შუშის ჩამოვარდნის შედეგად დაშავებული ერთი ბავშვი გარდაიცვალა

გაერო-ში ირანის მისია აშშ-ის პრეზიდენტის, დონალდ ტრამპის განცხადებას პასუხობს, რომლის მიხედვითაც, აშშ-ის არმადა ირანისკენ მიემართება.მისიაში აცხადებენ, რომ აშშ-ს ახლო აღმოსავლეთის ქვეყნებში შეჭრა ძვირი დაუჯდა და შტატებს დიალოგისკენ მოუწოდებენ.„ბოლოს, როდესაც აშშ-მა ავღანეთსა და ერაყში ომების დაწყებით შეცდომა დაუშვა, მან შვიდ ტრილიონ დოლარზე მეტი გაფლანგა და 7000-ზე მეტი ამერიკელის სიცოცხლე დაკარგა. ირანი მზადაა ურთიერთპატივისცემისა და ინტერესების საფუძველზე დიალოგისთვის, მაგრამ თუ იძულება იქნება, ის თავს დაიცავს და ისე უპასუხებს, როგორც არასდროს!“ – ნათქვამია განცხადებაში.ცნობისთვის, აშშ-ის პრეზიდენტმა, დონალდ ტრამპმა იმედი გამოთქვა, რომ ირანი სწრაფად „მივა მოლაპარაკების მაგიდასთან“ და სამართლიან და თანასწორ შეთანხმებას გააფორმებს, რისი დროც იწურება.„უზარმაზარი არმადა ირანისკენ მიემართება. ის მოძრაობს სწრაფად, უდიდესი ძალით, ენთუზიაზმითა და მიზანდასახულად. ესაა უფრო მსხვილი ფლოტი, ვიდრე ის, რაც ვენესუელისკენ გაიგზავნა, უდიდესი ავიამზიდ „აბრაამ ლინკოლნით“ სათავეში“, – დაწერა მან სოციალურ ქსელში.

საქართველოს ტექნიკური უნივერსიტეტის მეცნიერ-ინჟინერთა ჯგუფი ტოკაიში, წყნარი ოკეანის სანაპიროზე, იაპონიის პროტონების ამაჩქარებლის კვლევით კომპლექსში (J-PARC - Japan Proton Accelerator Research Complex) მიმდინარე გლობალური COMET ექსპერიმენტის ახალ მიღწევებზე იშვიათი ელექტრონების მაძიებელ ცნობილ მკვლევრებთან კოლაბორაციაში მუშაობას აგრძელებს და სამეცნიერო ექსპერიმენტისთვის უნიკალურ ტრეკულ დეტექტორებს ქმნის.ინფორმაციას საქართველოს ტექნიკური უნივერსიტეტი ავრცელებს.როგორც სტუ-ში აღნიშნავენ, J-PARC-ის მაღალტექნოლოგიურ სივრცეში, COMET ექსპერიმენტის ფარგლებში, ელემენტარულ ნაწილაკებთან დაკავშირებული იშვიათი და უნიკალური მოვლენების ძიება-დამზერა მიმდინარეობს. აღნიშნულ პროცესში აქტიურად არის ჩართული საქართველოს ტექნიკური უნივერსიტეტის კვანტური ფიზიკისა და საინჟინრო ტექნოლოგიების ინსტიტუტის მეცნიერთა და ინჟინერთა ჯგუფი, რომელსაც დეტექტორების მშენებლობაში თავისი სოლიდური წვლილი შეაქვს.საქართველოს ტექნიკური უნივერსიტეტის რექტორის, აკადემიკოს დავით გურგენიძის განცხადებით, COMET ექსპერიმენტის უმთავრესი მისია მიუონის ელექტრონად გარდაქმნაზე დაკვირვებით ფიზიკის კანონების გადამოწმებაა. რექტორის თქმით, ამ ურთულესი სამეცნიერო მომენტის დასაფიქსირებლად მეცნიერებს განსაკუთრებული მგრძნობელობის ტრეკული დეტექტორი ესაჭიროებათ.„სწორედ აქ ერთვება საქართველოს ტექნიკური უნივერსიტეტის კვანტური ფიზიკისა და საინჟინრო ტექნოლოგიების ინსტიტუტის მაღალკვალიფიციური ჯგუფი. მისი წევრები არიან ინსტიტუტის დირექტორი, საქართველოს მთავრობის წარმომადგენელი CERN-ში, ჩვენი უნივერსიტეტის მეცნიერ- ინჟინერთა ჯგუფების ლიდერი CERN-ის CMS და იაპონიის COMET ექსპერიმენტებში, პროფესორი ზვიად წამალაიძე, მეცნიერ-თანამშრომლები: ნიკოლოზ წვერავა, დავით ჩოხელი, რომან აბრამიშვილი, თენგიზ ტორიაშვილი