ყოფილი თანაკლასელების დაჭრის გამო ბრალდებულს პატიმრობა შეეფარდა

მომავალ თვეში დანიშვნის შემდეგ, უნგრეთის ახალი მთავრობა მკაცრ მიგრაციულ პოლიტიკას შეინარჩუნებს, – ამის შესახებ უნგრეთის საპარლამენტო არჩევნებში გამარჯვებული პარტია „ტისას“ ლიდერმა, პეტერ მადიარმა განაცხადა.მადიარის მტკიცებით, ევროკომისიის პრეზიდენტს და ყველა ევროპელ ლიდერს ნათლად განუცხადებს, რომ უნგრეთი ძალიან მკაცრ პოზიციას დაიკავებს არალეგალურ მიგრაციასთან დაკავშირებით და არ მიიღებს არანაირ პაქტს ან განაწილების მექანიზმს.„ჩვენ შევინარჩუნებთ სამხრეთ სასაზღვრო ღობეს. რა თქმა უნდა, ასევე შევავსებთ ახლა არსებულ ხვრელებს, რადგან ამ სასაზღვრო ღობეზე ხვრელებია. ვიქტორ ორბანისგან განსხვავებით, ჩვენ არ გავათავისუფლებთ უნგრეთის ციხეებიდან 2 200 საბოლოოდ გასამართლებულ ადამიანით მოვაჭრეს, არ გადავიყვანთ მიგრანტებს სლოვაკეთის საზღვარზე, თუ ეს არის ის, რაც ჩვენ სლოვაკ სოციალისტ მეგობარს საარჩევნო კამპანიაში სურს. ჩვენ გულწრფელად ვსაუბრობთ და ნამდვილად გვსურს, დავიცვათ ჩვენი ქვეყანა და ევროპა არალეგალური მიგრაციისგან. არსებობს მიგრაციის ლეგალური ფორმები და ისინი უნდა იყოს დაცული“, – აღნიშნა პეტერ მადიარმა.

ავიაკომპანიებს, შესაძლოა, მაისის ბოლოს ევროპაში რეისების გაუქმება მოუწიოთ საავიაციო  საწვავის დეფიციტის გამო, – ამის შესახებ საერთაშორისო საჰაერო ტრანსპორტის ასოციაციაში აცხადებენ.ასოციაციამ  მთავრობებს მოუწოდა, მოამზადონ კონკრეტული, კარგად კოორდინირებული გეგმა საწვავზე ლიმიტის დაწესების შესაძლო საჭიროების შემთხვევაში.„მაისის ბოლოს, შესაძლოა, ევროპაში ფრენების გაუქმება დაიწყოს საწვავის ნაკლებობის გამო. ეს პროცესი აზიის გარკვეულ ნაწილში უკვე მიმდინარეობს. მნიშვნელოვანია, რომ ხელისუფლებებს ჰქონდეს კარგად კოორდინირებული გეგმები იმ შემთხვევისთვის, თუ რაციონირება აუცილებელი გახდება“, – აღნიშნავს საერთაშორისო საჰაერო ტრანსპორტის ასოციაციის  გენერალური დირექტორი ვილი უოლში.როგორც „სიენენი“ წერს, ირანთან ომის დაწყებიდან საავიაციო საწვავის ფასი დაახლოებით გაორმაგდა.

