ქართული ოცნება-დემოკრატიული საქართველოს“ ახალგაზრდული ორგანიზაცია IUSY-ს წევრი გახდა

სურსათის ეროვნული სააგენტოს თბილისის დეპარტამენტის ინსპექტორებმა შინდისში, მიხეილ ჯავახიშვილის I შესახვევში არალეგალური სასაკლაო გამოავლინეს.ფიზიკური პირის კუთვნილი ობიექტი ფუნქციონირებდა ეკონომიკურ საქმიანობათა რეესტრში რეგისტრაციისა და აღიარების გარეშე; არაგეგმური ინსპექტირებისას გამოვლინდა ასევე ეტიკეტირებისა და მიკვლევადობის წესის დარღვევა; 200 კგ საქონლის ხორცი ჯანმრთელობის ნიშანდების გარეშე, რომელიც დაილუქა და კანონმდებლობის შესაბამისად განადგურდება. ბიზნესოპერატორი დაჯარიმდა და შეუჩერდა საქმიანობა რეგისტრაციამდე, აღიარებამდე და კრიტიკული შეუსაბამობების აღმოფხვრამდე.კრიტიკული შეუსაბამობები გამოვლინდა ასევე ზესტაფონში, რუსთაველის 86-ში და ვანში, თავისუფლების 4-ში მდებარე არალეგალურ სასაკლაოებში. სააგენტოს იმერეთის დეპარტამენტის ინსპექტორების მიერ ჩატარებული არაგეგმური ინსპექტირების შედეგად დაფიქსირდა საქმიანობა ბიზნესოპერატორად რეგისტრაციისა და აღიარების გარეშე, საეჭვო წარმომავლობის ხორცი, რის გამოც ობიექტები დაჯარიმდნენ და შეუჩერდათ საწარმოო პროცესი.სურსათის ეროვნული სააგენტო ცხოველთა სასაკლაოებში სახელმწიფო კონტროლს მთელი ქვეყნის მასშტაბით ახორციელებს. გეგმური ინსპექტირება ტარდება რისკის დონის განსაზღვრის გარეშე, წელიწადში ოთხჯერ; გარდა ამისა, ტარდება არაგეგმური ინსპექტირებაც. მიმდინარე წელს ჩატარებულია 1035 სახელმწიფო კონტროლი, გამოვლინდა 80 ადმინისტრაციული სამართალდარღვევა.

რომის პაპი ლეო XIV აცხადებს, რომ აშშ-ის პრეზიდენტის, დონალდ ტრამპის განცხადებებს აშშ-ევროპის ალიანსის დაშლის მცდელობად მიიჩნევს.რომის პაპს ჟურნალისტებმა ტრამპის ბოლო განცხადებების შესახებ უკრაინის პრეზიდენტთან, ვოლოდიმირ ზელენსკისთან შეხვედრის შემდეგ ჰკითხეს, კერძოდ, რამდენად სამართლიანია აშშ-ის მიერ უკრაინისთვის შეთავაზებული „სამშვიდობო გეგმა“.„სამწუხაროდ, მე მჯერა, რომ ამ სამშვიდობო გეგმის ზოგიერთი ნაწილი, რომელიც ვნახე, მნიშვნელოვნად ცვლის იმას, რაც მრავალი წლის განმავლობაში ევროპასა და აშშ-ის შორის ნამდვილი ალიანსი იყო. ევროპასთან დაკავშირებული შენიშვნები, რომლებიც ასევე ბოლო ინტერვიუებში გაკეთდა, ჩემი აზრით, იმის დაშლის მცდელობაა, რაც დღეს და მომავალში ძალიან მნიშვნელოვანი ალიანსი უნდა იყოს“, – განაცხადა რომის პაპმა.მისივე თქმით, ტრამპის ადმინისტრაციას უფლება აქვს, ჰქონდეს საკუთარი ხედვა ევროპასა და მასთან ურთიერთობებზე, მაგრამ ბევრი ადამიანია, მათ შორის აშშ-ში, ვინც „სხვანაირად ფიქრობს“.ამასთან, რომის პაპმა, ლეო XIV-მ აღნიშნა, რომ ევროპის გარეშე უკრაინაში მშვიდობის მიღწევა არარეალურია.„ევროპის როლი ძალიან მნიშვნელოვანია. ევროპული ქვეყნების ერთიანობა მართლაც მნიშვნელოვანია, განსაკუთრებით ამ შემთხვევაში. სამშვიდობო შეთანხმების მიღწევა ევროპის მოლაპარაკებებში ჩართვის გარეშე არარეალურია“, – განაცხადა რომის პაპმა.

