„ქართული ოცნება – დემოკრატიული საქართველო“ დღეს

ირაკლი ღარიბაშვილმა მოახსენა სასამართლოს, რომ მასზე განხორციელდა ფსიქიკური და მორალური წამების ფაქტი მანამდე, ვიდრე საქმეზე დაიწყებოდა გამოძიება, იმ მიზნით, რომ მას ქრთამის აღების შესახებ მომავალი ბრალდება ეღიარებინა, - ამის შესახებ ყოფილი პრემიერ-მინისტრის, ირაკლი ღარიბაშვილის ადვოკატმა, სოსო ბარათაშვილმა სასამართლო პროცესის შემდეგ მედიასთან განაცხადა.სოსო ბარათაშვილის თქმით, ირაკლი ღარიბაშვილის მიმართ წამების ფაქტის განხორციელებაზე შესაბამისმა საგამოძიებო ორგანომ გამოძიება უნდა დაიწყოს.„მოვუწოდებთ საგამოძიებო ორგანოს, რომ დაიწყოს გამოძიება ირაკლი ღარიბაშვილის მიმართ წამების ფაქტის განხორციელებაზე. წამება გამოიხატა მის მიმართ ფსიქიკური და მორალური ზეწოლის განხორციელებაში. დღეს მას არ დაუსახელებია არცერთი გვარი, მაგრამ გამოძიების მსვლელობის პროცესში ის რასაკვირველია დაასახელებს გვარს, ვისი მხრიდანაც მომდინარეობდა შეთავაზება და ყველა დეტალს განუმარტავს გამოძიებას. ეს არ არის ჰაერზე გაკეთებული განცხადება, ირაკლი ღარიბაშვილს შეუძლია დაასაბუთოს მის განცხადებაში მითითებული ფაქტების სისწორე. როდესაც ხდება შეთავაზება, რომ მოხდეს აღიარება იმ დანაშაულის, რომელიც ითვალისწინებს 15 წლამდე პატიმრობას და ეს მოდის კომპეტენტური, უფლებამოსილი მოხელის მხრიდან, ასეთ შემთხვევაში, სწორედ ეს არის 144-ე პრიმა მუხლის დეფინიცია, რაც მოიცავს წამებას“, -განაცხადა ადვოკატმა.ადვოკატის განცხადებით, სასამართლო სხდომის დახურვა ემსახურება იმას, რომ საზოგადოებამ არ გაიგოს ბრალდების უსაფუძვლობა და საქმის დეტალები.„სხდომის დახურვა ეწინააღმდეგება საქართველოს კანონმდებლობას, არანაირად დასაბუთებული არ ყოფილა ბრალდების მხარის მიერ და ემსახურება იმას, რომ საზოგადოებამ არ გაიგოს ბრალდების უსაფუძვლობა და ამ საქმის დეტალები. საქმე არის პოლიტიზებული, ბრალდება გახლავთ სრულიად დაუსაბუთებელი.პროკურორის შუამდგომლობაში არ იყო არცერთი კონკრეტული ფაქტი, მტკიცებულება დასახელებული, რის გამოც უნდა დახურულიყო აღნიშნული სხდომა. პროკურატურა სხდომის დახურვას იყენებს, როგორც ინსტრუმენტს, რომ მიჩქმალოს საქმე, დაუმალოს ამ საქმის დეტალები მოსახლეობას, მედიასაშუალებებს, უფლებადამცველებს. ეს წარმოადგენს ძალიან სერიოზულ დარღვევას.უნდა ითქვას, რომ ეს საქმე მთლიანად არის დაფუძნებული სხვა საქმეზე, ჯუანშერ ბურჭულაძის, ვასილ მხეიძისა და სხვათა მიმართ ბრალდების საქმეზე, რომელი საქმეც არ ყოფილა დახურულ რეჟიმში წარმართული, განაჩენი არ ყოფილა დახურული. ფაქტობრივად, ორი ჩვენების გარდა ეს იმეორებს იგივე საქმეს. რასაკვირველია, ეს მიგვაჩნია უდიდეს უსამართლობად. ჩვენს მიერ გადადგმული იქნება კონტრ-ნაბიჯები. ვაცნობებთ ყველას, ვისაც საჭიროა და სათანადო ინსტანციებში გამოვიყენებთ ამ ყველაფერს“, - განაცხადა ადვოკატმა.

