შალვა პაპუაშვილი – სტრასბურგის სასამართლო უკვე მერამდენედ აღმოჩნდა ის ინსტიტუცია, რომელმაც დეზინფორმაცია ამხილა, ამჯერად მხილება ეხებათ ტერმინ „რუსული კანონის“ მომგონებლებს

ჩვენ ვჩიოდით, რომ ბრიუსელში ზოგიერთი ევროინტეგრაციას უყურებს როგორც სუვერენიტეტის შეზღუდვას, თურმე, სუვერენიტეტის შეზღუდვა კი არა, სახელმწიფოს გაუქმებაზე მიდგა საქმე მოლდოვის შემთხვევაში, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისი თქმით, შეუძლებელია საქართველოს და მოლდოვის ევროინტეგრაციის გზის ერთმანეთთან შედარება.„მოლდოვის ხელისუფლებას არაფრად მიაჩნია საკუთარი სუვერენიტეტის დამოუკიდებლობაა. 35 წელიწადი აბა, რას აშენებდნენ, რა ქვეყანას აშენებდნენ, რა სახელმწიფოებრიობას ქმნიდნენ? მაშინ როდესაც მათთვის არანაირი მნიშვნელობა არ ჰქონია სახელმწიფოს, სუვერენიტეტს და დამოუკიდებლობას. ეს მათი ნებაა. ამიტომაც არის მნიშვნელოვანი, შეუძლებელი საქართველოს და მოლდოვის ევროპული ინტეგრაციის გზის შედარება. დავრწმუნდით ყველა, რომ მოლდოვის ხელისუფლებას საკუთარი ქვეყნის სახელმწიფოს დამოუკიდებლობა ღირებულებად არ მიაჩნია. ჩვენ სხვა მდგომარეობაში ვართ. ათასწლოვანი უწყვეტი სახელმწიფოებრივი ისტორია გვაქვს. ქართველს ვერც კი დაესიზმრება, იფიქროს, საკუთარი სახელმწიფო გააუქმოს, ევროპული იდეის გამო. ეს კიდევ ერთ რამეს აჩვენებს, თუ რა ხდება რეალურად ევროკავშირის გაფართოების თემაზე. როგორც ჩანს, მოლდოვას არ აქვს იმედი, ევროკავშირის გაფართოებასთან დაკავშირებით. ვხედავთ, მოლდოვას დემონსტრაციულად აცხადებენ სანიმუშო მოწაფედ ევროინტეგრაციის პროცესში. საუბარი საკუთარი სახელმწიფოს გაუქმების და ევროკავშირში რუმინეთის შემადგენლობაში შეყვანით ნიშნავს, რომ მოლდოვა ეძებს გვერდით შესასვლელს ევროკავშირში, ვინაიდან, როგორც ჩანს, ის რაც გარეთ არ ითქმის, შიგნით ყველა ხვდება, რომ ევროკავშირის გაფართოების განაცხადი, როგორც ჩანს, ბრიუსელს ნელ-ნელა უკან მიაქვს“, – განაცხადა შალვა პაპუაშვილმა.შეგახსენებთ, რომ რუმინეთის პარლამენტის ქვედა პალატამ რუმინეთისა და მოლდოვის გაერთიანების შესახებ კანონპროექტი მიიღო, რომელიც ევროპარლამენტარმა, დიანა შოშოაკემ წარადგინა.

