შალვა პაპუაშვილი – მიხეილ ყაველაშვილს პრეზიდენტობისას ვუსურვებ ქართველი ხალხის, ქართული სახელმწიფოს ერთგულებას, ეს არის ერთადერთი შეუმცდარი გზა ნებისმიერი ხელისუფალისთვის

დღეს და ხვალ აბუ დაბიში უკრაინის, რუსეთის და აშშ-ის სამმხრივ მოლაპარაკებებზე მთავარი განსახილველი საკითხი დონბასი იქნება, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.„დონბასის საკითხი მთავარია. განიხილავენ, როგორ ხედავენ ამას სამი მხარე“, – აღნიშნა უკრაინის პრეზიდენტმა.მისივე თქმით, ღამით და დღეს, დილით უკრაინის მომლაპარაკებელთა ჯგუფის ხელმძღვანელ რუსტემ უმეროვს ესაუბრა.„ის იმუშავებს და ამა თუ იმ საუბრების ან შეთანხმებების თითოეულ ეტაპზე შესაბამის სიგნალებს მომაწვდის. თქვენც გაგიზიარებთ“, – აღნიშნა ზელენსკიმ.უკრაინის პრეზიდენტმა კიდევ ერთხელ ისაუბრა დავოსში, აშშ-ის პრეზიდენტთან გამართულ მოლაპარაკებებზე და ამ შეხვედრას პოზიტიური უწოდა.ზელენსკის თქმით, უკრაინის უსაფრთხოების გარანტიების შესახებ დოკუმენტი მზადაა ხელმოწერისთვის და ის თარიღის და ადგილის დასახელებას ელოდება აშშ-ის პრეზიდენტისგან.

მედიასაშუალებები თუ უზრუნველყოფენ, რომ არ იყოს ცემა-ტყეპა, ჩხუბი, ფიზიკური და სიტყვიერი დაპირისპირებები, ეს, რა თქმა უნდა, დემოკრატიის ყველაზე ჯანსაღი შემადგენელი ნაწილია, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.როგორც პოლიტიკოსმა აღნიშნა, იმედი აქვს, რომ საქართველოში იქნებიან ჯანსაღი პოლიტიკური ძალები, რომლებიც დებატებში შემოვლენ.„„ხალხის ძალის“ პოზიცია ყოველთვის იყო და იქნება, რომ ჯანსაღი დებატები უნდა არსებობდეს. 2023 წელს, როდესაც ჩვენ, „ხალხის ძალამ“ გამჭვირვალობის შესახებ კანონი დავაინიცირეთ, მაშინ ვითხოვდით დებატებს. ვითხოვდით „ნაცმოძრაობას“ და „ენჯეო“ სექტორს განსხვავებული აზრი დაეფიქსირებინა, მაგრამ სანაცვლოდ მაგიდის აყირავება, ლანძღვა და ფიზიკური დაპირისპირება მივიღეთ, რომელიც წლების განმავლობაში გაგრძელდა.