და გიორგი ადამოვი. მაღალი ენერგიის ფიზიკის ინსტრუმენტაციაში სპეციალიზირებულმა ჩვენმა მეცნიერებმა იაპონელებთან თანამშრომლობით წარმატებით განახორციელეს ტექნიკურად ერთ-ერთი ყველაზე რთული ამოცანა - Straw Tracker დეტექტორის სისტემის შექმნა, აწყობა და ტესტირება. „სტროუები“ ულტრამსუბუქი, გაზით სავსე მილებია, რომელთა კედლები ადამიანის თმაზე თხელია. მათში დამუხტული ნაწილაკის გავლისას სუსტი ელექტრული სიგნალი წარმოიქმნება. ათასობით სტროუს ერთმანეთზე შეერთებით იქმნება გადაფარული სამუშაო არე, რომელსაც შეუძლია ნაწილაკების ტრაექტორიის მიკროსკოპული სიზუსტით თვალყურის დევნება.საგულისხმოა, რომ საქართველოს ტექნიკურ უნივერსიტეტში უკვე შექმნილია სტროუ ტრეკული მილების მაღალტექნოლოგიური ლაბორატორია, სადაც დამზადდა 10 მმ სტროუ მილები COMET ექსპერიმენტისათვის. ეს საქართველოს ტექნიკური უნივერსიტეტისა და მის მეცნიერთა უდავოდ დიდი წარმატებაა. „ტრეკული დეტექტორის“ შექმნით, საქართველოს ტექნიკური უნივერსიტეტისა და მისი სამეცნიერო წრეების ცნობადობა და რეიტინგი საგრძნობლად გაიზარდა საერთაშორისო სივრცეში. აღსანიშნავია, რომ ამ პროცესში მეცნიერებთან ერთად ჩვენი სტუდენტებიც მონაწილეობენ, ხოლო საქართველოს ტექნიკური უნივერსიტეტის სტროუ ლაბორატორიაში წარმოებული მილები უკვე გაგზავნილია იაპონიაში - KEK-სა და J-PARC-ში“, - აღნიშნავს რექტორი, აკადემიკოსი დავით გურგენიძე.ცნობილი ფიზიკოსის, იაპონიის მაღალი ენერგიის ამაჩქარებლის კვლევების ორგანიზაციის (KEK) ნაწილაკებისა და ბირთვული კვლევების ინსტიტუტის (Institute of Particle and Nuclear Studies, IPNS) პროფესორ ჰაჯიმე ნიშიგუჩის (Hajime Nishiguchi) შეფასებით, COMET ექსპერიმენტში საქართველოს ტექნიკური უნივერსიტეტის მეცნიერთა მონაწილეობა კლიტიკულად მნიშვნელოვანია. „COMET ექსპერიმენტის გამოწვევა უნიკალურია: ის ეძიებს უკიდურესად დაბალი ენერგიის ელექტრონებს. სტანდარტული დეტექტორები კი ძალიან სქელი ან მრავალი დანაკარგის მქონეა, რა დროსაც გაიბნევა ან შთაინთქმება ზუსტად ის ნაწილაკები, რომელთა შესწავლასაც მეცნიერები ცდილობენ. სწორედ აქ არის კრიტიკულად მნიშვნელოვანი საქართველოს ტექნიკური უნივერსიტეტის მეცნიერთა ჯგუფის ექსპერტიზა. ისინი ქმნიან სისტემას, რომელიც წარმოუდგენლად მსუბუქია და მექანიკურად საკმარისად მტკიცე, რომ გაუძლოს მაღალი ინტენსივობის ნაკადებს, მაგნიტურ ველს 5 ტესლამდე და გამართულ მუშაობას ვაკუუმში. TOKAI-ში მომუშავე ქართველი მეცნიერებისთვის ყოველდღიური რეალობა ზუსტი გაზომვებისა და აპარატურის მომზადების პრეცეზიული პროცესია. მათი სამუშაო გაცილებით მნიშვნელოვანია, ვიდრე ამოცანების მექანიკური შესრულება“, - ამბობს პროფესორი ჰაჯიმე ნიშიგუჩი.J-PARC-ში მიმდინარე COMET ექსპერიმენტის ფარგლებში, საქართველოს ტექნიკური უნივერსიტეტის მეცნიერ-ინჟინერთა ჯგუფი პასუხისმგებელია დეტექტორის მოდულების სრულ სასიცოცხლო ციკლსა და სამომავლოდ მათ გამართულ მუშაობაზე. როგორც სტუ-ის კვანტური ფიზიკისა და საინჟინრო ტექნოლოგიების ინსტიტუტის დირექტორი, პროფესორი ზვიად წამალაიძე აღნიშნავს, შესასრულებელ სამუშაოთა