ჯეილო საქართველოდან – ნუცა ბუზალაძის ახალი სახელი ამერიკაში უკვე მილიონობით მოქალაქემ იცის

„როცა ჩქარობ, ე.ი. დრო ცოტა გაქვს. ეჩქარება ოპოზიციას და მათ პატრონებს, ე.ი. სწორედ მათ ეწურებათ დრო. ამიტომ ჩვენც ცოტა მოთმინებაღა გვინდა და ყველაფერი უკეთ იქნება“, - ამის შესახებ დეპუტატი დიმიტრი ხუნდაძე სოციალურ ქსელში წერს. მისი თქმით, რადიკალური ოპოზიციის წარმომადგენლები, დღეს, მოგონილი "რუსეთუმეობით" და "მოსასხამად ქცეული ევროპელობით" ქვეყანას არყევენ. „სამწუხაროა, მაგრამ ეს "ხალხი", ქვეყნის შიგნიდან და გარედან, აქაურებიც და იქაურებიც, გეოპოლიტიკურ ბრძოლაში არიან ჩართულნი და ცდილობენ დაამარცხონ საქართველო და აქ მცხოვრები ყველა მხარე. შუა დერეფნის გაკონტროლებისთვის მიდის ბრძოლა და ქართველების და ჩვენი ევროპელობის  დარდი არავის აქვს. როგორც უკრაინაში უკრაინელებს აბრძოლებენ "დიდი ინტერესებისთვის", ასევე, სურთ საქართველო და ქართველები გამოიყენონ  სარგებლის მისაღებად. დღეს, მოგონილი "რუსეთუმეობით" და "მოსასხამად ქცეული ევროპელობით" ქვეყანას არყევენ, ფსევდოევროპელები ბოლშევიკებს უფრო დაემსგავსნენ, ვიდრე ჭეშმარიტი ევროპული გზის დამცველებს. საწინააღმდეგო აზრის მიუღებლობა, მის სრულ, ფიზიკურ განადგურებამდე, ბოლშევიკურია და არაფერი აქვს საერთო ევროპულთან. არც უმცირესობის დომინანტად ქცევაა დასავლური სტანდარტი. ეს დიდხანს ვერ გასტანს და ამიტომ ჩქარობენ. ჩქარობენ იმიტომ, რომ დრო ეწურებათ. საქართველო უპირველეს ყოვლისა!“, - წერს დიმიტრი ხუნდაძე.

"კახელებს (ასევე მეგრელებს, გურულებს, იმერლებს, აჭარლებს, ქართლელებს,…) ვერ ვუერთდები, ვერც ხორუმში ჩავერთე, ვერც ვიმღერე თქვენთან ერთად... თუმცა, იქ ვარ, სადაც ხართ, იქ ვიქნები, სადაც ვიდგებით და გამარჯვების ქალაქი იქნება თბილისი, გამარჯვებული კი საქართველო!"- წერს Facebook-ის პირად გვერდზე საქართველოს პრეზიდენტი, სალომე ზურაბიშვილი.

