შალვა პაპუაშვილი – „ქართულმა ოცნებამ“ ზედიზედ მეოთხედ მივიღეთ ამომრჩევლის ნდობა, მადლობა ხალხს, რომელმაც თავი არ მოატყუებინა არავის, მხარი დაუჭირა გუნდს, ვისი მთავარი საზრუნავიც საქართველოა

თბილისში მიმდინარე ძიუდოს გრანდ სლემის დასკვნით დღეს მძიმეწონოსანმა ირაკლი დემეტრაშვილმა ჩემპიონობა მოიპოვა.23 წლის ქართველმა ფინალში გერმანელი კონე იპონით დაამარცხა და საქართველოს ნაკრებს ტურნირზე მეორე ოქროს მედალი მოუტანა. რამდენიმე წუთის წინ ჩემპიონი ლუკა მაისურაძე (-90 კგ) გახდა.ამავე წონაში მესამე ადგილზე გავიდა საბა ინანეიშვილი, რომელმაც ბრინჯაოსთვის დაპირისპირებაში რუსი ზალატუხინი დაამარცხა.

ახლო აღმოსავლეთში მიმდინარე ომის გამო ნავთობის ფასები გაიზარდა და აზიის საფონდო ბირჟები მნიშვნელოვნად დაეცა. ამის შესახებ „ბიბისი“ წერს.ბრენტის მარკის ნავთობის ფასი 1%-ზე მეტით გაიზარდა და ბარელზე 113.40 დოლარს გადააჭარბა.იაპონიის Nikkei-ს საფონდო ინდექსი 3.5%-ით დაეცა, ხოლო სამხრეთ კორეის Kospi-ს ინდექსი – 6.5%-ით.21 მარტს,აშშ-ის პრეზიდენტმა, დონალდ ტრამპმა განაცხადა, რომ თუ ჰორმუზის სრუტის მნიშვნელოვანი საზღვაო მარშრუტი არ გაიხსნება, ირანის ელექტროსადგურებს „გაანადგურებს“, ხოლო ირანმა განაცხადა, რომ ნებისმიერ ასეთ დარტყმას რეგიონში ძირითადი ინფრასტრუქტურის დაბომბვით უპასუხებს.

ევროკავშირი უნგრეთისთვის კონფიდენციალური ინფორმაციის მიწოდებას ზღუდავს,- ამის შესახებ „პოლიტიკო“ წყაროებზე დაყრდნობით წერს.მას შემდეგ, რაც „ვაშინგტონ პოსტმა“ გაავრცელა ინფორმაცია, რომ უნგრეთის საგარეო საქმეთა მინისტრი პიტერ სიიარტო ევროკავშირის სამიტების შესვენებებზე რეგულარულად უკავშირდებოდა რუსეთის საგარეო საქმეთა მინისტრს, სერგეი ლავროვს და აწვდიდა „ცოცხალ ინფორმაციას“ მიმდინარე განხილვებზე, ევროკავშირში მიიღეს გადაწყვეტილება, რომ უნგრეთი აღარ მიიღებს მონაწილეობას სენსიტიური თემების განხილვისას.თუმცა, როგორც „პოლიტიკოს“ წყაროებმა განუცხადეს, 12 აპრილის უნგრეთის არჩევნებზე შესაძლო გავლენის გამო, ახალ ბრალდებებზე ევროკავშირის მხრიდან ოფიციალური განცხადება არ გაკეთდება, მაგრამ მაღალჩინოსნები აცხადებენ, რომ სიიარტოს ქცევით გაკვირვებულები არ ყოფილან.„საერთო ჯამში, ნაკლებად ლოიალური წევრი სახელმწიფოები არიან მთავარი მიზეზი, რის გამოც შესაბამისი ევროპული დიპლომატიის უმეტესი ნაწილი ამჟამად სხვადასხვა მცირე ფორმატში ხორციელდება“, – აღნიშნა წყარომ.ერთ-ერთი მაღალჩინოსანი „პოლიტიკოსთან“ ამბობს, რომ თუ ვიქტორ ორბანის პარტია 12 აპრილის არჩევნებს მოიგებს, მაშინ ევროკავშირმა უნდა მოძებნოს გზა, რომ ამ საქციელს გაუმკლავდეს.

