შაბათი, ივლისი 19, 2025

შალვა პაპუაშვილი: ვადასტურებთ სახელმწიფო უსაფრთხოების სამსახურის წამყვან როლს ჩვენი ქვეყნისა და მოქალაქეებისთვის მშვიდობიანი და უსაფრთხო გარემოს უზრუნველყოფაში

ვადასტურებთ სახელმწიფო უსაფრთხოების სამსახურის წამყვან როლს ჩვენი ქვეყნისა და მოქალაქეებისთვის მშვიდობიანი და უსაფრთხო გარემოს უზრუნველყოფაში, – ამის შესახებ საქართველოს პარლამენტის თავმჯდომარემ, შალვა პაპუაშვილმა სახელმწიფო უსაფრთხოების სამსახურის დაარსების ცხრა წლის იუბილესადმი მიძღვნილ ღონისძიებაზე განაცხადა.

მისი თქმით, დაარსების დღიდან, სახელმწიფო უსაფრთხოების სამსახური ქვეყნის ეროვნული უსაფრთხოებისა და სტაბილურობის ქვაკუთხედია, დაუღალავად იცავს ქვეყანას შიდა და გარე საფრთხეებისგან.

„9 წლის განმავლობაში ამ სამსახურმა არაერთხელ დაადასტურა კანონის უზენაესობის, კეთილსინდისიერებისა და უსაფრთხოების პრინციპების დაცვისადმი პატივისცემა.

დღევანდელ მსოფლიოში არსებული გამოწვევებისა და ტურბულენტური გარემოს ფონზე, სახელმწიფო უსაფრთხოების სამსახურმა საოცარი მედეგობა და მოქნილობა გამოიჩინა. იქნება ეს საგარეო თუ ეკონომიკური საფრთხეები, ტერორიზმსა დაორგანიზებულ დანაშაულთან ბრძოლა, თუ ისეთ ჰიბრიდულ საფრთხეებთან გამკლავება, როგორიც დეზინფორმაციაა, ეს სამსახური წარმატებითა და მაღალი პროფესიონალიზმით ასრულებს თავის საპასუხისმგებლო მისიას.

უკანასკნელ პერიოდში უსაფრთხოების სამსახურის მიერ განხორციელებული სამუშაოების შედეგად, ქვეყანამ თავიდან აირიდა უცხო ძალთა ჩარევით იმგვარი სცენარების განვითარება, რომლებიც საბოლოო ჯამში საქართველოში არეულობასა და დესტაბილიზაციას შექმნიდა. რომ არა თქვენი უდიდესი პროფესიონალიზმი და ქვეყნის სიყვარული, შესაძლებელია დღეს სავალალო რეალობაში აღმოვჩენილიყავით.

სწორედ უსაფრთხოების სამსახურის თანამშრომელთა წარმატებული საქმიანობის შედეგად, უკანასკნელი წლების განმავლობაში შესაძლებელი გახდა ჩვენი ქვეყნის ეკონომიკური ზრდის ხელშეწყობასა და მისი სტრატეგიული სატრანსპორტო-სატრანზიტო პოტენციალის მეტად გამოყენებაზე კონცენტრირება.

ამ სამსახურის წარმომადგენლები საქმის მცოდნე, გამოცდილების მქონე და სამშობლოს მოამაგე ადამიანები ხართ და ქმნიან გუნდს, რომელსაც სწორი ღირებულებები და წრფელი დამოკიდებულებები აქვს. თქვენ ხშირად ჩვენი თვალთახედვის არეალს მიღმა მუშაობენ, რათა საქართველოს ეროვნული ინტერესები დაიცვან და ჩვენი უსაფრთხოება უზრუნველყონ. იმის მიუხედავად, რომ თქვენი ძალისხმევა არ არის ყოველდღიურად ხილვადი, ეს შრომა ჩვენს დიდ პატივისცემას იმსახურებს“, – განაცხადა შალვა პაპუაშვილმა.

