შალვა პაპუაშვილი – 31 მარტს ქართველმა ხალხმა ხმა მისცა არა ბატონის შეცვლას ან უკეთეს მონობას, არამედ ყველასგან დამოუკიდებლობასა და თვითმყოფადობას

აშშ-ის პრეზიდენტი დონალდ ტრამპი აცხადებს, რომ მის მიერ დაწესებული ტარიფები „შეერთებულ შტატებს ააყვავებს“.„ვფიქრობ, ყველაფერი ძალიან კარგად მიდის. ეს იყო ოპერაცია. როგორც როცა პაციენტს ოპერაციას უკეთებენ. ეს დიდი რამაა“, – აღნიშნა დონალდ ტრამპმა ჟურნალისტებთან საუბრისას.როგორც აშშ-ის პრეზიდენტმა განმარტა, სხვა ქვეყნები წლების განმავლობაში სარგებლობდნენ ამერიკის პოზიციით საერთაშორისო ვაჭრობაში.„ბაზრები აყვავდება. აქციები აყვავდება. ქვეყანა აყვავდება. დანარჩენ მსოფლიოს სურს, ნახოს, არის თუ არა რაიმე გზა, რომ გარიგება დადონ. ისინი სარგებელს იღებდნენ ჩვენგან მრავალი, მრავალი წლის განმავლობაში. მრავალი წლის განმავლობაში ჩვენ ბურთის არასწორ მხარეს ვიყავით. ვფიქრობ, ეს ფანტასტიკური იქნება. თითქმის 7 ტრილიონი დოლარის ინვესტიცია შემოდის ჩვენს ქვეყანაში. ნახავთ, როგორ დასრულდება. ჩვენი ქვეყანა აყვავდება“,- განაცხადა ამერიკის პრეზიდენტმა.

„პრაიმტაიმისთვის“ ექსკლუზიურად ცნობილი ხდება, რომ დააკავეს სუროგაციის შუამავალი ქალი, რომელმაც 300 000 ლარზე მეტი მიითვისა.ემიგრანტმა ცოლ-ქმარმა საქართველოში, სუროგაციის შუამავალს, ანჟელა კვარაცხელია 300 00 ათას ლარზე მეტი გადაუხადა, თუმცა ბავშვები არ დაბადებულან.9 წლის განმავლობაში 5 წარუმატებელი სუროგაცია შედგა და ორსულობა სხვადასხვა მიზეზით შეწყდა.ცნობილი ხდება ისიც, რომ ანჟელა კვარაცხელია ოჯახს ეუბნებოდა, თითქოს, სუროგაცია 18 თვიანი იყო და ამ გზით ბავშვების დაბადებას გაცილებით დიდი დრო სჭირდებოდა.ბოლო შემთხვევაში ქალი ირწმუნებოდა, რომ ბავშვები დაიბადნენ, თუმცა კლინიკაში ამ ინფორმაციას არ ფლობენ.ჩვენი ინფორმაციით, ანჟელა კვარაცხელია პოლიციამ ცოტა ხნის წინ დააკავა.გამოძიება მას სსკ-ის 180-ე მუხლის მესამე ნაწილით გათვალისწინებულ დანაშაულს ედავება.ბრალის დამტკიცების შემთხვევაში, ანჟელა კვარაცხელიას 6-დან 9 წლამდე პატიმრობა ემუქრება.