გაერო-ს გენერალური მდივნის განცხადებით, არსებობს „საფუძვლიანი ეჭვი“ იმისა, რომ როგორც აშშ და ისრაელი, ისე ირანი ომის დანაშაულს სჩადიან. გუტერეში იმედოვნებს, რომ შეერთებული შტატები მიხვდება, ომი რომ უკვე „ძალიან შორს წავიდა“ და ტრამპი კონფლიქტის შეჩერებას მოახერხებს.ევროპული საბჭოს სხდომის წინ, გამოცემა „პოლიტიკოსთვის“ მიცემულ ექსკლუზიურ ინტერვიუში, გუტერეშმა აღიარა: „ვინაიდან ენერგეტიკულ ინფრასტრუქტურაზე თავდასხმები ხორციელდება როგორც ირანში, ისე თეირანის მხრიდან, არსებობს საფუძვლიანი მიზეზი ვიფიქროთ, რომ ეს ქმედებები, სავარაუდოდ, ომის დანაშაულს წარმოადგენს“.გენერალური მდივნის შეფასებით, იმის თქმის საფუძველს, რომ ომის დანაშაულში ორივე მხარე მონაწილეობს, მშვიდობიან მოსახლეობაში მსხვერპლის მზარდი რაოდენობაც იძლევა. „მე ვერანაირ განსხვავებას ვერ ვხედავ. არ აქვს მნიშვნელობა, ვინ იღებს მიზანში მშვიდობიან მოსახლეობას. ეს სრულიად მიუღებელია“, - აღნიშნა მან.გუტერეში მიიჩნევს, რომ ამ კონფლიქტს ისრაელი კიდევ უფრო აღრმავებს. ამიტომ, ის აშშ-ის პრეზიდენტს სთხოვს, ისრაელის პრემიერ-მინისტრი, ბენიამინ ნეთანიაჰუ კონფლიქტის დასრულების აუცილებლობაში დაარწმუნოს.„ომი უნდა შეწყდეს... მე მჯერა, რომ მისი შეჩერება აშშ-ის ხელშია. ეს შესაძლებელია, ეს პოლიტიკურ ნებაზეა დამოკიდებული“, - განაცხადა გუტერეშმა.„დარწმუნებული ვარ, ისრაელს სურს, რომ ირანის სამხედრო პოტენციალის სრული განადგურება და რეჟიმის შეცვლა მოახერხოს. ასევე მჯერა, რომ ირანი ცდილობს, რაც შეიძლება დიდხანს გაუძლოს და მაქსიმალური ზიანი გამოიწვიოს. ამრიგად, პრობლემის გადაჭრის გასაღები შემდეგშია: შეერთებულმა შტატებმა ხმამაღლა უნდა თქვას და თავისი მისია უკვე დაასრულა“, - დასძინა მან.„პრეზიდენტ ტრამპს შეუძლია, დაარწმუნოს ისინი, ვისი დარწმუნებაც საჭიროა, რომ საქმე გაკეთებულია. ამით შეიძლება, ომს წერტლი დაესვას“, - თქვა გუტერეშმა.„ეჭვი არ მეპარება, რომ ომში შეერთებული შტატების ჩათრევა ისრაელის სტრატეგიაში შედიოდა... ეს მიზანი უკვე მიღწეულია. მაგრამ, ეს ომი იწვევს დრამატულ ტანჯვას ირანში, რეგიონში და თვით ისრაელშიც კი. მას დამანგრეველი გავლენა აქვს გლობალურ ეკონომიკაზე, რომლის შედეგების პროგნოზირება ძალიან რთულია. ამიტომ, ჩვენ აუცილებლად უნდა მოვუღოთ ბოლო ამ კონფლიქტს“, - დასძინა მან.„მთელი მსოფლიოსთვის სასიცოცხლოდ მნიშვნელოვანია, რომ ეს ომი სწრაფად დასრულდეს, - ამბობს გუტერეში, - სიტუაცია კონტროლიდან გამოდის. ბოლო თავდასხმები გვარწმუნებს, რომ ესკალაციამ უკიდურესად საშიშ წერტილს მიაღწია“.თავის მხრივ, ტრამპმა სოციალურ ქსელში აღიარა, რომ სამხრეთ ფარსის ბუნებრივი აირის საბადოს ობიექტზე ოთხშაბათს ისრაელის მიერ განხორციელებულ თავდასხმას მოწონებით არ შეხვედრია, რამაც გააჩინა კითხვები ისრაელელ მოკავშირეზე აშშ-ის რეალური გავლენის შესახებ.„იმედი მაქვს, შეერთებული შტატები შეძლებს გააცნობიეროს, რომ ეს ყველაფერი ძალიან შორს წავიდა“, - აღნიშნა გუტერეშმა, რომელიც ამტკიცებს, რომ ახლო აღმოსავლეთში არსებული კრიზისით ყველაზე დიდ სარგებელს რუსეთი იღებს. „რუსეთი უკვე არის მთავარი გამარჯვებული“, - ამბობს გაერო-ს გენერალური მდივანი.ის ასევე მიესალმა იმ ფაქტს, რომ ჰორმუზის სრუტის გახსნის მიზნით გემების გაგზავნაზე ევროპელმა ლიდერებმა უარი განაცხადეს, მიუხედავად იმ რისხვისა, რითაც ტრამპი ამ გადაწყვეტილებას შეხვდა.„ვფიქრობ, ამ ქვეყნებმა სიტუაციის სწორი ანალიზი გააკეთეს და მიიღეს გადაწყვეტილება, ზედმეტად არ ჩაერიონ კონფლიქტში, რადგან იციან, რომ ამ მათი მთავარი მიზანი დეესკალაცია უნდა იყოს“, - განაცხადა გუტერეშმა „პოლიტიკოსთვის“ მიცემულ ინტერვიუში.

