შალვა პაპუაშვილი – კითხვას ვსვამ, ვისი დაფინანსებით მოგზაურობს ბალტიის ქვეყნებში სალომე ზურაბიშვილი, პასუხში დავინახავთ მტკიცებულებას, ვისი მარიონეტი არის ექსპრეზიდენტი ზურაბიშვილი

„სერგი კაპანაძე, ბათუ ქუთელია ომის შემდეგ საუბრობდნენ, რომ მათ კასეტური ბომბები გამოიყენეს, ეს რამდენად შედის ჩვენი სახელმწიფოს ინტერესებში, ასეთი განცხადებების გაკეთება?!“ -  ამ და სხვა საინტერესო კითხვაზე  გადაცემა „თავისუფალი სივრცის“ წამყვანს, ვახო ხუზმიაშვილს „ევროპელი დემოკრატების“ თავმჯდომარე, პაატა დავითაია პასუხობს. 

შემოვდივარ წინადადებით, ვაცადოთ კიდევ, 8 აპრილს შევიკრიბოთ და აღარ დავიშალოთ, – ამის შესახებ პაატა ბურჭულაძემ რუსთაველის გამზირზე მიმდინარე აქციაზე განაცხადა.„ჩვენ ასე თუ გავაგრძელეთ და ეგეთი ტემპებით თუ ვიარეთ წინ, მალე ქვეყანა აღარ გვექნება და ვიქნებით სადღაც გადაკარგულში. გამოვდივარ წინადადებით, გადაეცით ყველას, ვინც ხართ მომხრე, ჩვენ უნდა ვიმოქმედოთ. ხომ ხედავთ, ვერც პოლიტიკური პარტიები ვერაფერს აკეთებენ, პრეზიდენტი ხომ საერთოდ. ამიტომ მე შემოვდივარ წინადადებით, ვაცადოთ კიდევ 8 აპრილამდე. 8 აპრილს შევიკრიბოთ აქ და აღარ დავიშალოთ, ვიყოთ ბოლომდე“, – განაცხადა პაატა ბურჭულაძემ.

ამ უთავმოყვარეოებას ხომ ხედავთ, უკან შეკვეტებულ მიშას, სხვა პოლიტპატიმრებს ხედავთ? არა! – ამის შესახებ „ფედერალისტების“ ლიდერი თამარ ჩერგოლეიშვილი სოციალურ ქსელში წერს და რუსთაველის გამზირზე მიმდინარე აქციას ეხმაურება, სადაც სალომე ზურაბიშვილი სიტყვით გამოვიდა.„ამ უთავმოყვარეოებას ხომ ხედავთ? უკან შეკვეტებულ მიშას?სხვა პოლიტპატიმრებს ხედავთ? არა!გინდათ, გაჩვენოთ მიშას პარტიის ხვედრითი წილი ამ აქციაში?ნაცები რამდენი არიან და რა შეუსაბამო როლს ითხოვენ?კომენტარში ნახეთ“, – წერს თამარ ჩერგოლეიშვილი.