„ქართული ოცნება“ და ხელისუფლება თუ უზრუნველყოფს ისეთ ფორმატს, სადაც ჯანსაღი დებატები იქნება, ჩვენ ამას მხოლოდ მივესალმებით. საზოგადოებაში ნამდვილად არის მოლოდინი,  განსხვავებული აზრების პოზიციონირება იყოს. თუ საზოგადოებამ კვლავ იხილა ისეთი არაჯანსაღი დებატები, ამას უკვე თავისი რეაქცია მოჰყვება. იმედი გვაქვს, დღეს საქართველოში უკვე ისეთი ჯანსაღი ძალები იქნება, რომლებიც ჯანსაღ დებატებში შემოვლენ. თუ მედიასაშუალებები უზრუნველყოფენ, რომ არ იყოს ცემა-ტყეპა, ჩხუბი, ფიზიკური და სიტყვიერი დაპირისპირებები, ეს, რა თქმა უნდა, დემოკრატიის ყველაზე ჯანსაღი შემადგენელი ნაწილია.„ნაცმოძრაობის“ სიტყვებს შეგახსენებთ, რომ მათ შინაარსში შესვლა არ სურთ. მათ ხელისუფლებასთან არანაირი ურთიერთობა არ სურთ მოწინააღმდეგე მხარესთან, თუნდაც „ხალხის ძალასთან“. მათთვის თავიდანვე მიუღებელია ნებისმიერი ისეთი რამ რასაც თავად არ აღიარებენ. თუ ასეთი განწყობით იქნება, ბუნებრივია, დებატები ვერ შედგება. საქართველომ რომ სუვერენიტეტი უნდა შეინარჩუნოს, ის, რომ „ენჯეო“ სექტორი საქართველოში შავი ფულის გამთეთრებელი ყოფილა, ამოვიღებ და მივიტან ტრამპის სიტყვას და ბრძანებას. მერე ამერიკის პრეზიდენტს ედავოს, ეს ერთი საკითხი დაიხურება.ჩვენ ყოველთვის ვასრულებდით და შევასრულებთ ევროკავშირისა და ნატო-ს სტანდარტებს, ამის მტკივებულებებს მივიტანთ და იქ დავდებთ. მერე ვიტყვით, რომ თავად ამერიკის პრეზიდენტი ამბობს, შიგნით არსებულ პრობლემებზე და ჩვენთან დაკავშირებით პრეტენზიები ვერავის ვერ ექნება.  არჩევნებთან დაკავშირებით მივიტანთ მტკიცებულებებს და ვიტყვით, რომ არ გაყალბებულა. ის ამის საწინააღმდეგო მტკიცებულებას მოიტანს? ვერ მოიტანს და ეს საკითხიც დამთავრებული იქნება. თუ დებატები ჯანსაღად წავა, რა თქმა უნდა, ყველა შემთხვევაში 10:0 დამარცხებული გამოვა „ნაცმოძრობა“ და მისი წარმომადგენლები. დაველოდოთ ფორმატს, დარწმუნებული ვარ ჯანსაღი ფორმატი იქნება შემოთავაზებული“, – განაცხადა მაჭარაშვილმა.საქართველოს პრემიერ-მინისტრმა, ირაკლი კობახიძემ განაცხადა, რომ ქართველ ხალხს არჩევანის სწორი ანალიზით გასაკეთებლად, საშუალება უნდა მიეცეს, საჯაროდ მოისმინოს ყველა ჯგუფის პოზიცია, ვისაც ხელისუფლებაში ყოფნის ამბიცია აქვს.„ვალდებული ვართ, დავუბრუნოთ ხალხს დებატებით სარგებლობის უფლება და არ მივცეთ საშუალება არაფორმალურ ძალებს, მის „ქართველ“ აგენტურას, საკუთარი დღის წესრიგი მოგვახვიონ თავს“,- განაცხადა ირაკლი კობახიძემ.