საქართველოს ხელისუფლებამ ე.წ. დიფ სთეითზე საუბარი დაიწყო მაშინ, როდესაც ამას ვერავინ ბედავდა და გულწრფელად მქონდა მოლოდინი, რომ ტრამპის ახალი ადმინისტრაცია ამისთვის საქართველოს ხელისუფლებას მადლობას გადაუხდიდა, - განაცხადა დედაქალაქის მერმა მედიასთან ფილოსოფოს ზაზა შათირიშვილის ანალიტიკურ წერილზე საუბრისას.კახა კალაძის თქმით, დღეს არსებობს ძალიან ბევრი შეკითხვა და გარკვეული ვაკუუმიც არის შექმნილი პოლიტიკურ ველზე.„არ მინდა წერილის დეტალურად განხილვა, თუმცა, ერთი რამ ცხადია - ჩვენ ბევრჯერ განვაცხადეთ და ახლაც ვადასტურებთ მზაობას იმისათვის, რომ ურთიერთობები გადაიტვირთოს და საქართველო-ამერიკის ურთიერთობები ახალი ფურცლით დაიწყოს. ძალიან ცუდია ის, რაც დღეის მდგომარეობით არსებობს და გვაქვს მოლოდინი, რომ ეს მდგომარეობა შეიცვლება. ჩვენ ცოტა ადრე - 3 წლის წინ დავიწყეთ „დიფ სთეითზე“ საუბარი. მაშინ ამას ვერავინ ბედავდა და, გულწრფელად გეტყვით, რომ მოლოდინი მქონდა იმისა, რომ როდესაც ტრამპის ადმინისტრაცია მოვიდა, საქართველოს ხელისუფლებას მადლობას ეტყოდა ამ ყველაფრისთვის. დღეს არის ის მოცემულობა, რომ ტრამპი ებრძვის „დიფ სთეითს“, ეს ხომ ჩვენი მოგონილი არ არის. როდესაც ამაზე ვსაუბრობდით, ჩვენ დაგვცინოდნენ. მაგრამ, როდესაც ტრამპი პრეზიდენტი გახდა, მთელმა მსოფლიომ გაიგო, რომ თურმე არსებობს „დიფ სთეითი“ - ჩრდილოვანი ძალა, რომელიც მართავს მსოფლიოს“, - განაცხადა კახა კალაძემ.მისივე თქმით, დღეს ბევრი განცხადება კეთდება „დიფ სთეითთან“ ბრძოლის შესახებ, თუმცა, ნაკლებად იდგმება კონკრეტული ნაბიჯები.„დღეს, ვართ მოლოდინის რეჟიმში, არის გარკვეული ვაკუუმი. არსებობს ძალიან ბევრი კითხვა, მაგალითისთვის - ბაიდენის ადმინისტრაციამ ბიძინა ივანიშვლი დაასანქცირა იმის გამო, თითქოს მას რაღაც ურთიერთობა ჰქონდა რუსეთთან. დღეს კი რას ვხედავთ, ახლად არჩეული პრეზიდენტი დონალდ ტრამპი, თავისი ადმინისტრაციით, პირდაპირ მართავს მოლაპარაკებებს რუსეთთან, საუბრობს ურთიერთობების გადატვირთვაზე, სავაჭრო ურთიერთობის გაღრმავებაზე და, ამავე დროს, ბიძინა ივანიშვილი ისევ დასანქცირებულია. მაგნიტსკის სიაში არის ჩვენი შინაგან საქმეთა მინისტრი ვახტანგ გომელაური და არავის მოუხსნია ეს სანქციები. ეს მარტო ჩვენთან მიმართებაში არ ხდება. ნახეთ, რა ხდება სხვადასხვა ქვეყანაში - იგივე რუმინეთში, სადაც არჩევნები აბსურდული მიზეზით გააუქმეს. აშშ-ის ადმინისტრაციამ ეს ყველაფერი დაგმო, მაგრამ რეალური ქმედება არ მოჰყოლია. ამასთანავე, უნგრეთის პრემიერ-მინისტრის ადმინისტრაციის უფროსი არის დასანქცირებული და ეს სანქციები არ მოხსნილა. იმის თქმა მინდა, რომ ბევრ განცხადებას ვისმენთ „დიფ სთეითთან“ ბრძოლის შესახებ და რომ ის დამარცხდება, მაგრამ, ჯერჯერობით, ეს მხოლოდ ლაპარაკად რჩება და კონკრეტიკა არ არსებობს.დაველოდოთ, ჩვენ ვგულშემატკივრობთ აშშ-ის ახალ ადმინისტრაციას იმაში, რომ დაამარცხებს „დიფ სთეითს“ და, თუ ეს მართლაც მოხდა, რა თქმა უნდა, შედეგები საქართველოზეც აისახება. ტრამპმა არაერთხელ განაცხადა პრიორიტეტების შესახებ, ესენია უკრაინაში ომის დასრულება და „დიფ სთეითის“ დამარცხება, აქედან ჯერ არც ერთი მომხდარა და არც მეორე. ამიტომ დაველოდოთ პროცესებს“, - განაცხადა თბილისის მერმა.ამასთანავე მან აღნიშნა, რომ „ქართული ოცნება“ ატარებს პრაგმატულ ეროვნულ პოლიტიკას, რომელიც საქართველოს ინტერესებს ემყარება და ასე გააგრძელებს მომავალშიც.„ჩვენთვის ყველაზე მნიშვნელოვანი არც ამერიკაა და არც ევროპა. ჩვენთვის ყველაზე მნიშვნელოვანია ჩვენი ხალხი და ჩვენი ქვეყანა“, - განაცხადა კახა კალაძემ.ამასთან, კალაძე გამოეხმაურა „ჰელსინკის კომისიის“ წევრების მიერ ანაკლიის პორტთან დაკავშირებით განცხადებას და აღნიშნა, რომ საქართველო არის დამოუკიდებელი ქვეყანა, რომელიც თვითონ გადაწყვეტს, ვისთან ჰქონდეს ურთიერთობები.„საქართველო არის დამოუკიდებელი ქვეყანა, სუვერენული სახელმწიფო და საქართველო თვითონ გადაწყვეტს, ვისთან ჰქონდეს ურთიერთობები, რა ტიპის ურთიერთობები და ასევე, რა სავაჭრო ურთიერთობები . ეს „ჰელსინკის კომისიის“ საქმე არ არის, საქართველო არის დამოუკიდებელი ქვეყანა, სუვერენული სახელმწიფო და ჩვენ თვითონ გადავწყვეტთ ვისთან გვქონდეს - რა ურთიერთობები“, - განაცხადა კალაძემ.

