სამშაბათი, ოქტომბერი 14, 2025

“ქართული ოცნება”: შანტაჟი ვერ გვაიძულებს, ქვეყნის საწინააღმდეგო ნაბიჯი გადავდგათ, სანქციები კონტრპროდუქტიულია და თავად სანქციის დამწესებელს აზიანებს

შანტაჟისა და მუქარის პოლიტიკა, რომელიც საქართველოს წინააღმდეგ წარმოებს, არ შეესაბამება არათუ სტრატეგიული პარტნიორობის, არამედ, ზოგადად, პარტნიორულ სულისკვეთებას, რომელიც ორ სუვერენულ სახელმწიფოს შორის უნდა იყოს ჩამოყალიბებული, – ამის შესახებ „ქართული ოცნების“ პოლიტიკური საბჭოს განცხადებაშია ნათქვამი.

განცხადებაში ასევე წერია, რომ, ენტონი ბლინკენის განცხადება და სავიზო შეზღუდვებით შანტაჟი სხვა არაფერია, თუ არა საქართველოს დამოუკიდებლობისა და სუვერენიტეტის შეზღუდვის უხეში მცდელობა.

„ამერიკის შეერთებული შტატების სახელმწიფო მდივნის, ენტონი ბლინკენის სახელით დაანონსდა სავიზო შეზღუდვების შესაძლო დაწესება საქართველოს ხელისუფლების წარმომადგენლების წინააღმდეგ, რაც არის იმ ანტიქართული რიტორიკის გაგრძელება, რომელსაც 2012 წლიდან ვისმენთ და რომელიც განსაკუთრებით 2021-22 წლებში გააქტიურდა. შანტაჟისა და მუქარის პოლიტიკა, რომელიც საქართველოს წინააღმდეგ წარმოებს, არ შეესაბამება არათუ სტრატეგიული პარტნიორობის, არამედ, ზოგადად, პარტნიორულ სულისკვეთებას, რომელიც ორ სუვერენულ სახელმწიფოს შორის უნდა იყოს ჩამოყალიბებული.

ენტონი ბლინკენის სახელით გაკეთებული განცხადება და სავიზო შეზღუდვებით შანტაჟი სხვა არაფერია, თუ არა საქართველოს დამოუკიდებლობისა და სუვერენიტეტის შეზღუდვის უხეში მცდელობა, რაც განსაკუთრებით ცინიკურად წარმოგვიდგება იმ ფონზე, რომ საქართველო ორ დღეში ეროვნული დამოუკიდებლობის დღეს აღნიშნავს.

ეს არის უპრეცედენტო მოვლენა მსოფლიო პოლიტიკის ისტორიაში, როდესაც ერთი ქვეყნის ოფიციალური წარმომადგენელი ემუქრება მეორე ქვეყნის კანონმდებელს სანქციებით მხოლოდ იმის გამო, რომ მან გამჭვირვალობის კანონს მისცა ხმა. ეს მოვლენა ნაცრისფერი ასოებით ჩაიწერება მსოფლიო პოლიტიკის ისტორიაში.

აღარაფერს ვამბობთ იმაზე, რომ „უცხოური გავლენის გამჭვირვალობის შესახებ“ კანონის საწინააღმდეგოდ დღემდე ვერავინ ვერავითარი არგუმენტი ვერ წარმოგვიდგინა. აღარც იმაზე ვამბობთ აღარაფერს, რომ მსგავსი კანონები ბევრად უფრო მკაცრი ფორმით მოქმედებს თავად ამერიკის შეერთებულ შტატებში, საფრანგეთში, არაერთ სხვა სახელმწიფოში, რომელთა მიმართაც აშშ-ს არავითარი სანქციები არ დაუწესებია. აგრეთვე, ამგვარი კანონპროექტი აქტიურად განიხილება ევროკავშირშიც. მეტიც, ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირში დაინიცირებული კანონი მისი საარჩევნო კამპანიის წამყვანი ხაზი იქნება, რადგან დღეს ევროპისთვის უცხოური გავლენები და ჩარევა ყველაზე დიდი გამოწვევაა.