2024 წლის 26 ოქტომბერი რომ იყო არა არჩევნები, არამედ რუსული სპეცოპერაცია, საერთაშორისო საზოგადოებამ პოლიტიკურ დონეზე შეაფასა და ახლა ევროპა შეაფასებს სამართლებრივად, – ამის შესახებ „ნაციონალური მოძრაობის“ წევრმა, ლაშა ფარულავამ განაცხადა.მისივე თქმით, ევროპული სასამართლო მიიღებს ობიექტურ გადაწყვეტილებას და „ქართული ოცნებას“ ამის უნდა ეშინოდეს.„ცხადია, თეთრიწყაროში არსებობს ექსპერიმენტი, რომლითაც დადასტურდა, რომ დარღვეული იყო კონსტიტუციური პრინციპი ფარულობასთან დაკავშირებით. ეს პრინციპი და ექსპერიმენტი შეცვალეს, გააყალბეს მურუსიძე-ჩინჩალაძემ სააპელაციო სასამართლოში. ცხადია, ამას განიხილავს ევროპული სასამართლო და მიიღებს ობიექტურ გადაწყვეტილებებს. დღეს ვინმეს თუ უნდა ეშინოდეს სამართლიანი, ობიექტური გადაწყვეტილების, ეს არის „ქართული ოცნება“.ზოგადად, ევროპის სასამართლოს გადაწყვეტილება არის სამართლებრივი, რომელიც ასაბუთებს მოსარჩელის პოზიციას, არის ეს ჭეშმარიტება, თუ არა. რა თქმა უნდა, ჩვენ არანაირი ეჭვი არ შეგვაქვს, რომ „ქართულმა ოცნებამ“ 2024 წლის 26 ოქტომბრის არჩევნები გააყალბა. ცხადია, მურუსიძე-ჩინჩალაძის სამართლებრივ გადაწყვეტილებას არა თუ არ ექნება მხარდაჭერა ევროპის სასამართლოში, არამედ მიიღებენ შესაბამის პასუხს და მათ დანაშაულს დაერქმევა სახელი. ორი წლის წინ არჩევნები ჩატარდა, შესაბამისად, ევროპის სასამართლო ახლა იღებს გადაწყვეტილებას სარჩელთან მიმართებით იმ არგუმენტაციით, იყო თუ არა ობიექტური თეთრიწყაროში ჩატარებული ექსპერიმენტი და შემდეგ იყო თუ არა ფარსი სააპელაციოს ჩატარებული ექსპერიმენტი. ამაზე მიიღებს გადაწყვეტილებებს და ეს იქნება ერთგვარი დამოკლეს მახვილი „ქართული ოცნების“ და ივანიშვილის თავზე“, – განაცხადა ფარულავამ.ცნობისთვის, ახალგაზრდა იურისტთა ასოციაციის ინფორმაციით, სტრასბურგის სასამართლომ 2024 წლის საპარლამენტო არჩევნებთან დაკავშირებით საჩივრების განხილვა დაიწყო. როგორც საია-ში აცხადებენ, მათ მოთხოვნებში არჩვენების შედეგების გაუქმება არ არის.

2024 წლის ოქტომბრის საპარლამენტო არჩევნებთან დაკავშირებით, სტრასბურგის სასამართლოში ფაქტობრივი გარემოებების, საჩივრების დასაშვებობასა და არსებით მხარესთან დაკავშირებით პირველადი პოზიციის წარდგენის ვადა მთავრობას მიმდინარე წლის მაისში აქვს, – ამის შესახებ საქართველოს იუსტიციის მინისტრის მოადგილე ბექა ძამაშვილმა განაცხადა.მისივე ინფორმაციით, 2024 წლის ოქტომბრის საპარლამენტო არჩევნებთან დაკავშირებით სტრასბურგის სასამართლოში შესულია 11 ფიზიკური პირის და ერთი არასამთავრობო ორგანიზაციის საჩივარი.