მიხეილ მესხის სახელობის სტადიონის საპრესკონფერენციო დარბაზში საქართველოს ნაკრების მთავარმა მწვრთნელმა, ვილი სანიოლმა პრესკონფერენცია გამართა, სადაც გურამ კაშიას ეროვნული გუნდიდან წასვლასა და მარტის ამხანაგური მატჩების შესახებ ისაუბრა. ფრანგმა სპეციალისტმა პრესკონფერენციის დასაწყისში საქართველოს კათოლიკოს-პატრიარქის, ილია მეორის გარდაცვალება მიუსამძიმრა.საქართველოს ეროვნული ნაკრები წლის პირველ საწვრთნელ შეკრებას დღეს თბილისში დაიწყებს. „ჯვაროსნები“ 26 მარტს, თბილისში, ისრაელს დაუპირისპირდებიან, ხოლო 29 მარტს ლიეტუვას კაუნასში ესტუმრებიან.„გურამ კაშია ქართული ფეხბურთის ლეგენდად შეიძლება მოვიხსენიოთ. ეს მნიშვნელოვანი და საპასუხისმგებლო გადაწყვეტილებაა. გურამთან ყველაფერზე შემეძლო საუბარი, ფეხბურთზე თუ სხვა თემებზე. ჩემი და კოლეგების სახელით ვიტყვი, რომ მასთან მუშაობა უდიდესი პატივი იყო.ამჟამად ჩვენთვის მთავარია, ბალანსი ვიპოვოთ შეტევასა და დაცვას შორის, რის გამოც ბოლო ციკლში კარგი შედეგები არ გვქონდა. სწორედ ამ მიზანს ემსახურება მარტში დაგეგმილი ორი ამხანაგური შეხვედრა. ბიჭებს დაველაპარაკები და ვეტყვი, როგორ უნდა მოვემზადოთ შემდეგი ციკლისთვის.ბოლო სანაკრებო ციკლი რთული გამოდგა. ბურთის კონტროლი უკეთ უნდა შეგვეძლოს. გამოსავალს ვეძებთ. როგორც მწვრთნელი, მუდმივად ვფიქრობ, როგორ გამოვასწოროთ თამაში. ყველა აღიარებს, რომ ბოლო შეხვედრები ისეთი არ გამოვიდა, როგორიც გვსურდა.ქოჩორაშვილს რაც შეეხება, ვაკვირდებით მის მდგომარეობას, რადგან ჩვენთვის ძალიან მნიშვნელოვანი მოთამაშეა. მას მუხლის ტრავმა აწუხებდა, თუმცა მოედანს უბრუნდება და იმედია, ივნისში ნაკრებს შემოუერთდება.ამ ეტაპზე ნაკრების კაპიტანი გურამ კაშიაა. ამ თემის შესახებ შემდეგ  ფეხბურთელებს დაველაპარაკებით და გადაწყვეტილებას ერთად მივიღებთ“, – ამბობს ვილი სანიოლი.