ვენესუელაში მომხდარი ორი მიწისძვრისა და 30-მდე „აფთერშოკის“ შემდეგ, კარაკასსა და სხვა ადგილებში შენობები ჩამოინგრა, რის შედეგადაც წინასწარი ინფორმაციით, სულ მცირე, 32 ადამიანი დაიღუპა და 700 დაშავდა. ინფორმაციას „როიტერი“ ვენესუელის პრეზიდენტ დელსი როდრიგესზე დაყრდნობით ავრცელებს.დელსი როდრიგესის თქმით, ეს წინასწარი მონაცემებია, რომელიც არ მოიცავს კარაკასის მახლობლად მდებარე ლა გუაირაში დაფიქსირებულ მსხვერპლს, რომელიც მიწისძვრის შედეგად ყველაზე მეტად დაზარალდა.„ათობით შენობა ჩამოინგრა და ამჟამად ჩვენ ძალიან ინტენსიურ სამაშველო სამუშაოებს ვახორციელებთ, რათა გადავარჩინოთ რაც შეიძლება, მეტი სიცოცხლე, რამდენის საშუალებასაც ღმერთი მოგვცემს. ასევე, მინდა ვთქვა, რომ ეს ნამდვილი ტრაგედიაა. ჩვენ ვუგზავნით მათ სოლიდარობის გზავნილს, ხოლო იმ ოჯახებს, რომლებმაც დაკარგეს საყვარელი ადამიანები, კიდევ ერთხელ ვუდასტურებთ ჩვენს სამძიმარსა და მხარდაჭერას ამ მძიმე საათებში“, – განაცხადა ვენესუელის პრეზიდენტმა.მიწისძვრების შემდეგ, როდრიგესმა ქვეყანაში საგანგებო მდგომარეობა გამოაცხადა.„როიტერის“ ინფორმაციით, ორი ძლიერი მიწისძვრა ერთ წუთზე ნაკლები დროის ინტერვალით მოხდა. პირველი 7.2 მაგნიტუდის მიწისძვრის ეპიცენტრი იარაკუის შტატში, სან ფელიპეში იყო, რასაც ერთ წუთზე ნაკლებ დროში კიდევ უფრო ძლიერი – 7.5 მაგნიტუდის მიწისძვრა მოჰყვა. აშშ-ის გეოლოგიური სამსახურის ინფორმაციით, დაღუპულთა რიცხვი სავარაუდოდ 10 000-ს გადააჭარბებს.

ვაკის მაცხოვრის ფერისცვალების ტაძრის წინამძღვარი, მამა შალვა კეკელია პოდკასტში „წარმატების ისტორია“ ღალატის შესახებ საუბრობს.„ღალატი ღალატია, კაცი ღალატობს ქალს თუ ქალი კაცს - ორივე შემთხვევაში ღალატია. ერთ-ერთ ადამიანს ვესაუბრებოდი, მე ჩემს ცოლს ვუღალატე და მინდა, შემირიგდესო. მას ვკითხე, შენს ცოლს რომ ეღალატა, შენ შეურიგდებოდი მეთქი? რას ამბობ, ხომ არ გაგიჟდიო. მაშინ, შენ რატომ ითხოვ, შენი ცოლი შეგირიგდეს?! შენ თუ იმას ფიქრობ, ცოლმა გიღალატა და უფლება არ აქვს შგირიგდეს, შენ რომ უღალატე შენს ცოლს, რა უფლება გაქვს, რატომ ითხოვ შერიგებას?! ქრისტიანობაში მსგავსი რამე არ წერია. ადამიანები ზოგჯერ, რწმენას საკუთარ თავზე ირგებენ. მათთვის წმინდა წერილი არ არის ის წიგნი, რომლითაც ცხოვრობენ. ძალიან ბევრი მართლმადიდებელია, ეკლესიის წევრია, რომელსაც წმინდა წერილი წაკითხული არ აქვს. ჩვენ წმინდა წერილს სამწუხაროდ, არ ვიცნობთ, ამიტომ ვსაუბრობთ ამ თემებზე, ამ ყველაფერში გარკვეულები არა ვართ“, - ამბობს მოძღვარი.

