შსს ავტოპარკს ჰიბრიდული და ელექტრო ავტომობილებით განაახლებს

„საქართველოს ტექნიკური უნივერსიტეტისთვის განსაკუთრებული მნიშვნელობა აქვს ისეთი საერთაშორისო საგანმანათლებლო და კვლევითი ინიციატივების მხარდაჭერას, რომლებიც ახალგაზრდებში ინოვაციური, შემოქმედებითი და სამეწარმეო აზროვნების განვითარებას უწყობს ხელს. თანამედროვე მსოფლიოში, სადაც ტექნოლოგიური პროგრესი და გლობალური კონკურენცია სწრაფი ტემპით ვითარდება, უმაღლესი საგანმანათლებლო დაწესებულებების ერთ-ერთი მთავარი ამოცანა ისეთი გარემოს შექმნაა, რომელიც სტუდენტებს თეორიულ ცოდნასთან ერთად პრაქტიკულ გამოცდილებას, კრიტიკულ აზროვნებასა და საჭირო პროფესიულ უნარებს შესძენს“, - ამის შესახებ სტუ-ის ვიცე-რექტორმა, პროფესორმა თამარ წერეთელმა „აღმოსავლეთ პარტნიორობის ქვეყნების ინოვაციების კონკურსის“ დასკვნით ღონისძიებაზე განაცხადა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, საერთაშორისო კონკურსი, რომელიც სტუდენტებში სამეწარმეო და ინოვაციური აზროვნების სტიმულირებას, გამოცდილების გაზიარებასა და შემოქმედებითი პოტენციალის წარმოჩენას ემსახურება, Erasmus+ საგრანტო პროგრამის KA2 აქტივობის პროექტის - „ისწავლე - გააუმჯობესე - გაყიდე - მიაღწიე წარმატებას“ (LISS24: Learn – Innovate – Sell – Succeed) სამოქმედო გეგმის ფარგლებში საქართველოს ტექნიკურ უნივერსიტეტში გაიმართა. საავტორო ინოვაციური პროექტების პრეზენტაციებით, სტუ-ის სტუდენტებთან ერთად, სხვადასხვა უმაღლესი სასწავლებლის ახალგაზრდებიც წარდგნენ.სტუ-ის სატრანსპორტო სისტემებისა და მექანიკის ინჟინერიის ფაკულტეტის დეკანის თქმით, კონკურსში ასევე ჩაერთნენ პარტნიორი უმაღლესი სასწავლებლების გუნდები სომხეთიდან. როგორც ასოცირებული პროფესორი ბორის გითოლენდია აცხადებს, კონკურსის მონაწილეებმა ჟიურისა და დამსწრე საზოგადოებას წარუდგინეს ინოვაციური იდეები, რომლებიც თანამედროვე ტექნოლოგიურ გამოწვევებს, ციფრულ ტრანსფორმაციასა და მდგრად განვითარებას ეხებოდა.„განსაკუთრებით მნიშვნელოვანია, რომ პროექტ LISS24-ის ფარგლებში ახალგაზრდები ჩაერთნენ მულტიკულტურულ საერთაშორისო თანამშრომლობაში და თავიანთი იდეები ფართო აკადემიურ აუდიტორიას, საერთაშორისო ექსპერტებსა და პოტენციურ პარტნიორებს წარუდგინეს. სწორედ ამ პროცესში იძენენ ახალგაზრდები მნიშვნელოვან გამოცდილებას პროექტების მართვის, გუნდური მუშაობის, კომუნიკაციისა და პროფესიული პრეზენტაციის მიმართულებით, ეს კი ხელს უწყობს მათ პროფესიულ განვითარებას და მნიშვნელოვნად აფართოებს სამომავლო პერსპექტივას. სხვადასხვა ქვეყნის