აქვე უნდა აღინიშნოს, რომ სანქციების გავრცელება ოჯახის წევრებზე, მათ შორის არასრულწლოვან შვილებზე, არის სანქციის ფორმა, რომელზეც არა მხოლოდ ევროპამ თქვა გასული საუკუნის 40-იანი წლებიდან მკაცრად უარი, არამედ 60-იანი წლებიდან საბჭოთა კავშირშიც კი აღარ გამოიყენებოდა. ცივილიზებულ სამყაროში ათწლეულების მანძილზე საყოველთაოდ იყო აღიარებული, რომ ე.წ. სუბიექტური შერაცხვის პრინციპის უარყოფა, ანუ სანქციის ოჯახის წევრებზე გავრცელება ფაშისტურ-ბოლშევიკური მოვლენაა. ახლა კი, სანქციის ამ ფორმას ამერიკის შეერთებული შტატების ოფიციალური წარმომადგენელი იყენებს, რაც გამაოგნებელია.

თუმცა, მას შემდეგ, რაც შესაბამისმა ძალებმა საქართველოს პრემიერ-მინისტრთან საუბარში ერთ-ერთი ევროკომისარის პირით სლოვაკეთის პრეზიდენტზე ტერორისტული თავდასხმა მაგალითად მოიყვანეს და ამით, საქართველოს ხელისუფლების უმაღლესი თანამდებობის პირები სიცოცხლის მოსპობით დააშანტაჟეს, სავიზო შეზღუდვის დაწესებაზე საუბარი აღარც მოულოდნელია და აღარც გასაკვირი.

იმასაც შეგახსენებთ, რომ რამდენიმე თვის წინ ანალოგიური სავიზო შეზღუდვა, ასევე ყოველგვარი დასაბუთების და ფაქტების გარეშე, ბლინკენის სახელით ქართველ მოსამართლეებს დაუწესდა, შემდეგ კი ცინიკურად განაცხადეს, რომ ფაქტების მოწოდებას არ აპირებდნენ და საკითხი ჩვენ თავად უნდა გამოგვეძიებინა. სავიზო შეზღუდვის მიუხედავად, სასამართლო სისტემა აგრძელებს გამართულად ფუნქციონირებას და ამ გადაწყვეტილებამ ქართული სასამართლოს დამოუკიდებლობაზე ვერავითარი გავლენა ვერ მოახდინა. მეტიც, მას შემდეგ სტრასბურგის სასამართლომ კიდევ არაერთგზის დაადასტურა, რომ ქართული სასამართლო სამართლიან გადაწყვეტილებებს იღებს და სამართალს ემსახურება.

იმასაც შეგახსენებთ, რომ დღეს ევროკავშირის ორი კანდიდატი ქვეყნის – სერბეთისა და ბოსნია-ჰერცეგოვინის ხელისუფლების უმაღლეს თანამდებობის პირებს აქვთ აშშ-ს მხრიდან დაწესებული სანქციები, თუმცა, ორივე ქვეყანა აგრძელებს ევროკავშირში გაწევრიანების პროცესს და ამ მხრივ არავითარი შეფერხება არ იქმნება.

დასასრულს, კიდევ ერთხელ მკაფიოდ გვინდა აღვნიშნოთ, რომ არ ვაპირებთ ჩვენი ქვეყნის სუვერენიტეტითა და უსაფრთხოებით ვაჭრობას. ვერავითარი შანტაჟი ვერ გვაიძულებს ჩვენი ქვეყნის საწინააღმდეგო ნაბიჯი გადავდგათ. ასეთ ვითარებაში, სანქციები მხოლოდ კონტრპროდუქტიულია და თავად სანქციის დამწესებელს აზიანებს. შესაბამისად, მოვუწოდებთ ყველას, იმოქმედონ პრაგმატულად და გადადგან ქმედითი ნაბიჯები ურთიერთობების გაჯანსაღებისთვის, რაც თანაბრად შედის როგორც ქართველი, ისე ამერიკელი ხალხის ინტერესებში“, – აღნიშნულია „ქართული ოცნების“ პოლიტსაბჭოს განცხადებაში.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

