„ჩემზე მეტად ახლა გული არავის სტკივა…“ – ილია სულამანიძის პირველი კომენტარი დასანანი მარცხის შემდეგ

დიდი ბრიტანეთი, ნიდერლანდები, ფინეთი და პოლონეთი თავდაცვის დაფინანსების ახალ მექანიზმს შექმნიან, რომლის მიზანიც მოკავშირეთა თავდაცვისუნარიანობის გაძლიერება და სამხედრო ხარჯების ეფექტიანობის გაზრდაა. ამის შესახებ ქვეყნებმა ერთობლივი განცხადება გამოაქვეყნეს.ქვეყნებმა დაადასტურეს მზადყოფნა, გააღრმავონ თანამშრომლობა თავდაცვის დაფინანსებისა და ერთობლივი შესყიდვების სფეროში. ლიდერების განცხადებით, პარტნიორები ერთად მუშაობენ მომავალ საფრთხეებზე რეაგირებისთვის და კვლავ ერთგულნი რჩებიან უკრაინის მხარდაჭერისა, რომელიც საკუთარ სუვერენიტეტს იცავს.თავდაცვის დაფინანსების ახალი მექანიზმი ითვალისწინებს ინვესტიციების ზრდას, ერთობლივი შესყიდვების განვითარებასა და კრიტიკულად მნიშვნელოვან სამხედრო შესაძლებლობებზე სტაბილური მოთხოვნის ფორმირებას. ახალი სისტემის ამოქმედებას მხარეები 2027 წლისთვის გეგმავენ.ამასთანავე, ინიციატორები აცხადებენ, რომ სურთ მონაწილეთა წრის გაფართოება და ახალი მექანიზმის შეთანხმება ნატო-ს ფარგლებში არსებულ სხვა თავდაცვით პროექტებთან.

ბოკერია და ბურჯანაძე რომ გეყოლება გვერდით, შეცდომა არ არის, აბა რა არის?! უშიშროების საბჭოს მდივნად ჰყავდა ბოკერია. ამაზე დიდი შეცდომა რა გინდა? - ამის შესახებ ოპოზიციონერმა პოლიტიკოსმა, თაკო ჩარკვიანმა,  პოდკასტში „მძიმე წერტილი“  მიხეილ სააკაშვილზე საუბრისას  განაცხადა.ჩარკვიანის განცხადებით უშიშროების საბჭოს მდივნის მოვალეობა იყო ყველა ჩაკეტილი სივრცეებიდან, მათ შორის ციხეებიდან, ინფორმაცია მიეტანა პრეზიდენტ სააკაშვილისთვის, რასაც ის არ აკეთებდა.„უშიშროების საბჭოს მდივანმა უნდა მიუტანოს  ყველა დაკეტილი სივრცის ამბავი, ნახეთ თქვენ იმიტომ ამბობთ, რომ სააკაშვილს ამართლებთ, არა, არავითარ შემთხვევაში, მე ობიექტურ , რეალურ, პოლიტიკაზე გესაუბრებით. პენიტენციური სისტემა ძალიან ჩაკეტილი სივრცეა, იქ თუ ვიღაცა მაღალჩინოსანი გარედან შეკრულია  ციხის მაღალჩინოსანთან, ძალიან რთულია ციხიდან ამბების მაღალთანამდებობრივ დონეზე გამოტანა.“- განაცხადა თაკო ჩარკვიანმა.ჟურნალისტის დამაზუსტებელ კითხვაზე გულისხმობდა თუ  არა ჩარკვიანი ციხის კადრებს, მან დაუდასტურა, რომ გავრცელებულ ციხის კადრებზე საუბრობდა, რომელზეც ფიქრობს, რომ  დადგმულია.„რა თქმა უნდა,  უშიშროების მდივანი ჰყავდა ბოკერია, კითხვას ვსვამ, რომ ასეთი უბედურებები, იცით მე შორს ვარ იმ აზრისგან, რომ დადგმული იყო, რა თქმა უნდა, იყო დადგმული,  ,“- განაცხადა თაკო ჩარკვიანმა.ჟურნალისტის კითხვაზე ბოკერიამ გამოიტანა თუ არა ციხის კადრები, ჩარკვიანმა განაცხადა, რომ ის მას ვერ დააბრალებს კადრების გამოტანას, მაგრამ აღნიშნავს, რომ ბოკერია იყო ის პირი, რომელსაც არ მიჰქონდა ამბები პირველ პირამდე.„არა მე ამის თქმა არ მინდა, როდესაც არ ვიცი ვერ დავაბრალებ, მე ვამბობ, რომ ბოკერია იყო ის ადამიანი, ვისაც არ მიჰქონდა ამბები პირველ პირამდე. ხომ არ შეიძლება პროკურატურის 60 000 ქეისი იცოდეს  ერთმა პრეზიდენტმა?“- განაცხადა თაკო ჩარკვიანმა.