საქართველოს პარლამენტის სახელით შალვა პაპუაშვილმა დაადასტურა სახელმწიფო უსაფრთხოების სამსახურთან ნაყოფიერი თანამშრომლობის გაგრძელების მზაობა.

„ასევე, მზად ვართ, შევუწყოთ ხელი უსაფრთხოების სამსახურის მუდმივ განვითარებასა და გაძლიერებას, რათა მისმა თანამშრომლებმა ყოველთვის შეძლონ, სათანადოდ გაუმკლავდნენ მზარდ ჰიბრიდულ საფრთხეებს. სახელმწიფო უსაფრთხოების სამსახურის ხელმძღვანელობასა და თანამშრომლებს გულითად მადლობას გიხდით. სწორედ თქვენი ძალისხმევის, სიმამაცისა და თავდადების შედეგია მშვიდობა და სტაბილურობა, რომელიც ჩვენს ქვეყანაში შენარჩუნდა მძიმე საერთაშორისო და რეგიონული გეოპოლიტიკური ვითარების ფონზე.

ჩვენ დღევანდელ სამყაროში ვაკვირდებით, რომ საქართველო ფაქტობრივად ცეცხლის რკალშია მოქცეული. სადაც არ უნდა გავიხედოთ, ყველგან შიდა კონფლიქტები, ქვეყნებს შორის ომებია და სწორედ, ამ პირობებში, საქართველომ შეძლო და ფაქტობრივად ვართ მშვიდობის კუნძული იმ ფონზე, როდესაც ჩვენი ტერიტორიების ნაწილი ოკუპირებულია. ეს, რა თქმა უნდა, არის უდიდესი დამსახურება სრულად ჩვენი უსაფრთხოების სისტემის. რა თქმა უნდა, აქ უდიდესი როლი აქვს უსაფრთხოების სამსახურს, შინაგან საქმეთა სამინისტროს. საქმემ აჩვენა, რომ მთლიანად ჩვენი უსაფრთხოების სისტემა ისეა აწყობილი, რომ რაიმე უმნიშვნელო უსაფრთხოების რისკიც კი არ განხორციელებულა, განსაკუთრებით ბოლო ორ წელიწად ნახევარში, მას შემდეგ, რაც რუსეთ-უკრაინის ომი მიმდინარეობს. ამისთვისაც მინდა მადლობა გადაგიხადოთ, როგორც ყველაზე ძლიერ და მნიშვნელოვან რგოლს ამ ჯაჭვში.

სახელმწიფო უსაფრთხოების სამსახური საქართველოს მიღწევათა ერთ-ერთი უმთავრესი შემოქმედია, რომელიც უდიდესი პროფესიონალიზმით ასრულებს სამშობლოს ერთგული გუშაგების მოვალეობას, რომლებიც უხმაუროდ, ცივი გონებითა და ცხელი გულით, დღისითა და ღამით დარაჯობენ ჩვენი მოქალაქეების უსაფრთხოებას, ჩვენი სამშობლოს სიმშვიდესა და ქვეყნის სტაბილურობას.

კიდევ ერთხელ გილოცავთ სახელმწიფო უსაფრთხოების სამსახურის დაარსების წლისთავს. დიდ წარმატებას გისურვებთ თქვენს საქვეყნოდ მნიშვნელოვან საქმეში“, – განაცხადა შალვა პაპუაშვილმა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

ბაჩიაშვილის ცემის ფაქტი, ისევე როგორც სხვა ცემის ფაქტები მეტყველებს, რომ დღეს ქართული სახელმწიფო არ გვაქვს – ვიქტორ ყიფიანი

