ყაზტრანსგაზ-თბილისს $40 მილიონად „საქართველოს ინდუსტრიული ჯგუფი” ყიდულობს

პოლიტიკური ცვლილებები ბრიუსელში გარდაუვალია. ყველაფერი, რასაც ჩვენ ბრიუსელის ღირებულებით უკუსვლაზე ვამბობდით, დღეს უკვე აშშ-ის – ევროკავშირის სტაბილურობისა და უსაფრთხოების მთავარი გარანტორის – მიერ დადასტურებული, დამტკიცებული და მხარდაჭერილია, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.როგორც პაპუაშვილი წერს, „მასშტაბური პოლიტიკური ცვლილებების გარეშე, ევროკავშირი „ცივილიზაციური განადგურების“ პირას აღმოჩნდება, როგორც ეს აშშ-ის უსაფრთხოების სტრატეგიაშია ნათქვამი“.„ეს ცივილიზაციური უფსკრული, პირველ რიგში, იმ ძირითად ევროპულ ღირებულებებს ეხება, რომლებსაც ევროკავშირის ბიუროკრატია დღეს ღიად უგულებელყოფს. ამასთან, ღირებულებების უგულებელყოფა არსად გამოვლენილა ისე თვალსაჩინოდ, აშკარად და დამაზიანებლად, როგორც, ბოლო რამდენიმე წლის განმავლობაში, საქართველოს მიმართ ევროკავშირის პოლიტიკაში. ძალადობის მხარდაჭერა, ხელისუფლების გარედან შეცვლის მცდელობები, ეროვნული სუვერენიტეტის იგნორირება, ქართველი ხალხის ნებაზე მაღლა უცხოეთიდან დაფინანსებული ორგანიზაციების დაყენება, მშვიდობისა და სტაბილურობის ნაცვლად კონფლიქტის გზის არჩევა, უმრავლესობის მმართველობისადმი უპატივცემულობა პოლიტიკური უმცირესობის დიქტატის სასარგებლოდ – ეს არის საქართველოსადმი ევროკავშირის დამაზიანებელი მიდგომის აშკარა მახასიათებლები. ევროკავშირის ამჟამინდელი ხელმძღვანელობის უპასუხისმგებლო პოლიტიკამ კავშირი ღრმა, მზარდ და სისტემურ კრიზისამდე მიიყვანა, რამაც გლობალურ გეოპოლიტიკაში ევროკავშირის პოზიციის უპრეცედენტო შესუსტება გამოიწვია. ბრიუსელი, პრაქტიკულად, იზოლირებული აღმოჩნდა თავისი, იდეოლოგიაზე დაფუძნებული საგარეო პოლიტიკის გამო, რომელიც კიდევ უფრო დაზიანდა უკრაინაში მომხდარი მსხვილი კორუფციული სკანდალით. გამოხატვის თავისუფლების სახელით ჩახშობილმა სიტყვის თავისუფლებამ არა მხოლოდ ევროპის მოსახლეობის დიდი ნაწილი, არამედ მსოფლიოც გააოგნა. ევროპული ეკონომიკის დაღმასვლამ მთავრობების მიმართ საზოგადოების იმედგაცრუება გააღრმავა. რაც მთავარია, ევროპული ღირებულებების მიმართ ევროკავშირის ბიუროკრატიის წინდაუხედავმა დამოკიდებულებამ ევროპის კულტურული იდენტობის კრიზისი გამოიწვია, რამაც ტრადიციული და პატრიოტული პოლიტიკური ძალების მნიშვნელობა კიდევ უფრო გამოკვეთა. სამწუხაროდ, კრიზისზე ბრიუსელის რეაქცია რეალობისგან გაქცევა უფრო ჰგავს, ვიდრე მოქმედების მზაობას. ევროკავშირის საგარეო საქმეთა კომისრის, კაია კალასის მიერ ახლახან გაკეთებული განცხადებები ნათლად აჩვენებს, რომ ბრიუსელი ვერ აცნობიერებს თავისი ცივილიზაციური