კანონპროექტის თანახმად, მსჯავრდებულს ქვეყნის დატოვება არ შეეძლება, ვიდრე დაზარალებულისთვის ზიანის სრულად ანაზღაურება არ მოხდება

მსჯავრდებულს ქვეყნის დატოვება მანამდე არ შეეძლება, სანამ დაზარალებული პირისთვის მიყენებული ზიანის სრულად ანაზღაურება არ მოხდება. შესაბამისი ცვლილებები „მოქალაქეების საქართველოდან გასვლისა და შემოსვლის წესების შესახებ“ კანონში შედის.დღეს მოქმედი კანონით განსაზღვრულია საქართველოს მოქალაქეების ქვეყნიდან დროებითი გასვლის უფლების შეზღუდვის საფუძვლები. კერძოდ, მოქმედი კანონით, საქართველოს მოქალაქეს შეიძლება, უარი ეთქვას ქვეყნიდან დროებითი გასვლისთვის – საქართველოს მოქალაქის პასპორტის გაცემასა და სახელმწიფო საზღვრის გადაკვეთაზე, თუ მის მიმართ სასამართლოს მიერ გამოტანილია განაჩენი, რომლითაც მას აკრძალული აქვს ქვეყნიდან გასვლა.კანონპროექტით განისაზღვრება, რომ მოქალაქეს ქვეყნიდან გასვლის უფლება არ ექნება, თუ „სისხლის სამართლის საპროცესო კოდექსით“ დადგენილი წესით, აკრძალული აქვს, საქართველოდან გასვლა და მას ნოტარიულად დამოწმებული დოკუმენტი არ წარმოუდგენია იმის თაობაზე, რომ მან დაზარალებულის კომპენსაცია გადაიხადა, დაზარალებულისთვის მიყენებული ზიანი კანონმდებლობით დადგენილი წესით აანაზღაურა, ან დაზარალებული უარს აცხადებს კომპენსაციის გადახდაზე/კანონმდებლობით დადგენილი წესით ზიანის ანაზღაურებაზე.ცვლილებებით განსაზღვრულია საქართველოს მოქალაქისთვის ემიგრაციის ნებართვის გაცემაზე უარის საფუძვლებიც. ამ შემთხვევაშიც, ზემოთ აღნიშნული, ანალოგიური წესი იმოქმედებს, რაც კომპენსაციისა და ზიანის ანაზღაურებას გულისხმობს. ზემოთ აღნიშნულის გარდა, კანონში დამატება კეთდება, სადაც აღნიშნულია, რომ საქართველოს მოქალაქეს შეიძლება, უარი ეთქვას საქართველოდან დროებითი გასვლისთვის, მოქალაქის პასპორტის გაცემასა და სახელმწიფო საზღვრის გადაკვეთაზე, თუ არ არის დაკმაყოფილებული „სააღსრულებო წარმოებათა შესახებ“ კანონის 28-ე მუხლის პირველი პუნქტი.„პროექტის მომზადება განპირობებულია პირისთვის მიყენებული ზიანის ანაზღაურების ეფექტიანი მექანიზმის შექმნის მიზანშეწონილობიდან გამომდინარე. ზიანის მიმყენებლის მიერ ვალდებულების შესრულებისგან თავის არიდების რისკების მინიმუმამდე დაყვანისთვის იქმნება სამართლებრივი ბერკეტი, რომ მსჯავრდებულს არ შეეძლოს ქვეყნის დატოვება მანამ, სანამ არ მოხდება პირისთვის მიყენებული ზიანი კანონმდებლობით დადგენილი წესით სრულად ანაზღაურება“, – აღნიშნულია კანონპროექტის განმარტებით ბარათში.

