ქართული ჯარი საქართველოს ერთგულებისა და ეროვნული ერთიანობის სიმბოლოა,ქართული ჯარი, დედაეკლესიასთან ერთად, მუდამ იცავდა ჩვენი ეროვნული იდენტობის სამ ფუნდამენტურ საყრდენს – მამულს, ენასა და სარწმუნეობას-ირაკლი ჩიქოვანი

კიდევ ერთი ავიაკატასტროფა ინდოეთში - ვერტმფრენი, რომელსაც მომლოცველები გადაჰყავდა, ჩრდილოეთ ინდოეთის შტატ უტარახანდში ჩამოვარდა, რის შედეგადაც, სულ მცირე, 7 ადამიანი დაიღუპა. ინფორმაციას dailymail-ი ავრცელებს.მედია ინფორმაციით, ვერტმფრენი აფრენიდან მალევე, ტყიან მასივში ჩამოვარდა. ის ჰიმალაის მთებში, ინდუისტი მომლოცველების ცნობილ ადგილამდე მიფრინავდა.ვერტმფრენი ადგილობრივი დროით დილის 5:30 საათზე ჩამოვარდა.ამ დროისთვის, ხელისუფლება ფართომასშტაბიან სამძებრო-სამაშველო ოპერაციას აწარმოებს. გავრცელებული ინფორმაციით, დაღუპულთა სხეულები ხანძრის შედეგად ძლიერად დაიწვა.ცნობისთვის, ყოველ ზაფხულს, ათიათასობით ინდუისტი მომლოცველი კედარნათში მიემგზავრება. ბევრი მათგანი, რთულ რელიეფზე ლაშქრობის თავიდან ასაცილებლად, ვერტმფრენებს იყენებს.რამდენიმე დღის წინ, ინდოეთში, ისტორიაში ერთ-ერთი ყველაზე მასშტაბური ავიაკატასტროფა მოხდა. Air India-ს თვითმფრინავი დასახლებულ რაიონში ჩამოვარდა, რასაც ასეულობით ადამიანი ემსხვერპლა. ავიაკატასტროფას თვითმფრინავის მხოლოდ ერთი მგზავრი გადაურჩა.

საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) მრევლს ქადაგებით მიმართა.ყოვლადწმინდა სამების სახელობის საპატრიარქო ტაძარში შეკრებილებს პატრიარქის მოსაყდრემ დღევანდელი დღე - ყოველთა წმინდანთა კვირა მიულოცა."სახელითა მამისათა და ძისათა და სულისა წმინდისათა.ძვირფასო მამებო, ძმებო და დებო, გილოცავთ დღევანდელ კვირა დღეს, რომელიც ეძღვნება ყველა წმინდანის ხსენებას.დღეს ჩვენ ლოცვით მივმართავთ წმინდანებს და გამოვითხოვთ მათ კურთხევას ჩვენი ცხოვრებისეული გზის წარმართვისთვის. ყოველ ჩვენგანს ჰყავს მფარველი წმინდანი, რომლის ხსენებაც წელიწადის სხვადასხვა დროს აღინიშნება. დღეს კი არის ყველა წმინდანის ხსენება ერთად. ისინი ლოცულობენ დღეს ჩვენთვის; დღეს არის ყველა მართლმადიდებელი ქრისტიანის ანგელოზის დღე. ამიტომ გილოცავთ, ძვირფასო ძმებო და დებო, ანგელოზის დღეს.წმინდანები თავიანთი ცხოვრებით, ღვაწლით, სიკვდილით, თავიანთი სისხლით მოწმობენ იმას, რომ უფალ იესო ქრისტეს მოძღვრება არის ცხოვრების სიტყვა, მაცხონებელი სიტყვა, მოცემული ჩვენთვის ღვთისგან, ჩვენი სულის გადარჩენისთვის. ისინი მოწმობენ იმას, რომ იესო ქრისტეს მოსვლამ დედამიწაზე დიადი ნაყოფი გამოიღო. სულიწმინდის გარდამოსვლამ დიადი ნაყოფი გამოიღო, რომ ცათა სასუფევლში, რომელიც გაგვიხსნა უფალმა იესო ქრისტემ, მრავალი ადამიანი შევიდა. ისინი მოწმობენ იმას, ძვირფასო ძმებო და დებო, რომ წმინდა ეკლესია წარმოშობს განსაკუთრებულ ადამიანებს, დიდებულ ადამიანებს, წმინდანებს, რომელთა ღირსიც არ იყო ქვეყანა, როგორც წავიკითხეთ დღეს სამოციქულოში წმინდა პავლე მოციქულის სიტყვები (ებრ. 11, 37). ამიტომაც იგივე წმინდა პავლე მოციქული წერს, რომ საშინელ სამსჯავროზე წმინდანები განიკითხავენ ამ ქვეყანას. "ნუთუ არ იცით, რომ წმიდანნი განიკითხავენ ქვეყანას?" (1 კორ. 6, 2) - წერს იგი.იმჟამად წმინდანებს უწოდებდნენ ქრისტიანებს, როგორც სულიწმინდით განათლებულ ადამიანებს. სიტყვა "განიკითხავენ" ამ შემთხვევაში იმას კი არ ნიშნავს, რომ წმინდანები დასხდებიან სამსჯავროზე და გაასამართლებენ ადამიანებს, არა, არამედ იმას, რომ მათი სიწმინდე, კეთილი ცხოვრება, მოშურნეობა, ამხელს და გამოაჩენს სხვების უზრუნველობას და ცოდვებს.ამავე მნიშვნელობით უფალი იესო ქრისტე ამბობს ასეთ სიტყვებს: "სამხრეთის დედოფალი აღდგება ამ მოდგმასთან ერთად სამსჯავროზე და განიკითხავს მათ" (მთ. 12, 42), ნინეველი კაცები აღდგებიან სამსჯავროზე ამ მოდგმასთან ერთად და განიკითხავენ მათ (მთ. 12, 41), თორმეტი მოციქული განიკითხავს, განსჯის ისრაელის თორმეტ ტომს (მთ. 19, 28) და არამხოლოდ ადამიანებზეა ასე ნათქვამი, არამედ ანგელოზებზეც. მოციქული ასევე წერს: "ნუთუ არ იცით, რომ ჩვენ ანგელოზებსაც განვიკითხავთ?" (1 კორ. 6, 3). მხოლოდ, აქ იგულისხმება დაცემული ანგელოზები, დემონები და აქაც სიტყვა "განკითხვა" იმავე მნიშვნელობით გამოიყენება, რომ ჩვენი მოშურნეობა, სულიერება ამხელს და განიკითხავს მათ უდებებას და ბოროტ ცხოვრებას.დღეს წმინდა სახარებაში წავიკითხეთ ასეთი სიტყვები უფლისა ჩვენისა იესო ქრისტესი: "ვინც არ აიღებს თავის ჯვარს და არ გამომყვება, ის არ არის ჩემი ღირსი" (მთ. 10, 38). ძვირფასო ძმებო და დებო, ამ სიტყვებზე უნდა დავფიქრდეთ ძალიან, იმიტომ რომ ყოველ ჩვენგანს აქვს თავისი ცხოვრებისეული ჯვარი, რომელიც შედგება სირთულეებისგან, განსაცდელებისგან, სნეულებებისგან და თუ უარვყოფთ ამ ჯვარს, როგორც ამბობს უფალი, არ ვიქნებით მისი ღირსი. ამიტომ ჩვენი საღვთო ჯვრის მტვირთველის, იესო ქრისტეს მაგალითის შემხედვარე, მოთმინებით და ქრისტიანული ღირსებით უნდა ვზიდოთ ჩვენი ცხოვრებისეული ჯვარი, რომელიც უფლისგან გვეძლევა.კიდევ ერთხელ გილოცავთ დღევანდელ დღეს - ყველა წმინდანის ხსენებას. მათი ლოცვით მოგმადლოთ უფალმა თავისი მადლი და წყალობა, რადგან წმინდანთა ლოცვები არის ჩვენთვის წყარო სიმამაცისა, სულიერი ძალებისა ჩვენი მსახურების ღირსეულად აღსრულებისთვის, რომლისკენაც მოგვიწოდებს უფალი ჩვენი იესო ქრისტე, რომელსაც შვენის ყოველი დიდება, პატივი და თაყვანისცემა, თანა მამით და სულიწმინდითურთ, აწ და მარადის და უკუნითი უკუნისამდე. ამინ", - განაცხადა პატრიარქის მოსაყდრემ.