კრიზისის რეალურ მასშტაბს, რაც ზრდის რისკს, რომ ევროპული კავშირი მხოლოდ სახელით დარჩეს ევროპული. ახლა, როდესაც შეერთებულმა შტატებმა საკმაოდ ხმამაღლა გააფრთხილა ევროპის ხალხები მომავალი უფსკრულის შესახებ, ევროპამ უნდა გააცნობიეროს, ვისთვის ისმის ეს განგაშის ზარი. განგაშის მიზეზი ცხადია – ევროპის პოლიტიკური ხელმძღვანელობა ასცდა ევროპის ხალხების ინტერესებს. გამოსავალი კი ერთია – ევროპის ხელისუფლებებმა უნდა უსმინონ საკუთარ ხალხს და იმოქმედონ მათი ნების შესაბამისად, რათა ევროკავშირს დაუბრუნდეს დემოკრატიული სულისკვეთება, რომლის გარეშეც მისი არსებობა აზრს კარგავს. ჩვენთვის მნიშვნელოვანია არა გაყოფილი, ფორმადაკარგული და საკუთარ თავთან კონფლიქტში მყოფი, არამედ ერთიანი, თავისუფალი და მშვიდობიანი ევროპა“, – წერს პაპუაშვილი.

11 დეკემბერი ტარიელ ხარხელაურის დაბადების დღეა, წელს მას 80 წელი შეუსრულდა.„წლებია, გვინდოდა პანკისის ხეობაში ტარიელ ხარხელაურის პოეზიის საღამოს ჩატარება. გარკვეულმა მოვლენებმა ეს ღონისძიება რამდენჯერმე გადაგვადებინა. მე დღეს ბედნიერი ვარ, რომ ტარიელი, ეს დიდი ქართველი და კავკასიელი პოეტი, ერეკლე საღლიანისაც არ იყოს, „პოეზიის ხევისბერი“ ჩვენი სტუმარია და მას პანკისის ხეობა მასპინძლობს. ტარიელ ხარხელაურის პოეზიას ხომ ლაიტმოტივად რაინდობის კოდექსი გასდევს. მისი შემოქმედება ადამიანობიდან იწყება და ზეადამიანობამდე ადის.აქვე უნდა ითქვას, ეს საღამო ვერ გაიმართებოდა, რომ არა კახეთის რეგიონალური განვითარების ფონდისა და მისი ხელმძღვანელის, იზა ბექაურის ძალისხმევა“, – გვითხრა ხეობის მკვიდრმა, ლიტერატორმა და მთარგმნელმა მექა ხანგოშვილმა.ქისტები გამორჩეული მასპინძლები რომ არიან, დუისში გამართულმა პოეზიის საღამომაც დაადასტურა. პანკისის ხეობის მკვიდრებმა – ქართველებმაც და ქისტებმაც – უთბილესი შეხვედრა მოუწყეს მთის პოეტად შერაცხულ შემოქმედს.პოეტის ოჯახის წევრებისა და ახლობლების გარდა იმ დღეს პანკისში იყვნენ ქართველი პოეტები: ეთერ თათარაიძე, გუჯა ბურდული, ერეკლე საღლიანი, ბაბუა ალუდაური, მიშა ღანიშაშვილი, ადამ ბექაური, ნანა ცინცაძე და სხვები. რაიონისა და რეგიონის კულტურის სამსახურის, ალავერდიის ეპარქიის წარმომადგენლები, ასევე დმანისის და აგარაკ-ტაშირის, დიდი ბრიტანეთისა და ირლანდიის მთავარეპისკოპოსი ზენონი.„ძალიან ბედნიერი ვარ, რომ დღეს ვარ პანკისის ხეობაში. მე აღმოსავლეთ მთიელებთან განსაკუთრებული დამოკიდებულება მაკავშირებს. ჩემს წინაპრებში ყველა მთიელი იყო, მათ შორის ქისტებიც.