" ცემის ფაქტი, ისევე როგორც სხვა ცემის ფაქტები, რომელიც მომრავლდა ჩვენს რეალობაში მეტყველებს ერთ რამეზე, რომ დღეს ქართლი სახელმწიფო არ გვაქვს," - ამის შესახებ GEOCASE-ის დამფუძნებელმა ვიქტორ ყიფიანმა "TV პირველის" ეთერში განაცხადა.მან თანადგომა გამოუცხადა გიორგი ბაჩიაშვილს და აღნიშნა, რომ ის არის მაღალი კომპეტენციის, ეთიკური ნორმების მქონე ადამიანი, რომელიც გამოირჩევა სანიმუშო სტანდარტით ერთგულებისა და ლოიალურობისა საქმისადმი და საქმიანი ინტერესებისა და პრინციპებისადმი."ცემის ფაქტი, რომელიც მომრავლდა ჩვენს რეალობაში მეტყველებს ერთ რამეზე - დღეს ქართლი სახელმწიფო ჩვენ არ გვაქვს. ქართულმა სახელმწიფომ შეწყვიტა არსებობა ეროვნულ სახელმწიფოებრიობის კლასიკური გაგების თვალსაზრისით.მე გიორგისთან ერთად ვმუშაობდი ერთ ცნობილ საქმეზე. მე კომენტარს ვერ გავაკეთებ კონკრეტულად სისხლის სამართლის საქმესთან მიმართებაში, რაზეც ბატონი ივანიშვილი ბატონ ბაჩიაშვილს ედავება, მაგრამ იმ გამოცდილებიდან გამომდინარე, რაც გიორგი ბაჩიაშვილთან მაკავშირებს, ის არის მაღალი კომპეტენციის მქონე ადამიანი, მაღალი ეთიკური ნორმების მქონე ადამიანი, რომელიც გამოირჩევა სანიმუშო სტანდარტით ერთგულებისა და ლოიალურობისა საქმისადმი და საქმიანი ინტერესებისა და პრინციპებისადმი, ამიტომ თანადგომა გიორგის და მაქსიმალური სოლიდარობა მას ადამიანური პროფესიული და მოქალაქეობრივი", - განაცხადა ვიქტორ ყიფიანმა.მან ასევე "ქართული ოცნების" პოლიტიკა შეაფასა და ის პროცესები, რაც დღევანდელ რეალობაში მიმდინარეობს."რამდენიმე განცხადება მოვისმინე "ქართული ოცნების" წარმომადგენლების მხრიდან, რომ ვიღაცამ ქვეყანა უბედურებას ააცდინა და საუბარია მითურ „მეორე ფრონტზე და "გლობალური ომის პარტიაზე". ჩემი აზრით, ამ სისტემამ გაცილებით მეტ უბედურებაში გაახვია და არა ააცდინა - ეს არის ქართული სახელმწიფოს მოსპობა და მისი თანმიმდევრული განადგურება. მთავარი იმპერატივი, რაც ქართველ ერს სჭირდება, არა მარტო საკუთარი იდენტობის შესანარჩუნებლად, არამედ განვითარებისა და მოდერნიზაციისთვის.პროცესები, რომელიც "ოცნების" წიაღში მიმდინარეობს, სხვა გაგრძელებას ვერ პოვებდა, რადგან ისეთ პრინციპებზეა დაფუძნებული, რომელსაც არაფერი სწორ მართვასთან, სახელმწიფოებრივ აზროვნებასთან, ეროვნულ დღის წესრიგთან არა აქვს, ამიტომ ის, რომ დღეს შიდა გარჩევებს აქვს ადგილი, ბუნებრივია", - განაცხადა ყიფიანმა.

მძიმე ავარია კახეთის გზატკეცილზე – რა ხდება ადგილზე ამ წუთებში

ცოტა ხნის წინ კახეთის გზატკეცილზე ავარია მოხდა.ერთმანეთს ორი ავტომობილი შეეჯახა.ადგილზე ამ წუთებში საპატრულო პოლიციაა მობილიზებული.შემთხვევის შედეგად არავინ დაშავებულა.