უნივერსიტეტებთან და აკადემიურ წრეებთან თანამშრომლობა სტუდენტებს შესაძლებლობას აძლევს გაიზიარონ განსხვავებული გამოცდილება, გაეცნონ თანამედროვე საგანმანათლებლო მოდელებსა და ტექნოლოგიურ ტენდენციებს, რაც საბოლოო ჯამში ზრდის მათ კონკურენტუნარიანობას. ამავდროულად, მსგავსი ინიციატივები მნიშვნელოვან როლს ასრულებს უნივერსიტეტის ინსტიტუციურ განვითარებასიც, რადგან საერთაშორისო პარტნიორებთან თანამშრომლობა ხელს უწყობს ცოდნის, კვლევითი გამოცდილებისა და ინოვაციური პრაქტიკის გაზიარებას“, - აღნიშნავს ბორის გითოლენდია. სტუ-ის ვიცე-რექტორის განცხადებით, პროექტი LISS24 ხელს უწყობს აღმოსავლეთ პარტნიორობის ქვეყნებს შორის აკადემიური და კვლევითი კოლაბორაციის გაღრმავებას. „საერთაშორისო კონკურსი სტუდენტებსა და ახალგაზრდა ინოვატორებს შესაძლებლობას უქმნის განავითარონ ორიგინალური სტარტაპ იდეები, პრაქტიკაში გამოსცადონ ინოვაციური ხედვები და საერთაშორისო აკადემიურ და პროფესიულ სივრცეში ღირსეულად წარმოაჩინონ თავიანთი შესაძლებლობები. მსგავსი ფორმატის ღონისძიებები განსაკუთრებით კარგად მუშაობს თანამედროვე საგანმანათლებლო სივრცეში და ხელს უწყობს ახალგაზრდებში სამეწარმეო კულტურის, კრეატიული აზროვნებისა და ინოვაციური მიდგომების ჩამოყალიბებას. ამ ტიპის თანამშრომლობა არა მხოლოდ პროფესიული განვითარების საფუძველს ქმნის სტუდენტებისთვის, არამედ ხელს უწყობს რეგიონში ერთიანი ინოვაციური და კვლევითი ეკოსისტემის ჩამოყალიბებას. საქართველოს ტექნიკური უნივერსიტეტი - რექტორის, აკადემიკოს დავით გურგენიძის მხარდაჭერით - მომავალშიც აქტიურად გააგრძელებს რეგიონული და საერთაშორისო ახალგაზრდული ინიციატივების მხარდაჭერას. მიგვაჩნია, რომ განათლების, მეცნიერებისა და ტექნოლოგიური პროგრესის მთავარი მამოძრავებელი ძალა სწორედ ახალი თაობის პროფესიონალთა ინტელექტუალური პოტენციალია. უნივერსიტეტი განსაკუთრებულ მნიშვნელობას ანიჭებს ისეთი გარემოს შექმნას, რომელიც სტუდენტებსა და ახალგაზრდა მკვლევრებს მისცემს შესაძლებლობას, აქტიურად ჩაერთონ თანამედროვე სამეცნიერო-ტექნოლოგიურ პროცესებში, განავითარონ კვლევითი და პრაქტიკული უნარები და საკუთარი წვლილი შეიტანონ ქვეყნისა და რეგიონის მდგრად განვითარებაში“, - აცხადებს თამარ წერეთელი. სტუ-ის ინფორმაციით, ჟიურიმ, რომელიც ევროპის პარტნიორი ქვეყნების წარმომადგენლებით იყო დაკომპლექტებული, სტუდენტთა პრეზენტაციები აქტუალობის, ინოვაციურობისა და პრაქტიკაში რეალური გამოყენების შესაძლებლობის მიხედვით შეაფასა. გამარჯვებულ კონკურსანტებს სერტიფიკატები და სიმბოლური საჩუქრები გადაეცათ.

