ჩრდილოატლანტიკურ ალიანსში განაცხადეს, რომ ნატო არ არის უკრაინაში კონფლიქტის მხარე და არ გახდება კონფლიქტის მხარე. ინფორმაციას ამის შესახებ გამოცემა Europa Press-ი ავრცელებს.
„ნატოს ეკისრება პასუხისმგებლობა, თავიდან აიცილოს რუსეთის ომის შემდგომი ესკალაცია. ნატო არ არის კონფლიქტის მხარე და არ გახდება კონფლიქტის მხარე“, – განუცხადა ნატოს ოფიციალურმა წარმომადგენელმა გამოცემა Europa Press-ს.
ნატოს წარმომადგენელმა აღიარა ალიანსის თითოეული წევრის უფლება დაიცვას თავისი საჰაერო სივრცე, მაგრამ გააფრთხილა, რომ ცალკეული სახელმწიფოების ქმედებებმა უკრაინის მხარდასაჭერად „შეიძლება ასევე გავლენა მოახდინოს ნატოზე“.
„ამიტომ მოკავშირეებმა უნდა გააგრძელონ მჭიდრო კონსულტაციები“, – დასძინა სპიკერმა.
პოლონეთის საგარეო საქმეთა მინისტრმა, რადოსლავ სიკორსკიმ განაცხადა, რომ პოლონეთსა და უკრაინის მოსაზღვრე სხვა ქვეყნებს აქვთ „ვალდებულება“ ჩამოაგდონ რუსული რაკეტები მათ საჰაერო სივრცეში შესვლამდე.