საქართველოს პარლამენტის თავმჯდომარე შალვა პაპუაშვილი ოფიციალური ვიზიტით სერბეთის დედაქალაქ ბელგრადში გაემგზავრა.ვიზიტის ფარგლებში, პარლამენტის თავმჯდომარე მონაწილეობას მიიღებს ევროკავშირის წევრობის კანდიდატი ქვეყნების პარლამენტების თავმჯდომარეთა პირველ (სადამფუძნებლო) კონფერენციაში, რომელიც სერბეთისა და უკრაინის პარლამენტის თავმჯდომარეების ინიციატივით იმართება.საქართველოს პარლამენტის ინფორმაციით, კონფერენციის მიზანია პარლამენტის თავმჯდომარეთა რეგულარული და ქმედითი ფორმატის ჩამოყალიბება, რომელიც კანდიდატ ქვეყნებს შორის საპარლამენტო დიალოგის გაღრმავებას, ინფორმაციის გაცვლას, პოზიციების კოორდინაციასა და ევროკავშირში ინტეგრაციის პროცესში ურთიერთმხარდაჭერას ითვალისწინებს.კონფერენციის ფარგლებში, შალვა პაპუაშვილი მონაწილეებს სიტყვით მიმართავს და სამუშაო სესიებში მიიღებს მონაწილეობას.კონფერენციის დასასრულს, მონაწილეები ერთობლივ განცხადებას მიიღებენ.

რუსეთის თავდაცვის სამინისტრომ უკრაინაში ომის მეხუთე წელს პირველად მოამზადა კანონპროექტი, რომლის მიხედვითაც დაავადებების, ჭრილობებისა და სხვა დაზიანების მქონე სამხედროების ფრონტზე დაბრუნება სავალდებულო სამედიცინო შემოწმების გარეშე იქნება შესაძლებელი. ამის შესახებ „ბიბისის“ რუსული სამსახური წერს.მედიის ცნობით, მსგავსი პრაქტიკა რუსეთში დიდი ხანია, არსებობს და ყველაზე მკაცრი წესები ყოფილი პატიმრებისთვის მოქმედებს.კანონპროექტის თანახმად, სავალდებულო სამედიცინო შემოწმების უფლება ექნებათ როგორც კონტრაქტით მომსახურე სამხედროებს, ისე მობილიზებულ პირებს, თუმცა მხოლოდ იმ შემთხვევაში, თუ მათ ისეთი დაავადებები ან დაზიანებები აღენიშნებათ, რომლებიც სამხედრო სამსახურიდან ვადამდე გათავისუფლების საფუძვლად არის განსაზღვრული.თავდაცვის სამინისტროს გეგმით, ამ დაავადებებისა და დაზიანებების არსებობას არა სპეციალისტთა კომისია, არამედ წინასწარი სამედიცინო შემოწმება დაადგენს, რომლის ჩატარების წესსაც თავად სამხედრო უწყება შეიმუშავებს.წინასწარი შემოწმების შედეგების მიხედვით, სამხედროს ან სამედიცინო დაწესებულებაში გაგზავნიან სრულფასოვანი შეფასებისთვის, ან პირდაპირ ფრონტის ხაზზე დააბრუნებენ.

საქართველოში დემოკრატიის ჩამოშლა რუსეთისთვის, „ჩინეთის კომუნისტური პარტიისა“ და ირანისთვის შესაძლებლობებს ქმნის, - ამის შესახებ ამერიკელმა კონგრესმენმა ჯო უილსონმა ჰააგაში, ეუთო-ს საპარლამენტო ასამბლეის დემოკრატიის, ადამიანის უფლებებისა და ჰუმანიტარული საკითხების კომიტეტში სიტყვით გამოსვლისას განაცხადა.„სამწუხაროდ, საქართველოში ადგილი აქვს სასამართლო დამოუკიდებლობის სწრაფ ჩამოშლას, სამოქალაქო საზოგადოებაზე ზეწოლის გაძლიერებას და სახელმწიფო ძალაუფლების ბოროტად გამოყენებას. ეს ყველაფერი ტოტალიტარული კურსისკენ შემობრუნების ნიშნებია. ოლიგარქი ივანიშვილი ომის დამნაშავე პუტინის ინტერესებს ემსახურება. დემოკრატიის ჩამოშლა რუსეთისთვის, „ჩინეთის კომუნისტური პარტიისა“ და ირანისთვის შესაძლებლობებს ქმნის. ეს საფრთხეს უქმნის ტრანსატლანტიკურ უსაფრთხოებას და საფრთხის ქვეშ აყენებს საქართველოს სუვერენიტეტს“, - განაცხადა ჯო უილსონმა.მისი თქმით, „მედიის შეზღუდვა, პოლიტიკური კონკურენციისა და მშვიდობიანი პროტესტის ჩახშობა პირდაპირ ეწინააღმდეგება ქართველი ხალხის მისწრაფებებს, რომელთა უმრავლესობაც აშშ-სთან და ევროპასთან უფრო ღრმა პარტნიორობა სურს“.„ინსტიტუტების დასუსტება საფრთხეს უქმნის საქართველოს საიმედოობას შუა დერეფნის თვალსაზრისით და ძირს უთხრის ანაკლიის ღრმაწყლოვან პორტის პროგრესს. ასევე, რუსეთის მიერ ოკუპირებული ცხინვალის რეგიონის დაჩქარებული ინტეგრაცია მისი ხანგრძლივი უკანონო ოკუპაციის მნიშვნელოვან ესკალაციას წარმოადგენს. მოსკოვი კიდევ უფრო უთხრის ძირს საქართველოს სუვერენიტეტსა და ტერიტორიულ მთლიანობას. რეგიონული სტაბილურობის დასაცავად და დემოკრატიული სტანდარტების შესანარჩუნებლად, ეუთო-ს საპარლამენტო ასამბლეამ უნდა მოითხოვოს პოლიტიკური ნიშნით დაკავებულების გათავისუფლება, შემზღუდავი კანონების გაუქმება და სამართლიანი და თავისუფალი არჩევნების ჩატარება, ასევე, არ აღიაროს ნებისმიერი შედეგი, რომელიც ამ კრიტერიუმებს არ დააკმაყოფილებს“, - აღნიშნა კონგრესმენმა.