ისეთი შთაბეჭდილება იქმნება, რომ სალომე ზურაბიშვილს რადიკალური პროცესების განვითარების სცენარის მიხედვით, დაევალა, იქცეს გარკვეულ მსხვერპლად და ისეთი პოზიცია დაიკავოს, ისეთი განცხადებები გააკეთოს, რომელიც პირდაპირ გულისხმობს სისხლის სამართლის პასუხისგებას, – ამის შესახებ უმრავლესობის წევრმა, გია ვოლსკიმ განაცხადა. „გუშინ ამ საკითხთან დაკავშირებით, როგორც პრემიერი ამბობს, ჩანს, რომ ჰქონდა გარკვეული კონსულტაციები და მრჩევლებმაც ალბათ უთხრეს, რომ ეს რეალობაა და ამ რეალობას გაუსწორა თვალი. არ ვიცი, დღეს რას იტყვის, მაგრამ ყველა შემთხვევაში მის მიერ გამოხატული მზაობა იმისა, რომ ელაპარაკოს „ქართული ოცნების“ წარმომადგენლებს და განცხადება „ნაციონალური მოძრაობის“ მხრიდან, რომ ჩერჩეტობაა ეს ყველაფერი და ბოლომდე უნდა დაინგრეს სახელმწიფო, მერე ჩატარდეს რიგგარეშე არჩევნები, ვფიქრობ, რომ უნისონშია. სალომე ზურაბიშვილი უნდა წარმოჩნდეს, როგორც მშვიდობის მტრედი. რადგან როდესაც ის კანონს დაუპირისპირდება, ჩამოყალიბდება ფიგურა ადამიანისა, რომელიც ითხოვდა გარკვეული პროცესების, პოზიტიური პროცესების განვითარებას, მაგრამ მას სისხლის სამართლის პასუხისმგებლობა დაეკისრა რაღაც რეალურ გადაცდომებზე და დანაშაულებზე. ანუ საზოგადოებაში უნდა შეიქმნას აღქმა, რომ არსებობს სამართალი, მაგრამ ეს სამართალი აბსოლუტურად ცალკეა იმისაგან, რასაც სალომე ზურაბიშვილი გააჟღერებს“,- განაცხადა ვოლსკიმ, მისივე თქმით, სალომე ზურაბიშვილი უნდა დაფიქრდეს, „ამ სცენარის მიხედვით მსხვერპლის როლში ხომ არ არის“. „ვფიქრობ, ამასთან დაკავშირებით ჩვენ დაფიქრება გვმართებს და არა მარტო ჩვენ, არამედ საზოგადოებას, ვისაც ნეიტრალური პოზიცია აქვს, ან ქუჩებშია გამოსული. თავად სალომე ზურაბიშვილს 100-ჯერ მართებს დაფიქრება, ხომ არ არის იგი ამ სცენარის მიხედვით მსხვერპლი, მისი როლი ჩამოყალიბებული როგორც მსხვერპლის როლი. აუცილებლად შეფასდება ეს როგორც სისხლის სამართლის კოდექსის დარღვევა, ეს თვითონ კარგად იცის. კონსტიტუციის დარღვევის ეს ფორმა, რასაკვირველია, განაპირობებს მის მიმართ გარკვეული სამართლებრივი ზომების გატარების აუცილებლობას, რდგან ეს პირდაპირ უპირისპირდება სახელმწიფო სტაბილურობას და ზოგადად სახელმწიფოში უკონტროლო დანაშაულებრივი პროცესების განვითარების წინაპირობების შექმნას. ამდენი ხანი ამ დესტრუქციული სცენარის მიხედვით მოქმედებდა, რომელსაც ქმნიდა თუნდაც ეს „მაკკეინის ინსტიტუტი“ და ამას აჟღერებდა. ეს არ არის უბრალო ორგანიზაცია და რასაკვირველია, მიჰყვებოდა ნაბიჯ-ნაბიჯ ამ სცენას. მივიდნენ იმ კულმინაციურ წერტილამდე, როდესაც სალომე ზურაბიშვილი უნდა იქცეს ან დამნაშავედ, სხვა ალტერნატიული აზრი არ არსებობს, ან რასაკვირველია, უნდა მოძებნოს გზა, როგორმე, თავი დააღწიოს აი ამ როლისაგან, რომელიც მას მიანიჭეს. ისევე როგორც სააკაშვილს ჰქონდა თავის დროზე როლი მიცემული იმისა, რომ უნდა ყოფილიყო მომაკვდავი დემოკრატიის შუქურა, რომელიც იჩაგრება საქართველოში. ვფიქრობ თვითონ დროულად მიხვდა ამას და თავი გადაირჩინა“,- განაცხადა საპარლამენტო უმრავლესობის წარმომადგენელმა, გია ვოლსკიმ.

