ჰააგის საერთაშორისო სასამართლო გმობს დონალდ ტრამპის გადაწყვეტილებას, სანქციები დაუწესოს სასამართლოს თანამშრომლებს

უკრაინელი ჟურნალისტის, დარინა ჩიჟის განცხადებით, ის სამსახურიდან მას შემდეგ გაათავისუფლეს, რაც  პრეზიდენტის ადმინისტრაციის ყოფილი ხელმძღვანელის, დაკავებული ანდრეი ერმაკისთვის გირაოთი განსაზღვრული თანხის ნაწილი გადაიხადა.ჩიჟი ამის შესახებ ის სოციალურ ქსელში წერს, სადაც აქვეყნებს ფოტოებს უმაღლესი ანტიკორუფციული სასამართლოს ანგარიშზე თანხის გადარიცხვის შესახებ, ფოტოზე თანხის ოდენობა დაფარულია.დარინა ჩიჟი  ტელეარხებზე „1+1“-სა და  „СТБ“-ზე მუშაობდა და ასევე იყოს მიხეილ სააკაშვილის ყოფილი პრესმდივანიც.„მე მკაფიოდ ვასხვავებ, სად არის სამართლიანობა და სადაა მისი სახელით შენიღბული ანგარიშსწორება. ამიტომ დღეს შემაქვს გირაო ანდრეი იერმაკისთვის. ეჭვი არ მეპარება, სააკაშვილი თავისუფალი რომ ყოფილიყო, ის ზუსტად ასევე მოიქცეოდა“, – წერს ჩიჟი.ამის შემდეგ კი აქვეყნებს პოსტს სადაც წერს: „ერმაკი ჯერ არ გაუთავისუფლებიათ, მე უკვე – კი“.როგორც Чесно წერს, დარინა ჩიჟი ხელმძღვანელობს ადვოკატთა გაერთიანებას „ბოგომაზოვი და პარტნიორები“ და არის მიხეილ სააკაშვილის პარტიის, „ახალ ძალთა მოძრაობის“ წევრი და საარჩევნო სიაში 35-ე ნომრად ფიგურირებს.ცნობისთვის, 14 მაისს უკრაინის ანტიკორუფციულმა უზენაესმა სასამართლომ ანდრეი ერმაკს 60-დღიანი პატიმრობა შეუფარდა, 140 მილიონი გრივნის ოდენობით გირაოთი გათავისუფლების უფლებით. ერმაკმა განაცხადა, რომ მას ასეთი თანხები არ გააჩნია და აპირებს გაასაჩივროს გადაწყვეტილება.გამოცემის ცნობით, ერმაკის სახელზე 58.8 მილიონი გრივნა იქნა შეტანილი.

17  მაისი - კვირადასავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი.  დასავლეთის  ქარი 10-15მ/წმ. ჰაერის ტემპერატურა: დაბლობში ღამით +7, +12°, დღისით +20, +25°; მთაში ღამით +5, +10°, დღისით  +19, +24°; მაღალმთაში ღამით 0, +5°, დღისით +16, +21°.აღმოსავლეთ საქართველოში - დროგამოშვებით ღრუბლიანობის მომატება. ზოგან  ხანმოკლე წვიმა და ელჭექი, შესაძლებელია სეტყვა. დასავლეთის  ქარი 10-15 მ/წმ, ღამით  ზოგან ძლიერი 17-22 მ/წმ. ჰაერის ტემპერატურა: ბარში ღამით +7, +12°, დღისით +21, +26°;  მთაში ღამით +3, +8°, დღისით +19, +24°; მაღალმთაში ღამით 0, +5°, დღისით +9, +14°,ზოგან +19°-მდე.18 მაისი - ორშაბათიდასავლეთ საქართველოში - დროგამოშვებით ღრუბლიანობის მომატება. ღამით უმეტესად უნალექოდ, დღისით ზოგან ხანმოკლე წვიმა და ელჭექი. დასავლეთის  ქარი 10-15მ/წმ, დღისით ზოგან ძლიერი 17-22 მ/წმ. ჰაერის ტემპერატურა: დაბლობში ღამით +7, +12°, დღისით  +19, +24°; მთაში ღამით +4, +9°, დღისით +19, +24°; მაღალმთაში ღამით 0, +5°, დღისით +16, +21°.აღმოსავლეთ საქართველოში - დროგამოშვებით ღრუბლიანობის მომატება. ზოგან  ხანმოკლე წვიმა და ელჭექი, შესაძლებელია სეტყვა. დასავლეთის  ქარი 10-15 მ/წმ, დღისით  ზოგან ძლიერი 20-25 მ/წმ. ჰაერის ტემპერატურა: ბარში ღამით +7, +12°, დღისით +21, +26°;  მთაში ღამით +2, +7°, დღისით +19, +24°; მაღალმთაში ღამით 0, +5°, დღისით +9, +14°,ზოგან +19°-მდე.

