“ჰაეროვანი, უნიჭიერესი” – ნანუკა სტამბოლიშვილის სიხარულის ცრემლები და მორიგი საოცარი გამოსვლა “ცეკვავენ ვარსკვლავებში”

ისრაელის თავდაცვის ძალების სპიკერის, ეფი დეფრინის განცხადებით, ისრაელმა ირანის ბირთვული პროგრამა მნიშვნელოვნად დააზიანა.„ირანს ბირთვული იარაღი არ ექნება“, – აღნიშნა ისრაელის თავდაცვის ძალების სპიკერმა.ამასთან, მან უარი თქვა ურანთან დაკავშირებით კომენტარზე.იემენელ „ჰუსიტებთან“ დაკავშირებით დასმულ კითხვაზე პასუხისას ეფი დეფრინმა აღნიშნა, რომ ისრაელი მრავალფრონტიანი ომისთვის ემზადებოდა.„ჩვენ ვივით, როგორ დავიცვათ ისრაელის მშვიდობიანი მოქალაქეები. ჩვენ ვმოქმედებთ, არ ვსაუბრობთ. დავარტყამთ ნებისმიერს, ვინც ისრაელის მშვიდობიან მოსახლეობას საფრთხეს შეუქმნის“, – აღნიშნა ისრაელის თავდაცვის ძალების სპიკერმა.

ირანის ყოფილი შაჰის ვაჟი რეზა ფეჰლევი აცხადებს, რომ მზადაა, გარდამავალ პროცესს უხელმღვანელოს.რეზა ფეჰლევის განცხადებით, როდესაც შესაბამისი მომენტი დადგება, ირანელ ხალხს აჯანყებისკენ მოუწოდებს.ამასთან, მან შეაქო აშშ-ის პრეზიდენტი დონალდ ტრამპი იმის გამო, რომ ირანის ამჟამინდელი ხელისუფლების წინააღმდეგ სამხედრო მოქმედება დაიწყო.„შეგიძლიათ, წარმოიდგინოთ, როგორ გადადის ირანი დევიზიდან „სიკვდილი ამერიკას“, „ღმერთმა დალოცოს ამერიკამდე“? პრეზიდენტი ტრამპი ამერიკას კვლავ დიდებულს ხდის. მე კი ვაპირებ, კვლავ დიდებული გავხადო ირანი“, – განაცხადა რეზა ფელჰევმა კონსერვატიული პოლიტიკური მოქმედების კონფერენციაზე სიტყვით გამოსვლისას, სადაც მას ტაშითა და შეძახილებით საუბარი რამდენჯერმე შეაწყვეტინეს.

საპატრიარქო კანდიდატების გამორჩევა მოხდება წმინდა სინოდის სხდომაზე, სრულიად საქართველოს კათოლიკოს-პატრიარქის გამორჩევა კი მოხდება გაფართოებულ საეკლესიო კრებაზე, – ამის შესახებ საპატრიარქოს საზოგადოებასთან ურთიერთობის სამსახურის თანამშრომელმა, დეკანოზმა დავით ტატანაშვილმა განაცხადა.მისი თქმით, ამ პროცედურებში, ყველა წესის დაცვით, მონაწილეობას მიიღებენ წმინდა სინოდის წევრები.„ამ განსაკუთრებულად მგრძნობიარე პერიოდში საზოგადოებას, და უფრო მეტად მორწმუნე მრევლს, დედაეკლესია მოგვიწოდებს მეტი ერთსულოვნებისკენ, მეტი ურთიერთპატივისცემისკენ. ქართველ ხალხს ეს რომ შეუძლია დადასტურდა უწმინდესის დაკრძალვისას, ქართველმა ხალხმა განსაკუთრებული ერთსულოვნება და განწყობა გამოხატა. დიდი მარხვის პერიოდია და ყველა მორწმუნესთვის ეს არის განსაკუთრებული მოკრძალების და ლოცვითი განწყობის პერიოდი. ამ ყველაფრიდან გამომდინარე, ეკლესია მოუწოდებს მორწმუნეებს, აქცენტები სწორად გააკეთონ და განსაკუთრებული სიმშვიდე გამოიჩინონ“, – განაცხადა დეკანოზმა.მისი თქმით, პატრიარქის გამორჩევასთან დაკავშირებით წმინდა სინოდის კრება, სავარაუდოდ, ილია მეორის გარდაცვალებიდან 40 დღის შემდეგ ჩაინიშნება.„კენჭისყრით სამი კანდიდატი გამოირჩევა. კრიტერიუმებია: არსებობს ასაკობრივი ზღვარი, ასევე გამორჩეულ კანდიდატს უნდა ჰქონდეს უმაღლესი სასულიერო განათლება. ამ სამი კანდიდატიდან უკვე გაფართოებულ საეკლესიო კრებაზე მოხდება სინოდის წევრების მიერ უშუალოდ სრულიად საქართველოს კათოლიკოს-პატრიარქის არჩევა“, – განაცხადა დეკანოზმა დავითმა.კათოლიკოს-პატრიარქის, ილია მეორის ანდერძთან დაკავშირებით დასმული კითხვის საპასუხოდ დეკანოზმა დავითმა თქვა, რომ ცხრა წლის წინ უწმინდესმა და უნეტარესმა მოსაყდრედ მეუფე შიო გამოირჩია.„ეს ბრძანება უწმინდესმა და უნეტარესმა, ილია მეორემ თავისი ხელით ფურცელზე დაწერა და წმინდა გიორგის დღესასწაულზე ამბიონიდან თავად წაიკითხა. მან  ასეთი სიტყვები დასძინა: „წმინდა გიორგიმ ინება, რომ სრულიად საქართველოს კათოლიკოს-პატრიარქს ჰყოლოდა მოსაყდრე“. ამის მიზეზი, როგორც თავად უწმინდესმა და უნეტარესმა ბრძანა, იყო ის, რომ ანდერძთან დაკავშირებით ზედმეტი შეკითხვები და გაუგებრობა არ გაჩენილიყო“, – აღნიშნა დეკანოზმა.