„მინდა, თანხა სხვა მშობლებს გადავცე, ვისაც სჭირდება“ – ტრაგიკულად დაღუპული ბავშვების დედა

ემილია, ანა-მარია, ნია, ელენე და სოფია - ხუთი ბავშვის სიცოცხლე ემსხვერპლა ოკუპირებულ გალში მომხდარ ხანძარს... ტრაგედიამ საქართველო შეძრა.6 იანვარი ოკუპირებულ აფხაზეთში გლოვის დღედ გამოცხადდა.დედა, მამა და ხუთი პატარა გოგონა ზუგდიდში დევნილთა დასახლების ერთოთახიან ბინაში ცხოვრობდნენ. ოჯახი სოციალურ დახმარებას იღებდა. ტრაგედიის დღეს ბავშვები ბებიასთან იყვნენ სტუმრად. როგორც ამბობენ, ბებიამ შეშის ღუმელში ცეცხლის დასანთებად ნავთის ნაცვლად შეცდომით ბენზინი შეასხა, ცეცხლი უცებ აალდა და ხის სახლს სწრაფად მოედო. სახლი თითქმის 10 წუთში დაიფერფლა. ბავშვების გადარჩენა ვერ მოხერხდა.დედა ენგურს აქეთ, ზუგდიდის კლინიკაში იწვა, მამა ცოლის სანახავად იყო წასული.ამ ტრაგედიის შემდეგ ოჯახს ახალი საცხოვრებელი გადასცეს. სოციალურ ქსელში გაიხსნა ანგარიში სადაც ვიტალისა და ქრისტისთვის თანხა გროვდებოდა.უმძიმესი ტრაგედიის მიუხედავად, საზოგადოებას იმედი ჰქონდა, რომ ქრისტი ისევ გახდებოდა პატარა ანგელოზის დედა...ცოტა ხნის წინ, სოციალურ ქსელში გავრცელდა ვიდეომიმართვა, სადაც დაღუპული პატარების დედა ამბობს, რომ მიიღო მეუღლესთან განქორწინების გადაწყვეტილება. ამასთან, ქრისტინე ამბობს, რომ თანხა, რომელიც მათ ანგარიშზეა ჩარიცხული, სურს გადასცეს ისეთ პიროვნებას, ვისაც სურს ჰყავდეს შვილი და ამის ფინანსური შესაძლებლობა არ აქვს.„ძალიან მიჭირს ამაზე ლაპარაკი, მაგრამ ვფიქრობდი, რომ ჩემი ანგელოზების მერე პატარა უნდა მყოლოდა. მაგრამ ჩემს შვილებს ვერცერთი შვილი ვერ შემიცვლის. მე ისეთი ტკივილი მაქვს გულში, რომ ახალდაბადებულ ბავშვს ვერ ვაგრძნობინებ ამ ტკივილს. არ მინდა ახალდაბადებული ბავშვი დავტანჯო. რაც შეეხება თანხას, რომელიც არის, მინდა, ჩემი პატარების სახელზე, პატარა ანგელოზი დაიბადოს და გადავცე სხვა მშობლებს, რომლებსაც სჭირდებათ დახმარება. ძალიან მინდა, რომ ჩემი ბავშვების სახით, პატარა ანგელოზი დაიბადოს,- ამბობს ქრისტინე სორდია. 

ცვლილებების პროექტის თანახმად, სისხლის სამართლებრივი პასუხისმგებლობა დაეკისრება პირს, რომელიც სამართალდამცავი ორგანოს თანამშრომელს მესამედ მიაყენებს შეურაცხყოფას ან არ დაემორჩილება მის კანონიერ განკარგულებას

სისხლის სამართლის კოდექსს ემატება ახალი მუხლი, რომლითაც სისხლის სამართლებრივი პასუხისმგებლობა დაეკისრება იმ პირს, რომელიც სამართალდამცავი ორგანოს თანამშრომელს მესამედ მიაყენებს შეურაცხყოფას ან არ დაემორჩილება მის კანონიერ განკარგულებას, – ამის შესახებ საპარლამენტო უმრავლესობის ლიდერმა, ირაკლი კირცხალიამ უმრავლესობის დღევანდელი სხდომის დასრულების შემდეგ გამართულ ბრიფინგზე განაცხადა.როგორც მან განმარტა, აღნიშნულ პირს შეეფარდება თავისუფლების აღკვეთა ერთ წლამდე, ხოლო რეციდივის შემთხვევაში კი – თავისუფლების აღკვეთა ორ წლამდე ვადით. ამასთანავე, არ იქნება გამოყენებული სხვა სახის სასჯელი.