ზუსტად ესმით ადამიანებს, რა უნდა აკეთო იმისთვის, რომ იყო ოპოზიციონერი მმართველი პარტიის და არა საკუთარი ქვეყნის და სამშობლოსი - ამის შესახებ "ღამის კურიერის" ეთერში პარლამენტის საპროცედურო საკითხთა და წესების კომიტეტის თავმჯდომარე დავით მათიკაშვილი  აცხადებს.დავით მათიკაშვილის თქმითვე, ყველა მმართველ პარტიას სჭირდება ოპოზიცია და ეს არის უმრავლესობის ნომერ პირველი სურვილი. მისივე თქმით, ქვეყანაში საჭიროა რეალური ოპოზიცია და არა ის აგენტურული ქსელი, რომელმაც საკუთარი ქვეყნისა და ხალხის წინააღმდეგ მრავალი დანაშაული ჩაიდინა."ქართველები არიან ძალიან ნიჭიერი ხალხი. საქართველოში ძალიან გამოცდილი და გაზრდილი ელექტორატია და ზუსტად ესმით ადამიანებს, რა უნდა აკეთო იმისთვის, რომ იყო ოპოზიციონერი მმართველი პარტიის და არა საკუთარი ქვეყნის და სამშობლოსი. სამშობლოს კი არ უდგე ოპოზიციაში, ევროპული და ამერიკული დერეფნების სირბილში კი არ გაიცვითო "ტუფლები", რომ შენს ქვეყანას სანქციები დაუწესე, არ შეიყვანო ევროკავშირში, არ მისცე კანდიდატის სტატუსი და ა.შ., არამედ მმართველ პარტიას ედგე ოპოზიციაში. ყველა მმართველ პარტიას სჭირდება ოპოზიცია და ეს არის ნომერ პირველი სურვილი ჩვენი. ჩვენ რატომ დავგეგმეთ და რატომ ვაკეთებთ ამ მნიშვნელოვან დემოკრატიულ პროცესს? იმიტომ, რომ რეალური ოპოზიცია გაჩნდეს ჩვენს ქვეყანაში და არა ის აგენტურული ქსელი, რომელიც სულს ღაფავს დღეს, მაგრამ მთელი ამ ხნის განმავლობაში მათ იმდენი დანაშაული და სისაძაგლე ჩაიდინეს საკუთარი ქვეყნის და ხალხის წინააღმდეგ, რომ კი ეს ბუნებრივია სასამართლოს განსახილველი საქმეა, მაგრამ საზოგადოებამ ხომ ყველაფერი ძალიან კარგად იცის?!როდესაც უსმენს ამ უსაშინლეს ისტორიებს საპარლამენტო საგამოძიებო კომისიიდან, ახალგაზრდებმა ეს ყველაფერი არ იციან, მაგრამ ჩვენი თაობის ადამიანებმა, ჩვენს უფროსი თაობის ხალხმა ხომ კარგად იცის, მათ ხომ ახსენდებათ, რა კატასტროფის წინაშე იდგა ჩვენი ქვეყანა და სად ცხოვრობდნენ ქართველები თუ არა 2012 წელი, თუ არა ბიძინა ივანიშვილი და "ქართული ოცნება" და მართლა ამ სისასტიკის და სადიზმის ერთხელ და სამუდამოდ პოლიტიკურ სანაგვეზე მოცილება? ეს ყველაფერი იმის ერთადერთი გზა არის, რომ ქვეყანაში გაჯანსაღდეს პოლიტიკური სპექტრი და მართლაც, ერთხელ და სამუდამოდ აქ გაჩნდეს რეალური ჯანსაღი ოპოზიცია“, - განაცხადა დავით მათიკაშვილმა.

საფრანგეთის ულტრამემარჯვენე პარტიის, „ეროვნული გაერთიანების“ ლიდერი მარინ ლე პენი სასამართლოს გადაწყვეტილებას პოლიტიკურად მოტივირებულს უწოდებს. ამის შესახებ ლე პენმა ფრანგულ მედიასთან ინტერვიუში განაცხადა. ეს ლე პენის პირველი კომენტარია მას შემდეგ, რაც საფრანგეთის სასამართლომ ის დამნაშავედ ცნო ევროკავშირის სახსრების არამიზნობრივი ხარჯვის საქმეზე.ლე პენის თქმით, ის გაასაჩივრებს სასამართლოს გადაწყვეტილებას და ამბობს, რომ უდანაშაულოა.„მილიონობით ფრანგი აღშფოთებულია იმის ნახვით, რომ საფრანგეთში, ადამიანის უფლებათა ქვეყანაში, მოსამართლეებმა მიიღეს ზომები, რომლებიც ავტორიტარული რეჟიმებისთვისაა დამახასიათებელი“, – ამბობს ეროვნული გაერთიანების ლიდერი.ლე პენი აღნიშნავს, რომ დემოკრატია არის, როდესაც გადაწყვეტილებას ამომრჩეველი იღებს.„მილიონობით ფრანგი მენდობა. მე 30 წელია, თქვენთვის ვიბრძვი. მე არ ვარ სულიერად გატეხილი. თქვენ მსგავსად, მეც გაოგნებული ვარ, მაგრამ ეს აღშფოთება, ეს უსამართლობის განცდა, დამატებითი ბიძგია იმ ბრძოლისთვის, რომელსაც ამომრჩევლებისთვის ვაწარმოებ“, – თქვა ლე პენმა.ცნობისთვის, მარინ ლე პენს სასამართლომ ოთხი წლით თავისუფლების აღკვეთა მიუსაჯა, აქედან ორი წელი – შინაპატიმრობა, ორი წელი კი პირობითი სასჯელია, მას ასევე ხუთი წლით აეკრძალა თანამდებობის დაკავება.