უნდა შევწყვიტოთ გოდება თემაზე „რას გვიშვება ბიძინა“. ყველა მდგომარეობიდან არსებობს გამოსავალი — ბალახს მოთიბავ? ახალი ამოვა, — ამის შესახებ საქართველოს ყოფილმა პრეზიდენტმა, მიხეილ სააკაშვილმა საკონსტიტუციო სასამართლოში პარტიების აკრძალვის საკითხზე მიმდინარე პროცესთან დაკავშირებით დაწერა.როგორც სააკაშვილი აღნიშნავს, „ბრძოლა არ გადის პარტიებზე, ნომრებზე, არამედ გადის დიდ სახალხო მოძრაობაზე და, პირიქით, ხედავს ახალ შესაძლებლობას, რომელიც ამ აკრძალვით გაიხსნება“.„ძალიან კარგი იყო ოპოზიციური პარტიის გამომსვლელები ბათუმში, ზაზა ბიბილაშვილი საერთოდ ყველაფრის მწვერვალი იყო.რა თქმა უნდა, პარტიების აკრძალვა კიდევ მეტ იზოლაციაში მოაქცევს საქართველოს და გამოიწვევს კიდევ დამატებით ტალღას ემიგრაციისა, მაგრამ, ჩემი აზრით, უნდა შევწყვიტოთ გოდება თემაზე „რას გვიშვება ბიძინა“. ყველა მდგომარეობიდან არსებობს გამოსავალი — ბალახს მოთიბავ? ახალი ამოვა!ჩვენი ბრძოლა არ გადის პარტიებზე, ნომრებზე, გადის დიდ სახალხო მოძრაობაზე და ამისთვის არაა საჭირო რაიმე რეგისტრაცია და რაღაც ქაღალდების ფლობა. პირიქით, მე ვხედავ ახალ შესაძლებლობას, რომელიც ამ აკრძალვით გაიხსნება.და უკვე ჩვენზე, მთლიანად ხალხზეა დამოკიდებული, როგორ გამოვიყენებთ მას“, — წერს მიხეილ სააკაშვილი.საკონსტიტუციო სასამართლოში 21 ოქტომბერს დაიწყო „ქართული ოცნების“ კონსტიტუციური სარჩელის განხილვა, რომლითაც მოთხოვნილია „ნაციონალური მოძრაობის“, „კოალიცია ცვლილებისთვის“, „ძლიერი საქართველო – ლელოს“, „ფედერალისტების“, „გახარია საქართველოსთვის“ საქმიანობის არაკონსტიტუციურად ცნობა და აკრძალვა. 30 ოქტომბერს დასრულდა ახსნა-განმარტების ეტაპი და სასამართლო შეკითხვების ეტაპზე გადადის. ხუთი პოლიტიკური პარტიის არაკონსტიტუციურად ცნობისა და აკრძალვის შესახებ სარჩელის განხილვა 9 ნოემბრიდან გაგრძელდება. 