მეუფე პეტრემ ბრძანა, რომ არ ნანობს იმ განცხადებებს, რაც პატრიარქზე გააკეთა. ეს არის ძალიან დიდი მინუსი და ეს არ არის ის, რასაც პატრიარქი მისგან ელოდა, - განაცხადა საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ.მისი თქმით, ის ბრალდებები, რაც პეტრე ცაავამ პატრიარქის მისამართით გააჟღერა, ვერ დაამტკიცა, ამიტომ ეს ცილისწამებაა და არა მხილება, როგორც თავად ცაავა ამბობს.„ამ ბრალდებებს წლების განმავლობაში იმეორებდა, თუმცა საქმე საქმეზე რომ მიდგა, ამის დასამტკიცებლად მას ხელთ არაფერი აღმოაჩნდა. ამიტომ, სიტყვა, რომ თითქოს ვინმე ამხილა, შეიძლება სხვანაირად ვთქვათ, რომ მან ცილი დასწამა.მეუფე პეტრე ყველაზე აკეთებს ასეთ განცხადებებს, ვინც კი ეგულება პატრიარქის ერთგულად და მხარდამჭერად და მამა გიორგი ზვიადაძეც სწორედ ასეთი იყო წლების განმავლობაში. ამიტომ არ ერიდება მის მიმართ ასეთ არაკორექტულ გამონათქვამებს. მისგან ასეთი გამონათქვამები გვახსოვს სხვადასხვა მეუფის მიმართ, მოსაყდრის მიმართ, კონკრეტულად ჩემ მიმართ“, - განაცხადა დეკანოზმა.ცნობისთვის, პეტრე ცაავამ განაცხადა, რომ წარსულში, კათოლიკოს-პატრიარქ ილია მეორის მისამართით გაკეთებულ შეურაცხმყოფელ განცხადებებს არ ნანობს.

ორბანის წარუმატებლობა უკრაინას ევროკავშირში სწრაფი გაწევრიანების გზას უხსნის, – ამის შესახებ უკრაინის საგარეო საქმეთა მინისტრმა, ანდრეი სიბიგამ განაცხადა.სიბიგას თქმით, ორბანის რეჟიმის მხრიდან მრავალწლიანი პროვოკაციების შემდეგ, უკრაინას გაუჩნდა შანსი, დააჩქაროს ევროპული გზა, ოფიციალურად გახსნას მოლაპარაკებები, მიიღოს ევროკავშირის 90 მილიარდი ევროს ოდენობის სესხი და გაამკაცროს რუსეთის წინააღმდეგ სანქციების მე-20 პაკეტი.ამასთან, მინისტრმა ხაზი გაუსვა იმ ფაქტს, რომ ორბანს ანტიუკრაინული რიტორიკა ჰქონდა.„ანტიუკრაინული რიტორიკის მარცხი უნგრეთში არჩევნების დროს გახდა სიგნალი მსგავსი პოლიტიკური ძალებისთვის სხვა ქვეყნებშიც, რომ მსგავსი რიტორიკა არ მუშაობს“, – აღნიშნა სიბიგამ.