გიორგი შარაშიძე – ჩვენსა და „ძლიერ საქართველოს“ შორის თანამშრომლობა იმიტომ არ შემდგარა, რომ გახარია გავხადოთ მერობის კანდიდატი, დღეს ჩვენ არ ვართ მზად, კონკრეტულ კანდიდატებზე...

დღეს ჩვენ არ ვართ მზად, რომ კონკრეტულ კანდიდატებზე ვისაუბროთ, ეს ბუნებრივი და ლოგიკურიც არის, რადგან ამ მემორანდუმის გაფორმებიდან სულ რამდენიმე დღეა გასული და ჩვენ ახლა ვართ ნეიტრალური კანდიდატების შერჩევის აქტიურ პროცესში, – ამის შესახებ პარტიის „გახარია საქართველოსთვის“ პოლიტიკური საბჭოს წევრმა, გიორგი შარაშიძემ საქართველოს პირველი არხის გადაცემაში „აქტუალური თემა – მაკა ცინცაძესთან ერთად“ განაცხადა.გადაცემის წამყვანმა შარაშიძეს ჰკითხა: ვინ შეიძლება იყოს თბილისის მერობის მათი კანდიდატი და რა კრიტერიუმებს უნდა შეესაბამებოდეს ის.როგორც შარაშიძემ აღნიშნა, მათი მოდელი ნიშნავს ორი ტიპის კანდიდატის არსებობას.„პირველი, ეს არის პოლიტიკურად ნეიტრალური კანდიდატი, ვისაც ექნება ჩვენი, ორივე პოლიტიკური ძალის სრული მხარდაჭერა. ასევე ექნება საზოგადოების გაცილებით ფართო ფენების მხარდაჭერა, როგორც ნეიტრალურად განწყობილი მოქალაქეების, ასევე იმ ადამიანების, რომლებიც, რეალურად, სხვა ოპოზიციური პარტიების მხარდამჭერები არიან, მაგრამ არ მიჰყვებიან მათ გეგმას, რომ ბოიკოტი არის მთავარი, ყველაზე ეფექტური გზა დღეს „ოცნების“ წინააღმდეგ ბრძოლაში, აპირებენ არჩევნების დღეს საარჩევნო უბანზე მისვლას და საკუთარი პოზიციის დაფიქსირებას საარჩევნო ყუთთან“, – განაცხადა შარაშიძემ.მისივე თქმით, მეორე ვარიანტია, რომელიც სხვადასხვა შემთხვევაში, შეიძლება, შეეხოს როგორც მერობის, ასევე მაჟორიტარი დეპუტატობის კანდიდატებს.„ჩვენ, შეიძლება, შევთანხმდეთ ჩვენს პარტიულ კანდიდატებზეც, მაგრამ აქ მთავარი პირობა გახლავთ ის, რომ, ბუნებრივია, ყველანაირი კონკურენცია ჩვენსა და „კოალიცია – ძლიერ საქართველოს“ შორის გამორიცხულია. ეს ლოგიკა არის შემდეგი, რომ დღეს, არსებული უთანასწორო ბრძოლის პირობებში, ჩვენ ერთმანეთთან დაპირისპირებაში და ერთმანეთთან კონკურენციაში კი არ უნდა დავხარჯოთ ჩვენი რესურსები, არამედ ჩვენი რესურსები უნდა გავაერთიანოთ საერთო მიზნისთვის ბრძოლაში“, – განაცხადა შარაშიძემ.