შალვა პაპუაშვილი – თამარ ტალიაშვილმა აგრემანი მიიღო აშშ-ის პრეზიდენტის ადმინისტრაციისგან, ეს გვაძლევს ოპტიმიზმის იმედს, რომ ურთიერთობის გადატვირთვა შესაძლებელია

საქართველოს შესახებ დონალდ ტუსკის განცხადება საკუთარი პრობლემების სხვა მიმართულებით გადატანის მცდელობაა, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, მსგავს განცხადებას პოლონელები მხარს არ უჭერენ.„პოლონეთში საკმაოდ რთული პოლიტიკური ვითარება დავინახეთ. მმართველ პარტიას სეიმში დეპუტატთა ის რაოდენობა არ გააჩნია, რომელიც პრეზიდენტის ვეტოს დაძლევს. ეს ურთულესი პრობლემაა, რომელიც ხუთი წლის განმავლობაში მმართველ პარტიას ექნება, თუ ის ისევ ხელისუფლებაში დარჩება. სეიმში მძიმე განხილვები იყო მთავრობისთვის ნდობის გამოცხადების თვალსაზრისით. ამ ფონზე და ასეთ ვითარებაში ტუსკის განცხადება იმ კონტექსტშია განსახილველი, რომ საკუთარი პრობლემები სხვა მიმართულებით გადაიტანოს. ეს არის ყურადღების გადატანის მცდელობა. არ მგონია, ასეთ განცხადებას პოლონელები მხარს უჭერდნენ, რადგან ბევრი მეგობარი გვყავს პოლონეთში. ვინც აქ ჩამოდის და სიტუაციას ნახულობს, კარგად გაერკვევა ვითარებაში და საკუთარ ქვეყანაში დადებით ინფორმაციას ჩაიტანს“, – განაცხადა გია ვოლსკიმ.11 ივნისს, დონალდ ტუსკმა პოლონეთის პარლამენტში მთავრობისთვის ნდობის საკითხზე კენჭისყრამდე სიტყვით გამოსვლისას განაცხადა, რომ მზად არის, ყველა ხელმისაწვდომი მეთოდი გამოიყენოს „საერთაშორისო სამართლის შესაცვლელად, რომ უკანონო მიგრაციის რისკი მინიმუმამდე შევამციროთ“. დონალდ ტუსკის თქმით, საჭიროა უმრავლესობა, რათა შეიზღუდოს ან შეჩერდეს უვიზო მიმოსვლა, მათ შორის, საქართველოსთან.

"მოგესალმებით სრულიად საქართველოს. არ მეგონა, რომ კიდევ დავუბრუნდებოდი ჩემი ოჯახის ბულინგის თემას, თუმცა, როგორც ჩანს, გაუსვრელი არავინ უნდა დარჩეს.  დღეს ბიჭები არიან სამიზნეები. კიდევ ერთხელ გავიმეორებ,  ჩვენ არავის ვუვარდებით სახლში ,არც სცენაზე, არც პირად ცხოვრებაში, არც სამარცხვინო ნაბიჯებით გამოვირჩევით… როცა ყვირი "სირცხვილია" -ს, სულ ცოტა, მისი შინაარსი კარგად უნდა გესმოდეს ადამიანს - "რა არის სირცხვილი და რა - არა". ეს ბიჭები იმ ოჯახში გაიზარდნენ, სადაც ყველაფრის ფასი ძალიან კარგად ვიცით. არც მშიერის დაპურება გვეშლება, არც უსახლკაროს მიღება, არც მრწამსისთვის ჯოჯოხეთის გავლა, არც მდუმარებაში გლოვა, არც უსახლკარობის შიში, არც ერთმანეთის სიყვარული და არც - ქვეყნის. არც გაზის ყლაპვის შეგვშინებია ოდესმე და არც ვინმესთვის სიმართლის თქმის. ასე რომ, შორს ხელები ჩემი ოჯახიდან" - წერს ნატო გელაშვილი სოციალურ ქსელში და შვილების, ლუკა და გიორგი ჭოხონელიძეების ფოტოს აქვეყნებს. ეს განცხადება მომღერალმა გუშინდელი კონცერტის შემდეგ გააკეთა. როცა გიორგი და ლუკა ჭოხონელიძეები სცენაზე ზუკა ხუციშვილთან ერთად სიმღერას ასრულებდნენ, სცენაზე ახალგაზრდა ბიჭი ავიდა, რომელმაც ძმებ ჭოხონელიძეებს სიტყვის თქმის უფლება სთხოვა და თქვა, რომ მათ თანატოლს, 21 წლის მატე დევიძეს სასამართლომ 4 წლითა და 6 თვით პატიმრობა მიუსაჯა. ამ თხოვნაზე ლუკა და გიორგი ჭოხონელიძეებისგან მან უარი მიიღო, აუდიტორიიდან კი ისმოდა შეძახილები: "სირცხვილია", "ასე არ შეიძლება..." 