ინდური ხალხური მედიცინის ექსპერტი არინ ხათრი გამომწერებს მნიშვნელოვან რჩევას უზიარებს, რომელიც სუშის მირთმევის დროს დაშვებულ შეცდომას ეხება.„სუში არის ძალიან საშიში საჭმელი, მისი ჭამის დროს შეიძლება პარაზიტები ჩვენს ორგანიზმში მოხვდეს. ამიტომ არსებობს წესები. მინუს 30, 35 გრადუსამდე ინახება ეს უმი თევზები, რომ შემდეგ ადამიანმა ის უკვე მიირთვას. ჩვენ ხშირად ვხედავთ შეფუთულ მდგომარეობაში სუშს მარკეტებში, სადაც რა თქმა უნდა არ არის ის ტემპერატურა რაც ამ პროდუქტის შენახვას სჭირდება. წარმოიდგინეთ, ეს პარაზიტი რომ ადამიანის ორგანიზში მოხვდეს, შემდეგ მისი გარეთ გამოყვანა რთულია. ასე რომ სუშის მოყვარულებო იყავით ფრთხულად“ - ამბობს გავრცელებულ ვიდეოში არუნ ხათრი.

პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხმა, ეროვნულ სასახლეში, პროექტის „მე, ოჯახი, სახელმწიფოს“ ფარგლებში გამართული ოჯახის სიწმინდის დღისადმი მიძღვნილ ღონისძიებაში  მონაწილეობა მიიღო.მარიამ ლაშხმა შეკრებილ საზოგადოებას სიტყვით მიმართა და აღნიშნა, რომ ოჯახის სიწმინდის დღესთან დაკავშირებით ღონისძიების გამართვა განსაკუთრებული მნიშვნელობის მატარებელია.„ჩვენ ერთად ვაძლიერებთ  საქართველოს იმ მთავარ საფუძველს, რასაც ოჯახი ჰქვია. ოჯახი ნამდვილად ჩვენი ქვეყნის საძირკველი და იმის გარანტიაა, რომ ჩვენი ქვეყანა გადარჩება“, - აღნიშნა კომიტეტის თავმჯდომარემ.მისი თქმით, მნიშვნელოვანია, რომ მსგავს პროექტებში ახალგაზრდები აქტიურად მონაწილეობენ და აღნიშნულ თემებზე ახალ ინიციატივებს ქმნიან.როგორც მარიამ ლაშხმა აღნიშნა, პარლამენტის განათლების, მეცნიერებისა და ახალგაზრდულ საქმეთა კომიტეტმა ჯანმრთელობის დაცვისა და სოციალურ საკითხთა კომიტეტთან ერთად  სპეციალური სამუშაო ჯგუფი შექმნა, რომელიც დემოგრაფიულ გამოწვევებზე და ოჯახის გაძლიერების საკითხებზე მუშაობს.„სულ მალე წარვადგენთ  პირველად რეკომენდაციებს, რომლებიც მიმართული იქნება ოჯახის ხელშეწყობისკენ, ასევე სახელმწიფო პროგრამების გადახალისებისა და გაუმჯობესებისკენ.  ჩვენს ქვეყანას უნდა ჰყავდეს ძლიერი ახალგაზრდობა, ძლიერი ოჯახები და მნიშვნელოვანია, რომ ამ კუთხით სისტემური პოლიტიკა არსებობდეს“, - განაცხადა კომიტეტის თავმჯდომარემ.მარიამ ლაშხმა პროექტის მონაწილე უმაღლესი სასწავლებლებისა და დიასპორის წარმომადგენელებს მადლობის სიგელები გადასცა.

აქციების დროს დაკავებულების ოჯახის წევრები 26 მაისს, ოპოზიციის მიერ დაანონსებულ აქციას შეუერთდებიან.აღნიშნულის თაობაზე მათ პარლამენტთან ერთობლივი განცხადება გააკეთეს.როგორც ისინი აღნიშნავენ, მნიშვნელოვანია 26 მაისს იდგნენ იქ, სადაც პატიმრობაში მყოფი პირები იდგებოდნენ.„მთელმა მსოფლიომ იცის, რომ რეჟიმის ტყვეები საქართველოს ღირსების დაცვისთვის და საქართველოსსიყვარულისთვის უკანონო ტყვეობაში იმყოფებიან. ბუნებრივია, ჩვენთვის მნიშვნელოვანია ვაკეთოთ ის, რასაც ეს უღირსეულესი ადამიანები გააკეთებდნენ. 26 მაისს ვუერთდებით ეროვნულ დღესასწაულს. 26 მაისი საქართველოს დამოუკიდებლობის დღეა და უმნიშვნელოვანესია ვიყოთ იქ, სადაც იდგებოდა ნებისმიერი ბიჭი და გოგო, ვინც ახლა იმყოფება უკანონო ტყვეობაში“,- განაცხადა ნიკა კაციამ.