„აღსანიშნავია, რომ ამ საჩივრების ნაწილი შესულია 2024 წლის ბოლოს და ნაწილი 2025 წლის დასაწყიში, თუმცა ევროპული სასამართლო მას განიხილავს სტანდარტული პროცედურით დაჩქარების გარეშე. შესაბამისად, მთავრობას მიმდინარე წლის მაისში აქვს ვადა, წარადგინოს საკუთარი პოზიცია. შემდეგ მომჩივნებს ექნებათ შეპასუხების შესაძლებლობა და საბოლოო პოზიციას ისევ საქართველოს მთავრობა წარადგენს. ასევე მნიშვნელოვანია, რომ თვითონ საჩივრებიდან დგინდება, რომ მათ ნაწილს, ჯერ კიდევ 2024 წლის ბოლოს მოუთხოვიათ ევროპული სასამართლოს მიერ დროებითი უზრუნველყოფის ღონისძიების გამოყენების სახით მომხდარიყო არჩევნების შედეგების შეჩერება, რაც ევროპულმა სასამართლომ არ დააკმაყოფილა. რაც შეეხება თვითონ საჩივრების შინაარსს, მომჩივნების ნაწილი დავობს, თითქოს ადგილი ჰქონდა ხმის უფლების ფარულობის დარღვევას, ხოლო მეორე ნაწილი, რომელიც საზღვარგარეთ ცხოვრობს, მიიჩნევს, რომ მათი უფლებები დაირღვა, რადგან არ მოხდა უფრო მეტი საარჩევნო უბნის გახსნა ქვეყნის ფარგლებს გარეთ.ევროპული სასამართლოს კითხვებს რაც შეეხება, სასამართლო დაინტერესდა, რამდენად არსებობს რაიმე მტკიცებულება ხმის უფლების ფარულობის დარღვევასთან დაკავშირებით. ასევე რამდენად შეიძლება, ზოგადად ირღვეოდეს ეს უფლება იმის გამო, რომ სახელმწიფო არ ხსნის უფრო მეტ საარჩევნო უბანს ქვეყნის ფარგლებს გარეთ.ევროპული სასამართლო ასევე სვამს კითხვას, საია, არასამთავრობო ორგანიზაცია როგორც დამკვირვებელი, რამდენად შეიძლება, იყოს მომჩივანი ამ საქმეში. ძალიან მნიშვნელოვანია ამ საკითხის განხილვა ევროპული სასამართლოს მიერ, რადგან ჩვენ გვექნება ავტორიტეტული ორგანოს სამართლებრივი შეფასება აღნიშნულ საკითხთან დაკავშირებით. ვფიქრობთ, საბოლოოდ წერტილი უნდა დაესვას 2024 წლის არჩევნებთან დაკავშირებით ყველა სპეკულაციას. მანამდე კი, ყველა აქტორს, შიდა და გარე აქტორს მოუწევს, პატივი სცეს ევროპულ სასამართლოს, დაელოდოს მის პროცედურებს და არ გააკეთონ რაიმე სპეკულაციური შეფასებები აღნიშნულ საკითხზე. ასევე ეს გადაწყვეტილება მნიშვნელოვანია იმ კუთხითაც, რომ იქნება პრეცედენტული, რადგან რასაც გადაწყვეტს ევროპული სასამართლო საქართველოსთან მიმართებით, კერძოდ, არჩევნები ელექტრონული ფორმით ჩატარებასთან დაკავშირებით და საზღვარგარეთ საარჩევნო უბნების რაოდენობასთან დაკავშირებით, ეს იქნება პრეცედენტული და გავრცელდება ყველა სხვა ევროპულ სახელმწიფოზეც“, – განაცხადა ბექა ძამაშვილმა.მისივე თქმით, დგინდება, რომ მათ ნაწილს, ჯერ კიდევ 2024 წლის ბოლოს მოუთხოვიათ ევროპული სასამართლოს მიერ დროებითი უზრუნველყოფის ღონისძიების გამოყენების სახით მომხდარიყო არჩევნების შედეგების შეჩერება, რაც ევროპულმა სასამართლომ არ დააკმაყოფილა.ამასთან, საქართველოს იუსტიციის სამინისტროს ინფორმაციით, სტრასბურგის სასამართლო მხარეებს უსვამს კონკრეტულ შეკითხვებს:„1) აქვთ თუ არა მომჩივნებს რაიმე მტკიცებულება, რითაც დაადასტურებენ, რომ დაირღვა მათი ხმის უფლების ფარულობა; 2) რამდენად არის შესაძლებელი, რომ თავისუფალი არჩევნების უფლება (პირველი დამატებითი ოქმის მე-3 მუხლი) დაირღვეს იმის გამო, რომ საზღვარგარეთ არ გახსნილა მეტი უბანი; 3) შეუძლია თუ არა საია-ს, როგორც დამკვირვებელს, იდავოს თავისუფალი არჩევნების უფლების შესაძლო დარღვევაზე“.„საქართველოს ახალგაზრდა იურისტთა ასოციაციაში“ 2024 წლის საპარლამენტო არჩევნებთან დაკავშირებით წარდგენილი საჩივრების სტრასბურგის სასამართლოს მიერ განხილვის დაწყებაზე განცხადება დღეს გაკეთდა.