ანალგინი (მეტამიზოლი) არის წამალი, რომელიც ფართოდ გამოიყენება ტკივილის შესამცირებლად და მაღალი ტემპერატურის დასაგდებად. თუმცა, მისი გამოყენება, შესაძლოა, რამდენიმე სერიოზულ გვერდით ეფექტთან იყოს დაკავშირებული. ამ თემაზე ექიმი გიორგი ღოღობერიძე საუბრობს და საზოგადოებას აფრთხილებს:„ხშირად, წარმოდგენაც კი არ აქვთ, როგორ მოქმედებს ანალგინი. ანალგინს სამგვარი მოქმედება გააჩნია:1. ერთი მხრივ, ის არის ანლგეზიური, რაც იმას ნიშნავს, რომ ტკივილს ხსნის. 2. ანტიპირეტულია - თუ ვინმეს აქვს ცხელება, ტემპერატურას აქვეითებს. 3. ანტისპაზმურია - თუ ვინმეს აქვს სპაზმი, ჭვალი, კოლიკა, ამასაც ასევე ხსნის. ანუ ფართო მოქმედება გააჩნია.მიტომაც არის, რომ მას ხშირად იყენებენ დიმედროლთან კომბინაციაში, ექიმთან შეთანხმების გარეშე, ეს არ არის სწორი რადგან ანალგინის არასწორმა, ხშირმა გამოყენებამ, ან არასწორ პაციენტებთან გამოყენებამ შეიძლება, ძვლის ტვინის დათრგუნვა გამოიწვიოს. ზოგადად, ანალგინი, განსხვავებით, არასტეროიდებისგან, ნაკლებად იწვევს ხოლმე კუჭ-ნაწლავის ტრაქტის გაღიზიანებას, მაგრამ შეიძლება, ძვლის ტვინი დათრგუნოს. სისხლში ლეიკოციტების რაოდენობა განსაკუთრბეით, ნეტროფილებისა, შეიძლება მკვეთრად შეამციროს და ამან ბაქტერიული დაავადებების განვითარება, ან დამძიმება გამოიწვიოს. ამიტომ, მისი არასწორად გამოყენება პაციენტისთვის სწორი არ იყოს.ანალგინის გამოყენება განსაკუთრებით მაშინ არ შეიძლება, როცა პაციენტი იმავდროულად გადის ქიმიოთერაპიის კურსს. როცა ჩვენ, ონკოლოგები ვნიშნავთ ხოლმე ქიმიოთერაპიის საშუალებებს, ამ დროს, ძვლის ტვინი ითრგუნება. და დამატებით მიცემა სხვა საშუალებებისაც ასევე თრგუნავს ძვლის ტვინს. ასე რომ, ანალგინი ყოველთვის გამოიყენეთ ექიმთან შეთანხმებით“, - ამბობს გიორგი ღოღობერიძე.

იტალიის პრემიერ-მინისტრი ჯორჯია მელონი მიიჩნევს, რომ ევროპულმა ქვეყნებმა უნდა იბრძოლონ აშშ-ის მიერ დაწესებული ტარიფების გასაუქმებლად მოლაპარაკებების გზით და არა საპასუხო ტარიფების შემოღებით.ამასთან, მელონის თქმით, დონალდ ტრამპის გადაწყვეტილება, ტარიფების დაწესებასთან დაკავშირებით, არასწორი იყო.„ვფიქრობ, აშშ-ის არჩევანი არასწორია, მაგრამ ჩვენ არ უნდა ავტეხოთ განგაში. ეს არ არის კატასტროფა“,- აღნიშნავს ჯორჯია მელონი.როგორც იტალიის პრემიერ-მინისტრი განმარტავს, აშშ-ის ტარიფებზე რეაგირების სხვადასხვა ვარიანტი არსებობს და იტალიამ „თავისი წინადადებები უნდა გაუზიაროს ევროპელ პარტნიორებს“.„მაგალითად, მე არ ვარ დარწმუნებული, რომ საუკეთესო არჩევანი იქნება ტარიფებზე მეტი ტარიფებით პასუხი, რადგან ამას შეიძლება, უფრო დიდი გავლენა ჰქონდეს ჩვენს ეკონომიკაზე, ვიდრე იმას, რაც ჩვენი საზღვრების გარეთ ხდება“, – აღნიშნა იტალიის პრემიერ-მინისტრმა.ჯორჯია მელონის თქმით, საჭიროა „ამერიკელებთან გულწრფელი საქმიანი დისკუსიის დაწყება“.