ასეც რომ არ იყოს, ქართველებსა და ქისტებს დიდი ვალდებულება გვაქვს ერთმანეთის წინაშე: ჩვენ ვართ ერთი ხალხი, ერთი წარმოშობის, ერთი მენტალობის, ერთი სწრაფვის. ჩვენ გაქვს ვალდებულება ვიღვაწოთ ჩვენი ერთობისთვის, ერთმანეთისთვის, ჩვენი ქვეყნისთვის, კავკასიისთვის“, – აღნიშნა ჩვენთან საუბრისას მეუფე ზენონმა. მან ბრიტანეთიდან საჩუქარი ჩამოუტანა ტარიელ ხარხელაურს, ხოლო პანკისის უხუცესთა საბჭოს წევრს, ხასო ხანგოშვილს უძღვნა პალტო, რომლის მსგავსსაც ვაჟა ფშაველა ატარებდა.„მგელი, როგორი ასაკოვანი, ბებერი, დაუძლურებული და ავადმყოფიც უნდა იყოს, მაინც მგელია. და ეს ზუსტად რომ შეეფერება ტარიელ ხარხელაურს. გვიხარია, რომ დღეს ჩვენი ხეობა ასეთ გამორჩეულ სტუმარს მასპინძლობს“,- შენიშნა თავის გამოსვლაში ისტორიკოსმა და მწერალმა ხასო ხანგოშვილმა. „თუ ჩვენ – ქართველები და ქისტები არ ვიქნებით ერთად, ჩვენ არ ვიქნებთ არცერთი“, – ასეთი იყო შეხვედრის პათოსი.აქვე უნდა ითქვას, რომ ახმეტის რაიონის მიმდებარე ხეობებისგან განსხვავებით, პანკისის ხეობა გაცილებით ცოცხალი და ხალხმრავალია. აქ, შეიძლება ითქვას, დუღს სიცოცხლე და მრავლად არიან ახალგაზრდებიც. პოეზიის საღამოსაც აქტიური ახალგაზრდა ქალი, პედაგოგი ლუიზა მუთოშვილი უძღვებოდა. სკოლის მოსწავლეებმა ქართულად და ჩეჩნურად წაიკითხეს პოეტის ლექსები.„არ გაიარო თავდახრილმა ჩემ გამო, შვილო,ჩემი ქვეყნისთვის არასოდეს მიღალატია“….„სთქვი, მამულო, რა გაწუხებს და დავდგები დარიალთან“……„ვერ მიხვალთ საქართველომდე,მე თუ არ გადამიარეთ“……„ვერკვლის ციხე ვარ, მგლისფერი,მტრის რისხვამ მდგარი დიდგორსა“…„სამშობლო ჩემო,პოეტი შენ ხარ,მე შენი ენით მოლაპარაკე“ერეკლე საღლიანისაც არ იყოს, ვინმე მედროვე პოეტს რომ ეთქვა, არავინ დაუჯერებდა, ტარიელი კი თავისი ცხოვრებით ამტკიცებს თავისივე სიტყვებს.„ტარიელ ხარხელაურის „სიმაღლე ლექსებშია, თავმდაბლობა კი ხასიათში“, – თქვა თავის გამოსვლაში ადამ ბექაურმა.მთელი საღამო ბავშვივით თავდახრილი იჯდა და ისე ისმენდა თბილ სიტყვებს პოეტი. მისი შემხედვარე, გჯერა, რომ „დარდი, ფიქრი და ტკივილი“ მისგან „მოედო სამყაროს“. შეხვედრის დასასრულს ტარიელ ხარხელაურმა თავად წაიკითხა რამდენიმე ლექსი.გვიანობამდე ისმოდა პანკისის ხეობაში ქართული თუ ჩეჩნური ლექსი, სიმღერა, საცეკვაო.„ძალიან მომეწონა დღევანდელი საღამო. კარგი იქნება თუ სხვა მწერლებსაც ხშირად მოვიწვევთ ჩვენს ხეობაში. ასეთი შეხვედრები მნიშვნელოვანია ჩვენთვის, პანკისელი ახალგაზრდებისთვის“, – გვითხრა მარიამ მარგოშვილმა.„პირადად ჩემთვის დღევანდელი დღე გამორჩეული იყო, რადგან წლებია ვეცნობი ტარიელ ხარხელაურის ლექსებს და მოხარული ვარ, რომ დღეს მომეცა საშუალება, პირადად გამეცნო პოეტი. ჩემი აზრით, ასეთი საღამოების ჩატარება განსაკუთრებით მნიშვნელოვანია, რადგან, ოცდამეერთე საუკუნეში ახალგაზრდებში იკარგება პოეზიის როლი“, – თქვა ჩვენთან საუბრისას თამარ ძარღუაშვილმა.