განსაკუთრებით ბოლო წლებში, სტრასბურგის სასამართლოს პრაქტიკაა, რომ „ნაცმოძრაობის“ და მასთან დაახლოებული „ენჯეოების“ სარჩელების აბსოლუტური უმრავლესობა არ კმაყოფილდება. მათ მიღებაზე ზოგს თავიდანვე უარს ეუბნებიან, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მაჭარაშვილის თქმით, ყველა იმ პირთან დაკავშირებით, სადაც საქართველოს სახელმწიფომ მიიღო გადაწყვეტილებები და შემდგომ ეს „ნაცმოძრაობის“ წარმომადგენლების მხრიდან გასაჩივრდა, სტრასბურგის სასამართლომ მათი აბსოლუტური უმრავლესობა არ დააკმაყოფილა.„ამ შემთხვევაში, არჩევნებთან დაკავშირებით რაზეც საია საუბრობს, ვიცით, რომ მოთხოვნა იყო, სარჩელის უზრუნველყოფის მიზნით, მყისიერად მოეხდინა სტრასბურგის საერთაშორისო სასამართლოს არჩევნების შედეგების შეჩერება და გაუქმება, რაზეც სასამართლომ არც კი იმსჯელა და მყისიერად უარი უთხრა. შემდეგ დაიწყო ძირითადი განხილვა.ახლა საუბარია, რომ სტრასბურგის სასამართლომ ძირითადი საქმის განხილვა უნდა დაიწყოს. თუ გადავხედავთ პრაქტიკას, ყველასი, მათ შორის „ნაცმოძრაობის“ და მისი ფილიალების სარჩელი, მაგალითად, როდესაც სარჩელი შევიდა „რუსთავი 2“-თან დაკავშირებით, გვარამიამ წააგო, ნიკა მელიას დაპატიმრებასთან დაკავშირებითაც წააგეს „ნაცმოძრაობის“ წარმომადგენლებმა. ყველა იმ პირთან დაკავშირებით, სადაც საქართველოს სახელმწიფომ მიიღო გადაწყვეტილებები და შემდგომ ეს „ნაცმოძრაობის“ წარმომადგენლების მხრიდან გასაჩივრდა, სტრასბურგის სასამართლომ სარჩელების აბსოლუტური უმრავლესობა არ დააკმაყოფილა. პირიქით დაკმაყოფილდა ისეთი სარჩელები, სადაც სამწუხაროდ, დღევანდელ სახელმწიფოს და ხალხს მოუწია თანხების გადახდა იმის გამო, რაც „ნაცმოძრაობის“ ხელისუფლებაში ყოფნის დროს სახელმწიფომ საქართველოს მოქალაქეები დააზარალა“, – განაცხადა გურამ მაჭარაშვილმა.ცნობისთვის, ახალგაზრდა იურისტთა ასოციაციის ინფორმაციით, სტრასბურგის სასამართლომ 2024 წლის საპარლამენტო არჩევნებთან დაკავშირებით საჩივრების განხილვა დაიწყო. როგორც საია-ში აცხადებენ, მათ მოთხოვნებში არჩვენების შედეგების გაუქმება არ არის.ამასთან, საქართველოს იუსტიციის მინისტრის მოადგილის, ბექა ძამაშვილის თქმით, მომჩივნების ნაწილი ჯერ კიდევ 2024 წლის ბოლოს ითხოვდა საპარლამენტო არევნების შედეგების შეჩერებას, თუმცა ევროპულმა სასამართლომ მოთხოვნა არ დააკმაყოფილა.