ირანის ბირთვული პროგრამა საფრთხეს უქმნის ისრაელსა და ევროპას, – ამის შესახებ საფრანგეთის საგარეო საქმეთა მინისტრმა, ჟან ნოელ ბარომ განაცხადა.მისი თქმით, ისრაელსა და ირანს შორის კონფლიქტის ესკალაციის თავიდან ასაცილებლად ერთადერთი გზა დიპლომატიაა.„ირანის ბირთვული პროგრამა ეგზისტენციალური საფრთხეა ისრაელისა და ევროპის უსაფრთხოებისთვის. ჩვენ ყოველთვის ვამბობდით, რომ ამ საფრთხის თავიდან აცილების, მისი შეკავების საუკეთესო გზა დიპლომატიაა“, – განაცხადა ბარომ.ამასთან, გერმანიის საგარეო საქმეთა მინისტრმა, იოჰან ვადეპულმა აღნიშნა, რომ გერმანია, საფრანგეთი და დიდი ბრიტანეთი მზად არიან, სიტუაციის დეესკალაციისთვის დაუყოვნებლივ გამართონ მოლაპარაკებები ირანთან ბირთვულ პროგრამასთან დაკავშირებით.

ძლიერი წვიმა, სეტყვა და წყალდიდობა - თურქეთში, ქალაქ კონიასა და მის მიმდებარე სოფლებში სტიქიას ებრძვიან. ინფორმაციას თურქული მედია ავრცელებს.ძლიერმა წვიმამ ქალაქში წყალდიდობა გამოიწვია, სოფლებში კი მეწყერი. დატბორილია საცხოვრებელი სახლები და კორპუსები.მედიის ცნობით, ძლიერი წვიმა სეტყვაში გადაიზარდა, რამაც ავტომობილები დააზიანა. ქალაქში წაქცეულია ხეებიც. სამაშველო ბრიგადები მთელი ღამის განმავლობაში მუშაობდნენ.წყალდიდობის გამო, კონიაში დაიტბორა გზები, შეფერხდა მოძრაობა და მოხდა ავარიები. მედიის ცნობით, მიწისქვეშა გადასასვლელები წლით აივსო.ძლიერი ქარის შედეგად, მოგლეჯილია ხეები, დაზიანებულია ინფრასტრუქტურა და ზოგიერთი საცხოვრებელი სახლის სახურავები.

ჩინეთის საგარეო საქმეთა მინისტრმა, ვანგ იმ და ირანის საგარეო საქმეთა მინისტრმა, აბას არაღჩიმ სატელეფონო საუბარი გამართეს.ვანგ იმ განაცხადა, რომ ჩინეთმა საჯაროდ გამოხატა თავისი პოზიცია ისრაელის მიერ ირანზე განხორციელებული თავდასხმის შემდეგ.„ჩინეთი კატეგორიულად გმობს ისრაელის მიერ ირანის სუვერენიტეტის, უსაფრთხოებისა და ტერიტორიული მთლიანობის დარღვევას და მტკიცედ ეწინააღმდეგება ირანელი ოფიციალური პირების წინააღმდეგ მიმართულ თავდასხმებს, რომლებიც მშვიდობიან მოსახლეობაში მსხვერპლს იწვევს. ისრაელის თავდასხმებმა ირანის ბირთვულ ობიექტებზე საშიში პრეცედენტი შექმნა პოტენციურად კატასტროფული შედეგებით. ჩინეთი ასევე მოუწოდებს ისრაელზე გავლენის მქონე ქვეყნებს, იმოქმედონ მშვიდობის აღსადგენად“, – აღნიშნულია ჩინეთის საგარეო საქმეთა სამინისტროს მიერ გავრცელებულ განცხადებაში.ვანგ იმ განაცხადა, რომ ამჟამად რეგიონული სიტუაცია კრიტიკულ და გადამწყვეტ მომენტშია.„ჩინეთი მზადაა, შეინარჩუნოს კომუნიკაცია ირანთან და სხვა შესაბამის მხარეებთან, რათა გააგრძელოს კონსტრუქციული როლი სიტუაციის დეესკალაციაში“, – აღნიშნა ვანგ იმ. თავის მხრივ, აბას არაღჩიმ ჩინელ კოლეგასთან სატელეფონო საუბრისას განაცხადა, რომ ისრაელის მხრიდან განხორციელებული სამხედრო ოპერაცია ძალიან საშიშია და შესაძლოა, მთელი რეგიონი სრულმასშტაბიან ომში ჩაითრიოს.ამასთან, არაღჩის თქმით, ირანული მხარე მზადაა, შეინარჩუნოს კომუნიკაცია ჩინურ მხარესთან.