შორისაა: ზუსტი გაზომვა, რაც მოიცავს ათასობით ინდივიდუალური სტროუ მილის დაჭიმულობისა და განლაგების შემოწმებას მიკრონების სიზუსტით; ელექტრონიკის ინტეგრაცია, რაც გულისხმობს მგრძნობიარე წამკითხველი ელექტრონიკის აწყობა-მონტაჟს - გაზის ურთიერთქმედებების ციფრულ მონაცემებად გარდაქმნის მიზნით; და სისტემის ტესტირება, რაც მოითხოვს მოდულების მკაცრი „სამუშაო პირობების“ უზრუნველსაყოფად ტესტების ჩატარებას - შემდგომში ექსპერიმენტის ინტენსიური რადიაციულ გარემო-პირობებში მათი გადატანის მიზნით.„ეს არის სამუშაო, რომელიც მოითხოვს ფიზიკოსის ინტუიციისა და ინჟინრის პრაქტიკულობის იშვიათ კომბინაციას. COMET კოლაბორაციის ფარგლებში, ახალი აპარატურის შექმნისა და განვითარების მიმართულებით, საქართველოს ტექნიკური უნივერსიტეტის ჯგუფი აღიარებულია მაღალპროფესიონალთა გუნდად. თუ COMET ექსპერიმენტი წარმატებით წარიმართება, ის მოგვაწვდის „ლეპტონის არომატის დარღვევის“ პირველ მტკიცებულებას - აღმოჩენას, რომელიც ფარდას ახდის ფიზიკის სტანდარტულ მოდელს მიღმა ფიზიკას. ამ მტკიცებულების მოსაძებნად, დეტექტორმა უნდა განასხვავოს კონკრეტული „სიგნალის“ ელექტრონი მილიონობით სხვა ნაწილაკის ფონისგან. განსაკუთრებული მგრძნობელობის დეტექტორის სისტემა, რომელსაც საქართველოს ტექნიკური უნივერსიტეტის მეცნიერთა ჯგუფი ამუშავებს, სპეციალურად არის შექმნილი, რომ დაიჭიროს დაბალი ენერგიის ელექტრონების უპრეცედენტო (10-17 ) მგრძნობიარობა“, - აღნიშნავს სტუ-ის მეცნიერი.

„ერთმნიშვნელოვნად ძალიან საინტერესო შეხვედრა გამოვიდა. ბევრი მოსაზრება გამოითქვა, თუ როგორ ხედავს არა მხოლოდ სახელმწიფო, არამედ, როგორ ხედავენ ფასების შემცირებისა და პროდუქციის ხელმისაწვდომობის საკითხებს თავად სექტორის წარმომადგენლები. ასევე, იყო საუბარი ხარისხსა და ხელმისაწვდომობის სხვა კომპონენტებზე“, - განაცხადა ჯანდაცვის მინისტრმა, სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის სხდომის ფარგლებში, ფარმაცევტული კომპანიების წარმომადგენლებთან შეხვედრაზე.აღსანიშნავია, რომ სასურსათო პროდუქციის ფასებთან დაკავშირებით პრემიერ-მინისტრ ირაკლი კობახიძის ხელმძღვანელობით მოქმედი სამთავრობო საკოორდინაციო კომისია სასურსათო პროდუქციის, მედიკამენტებისა და საწვავის ფასების მიმართულებით მუშაობს.მიხეილ სარჯველაძის განცხადებით, სექტორის წარმომადგენლებთან გამართული შეხვედრები, კონკრეტული ნაბიჯების გადადგმისა და კომისიის შექმნის მთავარი მიზნის მისაღწევად კარგ პერსპექტივას აჩენს.„რა თქმა უნდა, ეს სპეციფიკური სფეროა, იმ სხვა დარგებისგან განსხვავებით, სადაც გარკვეული მექანიზმები უკვე იმპლემენტირებულია. ბუნებრივია, ამ მიმართულებით მუშაობა გაგრძელდება.ასევე, უნდა აღინიშნოს, რომ თავად სექტორი არის განწყობილი ერთმნიშვნელოვნად დადებითად. მეორეს მხრივ, იმედიანად უყურებს ფასების ოპტიმიზაციის, მისი უფრო მეტად სამართლიანად რეგულირების საკითხს“, - განაცხადა მიხეილ სარჯველაძემ.შეხვედრა ფარმაცევტული კომპანიების წარმომადგენლებთან დისკუსიის რეჟიმში წარიმართა და მას 25 ფარმაცევტული კომპანიის წარმომადგენელი დაესწრო.