სადგურის მოედანზე, გადასასვლელი ხიდის ტერიტორიაზე ხანძარი ლიკვიდირებულია.საქართველოს პირველ არხს საგანგებო სიტუაციების მართვის სამსახურში განუცხადეს, რომ ხანძრის შედეგად არავინ დაშავებულა.როგორც ჟურნალისტებს საგანგებო სიტუაციების მართვის სამსახურის წარმომადგენელმა, ლევან მუსელიანმა განუცხადა, ამჟამად მიმდინარეობს დარჩენილი კერების ჩაქრობა.„ვაგზლის მოედანზე, გადასასვლელ ხიდზე იწვოდა შერეული ტიპის მაღაზიები. მეხანძრე-მაშველების დროული რეაგირების შედეგად მოხდა ხანძრის ლოკალიზება და შემდეგ ლიკვიდირება. ამჟამად მეხანძრე-მაშველები დარჩენილი კერების ჩაქრობაზე მუშაობენ. დაშავებულთა შესახებ ინფორმაცია არ გვაქვს, რადგან ჩვენთვის არავის მოუმართავს“, – განაცხადა ლევან მუსელიანმა.რაც შეეხება ხანძრის გავრცელების ფართობს და ზარალს, როგორც ლევან მუსელიანმა თქვა, ამჟამად მათი დადგენა მიმდინარეობს.ხანძარი ხიდზე მდებარე ერთ-ერთ მაღაზიაში გაჩნდა და ტერიტორიაზე გავრცელდა.

ძალიან პირადი საკითხია, ვინ ვისზე შეიძლება ნაწყენი იყოს, ან ვინ ვისზე - არა. ღმერთია ყველას მსაჯული და არ ვაპირებ ამ საკითხებზე მითუმეტეს, საჯაროდ საუბარს, - ასე უპასუხა იუსტიციის ყოფილმა მინისტრმა რატი ბრეგაძემ კითხვაზე, არის თუ არა ის ნაწყენი თავდაცვის ყოფილ მინისტრზე, ჯუანშერ ბურჭულაძეზე, რომელმაც მისი მეგობრის, ირაკლი ღარიბაშვილის წინააღმდეგ მისცა ჩვენება.როგორც ის აღნიშნავს, ყველაფერს ღმერთი განსჯის."მე არ მინდა არავის შეფასება, ღმერთია ყველას მსაჯული და, რა თქმა უნდა, სასამართლო იმსჯელებს ყველა საკითხზე...ვიყავი მოსული ჩემი მეგობრის სანახავად, რომელიც ძალიან მომენატრა, მინდა, მას მხნეობა ვუსურვო და მინდა, ასევე, ვუსურვო, რომ ძალიან მალე დაუბრუნდეს თავის ოჯახს",- განაცხადა ბრეგაძემ.კითხვაზე, სჯერა თუ არა რომ მისმა მეგობარმა კორუფციული დანაშაული ჩაიდინა, მან ასე უპასუხა:"ყველაფერზე სასამართლო იმსჯელებს, მე შემიძლია ვთქვა ის, რომ მე ნამდვილად ამაყი ვარ, რომ მომიწია ირაკლი ღარიბაშვილთან ერთად მუშაობა, სხვა ყველაფერზე იმსჯელებს სასამართლო. ეს ყველაფერი ჩემთვის ძალიან ემოციურია, მე, რა თქმა უნდა, ვარ სუბიექტური, ყველაფერზე სასამართლო იმსჯელებს. მე ვიყავი ჩემი მეგობრის სანახავად მოსული, მინდა მას ვუსურვო მხნეობა და ის, რომ ოჯახს მალე დაუბრუნდეს", - განაცხადა ბრეგაძემ.კითხვაზე, "შეუკერა" თუ არა ეს საქმე ირაკლი ღარიბაშვილს მამუკა მდინარაძემ, იუსტიციის ყოფილმა მინისტრმა უპასუხა, რომ პოლიტიკურ განცხადებებს არ აკეთებს."მე არ ვარ დღეს პოლიტიკაში, შესაბამისად, არ ვაკეთებ არავითარ პოლიტიკურ განცხადებას, რადგანაც მეგობართან ვარ მოსული... ყველაფერზე დაცვის მხარემ უნდა ისაუბროს. ვნახე ჩემი მეგობარი, პოლიტიკაში არ ვარ, რომ რამე სახის პოლიტიკური განცხადება გავაკეთო",- განაცხადა ბრეგაძემ.