მაკა ცინცაძის შეკითხვაზე, განიხილება თუ არა თბილისის მერობის ერთ-ერთ კანდიდატად გახარია ან თუნდაც, ხაზარაძე-ჯაფარიძე, გიორგი შარაშიძემ განაცხადა, რომ მათი კანდიდატურები არ განიხილება.„ეს თანამშრომლობა ჩვენ შორის, ჩვენსა და „კოალიცია ძლიერ საქართველოს“ შორის იმიტომ არ შემდგარა, რომ ჩვენ ახლა გიორგი გახარია გავხადოთ თბილისის მერობის კანდიდატი. მას თბილისის მერობა რომ სდომოდა, პრემიერმინისტრობის თანამდებობიდან ხომ არ წამოვიდოდა?“ – განაცხადა შარაშიძემ.შარაშიძემ ასევე აღნიშნა, რომ მათთვის მთავარი არის „ოცნების“ ელექტორატზე მუშაობა.„ჩვენ ვთვლით, რომ დღეს „ოცნებას“, არ ვგულისხმობ გაყალბებულ ციფრებს და ა.შ., მაგრამ, რეალურად და ობიექტურად, ჰყავს გაცილებით მეტი ამომრჩეველი, ვიდრე ის სინამდვილეში იმსახურებს. მაგრამ ამას „ოცნება” ახერხებს, ძირითადად, ორი გზით. პირველი, ეს არის ამ ამომრჩევლის მუდმივი მოტყუება, ანუ, მუდმივად დეზინფორმაციის პირობებში მათზე საინფორმაციო ზეწოლა და ჰიბრიდული ომის წარმოება, ომით და სხვა ბევრი ფაქტორით მათი დაშინება; და მეორე, რაც ასევე ძალიან მნიშვნელოვანია, „ოცნება“, ფაქტობრივად, ყოველდღიურად შიშში აცხოვრებს ამ ამომრჩეველს“, – განაცხადა შარაშიძემ.ამასთან, შარაშიძემ აღნიშნა, რომ რევოლუცია, არეულობა და რადიკალიზმი არის პირდაპირი საჩუქარი ჩვენი ქვეყნის მტრებისთვის და ეს არ უნდა დავუშვათ.„ჩვენ ყველაფერი უნდა გავაკეთოთ, რათა ეს ხელისუფლება შევცვალოთ მშვიდობიანი გზებით. ამ არჩევნებში რომ შევდივართ, იმისთვის კი არ შევდივართ, რომ ჩვენ, მაგალითად, გათვლა გვაქვს, რომ 5 ოქტომბერს „ოცნება“ აღარ იქნება და ხელისუფლებას ვინმეს გადააბარებს, რა თქმა უნდა, ეს ასე არ მოხდება. არ მოხდება, რადგან დღეს „ოცნება“ არის კონსოლიდირებული ავტოკრატიული რეჟიმი და, ბუნებრივია, ერთი არჩევნებით, მით უმეტეს, ადგილობრივი თვითმმართველობის არჩევნებით მათი დამარცხება ადვილი არ არის“, – განაცხადა შარაშიძემ.შეკითხვაზე, როდის დაბრუნდება საქართველოში გიორგი გახარია, გიორგი შარაშიძემ აღნიშნა, რომ ის ამას თავად გადაწყვეტს.