მე ნამყოფი ვარ ამერიკულ სამხედრო ბაზაზე გრენლანდიაში, სადაც გავჩერდი თეთრ სახლში მორიგ ვიზიტზე მიმავალი. მახსოვს იქ გვიცნეს და უამრავი ადგილობრივი მცხოვრები მოვიდა ფოტოს გადასაღებად, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც სააკაშვილი წერს, ამერიკას ნამდვილად სჭირდება კუნძულზე ახალი ბაზები თავისუფალი სამყაროს დასაცავად.„მე ასევე ვყოფილვარ ამერიკულ ბაზებზე ჰელმანდში, ავღანეთში და ინჯილიკში, თურქეთში და მინდა, ვთქვა, რომ გრენლანდიის ბაზა დანარჩენ ბაზებთან შედარებით უბრალოდ პაწაწინაა. ამიტომ, ამერიკას ნამდვილად სჭირდება კუნძულზე ახალი ბაზები თავისუფალი სამყაროს დასაცავად. რა თქმა უნდა, დანიის, გრენლანდიის თანხმობით და საერთაშორისო სამართლის ყველა წესის დაცვით, დარწმუნებული ვარ, შეთანხმება მიღწეულ იქნება“, – წერს სააკაშვილი.

საქართველოს პარლამენტის თავმჯდომარე შალვა პაპუაშვილი აცხადებს, რომ საგაზაფხულო სესიის გახსნისთანავე მოხდება პარლამენტში დროებითი კომისიის შექმნასთან დაკავშირებით დადგენილების განხილვა და კომისიის შექმნა, რომელიც სურსათის, მედიკამენტებისა და და საწვავის ფასებთან დაკავშირებულ საკითხებს შეისწავლის.მისივე თქმით, „ქართული ოცნების“ ფრაქციის მიერ უკვე დაიინიცირებულია დადგენილების პროექტი დროებითი კომისიის შექმნასთან დაკავშირებით.„იცით, რომ მომავალ კვირას იხსნება საგაზაფხულო სესია. პირველივე სხდომებზე მოხდება განხილვა და შექმნა დროებითი კომისიის, რომელიც სამივე საკითხს, როგორც პროდუქტზე, ისე მედიკამენტებსა და საწვავთან დაკავშირებით საკითხებს შეისწავლის და გვექნება შესაძლებლობა, მთელი საზოგადოება იყოს ამაში ჩართული საჯარო სხდომების მეშვეობით, ყველამ ერთად მოვისმინოთ, როგორ ხდება ამ სფეროებში ფასების წარმოქმნა, იქნება ეს მწარმოებელი, დისტრიბუტორი თუ სხვა რგოლი ამ ბიზნესებისა, თავად მათგან მოვისმინოთ. ვხედავთ მათ განცხადებებს, რომ ხედავენ ფასების დაწევის შესაძლებლობას, მიუთითებენ გარკვეულ საკითხებზე, რომლებიც შეიძლება დარეგულირდეს, შეიძლება საკანონმდებლო სახით, შეიძლება პრაქტიკაა შესაცვლელი, შეიძლება მათ შორის ცნობიერების მხრივ, საზოგადოებამაც ამას ყურადღება მიაქციოს. ეს ყველაფერი იქნება საჯარო პროცესი, ჩართული იქნება ყველა დაინტერესებული პირი. შესაბამისად, ჩვენ ერთად, საზოგადოებასთან ერთად შევძლებთ საკითხში გარკვევას და გადაწყვეტილებების მიღებას“, – განაცხადა შალვა პაპუაშვილმა.