“ქართული ოცნების” დასკვნითი საარჩევნო ღონისძიება 23 ოქტომბერს, 19:00 საათზე თავისუფლების მოედანზე გაიმართება

პოლონეთის პრეზიდენტი კაროლ ნავროცკი ქვეყნის პრემიერ-მინისტრს, დონალდ ტუსკს აკრიტიკებს და მას 1989 წლიდან მთავრობის ყველაზე ცუდ მეთაურს უწოდებს. ამასთანავე, ნავროცკი მზადყოფნას გამოთქვამს, ითანამშრომლოს ტუსკთან ფუნდამენტურ საკითხებზე.ამის შესახებ კაროლ ნავრიცკიმ ტელეკომპანია wPolsce24-ის ეთერში განაცხადა.„მე წარმომიდგენია პრემიერ-მინისტრთან თანამშრომლობა ფუნდამენტურ საკითხებზე, რომლებიც სახელმწიფოს ფუნქციონირებას ეხება, ამასთან უცვლელად ვაღიარებ პრემიერ-მინისტრ დონალდ ტუსკს 1989 წლიდან პოლონეთის ისტორიაში ყველაზე ცუდ პრემიერ-მინისტრად. თუმცა, დღეს პოლონელები იმედოვნებენ, რომ საჭიროების შემთხვევაში, ჩვენ დავსხდებით მოლაპარაკებების მაგიდასთან“, – განაცხადა პოლონეთის პრეზიდენტმა.პოლონეთის პრეზიდენტს და პრემიერ-მინისტრს შორის ბოლო უთანხმოება მოჰყვა კაროლ ნავროცკის უარს სპეცსამსახურების თანამშრომლებისთვის ოფიცრების წოდებების მინიჭბაზე. ამასთან დაკავშირებით, დონალდ ტუსკმა სოციალურ ქსელში დაწერა, რომ პრეზიდენტად ყოფნისთვის არ არის საკმარისი არჩევნებში გამარჯვება.„მე არ ვარ ნაწყენი პემიერ-მინისტრზე. როგორც ქრისტიანი, ღრმა წყენას არ ვატარებ. საარჩევნო კამპანიის დროს პრემიერ-მინისტრს, დონალდ ტუსკს ჩემზე ბევრად უარესი უთქვამს. მე პოლონეთის პრეზიდენტი ვარ. ბატონი პრემიერ-მინისტრი – პოლონეთის პრემიერ-მინისტრია, მე ვერ წარმომიდგენია, რომ ჩვენ არ განვიხილავთ ფუნდამენტურ საკითხებს“, – თქვა ნავროცკიმ.

ფერადი ქალბატონი, ზოია წიკლაური, რომელსაც გამორჩეული ჩაცმულობის გამო მთელი თბილისი იცნობდა გარდაიცვალა.სამწუხარო ინფორმაცია სოციალურ ქსელში ვრცელდება:„არ მინდა წარსულში ვისაუბრო შენზე. ძალიან დააკლდები ქალაქს. როგორ უხდებოდი თბილისის ქუჩებს... უფალმა ნათელში ამყოფოს შენი ლამაზი სული. P.S შენს დაბადების დღეზე ვაპირებდით სიურპრიზის მოწყობას....ხომ დამპირდი 17 ნოემბერს აქ ჩამოიარე ყვავილებს და საჩუქარს დაგახვედრებო“