შეხვედრის დასასრულს „მთის ამბები“ მთის პოეტს ესაუბრა:„დღევანდელი დღე ერთ-ერთი გამორჩეული დღეა ჩემთვის.ეს ხალხი, ქისტები კავკასიელ ხალხთაგან გამორჩეულად მიყვარს. მათთან 12-13 წელი ვცხოვრობდი, როცა ცხვარში ვიყავი. ქისტებმა გამორჩეული მეგობრობა და თანადგომა იციან, იციან, როგორ შეგინახონ, როგორ დაგზოგონ.გაოგნებული ვარ ამ ბავშვებითაც, დღეს აქ რომ ვნახე. რამდენიმემ მაინც განსაკუთრებით კარგად წაიკითხა ლექსი, საოცარი გრძნობით. თან ქართული ხომ მათთვის არ არის მშობლიური ენა.შეიძლება ასეთ დროს მაინც უნდა იყო ბედნიერი ადამიანი, რომ გქონდეს ამის უფლება. ასეთი დღეები წუთისოფლის გაგრძელების უფლებას გაძლევენ.ძალიან ხშირად ვეკითხები თავს: ხარ კი, ტარიელ ხარხელაურო, იმ სიყვარულის ღირსი, რასაც შენ გრძნობ და რასაც გარშემომყოფები შენ მიმართ გამოხატავენ. თუ ამ სიყვარულის ნაწილს მაინც ვიმსახურებ, მაშინ ჩემს მოსვლას ამ წუთისოფელში გამართლება ჰქონია, მხოლოდ ამისთვისაც ღირს ცხოვრება“.

უკრაინამ ამერიკულ მხარეს სამშვიდობო გეგმის საკუთარი ვერსია გადასცა. ინფორმაციას Axios-ის კორესპონდენტი ბარაკ რავიდი სოციალურ ქსელ X-ის საკუთარ გვერდზე ავრცელებს.„უკრაინამ ოთხშაბათს ტრამპის ადმინისტრაციას აშშ-ის სამშვიდობო გეგმის უკანასკნელ პროექტს პასუხი გასცა. ამის შესახებ უკრაინელმა და ამერიკელმა ჩინოვნიკებმა მითხრეს“, - დაწერა მან.ჟურნალისტს არ გაუმხელია, თუ რა მისწერეს უკრაინელებმა ამერიკელებს

ნიღაბი ჩამოხსნილია, ბრიუსელის მიერ მიგრაციასთან დაკავშირებით მიღებულმა უახლესმა გადაწყვეტილებამ უნგრეთის პოლიტიკის ჭიქაში სუფთა წყალი ჩაასხა, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.მისი თქმით, ბრიუსელს სურს, რომ ივლისიდან „უნგრეთმა ევროკავშირის სხვა ქვეყნებიდან მიგრანტები მიიღოს, ან მათი შენახვის ხარჯები გადაიხადოს“, რასაც ორბანის განცხადებით, პასუხი აჯანყებით უნდა გაეცეს.„ბრიუსელმა გადაწყვიტა, რომ ივლისიდან უნგრეთმა ან ევროკავშირის სხვა ქვეყნებიდან მიგრანტები უნდა მიიღოს, ან მათი შენახვის ხარჯები გადაიხადოს. ყოველწლიურად იმდენი, რამდენსაც კომისია გადაწყვეტს. ჩვენი მოსაზრებით, ამაზე მხოლოდ ერთი პატრიოტული პასუხი არსებობს: აჯანყება. ჩვენ სწორედ ამას გავაკეთებთ,“ – განაცხადა ორბანმა.უნგრეთის პრემიერის მოსაზრებას მისი ოფისის პრესსპიკერი ზოლტან კოვაჩი აქვეყნებს. გარდა ამისა, ვიქტორ ორბანი აცხადებს, რომ მისი მთავრობის პირობებში უნგრეთში „ფეხს ვერცერთი მიგრანტი დაადგამს, ვერც სამხრეთიდან და ვერც დასავლეთიდან“. მისივე თქმით, ბრიუსელის ადგილობრივი აგენტები უნგრეთში მზად არიან, უნგრელ ხალხს ზურგში დანა ჩაარტყან და მიგრანტების მიღებაზე კომისიას შეუთანხმდნენ. 