22 დეკემბერს „მოულოდნელი სიხარულის" ხატის დღესასწაულია. საოცარია ხატის ისტორია. ეს ხატი იმყოფებოდა ერთი ცოდვილი ავაზაკის სახლში; ის არ ღალატობდა ჩვეულებას და ყოვლდღიურად მის წინაშე მთავარანგელოზის სიტყვებით ლოცულობდა: "გიხაროდენ, სახარულევანო". ერთხელ საშინელი უსჯულოების ჩასადენად რომ მიდიოდა, ღვთისმშობლის ხატისკენ მიბრუნდა, რათა წასვლამდე მის წინაშე ელოცა და თავზარი დაეცა. მან დაინახა, რომ ხატი ადგილზე იძვროდა. ღვთისმშობელი და მის ხელში ყრმა გაცოცხლებულიყვნენ: ყრმა ღმერთს ხელებზე, ფეხებზე და ფერდზე ჭრილობები გახსნოდა და სისხლი ნაკადულად ჩამოსდიოდა, - ისევე, როგორც ჯვარზე ვნებისას. როდესაც ამ კაცმა ყოველივე ეს იხილა, შიშით შეჰღაღადა: "ჰოი, დედოფალო, ვინ ჩაიდინა ეს?" ღვთისმშობელმა უპასუხა: "შენ და სხვა ცოდვილები, ვითარცა იუდეველები, ჯვარს აცვამთ ძეს ჩემსას". "შემიწყალე მე, დედაო მოწყალეო!" - აღმოხდა ცოდვილს. ღვთისმშობელმა უპასუხა: "მოწყალე დედას მიწოდებ მე და მწუხარებით კი აღმავსებ". მაშინ უბედურმა უთხრა: "არა, დედოფალო, ნუ გარდაემატება ცოდვა ჩემი გულმოწყალებასა შენსა, რამეთუ შენ ხარ სასო ყოველთა ცოდვილთა, ევედრე ძესა შენსა და მამასა ჩემსა". მაშინ უფროსად კურთხეულმა დედამ ღვთის წინაშე აღავლინა ლოცვა: "ძეო და ღმერთო ჩემო, ჩემდა მომართ სიყვარულითა შეიწყალე ცოდვილი ესე და შეუნდე ყოველივე ბოროტნი საქმენი მისნი". ხილვა ამგვარად დამთავრდა. ღვთაებრივმა ხმამ ცოდვილს სინანული აღუძრა და მას მოულოდნელი სიხარული მიენიჭა ღვთისმშობლის ხატისაგან, რომელმაც იგი დაღუპვისაგან იხსნა.

რა სცენარიც ვითარდება ამ ერთი თვის  და ბოლო დღეების განმავლობაში, ის პირდაპირ იყო ასახული პრაქტიკულად „მაკკეინის ინსტიტუტის“ ანგარიშში, –  ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა. პრემიერის თქმით, ეს არის ის სცენარი, რომელიც დაწერილია ქვეყნის გარეთ. „ჩვენი გუნდის წარმომადგენლები სიტყვა სიტყვით საუბრობდნენ იმაზე, თუ რა მოხდებოდა არჩევნების შემდეგ ჩვენს ქვეყანაში და ყველაფერი ახდა ზუსტად ისე, როგორც ამაზე გუნდის წევრები საუბრობდნენ. თქვენ შეგიძლიათ ამოიღოთ კონკრეტული განცხადებები, რასაც აკეთებდნენ ჩვენი გუნდის წევრები, ჩვენი გუნდის ლიდერები, რასაც ველოდით საპარლამენტო არჩევნების შემდეგ, ზუსტად იგივე ხდება, მათ შორის იმის ჩათვლით, რომ სალომე ზურაბიშვილი არ შეეგუებოდა თანამდებობის დატოვებას და ა.შ. ის შემოიკრებდა ამ თემის გარშემო რადიკალურ ოპოზიციას. ეს არის ის სცენარი, რომელიც დაწერილია ქვეყნის გარეთ. ეს ადამიანები არიან უბრალოდ უცხოელი აგენტები, რაც დაუწერეს „მაკკეინის ინსტიტუტის“ პატრონებმა ამ ადამიანებს, უცხოელ აგენტებს საქართველოში, ზუსტად იმ სცენარს მიყვებიან. აქედანაც ჩანს კიდევ ერთხელ ის, რომ რადიკალურ ოპოზიციას აქვს ნულოვანი დამოუკიდებლობა. ისინი არიან ჩვეულებრივად უცხოელი აგენტები და აკეთებენ არა იმას, რაც შედის ჩვენი ქვეყნის ინტერესებში, არამედ იმას, რასაც ავალებენ უცხოელი პატრონები“, –  განაცხადა პრემიერ-მინისტრმა.