ეკონომიკისა და მდგრადი განვითარების მინისტრი მარიამ ქვრივიშვილი თურქული სამხედრო თვითმფრინავის ავიაკატასტროფის გამო თურქეთის მთავრობას და დაღუპულთა ოჯახებს სამძიმარს უცხადებს.„შეძრწუნებული ვარ მომხდარი ტრაგედიის გამო – ვიზიარებ თურქი ხალხის მწუხარებას და პირადად ჩემი და მთელი სამინისტროს სახელით ვუსამძიმრებ გარდაცვლილთა ოჯახებს, თურქეთის მთავრობას და თითოეულ მოქალაქეს. დაიღუპა 20 ადამიანი – ეს უდიდესი დანაკარგია მთელი თურქეთისთვის, ამ მძიმე დღეებში ყველაფერს გავაკეთებთ ჩვენი მეგობარი სახელმწიფოს მხარდასაჭერად“, – აღნიშნულია მარიამ ქვრივიშვილის სამძიმრის ტექსტში.ცნობისთვის, 11 ნოემბერს სიღნაღის მუნიციპალიტეტში, საქართველოს სახელმწიფო საზღვრიდან დაახლოებით 5 კილომეტრში, თურქულმა სამხედრო თვითმფრინავმა ავიაკატასტროფა განიცადა. თვითმფრინავი აზერბაიჯანი-თურქეთის მიმართულებით ასრულებდა რეისს.ფაქტთან დაკავშირებით გამოძიება სისხლის სამართლის კოდექსის 275-ე მუხლის მე-4 ნაწილით მიმდინარეობს, რაც საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.თურქეთის თავდაცვის სამინისტროში აცხადებენ, რომ ჩამოვარდნილი თურქული თვითმფრინავის ბორტზე 20 სამხედრო იმყოფებოდა.

რადიკალური ოპოზიცია, მათი უცხოელი მფარველების ხელში, გამოიყენება იმისთვის, რომ საქართველოს მიმართ დღის წესრიგი იმ ჯგუფების სურვილის მიხედვით იყოს გატარებული, რომლებიც მათ აორგანიზებს, მფარველობს და აფინანსებს,  – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისი თქმით, მთავარი პრობლემები ბრიუსელშია.„რადიკალურ ოპოზიციას ცალკე განყენებულად, როგორც პოლიტიკურ აქტორად ნუ ავიღებთ. რადიკალური ოპოზიცია არის ინსტრუმენტი მათი უცხოელი მფარველების ხელში. ის საერთო ჯამში ორკესტრირებას უწევს ამ მთლიან პროცესს. ამიტომ, რადიკალური ოპოზიცია გამოიყენება იმისთვის, რომ საქართველოს მიმართ დღის წესრიგი იყოს გატარებული იმ ჯგუფების სურვილის მიხედვით, რომლებიც მათ აორგანიზებს, მფარველობს და აფინანსებს. მთავარი პრობლემები უნდა ვეძებოთ ბრიუსელში. მთავარი პრობლემა არის ის, რომ ბრიუსელი დღეს იქცევა და დგას მყარად იმ გზაზე, სადაც თავის დროზე იყო საბჭოთა მოსკოვი. როდესაც ნაცვლად დიალოგისა, არის კონფრონტაცია, ნაცვლად სხვათა ინტერესების გათვალისწინებისა, არის საკუთარი დღის წესრიგის მოხვევის სურვილი“, – განაცხადა შალვა პაპუაშვილმა.

პატარა გიორგი თოფურიას ახდენილი ოცნება – ერთი დღე მებაჟე ოფიცრად ფინანსთა სამინისტროს შემოსავლების სამსახურმა პატარა გიორგი თოფურიას ოცნება აუხდინა — ის ერთი დღით მებაჟე ოფიცრად გადაიქცა. გიორგი მაყურებელმა ტელეკომპანია „იმედის“ გადაცემიდან „პატარების დიდი შოუ“ გაიცნო. ის მუსიკის, ხატვის, ძერწვისა და მათემატიკის დიდი მოყვარულია. მისი ყველაზე დიდი სურვილი კი მამის მსგავსად, შემოსავლების სამსახურის მებაჟე ოფიცერი გახდომაა. გადაცემის გასვლის შემდეგ, შემოსავლების სამსახურმა გიორგის ეს სურვილი ერთი დღე რეალობად აქცია — მცირე ხნით მას საშუალება მიეცა მებაჟე ოფიცერი გამხდარიყო. ვიდეო-სიუჟეტი ფინანსთა სამინისტროს შემოსავლების სამსახურმა საკუთარ ოფიციალურ გვერდზე გამოაქვეყნა.