მალხაზ მაჩალიკაშვილი კახელებს შეურაცხყოფას აყენებს და ჩმორებს უწოდებს: მონობა სისხლში გაქვთ. უფხო და უნიათო ხალხი ხართ

მალხაზ მაჩალიკაშვილი სოციალურ ქსელში პოსტს აქვეყნებს, სადაც კახელებს შეურაცხყოფას აყენებს.ამასთან, მაჩალიკაშვილი კახელებს ჩმორებს უწოდებს„კახელებო, ვერასდროს წარმოვიდგენდი ამხელაზე უმოქმედოდ თუ ვიქნებიდით. დღეს ერთ ერთი რეგიონია კახეთი, ვისაც ამ დიდი მაშტაბის უსამართლობასთან დაკავშირებით პროტესტის გამოხატვის უნარი არ გააჩნიათ. მე მოკიბ, მიკივიბის გარეშე გეტყვით, სისუსტე სისხლში გაქვთ. უფხო და უნიათო ხალხი ხართ 70%. 2010 წელს ყურძნის ჩასაბარებელი ფასი იყო 1 ლ 20 თეთრი. როცა დოლარი ღირდა 1ლ 60 თეთრი. დღეს 2025 წელს როცა დოლარი ღირს 2, 70 ყურძნის ჩასაბარებელი ფასია 1 ლ. როცა, დანარჩენ ყვალა სახის პროდუქცაიაზე 1000% არის ფასები გაზრდილი.მე ეხლა რა მაინტერესებს, გეტყვით და კითხვა უნდა დაგისვათ, რამ გამოიწვია ასე თქვენი დაჩმორება?იქნებ მიპასუხოთ, მართლა კაცურად, არა ისე როგორც გჩვევიათ უაზრო ბლაყუნი და ბიძინას ერთი ადგილის ამოლოკვა. კახეთი ვაზის მხარეა, და კახეთის ღირსშესანიშნაობებს ყურძენი და ვაზია.ჩვენ კი კახელებმა, ეს ყვეფაფერი ლაფში ამოსვარეთ, ვაზიც და მხარეც,მარტო იმის გულისა ბიძინას ერთი ადგილი გადაგერჩინათ.მე გეტყვით, მას ბიძინას სულ ერთ ადგილას კიდივართ, ჩვენც და ჩცენი ჩვენი ვაზიც, აი ესაა სრული სიმართლე და რიალობა, არ მიწყინით კახელებმა, მეც თავად კახელი ვარ.

15 წლის თამარს საზოგადოების თანადგომა სჭირდება

დახმარების თხოვნა! გთხოვთ, გააზიარეთ ეს პოსტი, თუნდაც ვერ ახერხებთ დახმარებას – ესეც დიდი მხარდაჭერაა! მე ვარ მარტოხელა დედა და ჩემი 15 წლის შვილი, თამუნა, მძიმე მდგომარეობაშია. ის ვერ დადის, ვერ საუბრობს, აქვს ეპილეფსია და თავში კისტა. სასწრაფოდ სჭირდება თავის ტვინის დეტალური გადაღება და ხანგრძლივი მკურნალობა.ჩვენ ქირით ვცხოვრობთ, არ გვაქვს არანაირი შემოსავალი და ახლა მხოლოდ საზოგადოების თანადგომის იმედი მაქვს. გთხოვთ, დამეხმარეთ ჩემი შვილის გადასარჩენად – თითოეულ ლარს დიდი მნიშვნელობა აქვს!დახმარება შეგიძლიათ შემდეგ ანგარიშებზე:საქართველოს ბანკი – #GE39BG0000000589168699თიბისი ბანკი – #GE81TB772294506810004833001026789 გაბუნია ქრისტინე თუკი არ შეგიძლიათ თანხით დახმარება, ძალიან გთხოვთ მაინც გააზიაროთ ეს პოსტი – იქნებ ვიპოვოთ კეთილი ადამიანები, ვისაც შეუძლია პატარა თამუნას იმედის მიცემა...

ბოლო სიახლეები