შალვა პაპუაშვილი: არასდროს, საკუთარი ქვეყნის ინტერესზე წინ არცერთი ქვეყნის ინტერესი არ უნდა დააყენო

ევროსაბჭოს საპარლამენტო ასამბლეის მხრიდან მიმდინარე მონიტორინგის პროცედურის ფარგლებში, საქართველოში 14-16 იანვარს ფაქტების დასადგენი მისიით ჩამოვლენ თანამომხსენებლები კლოდ კერნი (საფრანგეთი, ლიბერალ დემოკრატების ალიანსი) და ედიტ ესტრელა (პორტუგალია, სოციალ-დემოკრატიული პარტია). ამის შესახებ ნათქვამია ევროსაბჭოს საპარლამენტო ასამბლეის ვებგვერდზე გამოქვეყნებულ პრესრელიზში. პრესრელიზის თანახმად, ვიზიტი არ უნდა განიხილებოდეს მხარდაჭერა ლეგიტიმურობისადმი ან იმ თანამოსაუბრეთა შეხედულებებისადმი, რომლებსაც თანამომხსენებლები შეხვდებიან. „ვიზიტის მიზანია, შეაფასოს საქართველოს, როგორც ევროპის საბჭოს წევრი სახელმწიფოს მიერ ნაკისრი ვალდებულებების შესრულება. კერძოდ, ოქტომბრის არჩევნების შემდეგ შექმნილი პოლიტიკური კრიზისისა და ევროკავშირში გაწევრიანების მოლაპარაკებების შეჩერების ფონზე. ვიზიტის დროს, თანამომხსენებლები შეხვდებიან ყველა ძირითადი პოლიტიკური პარტიის ხელმძღვანელობას, შესაბამის სამთავრობო ოფიციალურ პირებს და ინსტიტუტებს, ასევე სამოქალაქო საზოგადოებას და საერთაშორისო თანამეგობრობას. ეს არის რეგულარული მონიტორინგის ვიზიტი და ის არ უნდა განიხილებოდეს, როგორც პოლიტიკური მხარდაჭერა ლეგიტიმურობისადმი ან იმ თანამოსაუბრეების შეხედულებებისადმი, რომლებსაც , თანამომხსენებლები ხვდებიან“, – ნათქვამია პრესრელიზში. პრესრელიზის თანახმად, თანამომხსენებლები გეგმავენ ზოგიერთი დაკავებული დემონსტრანტის მონახულებას, რომელთა დაკავება და მათთვის წარდგენილი ბრალდებები შეშფოთებას იწვევს. ამ კონტექსტში, ასამბლეის პრეზიდენტმა თანამომხსენებლებთან კონსულტაციით, 2024 წლის 23 დეკემბერს ვენეციის კომისიის სასწრაფო შეფასება ითხოვა ადმინისტრაციულ სამართალდარღვევათა კოდექსთან დაკავშირებით, კერძოდ, შეკრების თავისუფლების კუთხით.

ამ ინიციატივას მე მილოცავენ მოქალაქეები, მეგობრები, ახლობლები, ნათესავები. ხალხს მოეწონა ეს იდეა და მხარს უჭერს, - განაცხადა სულხან მოლაშვილის ძმამ, თორნიკე მოლაშვილმა 2003-12 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის შექმნის გადაწყვეტილების შესახებ. „ყველაფერს დაერქვას თავისი სახელი, ვის რა დანაშაული აქვს ჩადენილი საქართველოს წინააღმდეგ. კერძო დანაშაულებზე ლაპარაკი ხომ ზედმეტია, აღარ ჩამოვთვლი, რა აქვთ გაკეთებული. მოვუწოდებ ახალგაზრდობას, გთხოვთ, ჩაიხედეთ და ნახეთ, რა უბედურების მომტანი იყო „ნაციონალური მოძრაობის“ ხელისუფლება, რა სისხლისღვრა და რა ცრემლების ღვრა იყო საქართველოში. ვიღაცების გვარები რომ ჩამოვთვალოთ, 1000 კაცი რომ ვთქვათ, კიდევ 10 000 გამოგვრჩება, 10 000 რომ ვთქვათ, მინიმუმ კიდევ 10 000 გამოგვრჩება, ვერ ჩამოთვლი, იმდენი დანაშაული აქვთ ჩადენილი. რამდენი ადამიანი საერთოდ უკვალოდ დაიკარგა“, - განაცხადა თორნიკე მოლაშვილმა. საქართველოს პარლამენტში საგაზაფხულო სესიის პირველივე კვირაში შეიქმნება 2003-12 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისია.

