეო საქმეთა მინისტრი, ჯეიჰუნ ბაირამოვი ირანელ კოლეგას, აბას არაღჩის ესაუბრა.აბას არაღჩიმ ბაირამოვს განუცხადა, რომ ირანულმა მხარემ ინციდენტის გამოძიება დაიწყო.

პარტიის „გახარია საქართველოსთვის“ წევრის გიგა ფარულავას შეფასებით, ხელისუფლებას არ შესწევს უნარი, აშშ-თან ურთიერთობები გადატვირთოს.მისი თქმით, აშშ-ში საქართველოს საპარლამენტო დელეგაციის ვიზიტთან დაკავშირებით დადებითი მოლოდინი არ აქვს.„მასონებთან უკვე დაალაგეს ურთიერთობა? ნაკლებად გვაქვს იმედი, რომ ამ ვიზიტის ფარგლებში ჩვენს სტრატეგიულ პარტნიორთან პოლიტიკის გადატვირთვას შეძლონ. მძიმე ნაბიჯების გადადგმის შემდეგ ხელისუფლებას არ შესწევს უნარი, არსებული პოლიტიკა გამოასწოროს და გადატვირთოს. ჩვენს ქვეყანას წარმატებებს ვუსურვებ, მაგრამ არ გვაქვს დადებითი მოლოდინი, რომ ისინი, განსაკუთრებით ამ შემადგენლობით, ტრამპის ადმინისტრაციასთან სტრატეგიულ პოლიტიკურ მდგომარეობას გადატვირთავენ. მართლა გგონიათ, რომ ამ შეხვედრებით საქართველოსა და აშშ-ს შორის ურთიერთობების გადატვირთვის შესაძლებლობა რომ ყოფილიყო, კობახიძე ამ შემადგენლობას გაუშვებდა და თავად არ წავიდოდა? ჩვენ ქვეყანას გულწრფელად ვუსურვებთ წარმატებას არა მხოლოდ შტატებთან, არამედ სხვა სტრატეგიულ პარტნიორებთან ურთიერთობების გადატვირთვაში, მაგრამ, სამწუხაროდ, ამის მოლოდინი არ გვაქვს. დღეს ამ პოლიტიკურ გუნდს არ შესწევს უნარი, ტრამპის ადმინისტრაციასთან დაზიანებული პოლიტიკური ვითარება გადატვირთოს. ჯერ არც აქვთ კომპეტენცია, შემდეგ ბოლო წლების განმავლობაში სტრატეგიულ პარტნიორებთან რაც იკადრეს, დღეს ნამდვილად არ აქვთ პოლიტიკური შესაძლებლობა და უნარები, ტრამპის ადმინისტრაციასთან პოლიტიკური ურთიერთობა გადატვირთონ. ნამდვილად გვსურს, შტატებსა და ჩვენს ქვეყანას შორის იყოს ნორმალური, ღირსეული ურთიერთობა, რომელიც სულ რაღაც ხუთი წლის წინ გვქონდა, მაგრამ დღეს ამის ნიშანწყალსაც ვერ ვხედავთ. ალბათ, მიხეილ ყაველაშვილი დღემდე ელოდება წერილს ტრამპის ადმინისტრაციისგან. ღიმილის მომგვრელია, შეხვედრებზე ვისაუბროთ – ხან დერეფანში მისდევენ ადმინისტრაციის წარმომადგენლებს ხელის ჩამოსართმევად, ხან წერილს ელოდებიან, ხან ზარს და შედეგი მაინც არაფერია“, – განაცხადა გიგა ფარულავამ.

ეს კონფლიქტი როდესაც დამთავრდება, და ეს კონფლიქტი მალე დამთავრდება, ამერიკელები აუცილებლად მოიკითხავენ, ვინ რომელ მხარეს იყო და როგორ იქცეოდა ამ პროცესში, – ამის შესახებ საქართველოს თავდაცვის ყოფილმა მინისტრმა, თინა ხიდაშელმა განაცხადა.ჟურნალისტმა ხიდაშელს ჰკითხა „ტვ პირველის“ ეთერში მისავე განცხადებაზე, რომლის მიხედვითაც, თინა ხიდაშელმა განაცხადა: „საქართველოში ფუნქციონირებს ე.წ. უნივერსიტეტი, ტერორისტების სკოლა, რომლის რექტორიც იყო ალი ხამეინის მემკვიდრედ გამოცხადებული ადამიანი“. კითხვაზე, შეიძლება თუ არა, ამ განცხადებას „ქართული ოცნების“ მხრიდან მოჰყვეს სამართლებრივი რეაგირება, ხიდაშელმა აღნიშნა, რომ „არაფერია გამორიცხული“.„რა თქმა უნდა, ვფიქრობ, რომ თუ გადაწყვეტენ, ამას, შეიძლება, მოჰყვეს სამართლებრივი რეაგირება, ნამდვილად ვფიქრობ ასე. ტროტუარზე მდგომებს ასამართლებენ ჩემს ქვეყანაში 2026 წელს, ამიტომ არაფერია გამორიცხული და წარმოუდგენელი მათი მხრიდან. მთავარი და მნიშვნელოვანი ის არის, რომ, საბედნიეროდ, როგორც ჩანს, ჩემმა განცხადებამ ბევრის ნერვულ სისტემას დააბიჯა და იქნებ დაინტერესდნენ, სინამდვილეში რა ხდება. პრობლემა გვაქვს იმ წარმონაქმნთან, რომელიც, ფაქტობრივად, ტერორისტულ ორგანიზაციად არის გამოცხადებული და რომელიც ამზადებდა მთელი ამ წლების განმავლობაში „ირანის გუშაგთა კორპუსის“ ერთგულ კადრებს. დაკავებული იყო რეკრუტირებით, როგორც ეს წერია აშშ-ის მიერ გამოცემული სანქციების დოკუმენტში. მე ვეყრდნობი ამ დოკუმენტს, ვციტირებ ამ დოკუმენტს. იმის გამო, რომ ძალიან კარგად ვადევნებ თვალს და ყურადღებით ვაკვირდები ტრამპის ადმინისტრაციის მოქმედებებს, მაქვს შიში, რომ შესაძლოა, ჩემს ქვეყანას დაემუქროს ამის გამო საფრთხე და პრობლემის წინაშე აღმოჩნდეს, რადგან ეს კონფლიქტი როდესაც დამთავრდება, და ეს კონფლიქტი მალე დამთავრდება, ამერიკელები აუცილებლად მოიკითხავენ, ვინ რომელ მხარეს იყო და როგორ იქცეოდა ამ პროცესში“, – განაცხადა თინა ხიდაშელმა.