2020 წელს ილია მეორემ, ბარბარობის დღესასწაულზე ქადაგებისას თქვა, რომ დაწერა პატარა ლოცვა, რომელიც მრევლს შეუძლია წაიკითხოს სახლში, სამსახურში და ტაძარში.„მამაო ჩვენო, ღმერთო აბრაამისა ისააკისა და იაკობისა დიდება და მადლობა შენ! უფლისა ჩვენისა იესო ქრისტეს სახელით, მისი მეოხებითა და შუამდგომლობით გევედრებით, გარდამოიხილე ზეცით მოწყალეო, შეგვინდევ შეცოდებანი ჩვენნი, მოგვეც ძალა ბოროტის დათრგუნვისა და სიმართლის გზით სვლისა. მოგვეც ძალა შენი მორჩილებისა. დაგვილოცე ოჯახები, შვილები და შვილიშვილები, ჩვენი ახლობლები, დაგვილოცე საქართველო და მთელი მსოფლიო. შენნი ვართ, გვაცხოვნე ჩვენ. შეგთხოვთ, უფალო, დაამშვიდე ცხოვრება ჩვენი. გვიხსენ ჭირთა და სენთაგან და მრავალფერთა განსაცდელთაგან. შეგთხოვთ, უფალო, არა უგულებელყო ჟამსა მას მეორედ მოსვლისა შენისასა, არამედ გვიხაროდეს ორსავ სოფელსა შინა და მარად გადიდებდეთ შენ, მამასა, ძესა და წმინდასა სულსა. ამინ“.

რუსეთსა და ევროპას შორის ურთიერთობები კრიზისშია, თუმცა ეს მოსკოვის ბრალი არ არის, – ამის შესახებ რუსეთის პრეზიდენტმა, ვლადიმერ პუტინმა განაცხადა.პუტინის თქმით, რუსეთს არასოდეს უთქვამს უარი ევროპულ სახელმწიფოებთან კავშირების აღდგენაზე.„სავსებით გასაგებია, რომ ევროპულ ქვეყნებთან რუსეთის ურთიერთობები კრიზისშია. ეს ჩვენი ბრალი არ არის. უკრაინის მოვლენებზე მითითებები უსაფუძვლოა, ვინაიდან ევროპული კრიზისი როგორც წინა ამერიკული ადმინისტრაციის, ასევე რამდენიმე წამყვანი ევროპული ქვეყნის ბრალია. მათ უკრაინაში სახელმწიფო გადატრიალებას დაუჭირეს მხარი. ამან შემდგომში მოვლენათა ტრაგიკული ჯაჭვი გამოიწვია, რომელიც დღემდე გრძელდება უკრაინაში. მოდით, განვიხილოთ ჩვენი ურთიერთობების ამჟამინდელი მდგომარეობა ევროპულ ქვეყნებთან, მთლიანად ევროკავშირთან. კიდევ ერთხელ მინდა, ხაზი გავუსვა: ჩვენ არასოდეს გვითქვამს უარი ამ ურთიერთობების განვითარებასა და აღდგენაზე“, – განაცხადა პუტინმა უშიშროების საბჭოს სხდომაზე.