აშშ-ის სახელმწიფო მდივნის, მარკო რუბიოს განცხადებით, ვაშინგტონი ირანთან მოლაპარაკებების ფარგლებში ისეთს არაფერს გააკეთებს, რაც სპარსეთის ყურის რეგიონში აშშ-ის მოკავშირეების უსაფრთხოებას შეარყევს.მისივე თქმით, ის სპარსეთის ყურის ქვეყნებს – ქუვეითს, არაბთა გაერთიანებულ საამიროებსა და ბაჰრეინს სტუმრობს მადლობის გადასახდელად იმ „წარმოუდგენელი მხარდაჭერისთვის, რომელიც მათ ამ პროცესის განმავლობაში აშშ-ს გამოუცხადეს“.„ჩვენ გვინდა, დავიწყოთ მათთან საუბარი და ჩავრთოთ ისინი დისკუსიებში ყველა იმ გადაწყვეტილების შესახებ, რომელიც ამ მოლაპარაკებებთან დაკავშირებით მიიღება. ჩვენ არაფერს გავაკეთებთ ისეთს, რაც ძირს გამოუთხრის რეგიონში ჩვენი მოკავშირეების, ჩვენი მრავალწლიანი პარტნიორების უსაფრთხოებას,” – განაცხადა მარკო რუბიომ.გარდა ამისა, აშშ-ის სახელმწიფო მდივანმა აღნიშნა, რომ სრუტეებით სარგებლობისთვის გადასახადის დაწესება არ მოხდება.„მსოფლიოში არცერთი ქვეყანა არ მეგულება, რომელიც მხარს უჭერს სრუტეებით სარგებლობისთვის გადასახადის ან მოსაკრებლის დაწესებას. ეს უბრალოდ არ მოხდება. პრეზიდენტმა ამის შესახებ მკაფიოდ განაცხადა”, – აღნიშნა რუბიომ.

ჩემთვის მნიშვნელობა არ აქვს „ერთიან ნაციონალურ მოძრაობაში“ სახელის და გვარების ცვლილებას, ვინ იქნება კანდიდატი, ან ვინ შეიძლება, გაიმარჯვოს, ეს იქნება ანა წითლიძე, ნანუკა ჟორჟოლიანი, თინა ბოკუჩავა, თუ კიდევ ნებისმიერი სხვა, – ასე უპასუხა პარტია „ნაციონალური მოძრაობის“ წევრმა, ანა წითლიძემ საქართველოს პირველი არხის გადაცემის „დღის თემა“ წამყვანის შეკითხვას, შეიძლება თუ არა, მისი მოხსენიება პარტიის შესაძლო თავმჯდომარეობის კანდიდატად, რადგან ერთ-ერთ სატელევიზიო ეთერში ეს ინფორმაცია არც უარყო და არც დაადასტურა.„ჩემთვის მნიშვნელოვანი არის ის, რაზეც ისაუბრა თავად მიხეილ სააკაშვილმაც, რომ პარტიაში განხორციელდეს სისტემური რეფორმები და პარტია გახდეს სახალხო“, – განაცხადა წითლიძემ.თამთა სანიკიძის შეკითხვაზე, არის თუ არა პარტია ახლა სახალხო, ანა წითლიძემ განაცხადა, რომ საკითხს ასე არ დასვამდა იმის გათვალისწინებით, რომ 14 წლის განმავლობაში „ნაციონალური მოძრაობა“ არის ის პარტია, რომელმაც ყველაზე მეტი რეპრესია გაიარა.„2012 წლის პირველი დღიდან, როცა ივანიშვილი მოვიდა, თქვა, მთავარი სამიზნე არის ის, რომ „ნაციონალური მოძრაობა“ უნდა გავანადგურო. 