საქართველოში არამდგრადი ამინდები გრძელდება. სინოპტიკოსების ინფორმაციით, უახლოეს დღეებში ქვეყნის მასშტაბით მოსალოდნელია როგორც ძლიერი წვიმა და ქარი, ისე ჰაერის ტემპერატურის მკვეთრი კლება.სინოპტიკოსების პროგნოზით, მიმდინარე კვირაში დასავლეთ საქართველოს უმეტეს რაიონში იწვიმებს, ხოლო აღმოსავლეთ საქართველოში ქარის გაძლიერებაა მოსალოდნელი.29 მაისს, თითქმის მთელი საქართველოს მასშტაბით იწვიმებს და დასავლეთის მიმართულების ძლიერი ქარი იქროლებს.თუმცა მანამდე, 28 მაისს, ამინდი დროებით გამოიდარებს. როგორც დასავლეთ, ისე აღმოსავლეთ საქართველოში მზიანი და თბილი დღეა მოსალოდნელი. ჰაერის ტემპერატურა შესაძლოა 30 გრადუსსაც გადააჭარბოს.სინოპტიკოსები აცხადებენ, რომ სწორედ ამის შემდეგ განვითარდება ამინდის მკვეთრი ცვლილება — 29 მაისს ძლიერი ნალექისა და ქარის ფონზე ტემპერატურა დაახლოებით 15-16 გრადუსამდე დაეცემა, რაც თითქმის 15-გრადუსიან ვარდნას ნიშნავს.არამდგრადი ამინდი მაისის ბოლომდე შენარჩუნდება. 30-31 მაისსაც ქვეყნის სხვადასხვა რეგიონში კვლავ მოსალოდნელია წვიმა და ქარი.

ამერიკასთან საქართველოს ურთიერთობა ნელ-ნელა ნორმალიზდება. როგორც ჩანს, უკრაინის ხელისუფლება ამასთან დაკავშირებით რაღაცებს მიხვდა. ყოველ შემთხვევაში, გასარკვევი ბევრია, მათ შორის უკრაინის ხელისუფლების რაღაც ნაბიჯებთან დაკავშირებით, – ამის შესახებ „ხალხის ძალის“ წევრმა, გურამ მაჭარაშვილმა საქართველოს პირველ არხს განუცხადა.მაჭარაშვილს საქართველო-უკრაინის ურთიერთობებსა და უკრაინის მხრიდან გაკეთებულ განცხადებებზე დაუსვეს კითხვა.„მათი მხრიდან პოზიტიური ნაბიჯები თუ გადაიდგმება, ამას ყოველთვის აღვნიშნავთ. ვფიქრობ, დაინახეს, რომ მხარდაჭერა, რომელიც უკრაინას ამერიკისგან ჰქონდა, აღარ აქვს, ევროპა კრიზისშია და მომავალი, მოლოდინი ნათელი არ არის რუსეთ-უკრაინის ომთან დაკავშირებით. ასეთი სახის ნაბიჯები, შეიძლება, აქედან გამომდინარეობდეს“, – განაცხადა გურამ მაჭარაშვილმა.უკრაინის საგარეო საქმეთა მინისტრმა, ანდრეი სიბიგამ გუშინ სოციალურ ქსელში დაწერა, რომ აფასებს ეუთო-ს შვეიცარიის თავმჯდომარეობისა და უსაფრთხოებისთვის თანამშრომლობის ფორუმის საქართველოს თავმჯდომარეობის სწრაფ რეაგირებას ვენაში სპეციალური შეხვედრის მოწვევის მიზნით. „მადლობელი ვარ ჩემი შვეიცარიელი და ქართველი კოლეგების, იგნასიო კასისისა და მაკა ბოჭორიშვილის მათი ლიდერობისთვის, ასევე – ყველა იმ ქვეყნის მიმართ, რომლებიც დღეს მკაფიოდ გამოვიდნენ გაერო-ს წესდებისა და ჰელსინკის პრინციპების დასაცავად“, – დაწერა ანდრეი სიბიგამ.ამასთან, უკრაინის პრეზიდენტმა, ვოლოდიმირ ზელენსკიმ საქართველოსა და ქართველ ხალხს დამოუკიდებლობის დღე მიულოცა. „საქართველოს ვუსურვებ მშვიდობას. ჩვენ ორმხრივად სასარგებლო ურთიერთობების იმედი გვაქვს. უკრაინა მზად არის, ამ მიმართულებით იაროს“, – დაწერა ზელენსკიმ სოციალურ ქსელში.