ჩემთან დარეკა იმ დროისთვის შინაგან საქმეთა მინისტრმა გიორგი გახარიამ და მითხრა, რომ ჩორჩანაში მიმდინარეობს შემოღობვა და ტერიტორიის დაკარგვის რისკიაო. მთხოვა, იმ დროისთვის, რა რესურსიც გვქონდა, როგორც ინფრასტრუქტურის სამინისტროს, ტყეში გაგვეყვანა გზა. ეს იყო კომუნიკაცია რაც გიორგი გახარიასთან მქონდა , - ეს განცხადება გააკეთა სასამართლო პროცესზე ინფრასტრუქტურისა და რეგიონული განვითარების ყოფილმა მინისტრმა, ყოფილმა ვიცე-პრემიერმა, მაია ცქიტიშვილმა, რომელიც ე.წ. ჩორჩანას საქმე დაცვის მხარის მოწმეა და დღეს სწორედ მოწმის სახით დაიკითხაროგორც მან აღნიშნა, მედიაში აქტიურად ვრცელდებოდა ინფორმაცია იმის შესახებ, რომ სოფელ ჩორჩანას ტყეში საოკუპაციო ძალების მიერ ხდებოდა მონიშვნები, რასთან დაკავშირებითაც იმდროინდელ შს მინისტრ გიორგი გახარიასა და მას შორის სატელეფონო კომუნიკაცია შედგა, საუბრის საკითხი კი გახარიას მხრიდან ჩორჩანაში გზის გაყვანის აუცილებლობა იყო.ცქიტიშვილის თქმით, სამუშაოებში ჩართულნი იყვნენ, როგორც ინფრასტრუქტურის მინისტრის მოადგილეები, ისე შს მინისტრის მოადგილე."მედიაში აქტიურად შუქდებოდა პროცესები. ვხედავდით, რომ ბორდერიზაციის პროცესი 2013 წლის მერე აქტიურად მიმდინარეობდა. 2017-2018-2019 წლებში პროცესი საკმაოდ იყო გააქტიურებული. მედიაში ვრცელდებოდა ინფორმაცია, ჩანაწერები, სადაც ბორდერიზაციის პროცესის შედეგად საკარმიდამო გადაღობვა ხდებოდა, ასევე, იყო ახალი მონიშვნები, ამას ვხედავდით - ეს ჩორჩანაშიც იყო . ჩორჩანაში, მას შემდეგ რაც საკითხი აქტუალური გახდა, 2019 წლის იანვრიდან დაფიქსირდა ყვითელი მონიშვნები ტყეში. ჩანაწერში ვნახეთ, ხდებოდა მონიშვნები, რაც იყო მავთულხლართით შემოღობვის წინაპირობა.ჩემთან დარეკა იმ დროისთვის შინაგან საქმეთა მინისტრმა გიორგი გახარიამ და მითხრა, რომ ჩორჩანაში მიმდინარეობს შემოღობვა, და ტერიტორიის დაკარგვის რისკიაო. მთხოვა, იმ დროისთვის, რა რესურსიც გვქონდა, როგორც ინფრასტრუქტურის სამინისტროს, ტყეში გაგვეყვანა გზა. ეს იყო კომუნიკაცია რაც გიორგი გახარიასთან მქონდა. ეს იყო აგვისტოს დასაწყისში. საუბარი გვქონდა გზის გაყვანაზე, რომელიც მანამდე არ არსებობდა. მთხოვა, რომ საჭიროა „ბულდოზერი“ ან ტრაქტორი, ტყეში არის გზა გასაყვანი. ჩემს მოადგილეს ილია ბეგიაშვილს ვთხოვე დაკავშირებოდა ხაშურის მუნიციპალიტეტს, შესაბამისი კონტრაქტორის მეშვეობით სამუშაოები შეესრულებინათ. დაახლოებით 112- კმ გზა იყო გასაყვანი, რასაც მუნიციპალიტეტი მისი ერთეული ტექნიკით ვერ შეძლებდა. გახარიამ მითხრა, რომ საჩქარო პროცესი იყო რადგან არსებობდა