საქართველოს პრემიერ-მინისტრი ირაკლი კობახიძე საქართველოში ჩინეთის ელჩთან შეხვედრის შესახებ სოციალურ ქსელში წერს. როგორც კობახიძე აღნიშნავს, ელჩთან შეხვედრაზე სხვადასხვა საკითხი განიხილეს, მათ შორის ორ ქვეყანას შორის თანამშრომლობის გაძლიერების საკითხი. „ჩინეთის სახალხო რესპუბლიკის საგანგებო და სრულუფლებიან ელჩს საქართველოში, ჭოუ ციენს შევხვდი. შეხვედრაზე ელჩს კიდევ ერთხელ მივუსამძიმრე ჩინეთში მომხდარი დამანგრეველი მიწისძვრის გამო, რომელსაც მრავალი ადამიანის სიცოცხლე ემსხვერპლა და დაშავებულებს მალე გამოჯანმრთელება ვუსურვე. საუბარი შეეხო საქართველოსა და ჩინეთის სტრატეგიული პარტნიორობის შეთანხმებით გათვალისწინებულ სფეროებში თანამშრომლობას და სავაჭრო-ეკონომიკური კავშირების განვითარების პოზიტიურ დინამიკას. აღინიშნა, რომ თავისუფალი ვაჭრობის შეთანხმება და უვიზო მიმოსვლა, ასევე ხალხთაშორისი კავშირები კარგ შესაძლებლობას წარმოადგენს ორმხრივი ურთიერთობების კიდევ უფრო განვითარებისთვის. დავადასტურეთ მზადყოფნა შედეგზე ორიენტირებული თანამშრომლობის შემდგომი გაძლიერებისთვის“, – წერს ირაკლი კობახიძე.

ილია თოფურიას ძმა ალექსანდრე თოფურია UFC-ში სადებიუტო ბრძოლას სიდნეიში 9 თებერვალს ჩაატარებს. სუპერმსუბუქი წონის დივიზიონში ალექსანდრე თოფურიას მეტოქე ავსტრალიელი კოდი ჰადონი იქნება, რომელსაც შერეული ორთაბრძოლების სხვადასხვა დივიზიონში შვიდი გამარჯვება და ერთი მარცხი აქვს. უშუალოდ UFC-ში მან ერთხელ იბრძოლა და 2024 წლის ოქტომბერში დენ არგუეტა მსაჯების ერთსულოვანი გადაწყვეტილებით დაამარცხა. რაც შეეხება ალექსანდრე თოფურიას, 28 წლის მებრძოლს სხვადასხვა ორგანიზაციის ეგიდით ექვს ბრძოლაში აქვს მონაწილეობა მიღებული, მის ანგარიშზე ხუთი მოგება და ერთი მარცხია. უფროსი თოფურია ბოლოს 2023 წლის მაისში ჯონ სეგასს დაუპირისპირდა და ნოკაუტით სძლია. თოფურიასა და ჰადონის ბრძოლა UFC 312-ის ეგიდით გაიმართება. ალექსანდრე შერეული ორთაბრძოლების ყველაზე წარმატებული ორგანიზაციის მეექვსე მოქმედი ქართველი სპორტსმენი გახდება.

აშშ-ს არჩეული პრეზიდენტი დონალდ ტრამპი აცხადებს, რომ ამჟამად მიმდინარეობს რუსეთის პრეზიდენტთან, ვლადიმერ პუტინთან შეხვედრის მომზადების პროცესი. „მას სურს შეხვედრა და ჩვენ ვემზადებით“, – განუცხადა ტრამპმა ჟურნალისტებს რესპუბლიკელ გუბერნატორებთან შეხვედრის წინ თავის რეზიდენციაში მარ-ა-ლაგოში, ფლორიდაში. „პრეზიდენტ პუტინს სურს შეხვედრა. მან ამის შესახებ საჯაროდაც განაცხადა და ჩვენ უნდა დავასრულოთ ეს ომი“, – აღნიშნა ტრამპმა. ტრამპს არ დაუკონკრეტებია, როდის შეიძლება, გაიმართოს შეხვედრა. კრემლში ტრამპის განცხადებაზე ჯერ კომენტარი არ გაუკეთებიათ, თუმცა წინა დღეს პუტინის პრესსპიკერმა, დიმიტრი პესკოვმა ჟურნალისტებს განუცხადა, რომ ტრამპი თუ შეინარჩუნებს რუსეთის პრეზიდენტთან კონტაქტის დამყარების განზრახვას 20 იანვრის ინაუგურაციის შემდეგ, მოსკოვი ამას მიესალმება. „თანამდებობაზე დანიშვნის შემდეგ თუ შენარჩუნდება პოლიტიკური ნება უმაღლეს დონეზე კონტაქტების აღდგენის შესახებ, რა თქმა უნდა, პრეზიდენტი პუტინი ამას მიესალმება“, – განაცხადა მან. ტრამპმა ადრე დაუშვა, რომ მოლაპარაკებები პუტინთან, შეიძლება, გაიმართოს ინაუგურაციიდან ექვსი თვის განმავლობაში. თავად პუტინმაც დეკემბერში გამართულ პრესკონფერენციაზე განაცხადა, რომ მზად არის ტრამპთან შესახვედრად.