თბილისში 13 ივნისს მომხდარი ტრაგედიიდან ათი წელი გავიდა. ტრაგიკულ თარიღთან დაკავშირებით სტიქიის შედეგად დაღუპულთა სულის მოსახსენიებელი პანაშვიდი გაიმართა.პანაშვიდს დედაქალაქის მერი კახა კალაძე დაესწრო, 13 ივნისის მემორიალი ყვავილებით შეამკო და დაღუპულთა ხსოვნას პატივი მიაგო.„ათი წელი გავიდა იმ მძიმე ტრაგედიიდან, რომელიც თბილისს 2015 წლის 13 ივნისს დაატყდა თავს. 21 ადამიანი დაიღუპა, ორი კი დღემდე უგზო-უკვლოდ დაკარგულად ითვლება. პირველ რიგში, ვუსამძიმრებ ამ ადამიანების ოჯახებს, მათ ახლობლებს. თუ გავიხსენებთ, მართლაც ძალიან მძიმე იყო ის, რაც 13 ივნისს ხდებოდა, თუმცა პოზიტივი რაც იყო, ეს იყო ერთიანობა, ერთობა, როდესაც ყველა – დიდი და პატარა გაერთიანდა, რათა მხარში დადგომოდა ჩვენს დედაქალაქს. მთელ მსოფლიოს დავანახეთ, რა შეუძლია ერთობას“, – განაცხადა კახა კალაძემ.მემორიალთან, დედაქალაქის მერთან ერთად, იმყოფებოდნენ საკრებულოს თავმჯდომარე ზურაბ აბაშიძე, ვიცე-მერი გიორგი ტყემალაძე, მერის მოადგილეები და საკრებულოს წევრები.

თბილისის მერი კახა კალაძე მედიასთან ნიკა გვარამიას დაკავების ფაქტს გამოეხმაურა და აღნიშნა, რომ ხელისუფლება ნებისმიერი კანონდარღვევის შემთხვევაში, შესაბამის ქმედებებს განახორციელებს.მისივე განმარტებით, არ აქვს მნიშვნელობა კანონდამრღვევი პოლიტიკოსი იქნება თუ არა, ყველა თანაბრად აგებს პასუხს."რასაც ვხედავთ, ზოგიერთი პოლიტიკოსების მხრიდან კანონის დარღვევის პირველი შემთხვევა არ არის. როდესაც კანონს არღვევ, პოლიტიკოსის სტატუსი ვერ იქნება ამ ყველაფრის ფარი. ხელისუფლება კანონის ფარგლებში იმოქმედებს და შესაბამის ქმედებებს განახორციელებს", - განაცხადა კახა კალაძემ.

საქართველოში ისრაელის საელჩო ბოლო დროს განვითარებული მოვლენების გამო დაკეტილია, – ამის შესახებ სოციალურ ქსელში საელჩოს გვერდზე გავრცელებულ ინფორმაციაშია ნათქვამი.საქართველოში ისრაელის საელჩო აღნიშნავს, რომ ასე ხელმისაწვდომი არ იქნება საკონსულო მომსახურება.„ბოლო დროს განვითარებული მოვლენების გამო, საელჩო დაკეტილია და საკონსულო მომსახურება არ იქნება ხელმისაწვდომი. განახლებებისთვის ეწვიეთ საელჩოს ვებგვერდს“, – ნათქვამია ინფორმაციაში.