ტერიტორიის დაკარგვის რისკი. მე ვუთხარი, რომ ეს იყო სატენდერო პროცესი, რაც გრძელვადიან პროცესს მოიცავდა. ეს პასუხი მიიღო. მითხრა, რომ მის მოადგილე ლევან კაკავასთან მქონოდა კომუნიკაცია, ასევე, კომუნიკაცია ჰქონოდა კაკავასთან ჩემს მოადგილეებს. კაკავამ მითხრა, რომ მოაგვარებს ამ საკითხს, შესაბამისად, პროცესში ინფრასტრუქტურის სამინისტროს არ ჰქონია ჩართვა.დიახ, გიორგი გახარიამ მითხრა, სოფელ ჩორჩანაში გააქტიურებულია პროცესი, შეიძლება ტერიტორია დავკარგოთ და საჭიროა გზის გაყვანაო. 2019 წელს მუნიციპალიტეტმა გარკვეული სამუშაოები შეასრულა ",- განაცხადა ცქიტიშვილმა.მან ასევე, ისაუბრა საგუშაგოს შემდგომ განვითარებულ პროცესზე, რა დროსაც თავად უკვე ვიცე-პრემიერი იყო. ცქიტიშვილის თქმით, სამთავრობო სამუშაო პროცესი ჩვეულებრივად გაგრძელდა, თუმცა უშუალოდ ჩორჩანას საკითხზე რაიმე ფართო დისკუსია არც ყოფილა მთავრობაში."საგანგაშოს ვერაფერს, მძაფრი დისკუსია და ა.შ. არ მახსენდება. იმ დროინდელ პრემიერთან, მამუკა ბახტაძესთან კომუნიკაცია საჭიროებისამებრ მქონდა. საგუშაგოს თემაზე მამუკა ბახტაძესთან საუბარი არ მქონია, მაგრამ მასთან კომუნიკაციის წყვეტაც არ მქონია, როცა მჭირდებოდა ხელმისაწვდომი იყო.ვიმეორებ, როცა დამირეკა გიორგი გახარიამ, დეტალური საუბარი არ გვქონია უბრალოდ, „ბორდერიზაცია” ყველა მოქალაქისთვის გასაგები ტერმინია. მითხრა, რომ ბორდერიზაცია აქტიურად მიმდინარეობს, ტყის წაღება უნდათ, შესაჩერებლად გარკვეული სამუშაოებია საჭიროო. ვრცელი საუბარი არ გვქონია მით უფრო, რომ იქ მედიაშიც არსებობდა ამაზე ინფორმაცია - მედიაში შუქდებოდა ეს პროცესი. თუ არ ვცდები, მაშინ დავით ქაცარავა, რომელიც მაშინაც "ქართული ოცნების" მიმართაც ოპოზიციურ ფლანგად მიიჩნეოდა, მისგანაც და მედიიდანაც შუქდებოდა ეს პროცესი.როცა მესაუბრა გიორგი გახარია, არ მახსოვს კონკრეტულად საგუშაგო ახსენა, თუ არა... საგუშაგოს ჩადგმაზე უკვე გავიგე, მას შემდეგ რაც მედიაში გაშუქდა...ამის შემდეგ, არც მე და არ მოადგილეებს გიორგი გახარიასთან არ გვქონია კომუნიკაცია. მის მოადგილე, ლევან კაკავასთან ჰქონდათ კომუნიკაცია ჩემს მოადგილეებს". განაცხადა ცქიტიშვილმამისი თქმით, ჩორჩანას საკითხზე მაშინდელ მთავრობის ახდომებზე საუბარი არ ყოფილა."ყველა მთავრობის სხდომას ვესწრებოდი, არ ვესწრებოდი უშიშროების საბჭოს სხდომას, რადგან წევრი არ ვიყავი. მთავრობის სხდომაზე ეს საკითხი (ჩორჩანას საკითხზე) განხილვა არ ყოფილა. ასეთი ტიპის საკითხზე, რადგან სენსიტიური თემაა, ზოგადად მსჯელობა უშიშროების საკითხზე ხდება",- განაცხადა მაია ცქიტიშვილმა.