“ქართული ოცნების” დასკვნითი საარჩევნო ღონისძიება 23 ოქტომბერს, 19:00 საათზე თავისუფლების მოედანზე გაიმართება

ოჯახი 83 წლის ფერხად ნამაზოვს ეძებს.ოჯახის ინფორმაციით, ფარხად ნამაზოვი გუშინ, 18 იანვარს მარნეულში დაიკარგა.ინფორმაციის არსებობის შემთხვევაში დაუკავშირდით მითითებულ ნომერს.

სუვერენიტეტით ვაჭრობა არ ხდება, - განაცხადა ევროკავშირის საგარეო პოლიტიკის ხელმძღვანელმა, კაია კალასმა.„დანია და გრენლანდია მარტონი არ არიან. არქტიკის უსაფრთხოება საერთო ტრანსატლანტიკური ინტერესია და ეს არის საკითხი, რომელიც შეგვიძლია ჩვენს ამერიკელ მოკავშირეებთან განვიხილოთ.თუმცა, ტარიფებით მუქარა ამისთვის სწორი გზა არ არის. სუვერენიტეტით ვაჭრობა არ ხდება.ჩვენ არ გვაქვს კონფლიქტის წამოწყების ინტერესი, მაგრამ ჩვენს პოზიციებს არ დავთმობთ. ევროპას საკუთარი ინტერესების დასაცავად ინსტრუმენტების მთელი ნაკრები გააჩნია“, - აღნიშნა მან.

დონალდ ტრამპმა განაცხადა, რომ ის 100 პროცენტით შეასრულებს თავის მუქარას და პირველი თებერვლიდან რვა ევროპულ ქვეყანას დამატებით 10%-იან ტარიფს დაუწესებს გრენლანდიასთან დაკავშირებით.„ენბისი ნიუსთან“ მოკლე სატელეფონო ინტერვიუს დროს აშშ-ის პრეზიდენტმა ასევე განაცხადა, რომ ევროპამ ყურადღება რუსეთ-უკრაინის ომზე უნდა გაამახვილოს.„გულწრფელად რომ ვთქვათ, ხედავთ, რა მოუტანა მათ ამან. სწორედ ამაზე უნდა გაამახვილოს ყურადღება ევროპამ და არა გრენლანდიაზე“, – დასძინა ტრამპმა.აშშ-ის პრეზიდენტმა ასევე უარყო ნორვეგიის პრემიერ-მინისტრის ახსნა, რომ მის მთავრობას არანაირი გავლენა არ აქვს იმაზე, თუ ვინ მიიღებს ნობელის მშვიდობის პრემიას.„ნორვეგია სრულად აკონტროლებს მას, მიუხედავად იმისა, თუ რას ამბობენ. მათ მოსწონთ იმის თქმა, რომ ამასთან არაფერი აქვთ საერთო, მაგრამ მათ ყველაფერი აქვთ საერთო. მე არ მაინტერესებს ნობელის პრემია“, – თქვა ტრამპმა.დონალდ ტრამპი დანიას, ნორვეგიას, შვედეთს, საფრანგეთს, გერმანიას, ბრიტანეთს, ნიდერლანდებსა და ფინეთს ტარიფებს უწესებს.

უკრაინის დელეგაციამ აშშ-ის პრეზიდენტის, დონალდ ტრამპის წარმომადგენლებთან მოლაპარაკებების რამდენიმე რაუნდი გამართა და ახლა ომის დასასრულებლად საჭირო დოკუმენტებზე მუშაობა მიმდინარეობს, – ამის შესახებ უკრაინის პრეზიდენტმა, ვოლოდიმირ ზელენსკიმ ტრადიციულ ვიდეომიმართვაში განაცხადა.მისივე თქმით, ამერიკულ მხარესთან მოლაპარაკებები მომავალ კვირას გაგრძელდება.„მოლაპარაკებების რამდენიმე რაუნდი უკვე გაიმართა და მიმდინარეობს მუშაობა ომის დასასრულებლად საჭირო დოკუმენტებზე. მნიშვნელოვანია, რომ უკრაინულმა გუნდმა სრულად აცნობოს ამერიკულ მხარეს უკრაინაში მიმდინარე მოვლენებისა და რუსეთის მიერ ჩვენს ენერგეტიკულ სისტემაზე მუდმივი დარტყმების შესახებ“, – განაცხადა უკრაინის პრეზიდენტმა.ვოლოდიმირ ზელენსკის განცხადებით, რუსებს ომის დასრულება რომ სურდეთ, სარაკეტო დარტყმების ნაცვლად, ყურადღებას დიპლომატიაზე გაამახვილებდნენ. მისივე თქმით, რუსეთზე ზეწოლა უნდა გაგრძელდეს.„რუსებს რომ ომის დასრულება ნამდვილად და სერიოზულად სურდეთ, ისინი დიპლომატიაზე გაამახვილებდნენ ყურადღებას და არა სარაკეტო თავდასხმებზე, ელექტროენერგიის გათიშვასა და ჩვენი ატომური ელექტროსადგურებისთვის ზიანის მიყენების მცდელობაზე. ჩვენ გვაქვს მონაცემები იმ ობიექტების შესახებ, რომლებზეც რუსეთმა დარტყმებისთვის მოსამზადებლად დაზვერვა ჩაატარა. ყველაფერი ნათლად აჩვენებს, რომ დიპლომატია რუსეთისთვის პრიორიტეტი ნამდვილად არ არის. ეს უნდა იყოს აღიარებული. ზეწოლა უნდა გაგრძელდეს აგრესორზე და ამ ომის რეალურ მიზეზზე – მიზეზი მოსკოვშია. ამ კვირაში ჩვენ სწორედ ასეთი ზეწოლის გასაძლიერებლად და რუსეთთან დაკავშირებით მკაფიო გლობალური პოზიციის უზრუნველსაყოფად ვიმუშავებთ“, – აცხადებს უკრაინის პრეზიდენტი და აღნიშნავს, რომ რუსეთის დარტყმების შემდეგ აღდგენითი სამუშაოები გრძელდება.