პეტერ ფიშერი არის ერთადერთი ადამიანი, რომელიც საქართველოში აქეზებს, სიძულვილის ენას და ძალადობას, ასე რომ, მან ალბათ, თავისი ადგილი უფრო ზიზღის ესკადრონებთან დაინახა, ვიდრე საქართველოს არმიასთან, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისივე თქმით, მოსაწვევი ყველას გაეგზავნებოდა.„ღონისძიებაზე დასწრება მგონი, მისი სურვილიც არ იქნებოდა. გუშინ იქ ვიდექით ქართულ ჯართან ერთად და ვისმენდით ქართული ჯარის ფიცს. მთელმა საზოგადოებამ ჩავიბარეთ წვევამდელებისგან ქართული არმიის ფიცი, ხოლო ბატონი პეტერი ზიზღის ესკადრონების ფიცს იბარებს ხოლმე. ის არის ერთადერთი ადამიანი, რომელიც საქართველოში აქეზებს, მხარს უჭერს და ამართლებს ზიზღს, სიძულვილის ენას და ძალადობას. ასე რომ, მან ალბათ, თავისი ადგილი უფრო ზიზღის ესკადრონებთან დაინახა, ვიდრე საქართველოს არმიასთან. მე არ ვარ ორგანიზატორი, მაგრამ ვვარაუდობ, რომ რა თქმა უნდა, მოსაწვევი ყველას გაეგზავნებოდა“, – განაცხადა პაპუაშვილმა.

დღეს, თავისუფლების მოედანზე გამართულ ცერემონიაში მონაწილეობისას, განსაკუთრებული სიამაყით ვფიქრობდი იმ ისტორიულ გადაწყვეტილებაზე, რომელიც მაშინ ჩემმა ქვეყანამ მიიღო. ამ გადაწყვეტილებით ირანმა პატივი სცა ქართველი ხალხის თავისუფლებას, სუვერენიტეტსა და ეროვნულ ნებას-წერს ირანის ისლამური რესპუბლიკის ელჩი საქართველოში ალი მოჯანი  და ფოტეობს და ვიდეოს გვიზიარებს.,,26 მაისი მხოლოდ საქართველოს დამოუკიდებლობის დღე არ არის; ეს არის თავისუფლების, ეროვნული ღირსებისა და ისტორიული არჩევანის დღე. ირანი იყო პირველი ქვეყანა, რომელმაც 1918 წლის 26 მაისს საქართველოს დამოუკიდებლობა ოფიციალურად აღიარა. მოგვიანებით, ვერსალის სამშვიდობო კონფერენციაზე, ირანის საგარეო საქმეთა მინისტრმა პირველმა მოუწოდა საერთაშორისო საზოგადოებას, რაც შეიძლება სწრაფად ეღიარებინა საქართველოსა და სამხრეთ კავკასიის რესპუბლიკების დამოუკიდებლობა. დღეს, თავისუფლების მოედანზე გამართულ ცერემონიაში მონაწილეობისას, განსაკუთრებული სიამაყით ვფიქრობდი იმ ისტორიულ გადაწყვეტილებაზე, რომელიც მაშინ ჩემმა ქვეყანამ მიიღო. ამ გადაწყვეტილებით ირანმა პატივი სცა ქართველი ხალხის თავისუფლებას, სუვერენიტეტსა და ეროვნულ ნებას. ვუსურვებ საქართველოს, რომ მისი დამოუკიდებლობა, ტერიტორიული მთლიანობა, ეროვნული სუვერენიტეტი და ეკონომიკური განვითარება იყოს მტკიცე, წარმატებული და მდგრადი — რეგიონთან და მსოფლიოსთან თანამშრომლობისა და მშვიდობის გზაზე. გილოცავთ საქართველოს დამოუკიდებლობის დღეს!''-წერს ირანის ელჩი ალი მოჯანი.