შსს-მ ქურდული სამყაროს წინააღმდეგ გატარებული ღონისძიებების ფარგლებში ექვსი პირი დააკავა

პარტია „ხალხის ძალის“ წევრი დავით ქართველიშვილი Business Insider Georgia-სთან საქართველოში ჩინეთის სახალხო რესპუბლიკის ელჩის ჭოუ ციენის ინტერვიუს სოციალური ქსელით ეხმიანება და წერს, რომ თუ ელჩის განცხადებები ერთ შინაარსობრივ პაკეტად შეიკვრება, ვნახავთ, რომ პეკინი მზად არის ჩინეთსა და საქართველოს შორის თავისუფალი ვაჭრობის შეთანხმების განახლებული პროტოკოლის ხელმოწერისთვის.მისი თქმით, ევროკავშირისა და საქართველოს შორის არსებული ურთიერთობების ფონზე ჩინეთის ელჩის განცხადებები აღიქმება არა უბრალოდ ინტერვიუდ, არამედ ალტერნატიული მიდგომის დემონსტრაციად.„საქართველოში ჩინეთის ელჩმა ჭოუ ციენმა გუშინ გაკეთებულ მნიშვნელოვან განცხადებაში ფაქტობრივად და პრაქტიკული თვალსაზრისით, გაიმეორა და დაადასტურა ყველაფერი ის, რაც დაპირებების დონეზე ითქვა შარშან პეკინში, ჩინეთში ქვეყნის პრემიერ-მინისტრის ვიზიტის დროს. და რაც ასევე მნიშვნელოვანია, ეს განცხადებები გაკეთდა ზუსტად მაშინ, როდესაც გაირკვა დავოსის წლევანდელ ეკონომიკურ ფორუმზე ჩვენი დელეგაციის არ მიწვევის თაობაზე ინფორმაცია. იდეოლოგიურად გაჟღენთილი გლობალისტების სამიტზე ჩვენი არყოფნა, სავსებით გადაიფარა იმ კონკრეტული პროგრამებითა და პროექტებით, რომლებიც გააჟღერა ჩინეთის ელჩმა და რომლის ხორცშესხმაც სასიცოცხლოდ აუცილებელია ჩვენთვის. თუ ელჩის განცხადებებს ერთ შინაარსობრივ პაკეტად შევკრავთ, სურათი ასეთია: პეკინი მზად არის დააჩქაროს ჩინეთსა და საქართველოს შორის თავისუფალი ვაჭრობის შეთანხმების განახლებული პროტოკოლის ხელმოწერა და ძალაში შესვლა; მკაფიო აქცენტი კეთდება თანამშრომლობის „მატერიალურ ბაზაზე“: ინვესტიციები, სამრეწველო კოოპერაცია, ლოჯისტიკა და ვაჭრობა, ენერგეტიკა, ასევე ციფრული მიმართულებები (5G, ხელოვნური ინტელექტი), „ჭკვიანი ქალაქები“.რეალისტური გეოპოლიტიკის ენაზე ეს ნიშნავს: ჩინეთი საჯაროდ აჩვენებს, რომ საქართველო მისთვის აღარ არის პერიფერია, არამედ არის ფუნქციური კვანძი, რომლის ადმინისტრაციული და პოლიტიკური აჩქარება არა თუ შესაძლებელია, არამედ საჭიროა კიდეც. ჩინური ეკონომიკური იმპულსი ზრდის საქართველოს ფასს, როგორც სატრანზიტო და ლოჯისტიკურ პლატფორმას. ეს არის საქართველოს გზავნილი მისგან დაცარიელებული დავოსის მისამართით და არგუმენტი, როგორც დასავლეთთან, ისე აღმოსავლეთთან მოლაპარაკებებში, რადგან დერეფნები სიცარიელეს ვერ იტანენ.აქ გასათვალისწინებელია ასევე აშშ-ს ახალი სტრატეგია, რომელიც როგორც წესი, უფრო მძაფრად რეაგირებს არა ჩინეთთან ვაჭრობის ფაქტზე, არამედ „წითელ ზონებზე“: პორტები, ენერგეტიკული კვანძები, ციფრული ინფრასტრუქტურა, მონაცემთა უსაფრთხოება. სწორედ აქ აქვს საქართველოს შესაძლებლობა, ააგოს მათ შორის ამერიკისთვისაც გამჭვირვალე, მიმზიდველი, მომგებიანი და კონტროლირებადი რეჟიმები, ეკონომიკის დაზიანების გარეშე.რაც შეეხება ევროკავშირს, ევრო ბიუროკრატიის მზარდი გაკოტრების ფონზე, ევროპის რეალური გავლენა რეგიონზე კლებულობს, ხოლო ვაკუუმს სხვა მოთამაშეები ავსებენ. ამასთან, 2025 წელს ევროკავშირსა და საქართველოს შორის ურთიერთობები უფრო კონფლიქტური გახდა, სწორედ ბრიუსელის მხრიდან უსამართლო და ტენდენციური პოლიტიკის გამო. ამ კონტექსტში ჩინეთის ელჩის განცხადებები აღიქმება არა უბრალოდ ინტერვიუდ, არამედ ალტერნატიული მიდგომის დემონსტრაციად: „თუ ბრიუსელთან პოლიტიკური ამინდი უარესდება, ჩვენ მაინც ვაჩქარებთ საქართველოსთან ეკონომიკურ მექანიზმებს“.ამ კონფიგურაციაში, ჩვენი პოზიციონირების ყველაზე პრაგმატული სცენარი შეიძლება იყოს როლების სწორ განაწილებაში: ჩინეთმა - მიხედოს ბაზრებს, ინვესტიციებს, ტექნოლოგიების ნაწილს; ამერიკამ - რეგიონულ უსაფრთხოებას, თუ კი დარწმუნდება, რომ საქართველო ღიაა მასთან ერთად ყველა კრიტიკული რისკი გააკონტროლოს. ამ ფონზე, ჩინეთის ელჩის განცხადებები წარმოადგენს შესაძლებლობის ფანჯარას: სავაჭრო რეჟიმის დაჩქარება, საქართველოს როლის გაძლიერება „შუა დერეფნისა“ და ციფრული ჰაბის სახით - თუ კი ვაშინგტონს ნათლად დავანახებთ, რომ საქართველო ჩინეთთან ეკონომიკურ დაახლოებას არ აქცევს საკუთარი სუბიექტურობის დასუსტებად და საერთაშორისო პროექტების ოპერაციულ მართვას არ გადასცემს ჩინეთს მონოპოლისტურ ხელში,“ - წერს დავით ქართველიშვილი.