დიდი ხანია, ევროპელი ლიდერებისგან აღარ გაგვიგია განცხადებები, რომ რუსეთი მარცხდება და უკრაინა იმარჯვებს; ახლა ევროკავშირმა გადაწყვიტა, რომ მისი ინტერესებისთვის უკეთესი იქნება რუსეთთან ურთიერთობის დალაგება, – ამის შესახებ საქართველოს პარლამენტის ვიცე-სპიკერმა, პარტია „ხალხის ძალის“ თავმჯდომარემ, სოზარ სუბარმა განაცხადა.სოზარ სუბარის თქმით, გაუგებარია, რაზე უნდა ესაუბრონ ევროპული ქვეყნების ლიდერები ვლადიმერ პუტინს, რომელიც მათ მიერვე დაფუძნებულმა ჰააგის სისხლის სამართლის საერთაშორისო სასამართლომ გაასამართლა.„რუსეთის დამარცხების იმედი ჰქონდა ევროკავშირს, მაგრამ ეს იმედი არ გამართლდა. დიდი ხანია, აღარ გაგვიგია ევროპელი ლიდერების განცხადებები, რომ რუსეთი მარცხდება, უკრაინა კი იმარჯვებს; მათთვის ზელენსკი უკვე აღარ არის გმირი, მას ისე აღარ ხვდებიან, როგორც ადრე. აღარ უფენენ წითელ ხალიჩებს, წარსულში დარჩა ოვაციები დასავლურ პარლამენტებში და დითირამბების ფრქვევა. როგორც კი ნათელი გახდა, რომ უკრაინა ვეღარ იმარჯვებს, ევროპელმა ლიდერებმა მას ზურგი აქციეს და გადაწყვიტეს, რომ ახლა მათი ინტერესებისთვის უკეთესია, თუ რუსეთთან დალაგდებიან და პუტინთან დიალოგის საჭიროებაზე დაიწყეს საუბარი. მეორე მხრივ, ჰააგის სისხლის სამართლის საერთაშორისო სასამართლომ ვლადიმერ პუტინი კრიმინალად ცნო და მასზე ძებნა გამოაცხადა.ძალიან მაინტერესებს, რაზე უნდა ელაპარაკონ მას იმ ქვეყნების ლიდერები, რომლებმაც ეს სასამართლო დააფუძნეს? რას ეტყვიან: „შენი ნებით დაიდე ხელბორკილები და გამომყევი, რათა ჰააგის საპატიმროში ჩაგსვათ?“ რა თემაზე უნდა ელაპარაკონ? ალბათ მხოლოდ იმაზე, რომ იქნებ ისევ იაფად მიაწოდოს ენერგორესურსები, რადგან ევროპის წამყვანი ქვეყნების ეკონომიკა ნადგურდება, ტრადიციული ინდუსტრიები სულს ღაფავს, ევროკავშირის ქვეყნებიდან მთავარი საწარმოები კი ზოგი ჩინეთში გადავიდა, ზოგიც – ამერიკაში. ამ სიტუაციაში ჩვენ გვეუბნებიან, რომ რუსული გაზი არ უნდა მოვიხმაროთ, რადგან თურმე ეს დანაშაულია, მაგრამ თუ აზერბაიჯანიდან მივიღებთ იმავე რუსულ გაზს ორმაგ ფასად, თურმე ეს სწორი პოლიტიკაა. ეს არის თვალთმაქცობა და ჩვენი ქვეყნისთვის დამღუპველი პოლიტიკა, რომელზე დათანხმებაც დაუშვებელია“, – განაცხადა სოზარ სუბარმა.