ქუვეითური წარმომავლობის ამერიკელი ჟურნალისტი, აჰმედ შიჰაბ-ელდინი, ირანის ომის შესახებ დაწერილი პუბლიკაციების, ქუვეითში დააკავეს. მას ბრალად ედება „ცრუ ინფორმაციის გავრცელება“ და მობილური ტელეფონის ბოროტად გამოყენება. ამის შესახებ ადამიანის უფლებათა დამცველი ორგანიზაცია „ჰუმან რაითს ვოთჩი“ და მედიასაშუალება „სიენენი“ იტყობინებიან.აჰმედ შიჰაბ-ელდინი ცნობილი ქუვეითელ-ამერიკელი ჟურნალისტია, რომელიც მუშაობდა „ვაისსა“ და „ალ ჯაზირაში“, აგრეთვე იყო „სიენენის“ მიწვეული ექსპერტი.შიჰაბ-ელდინი ქუვეითში ნათესავების მოსანახულებლად ჩავიდა, თუმცა 2 მარტის შემდეგ, მასთან დაკავშირება შეუძლებელია. ჟურნალისტის მეგობრები მიიჩნევენ, რომ თითქმის ექვსი კვირაა, ის პატიმრობაში იმყოფება. ჟურნალისტის შესახებ მათ საჯაროდ იმ იმედით ისაუბრეს, რომ საჯაროობა აჰმედ შიჰაბ-ელდინის გათავისუფლებას შეუწყობს ხელს.ჟურნალისტი ირანის ომის შესახებ პუბლიკაციების გამო დააკავეს, თუმცა „ჰუმან რაითს ვოთჩი“ აღნიშნავს, რომ დაპატიმრებამდე სოციალურ ქსელებში შიჰაბ-ელდინის მიერ გამოქვეყნებული პოსტები შეიცავდა ფოტოებსა და ვიდეოებს, რომლებიც უკვე საჯარო იყო. მაგალითად, მან გააზიარა „სიენენის“ ვიდეო, რომელშიც ასახულია აშშ-ის სამხედრო-საჰაერო ძალების ავიაგამანადგურებლის ჩამოგდება ქუვეითში.უფლებადამცველები აღნიშნავენ, რომ შიჰაბ-ელდინის დაკავება იმ ახალი მკაცრი შეზღუდვების შედეგია, რომლებიც ქუვეითის ხელისუფლებამ ახლო აღმოსავლეთში შეიარაღებული კონფლიქტის დაწყების შემდეგ დააწესა.ახლად მიღებული კანონი ითვალისწინებს მკაცრ სასჯელს, მათ შორის ხანგრძლივ პატიმრობას ნებისმიერი პირისთვის, ვინც „ინფორმაციის უტყუარობისა თუ წყაროს გადამოწმების გარეშე, განზრახ ავრცელებს განცხადებებს ან ცრუ ხმებს სამხედრო სტრუქტურებთან დაკავშირებით, მათი სანდოობის და ავტორიტეტის შელახვის, ასევე მათი ეჭვქვეშ დაყენების ან მორალური სულისკვეთების შესუსტების მიზნით“. „მისი დაკავება ქუვეითში გამოხატვის თავისუფლების სივრცის შემცირებისა და ჟურნალისტების გასაჩუმებლად ბუნდოვანი ფორმულირების მქონე ეროვნული უსაფრთხოების ბრალდებების გამოყენების თვალსაჩინო მაგალითია,“ - აცხადებს „ჰუმან რაითს ვოთჩი“. „მოვუწოდებთ ქუვეითს, გაათავისუფლოს აჰმედ შიჰაბ-ელდინი და მოუხსნას ყველა ბრალდება. ჟურნალისტობა არ არის დანაშაული. შიჰაბ-ელდინის შემთხვევა კარგად წარმოაჩენს კრიტიკის ჩასახშობად და საინფორმაციო დღის წესრიგის გასაკონტროლებლად ეროვნული უსაფრთხოების კანონების გამოყენების ფართოდ გავრცელებულ ტენდენციას“, - ნათქვამია ჟურნალისტთა დაცვის კომიტეტის რეგიონული დირექტორის, სარა კუდას განცხადებაში. ადამიანის უფლებათა დამცველმა ორგანიზაციამ ასევე აღნიშნა, რომ ხელისუფლებამ ჟურნალისტს „ცრუ ინფორმაციის გავრცელებაში, ეროვნული უსაფრთხოების დაზიანებასა და მობილური ტელეფონის ბოროტად გამოყენებაში“ დასდო ბრალი. უფლებადამცველები ხაზს უსვამენ, რომ ეს არის ბუნდოვანი და ძალიან ზოგადი ბრალდებები, რომლებიც რეგულარულად გამოიყენება დამოუკიდებელი ჟურნალისტების შესაზღუდად. კომენტარის გაკეთების შესახებ „სიენენის“ მოთხოვნაზე ქუვეითის მთავრობას ჯერჯერობით არ უპასუხია.  ბოლო ანგარიშში, სპარსეთის ყურის ქვეყნების ადამიანის უფლებათა ცენტრმა განაცხადა, რომ რეგიონის სახელმწიფოები ომს იყენებენ „სიტყვის თავისუფლების ჩასახშობად, სამოქალაქო თავისუფლებების შესაზღუდად და იმ ჟურნალისტების, ბლოგერებისა და ონლაინ-აქტივისტების შესავიწროებლად, ვისი მოსაზრებებიც მთავრობის პოლიტიკას არ ემთხვევა“.