დავოსში მოგზაურობა საინტერესო იქნება, წარმოდგენა არ მაქვს, რა მოხდება, – ამის შესახებ დონალდ ტრამპმა დავოსში გამგზავრებამდე, ჟურნალისტებთან საუბრისას განაცხადა.„დავოსში მივდივარ. მჯერა, რომ ეს მოგზაურობა ძალიან წარმატებული იქნება. ეს საინტერესო მოგზაურობა იქნება, წარმოდგენა არ მაქვს, რა მოხდება“, – განაცხადა აშშ-ის პრეზიდენტმა.მანამდე, ტრამპმა განაცხადა, რომ დავოსში, მსოფლიო ეკონომიკურ ფორუმზე სიტყვით გამოსვლა და ასევე რამდენიმე შეხვედრა აქვს დაგეგმილი, მათ შორის გრენლანდიასთან დაკავშირებით.

დიდი შიში, რაც ნატო-სთან დაკავშირებით მაქვს, არის ის, რომ ვიცი, ჩვენ მათ დასახმარებლად მივალთ, მაგრამ მეეჭვება, მოვლენ თუ არა ისინი ჩვენს დასახმარებლად, – ამის შესახებ აშშ-ის პრეზიდენტმა, დონალდ ტრამპმა განაცხადა.მისივე თქმით, აშშ-მა ნატო-სთვის უზარმაზარი თანხები დახარჯა და ნატო-ც სამართლიანად უნდა მოექცეს ამერიკას.„ნატო-ს წევრები დავარწმუნე, რომ თავდაცვის ხარჯები ორი პროცენტიდან ხუთ პროცენტამდე გაეზარდათ. მე ნატო-სთვის უფრო მეტი გავაკეთე, ვიდრე ნებისმიერმა სხვამ. შეგიძლიათ, ამის შესახებ გენერალურ მდივანს ჰკითხოთ. მან ეს ბევრჯერ თქვა. მე ნატო-სთვის უფრო მეტი გავაკეთე, ვიდრე ნებისმიერმა სხვამ, მაგრამ ნატო-ც სამართლიანად უნდა მოგვექცეს. დიდი შიში, რაც ნატო-სთან დაკავშირებით მაქვს, არის ის, რომ ჩვენ ნატო-სთვის უზარმაზარი თანხები დავხარჯეთ და ვიცი, რომ მათ დასახმარებლად მივალთ, მაგრამ მე ნამდვილად მეეჭვება, მოვლენ თუ არა ისინი ჩვენს დასახმარებლად“, – განაცხადა ტრამპმა.