ევროკავშირმა თურქეთის მოქალაქეებისთვის სავიზო რეჟიმი შეამსუბუქა და შენგენის ზონაში სამოგზაუროდ ვიზის მიიღება გამარტივებული წესით შეუძლიათ

ევროკავშირმა თურქეთის მოქალაქეებისთვის სავიზო რეჟიმი შეამსუბუქა.როგორც თურქეთში ევროკავშირის დელეგაციის განცხადებაშია ნათქვამი, 15 ივლისიდან თურქეთის მოქალაქეებს შენგენის ზონაში სამოგზაუროდ ვიზის მიიღება გამარტივებული წესით შეუძლიათ.კერძოდ, თურქეთის მოქალაქეებისთვის ამოქმედდა შენგენის ვიზის მიღების ე.წ. კასკადური წესი, რომლის თანახმადაც, იმ პირებს, რომლებსაც უკვე ჰქონდათ მოკლევადიანი ვიზა და არ აქვთ დარღვევები, შეუძლიათ, მიიღონ გრძელვადიანი მრავალჯერადი ვიზა შემდგომი განაცხადის წარდგენისას. თურქეთის მოქალაქეები ერთწლიანი მრავალჯერადი ვიზის მიღების შემდგომ შეძლებენ უკვე სამწლიანი და ხუთწლიანი ვიზების მიღებას.აღნიშნულ გადაწყვეტილებას მიესალმა თურქეთის საგარეო საქმეთა სამინისტრო. უწყების განცხადებით, ევროკომისიამ და თურქულმა ინსტიტუტებმა უნდა გააგრძელონ სავიზო რეჟიმის კიდევ უფრო შემსუბუქებისკენ სწრაფვა.თურქეთი 1999 წლიდან ევროკავშირის წევრობის კანდიდატი ქვეყანაა, თუმცა მისი გაწევრიანების პროცესი წლების განმავლობაში შეჩერებულია. ასევე შეჩერდა თურქეთსა და ევროკავშირს შორის ვიზალიბერალიზაციის პროცესი.თურქეთში ევროკავშირის ელჩი თომას ჰანს ოსტროვსკი აცხადებს, რომ სავიზო რეჟიმის შემსუბუქება თურქეთის მოქალაქეების მოგზაურობის პროცესს გაამარტივებს და დააჩქარებს. დიპლომატის თქმით, ევროკომისია მზადაა, ზაფხულის შემდეგ ანკარასთან განაახლოს ოფიციალური მოლაპარაკებები ვიზალიბერალიზაციის შესახებ, ექვსი დარჩენილი პუნქტის შესასრულებლად.„ევროკავშირის ყველა სხვა კანდიდატს ქვეყანას აქვს უვიზო მიმოსვლა, თურქეთის გარდა. მნიშვნელოვანია, განვაახლოთ შენგენის სივრცეში და ევროკავშირში უვიზო მოგზაურობის პროცესი“, – აღნიშნა ელჩმა.

დიდი ბრიტანეთი, ევროკავშირთან ერთად, რუსული ნავთობის ფასის ზედა ზღვარს ამცირებს

გაერთიანებული სამეფო, ევროკავშირთან ერთად, რუსული ნავთობის ფასის ზედა ზღვარს ამცირებს. ამის შესახებ ინფორმაციას ქვეყნის მთავრობა ავრცელებს.კერძოდ, ერთი ბარელი რუსული ნავთობის ფასის ზედა ზღვარი, 60 დოლარის ნაცვლად, 47,60 დოლარი იქნება.დიდი ბრიტანეთის მთავრობის განცხადებით, ეს დაარტყამს ნავთობიდან მიღებულ რუსეთის შემოსავალს, რომელიც, მაისის მონაცემებით, ბოლო ერთ წელში ისედაც 35%-ით შემცირდა.„ეს შეზღუდავს პუტინის ნავთობის ინდუსტრიას, შეამცირებს რუსული ნედლი ნავთობის საბაზრო ღირებულებას და დააზარალებს უკრაინაში კრემლის უკანონო ომის დაფინანსების მნიშვნელოვან წყაროს. რუსეთის ნავთობის შემოსავლებისთვის მიყენებული ყოველი ფინანსური დარტყმა კიდევ ერთი ნაბიჯია უკრაინაში სამართლიანი და მდგრადი მშვიდობისკენ, ასევე, უსაფრთხოებისა და კეთილდღეობისკენ დიდ ბრიტანეთსა და მის ფარგლებს გარეთ“, – ნათქვამია მთავრობის განცხადებაში.დიდი ბრიტანეთის ხელისუფლება აცხადებს, რომ ბიზნესს 2 სექტემბრამდე აძლევენ ვადას რუსული ნავთობის ფასის შემცირებულ ზედა ზღვართან ადაპტირებისთვის.ევროკავშირმა რუსული ნავთობის ფასის ზედა ზღვარი სანქციების მე-18 პაკეტის ფარგლებში შეამცირა. აღნიშნული პაკეტის დამტკიცება დღეს, მას შემდეგ გახდა შესაძლებელი, რაც სლოვაკეთმა და მალტამ ვეტო მოხსნეს.

ბოლო სიახლეები