აგენტურა, რადიკალური ფრთა, რომელიც იმართება კონკრეტული ბიუროკრატიით, სასაცილო მდგომარეობაშია. კითხვას დასვამს ნებისმიერი ნეიტრალური მოქალაქე ან ექსპერტი, ახლა ეს ადამიანები სად დგანან? ამერიკის გვერდზე  თუ  ევროპული ბიუროკრატიის, ვისგანაც იმართებიან? – განაცხადა საქართველოს პრეზიდენტმა, მიხეილ ყაველაშვილმა გადაცემაში „პოსტ ანალიტიკა“ ამერიკის შეერთებული შტატების ეროვნული უსაფრთხოების სტრატეგიის დოკუმენტზე საუბრისას.პრეზიდენტის თქმით, საქართველოში უნდა დასრულდეს ვინმეზე დამოკიდებულის პოლიტიკა.„რასაც ჩვენ ევროპული ბიუროკრატიის მიმართ ვსაუბრობდით, იმაზე მკაცრად საუბრობს ამერიკის არსებული ადმინისტრაცია, თავისი პრეზიდენტით. საუბარი როცაა , რას ნიშნავს პროდასავლური? რომელია დასავლეთი, როგორ განვსაზღვროთ, ვისზე ვიყოთ დამოკიდებული? ეს პოლიტიკა უნდა დამთავრდეს საქართველოში, ვინმეზე დამოკიდებულების, და ეს ნელ-ნელა მილევადია. სიტყვასაც ვერ ძრავენ. ხომ შეიძლება, რომელიმე გამოვიდეს.  მე მაინტერესებს, ვინმე გაბედავს ტრამპის კრიტიკას?! ერთი-ორი აქტივისტის ფეისბუქპოსტზე თუ წავიკითხე რაღაც კრიტიკული, ამერიკის ადმინისტრაციის მხრიდან ევროპის მიმართ რომ ასეთი დამოკიდებულებაა. დანარჩენი პოლიტიკური პარტიები, აქტორები, ვინც არიან წარმოჩენილი და ვინც თვლიან, რომ ისინი მზად არიან ხელისუფლების ჩასაბარებლად, ჩემი წინამორბედი, გაბედონ, აბა, სად დგანან ახლა – ევროპული ბიუროკრატიის გვერდით  თუ იმ დოკუმენტის გვერდზე, რომელიც აშშ-ის დღევანდელი მმართველი ადმინისტრაციის მიერ არის შექმნილი?! ეს ხომ ერთი და იგივე არ არის? ეს ხომ განსხვავებულია. რა პროდასავლობაზეა საუბარი? ვინ დაარქვა ამათ პროდასავლური ძალა? ესეც ხომ მითია, როგორც რუსული  კანონზე“, – განაცხადა საქართველოს პრეზიდენტმა.