"არასოდეს, არც ერთი წამით არ მქონდა დაშვებული ჩემს ტვინში, რომ ოჯახი დამენგრეოდა. არის რაღაცები, რაც თავისთავად დაშვებულია, რომ, აი, ოდესღაც გარდავიცვლებით... მაგრამ ცხოვრების ეს ნაწილი, ოჯახის შექმნა, ჩემი გეგმის ნაწილი იყო და ეს გეგმა რომ ჩამოვწერე, 18 წლის ვიყავი. 29 წლის ვიყავი, როცა დავქორწინდი. გათხოვების შემდეგ ერთი კვირის მანძილზე თამარაშვილზე, ჩემს სახლში დავდიოდი, რადგან, ზოგადად, მიჭირს სიახლეების მიღება. განქორწინების გადახარშვაც ძალიან რთული იყო. ახლა ძალიან დიდი პასუხისმგებლობა მაქვს საკუთარ თავზე აღებული, იმაზე მეტი, ვიდრე ვინმეს ჰგონია, ამ ყველაფერზე ხმამაღლა არ ვსაუბრობ.ილია არის 8 წლის, კატო 4 - წლის. ილია არის გენიალური ადამიანი. კატოზე რომ ვიყავი ორსულად, რაღაცნაირი პროტესტი მქონდა მუცელში, მე ისე მიყვარს ილია, ვინ უნდა გაჩნდეს, მასზე მეტად რომ შემიყვარდეს-მეთქი. ძალიან მიყვარს კატო და ილია.სხვამ ვინ? ისევ მე უნდა შემოვუძახო საკუთარ თავს - "ადექი, დროა!" და ასეც ვიქცევი, მაგრამ ზოგჯერ შესვენების პერიოდებიც მაქვს. მაგალითად, ჩემ მიმართ იმხელა "ჰეითი", სიძულვილის ტალღა იყო, რასაც მიჩვეული არ ვიყავი, "იმედში" მუშაობის გამო. სადაც უნდა ვწოლილიყავი და რაც უნდა მეკეთებინა, არასდროს მიგრძნია მანამდე ეს ყველაფერი. ბოლოს ვთქვი, ხალხოო, ჩამოყალიბდით, "ნაცი" ვარ თუ "ქოცი" და მერე მეც გამაგებინეთ-მეთქი. ამ პერიოდს დაემთხვა ოჯახის ამბებიც და ცოტა ხანს ლოგინად ვიყავი ჩავარდნილი.მოვიკითხავ სანდროს, ჩემი მეგობარია აწი უკვე", - ამბობს რუსკა მაყაშვილი ვიკა ბუკიას პოდკასტში.

დაიშალა ბიპოლარული სამყარო, შეერთებული შტატების ჰეგემონია ასევე დასრულებულია და ცენტრიდანული აჩქარება არის დაწყებული ბევრ ორგანიზაციაში, მათ შორის, გაერო-ში, – ამის შესახებ პოლიტოლოგმა ირაკლი გოგავამ პირველი არხის გადაცემაში „აქტუალური თემა – მაკა ცინცაძესთან ერთად“ სტუმრობისას განაცხადა.მისივე თქმით, ეკონომიკურ განზომილებაში ლიბერალური დღის წესრიგი სრულდება.„აგერ, ტრამპი გავიდა გაერო-ს მთელი რიგი შვილობილი ორგანიზაციებიდან, ევროკავშირში დაწყებულია ცენტრიდანული აჩქარება და თავისუფალი ვაჭრობის შესახებ სხვადასხვა შეთანხმება განიცდის სერიოზულ კრიზისს. ლიბერალური დღის წესრიგი, მათ შორის, ეკონომიკურ განზომილებაში სრულდება, პოლიტიკური დღის წესრიგი სრულიად განულებულია და დღეს მიმდინარეობს ახალი წესრიგისკენ სვლა. სამწუხაროდ, ეს სვლა არის კონფლიქტებით დახუნძლული და იქნება კონფლიქტებით დახუნძლული”, – განაცხადა გოგავამ.მისი თქმით, ჩვენი, საქართველოს მთავარი ამოცანაა, ამ კონფლიქტებში რომელიმე ბანაკის მხარეს არ აღმოვჩნდეთ.„გავილახებით ან ერთი მხრიდან, ან მეორე მხრიდან, როგორც ადრე დაყოფილა და როგორც ადრე თავს მოგვახვიეს ეს სცენარი“, – განაცხადა გოგავამ.გადაცემის წამყვანის შეკითხვაზე, როგორი შეიძლება, აღმოჩნდეს ახალი დღის წესრიგი ზოგადად, ირაკლი გოგავამ აღნიშნა, რომ არის რამდენიმე მოდელი, რომელზეც საუბრობენ.„ერთი ეს არის სამპოლუსიანი მოდელი, მეორე ეს არის ოთხპოლუსიანი მოდელი. სავარაუდოდ, იქნება 3+1, ინდოეთი, ჩინეთი, აშშ, რუსეთი, ამ ოთხ პოლუსზე გადალაგდება“, – განაცხადა გოგავამ.