40 000 პარტიის წევრი არის მარტო რეპრესირებული ჩვენი, რომელიც ან ციხეშია, ან სამსახურიდან არის გათავისუფლებული, ან დევნილობაშია. იმას არ ჩავთვლი, ცხვირ-პირს რომ გვამტვრევდნენ, ოფისებს გვირბევდნენ და ასე შემდეგ. მიხეილ სააკაშვილი ციხეშია, პოლიტსაბჭოს თავმჯდომარე ხაბეიშვილი ციხეშია, პარტიის ერთ-ერთი ლიდერი და თბილისის ორგანიზაციის ერთ-ერთი მთავარი ადამიანი, ირაკლი ნადირაძე ციხეშია და ჩვენი პარტიის ათეულობით წევრი არის ციხეში. ამ ფონზე, როგორ შეიძლება, „ნაციონალურ მოძრაობაში“ ვილაპარაკოთ იმაზე, რომ ყველაფერი გავაკეთეთ და ყველაფრის გაკეთება „ნაციონალურ მოძრაობამ“ შეძლო? არა, რა თქმა უნდა, „ნაციონალურ მოძრაობას“ თავისი სუბიექტური და ობიექტური გამოწვევები ჰქონდა ამ 14 წლის განმავლობაში. მათ შორის, ახლა გაუქმებაც გველის. გვაუქმებენ, თუ არ გვეუბნებენ, ესეც ვერ გავიგეთ, მაგრამ ეს პროცესიც მიმდინარეობს საკონსტიტუციო სასამართლოში. თან, იმის გათვალისწინებით, რომ პარტია პარლამენტში არ არის წარმოდგენილი, რაც ნიშნავს იმას, რომ სახელმწიფო დაფინანსება არა აქვს, მით უმეტეს, საკრებულოში არ არის წარმოდგენილი. ძალიან ბევრი პრობლემის და გამოწვევის წინაშე დადგა პარტია“, – განაცხადა წითლიძემ.როგორც წითლიძემ აღნიშნა, ის ისურვებდა, პარტია უფრო მეტად სახალხო იყოს.„თქვენ მე ეს კითხვა დამისვით, რომ ჯერ ვერ არის ისეთი სახალხო და მე გეტყვით, რომ ხო, მე ვისურვებდი, უფრო მეტად სახალხო ვიყო. მე აქ ჩემს თავსაც ვგულისხმობ, ცხადია და თითს არ ვიშვერ არავისკენ. იმიტომ, რომ ჩვენი პასუხისმგებლობაც არის ეს და ახლა, „ნაციონალური მოძრობა“ როგორ შეიძლება, რაღაცით კმაყოფილი იყოს, როდესაც პოლიტიკური პატიმრები ჰყავს ამ ქვეყანას, ხომ?”, – განაცხადა წითლიძემ.შეკითხვაზე, როგორ უნდა გავიგოთ მისი განცხადებები, რომ პარტიაში გადაწყვეტილებები მიიღებოდა ვიწრო წრეში, წითლიძემ თქვა, რომ მას ეს არ დაუმალავს.„მათ შორის, ერთ-ერთ მთავარ გამოწვევად ამას თვლი და სწორედ ამიტომაც ვთქვი მე, რომ სახელი და გვარების ცვლილება კი არ არის ჩემთვის მნიშვნელოვანი, მნიშვნელოვანი არის ის, რომ ეს რეფორმა გატარდეს. მე გამოვეხმაურე კი, მიხეილ სააკაშვილის ამ პოსტს, გადავაზიარე და ვთქვი კიდეც ზუსტად ეს, რომ ჩემთვის ფიგურალურად, სამ კაცში პირობითად მიღებული ნებისმიერი გადაწყვეტა არ იქნება მისაღები. არ ვთვლი, რომ პარტიის განვითარებისთვის არის რაღაც ხელშემწყობი და როგორ ვუყურებ ახლა ამ პროცესს. სხვათა შორის, იმ სამში შეიძლება, ჩემს თავსაც ვგულისხმობდი“, – განაცხადა წითლიძემ.შეკითხვაზე, განიხილავს თუ არა იმას, რომ პარტიის თავმჯდომარეობის ერთ-ერთი კანდიდატი იყოს, ანი წითლიძემ უპასუხა, რომ გამორიცხული არაფერი არ არის.ანი წითლიძემ ასევე განაცხადა, რომ „ნაციონალური მოძრაობის“ ალიანსში შესვლასთან დაკავშირებით საკითხი ნანუკას ექსკლუზივი არ არის“.„ჩვენ ვიყავით პარტიაში ადამიანები, ვისაც არ გვინდოდა და მე ეს საჯაროდ ვთქვი. პირველივე დღეს ვთქვი და მე წინააღმდეგ მივეცი საერთოდ მანდ შესვლას ხმა და ყველგან, ყოველთვის ვამბობდი, ყველა ეთერში, ყველა კომენტარში, რომ მანდ შესვლა „ნაციონალური მოძრაობის“, იყო შეცდომა”, – განაცხადა წითლიძემ.