აშშ-ის პრეზიდენტი დონალდ ტრამპი აცხადებს, რომ კამბოჯასა და ტაილანდს შორის განახლებული დაპირისპირების დასასრულებლად სატელეფონო ზარს განახორციელებს.ტრამპმა ჩამოთვალა რამდენიმე ომი, რომელთა შეჩერებაშიც, მისი თქმით, წვლილი შეიტანა, მათ შორის დაასახელა პაკისტანსა და ინდოეთს, ისრაელსა და ირანს შორის ომი.„ამის თქმა არ მინდა, მაგრამ კამბოჯა-ტაილანდი გუშინ დაიწყო და ხვალ სატელეფონო ზარის განხორციელება მომიწევს. სხვას ვის შეუძლია იმის თქმა, რომ დარეკავს, რათა ორ ძალიან ძლიერ სახელმწიფოს, ტაილანდსა და კამბოჯას შორის ომი დაასრულოს“, – განაცხადა აშშ-ის პრეზიდენტმა.ცნობისთვის, ტაილანდსა და კამბოჯას შორის შეტაკება სამი დღის წინ განახლდა. კამბოჯის მხარე აცხადებს, რომ ტაილანდმა მშვიდობიან მოსახლეობას ცეცხლი გაუხსნა. თავის მხრივ, ტაილანდის მხარე მშვიდობიან მოსახლეობაზე თავდასხმაში კამბოჯას ადანაშაულებს. ქვეყნებს შორის საზღვარზე მომხდარ შეტაკებებს, სულ მცირე, ათი ადამიანი ემსხვერპლა.2025 წლის ოქტომბრის ბოლოს, მალაიზიის დედაქალაქ კუალა-ლუმპურში, სამხრეთ-აღმოსავლეთ აზიის ქვეყნების ასოციაციის კონფერენციის ფარგლებში, ტაილანდისა და კამბოჯის ლიდერებმა აშშ-ის პრეზიდენტის შუამავლობით ხელი მოაწერეს დოკუმენტს, რომელსაც დონალდ ტრამპმა სამშვიდობო შეთანხმება უწოდა.

ევროკავშირის ლიდერების უპასუხისმგებლო პოლიტიკამ ევროპა ცივილიზაციური უფსკრულის პირას მიიყვანა, იქ, სადაც იკარგება ეკონომიკური სტაბილურობა, ნადგურდება კულტურული იდენტობა და ეჭვქვეშ დგება ევროპული იდეის ღირებულებითი საფუძველი, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.როგორც პაპუაშვილი წერს, ევროკავშირი ვეღარ შეძლებს ამ პროცესების იგნორირებას.„მნიშვნელოვანია, რომ იმ პრობლემებზე, რომლებზეც ჩვენ ბრიუსელს დიდი ხანია, ვუთითებთ, დღეს უკვე ევროკავშირის მთავარი პარტნიორი და უსაფრთხოების ძირითადი გარანტორი, ამერიკაც საუბრობს. ეს აღარ არის მხოლოდ საქართველოს ხელისუფლების გაფრთხილება – ეს უკვე დასავლეთის შიგნიდან გაჟღერებული განგაშის ზარია, რომელიც ევროპას აფხიზლებს, მოაგვაროს თავსდამტყდარი და სულ უფრო მზარდი, სისტემური და ღრმა პოლიტიკური კრიზისი. ევროკავშირის ლიდერების უპასუხისმგებლო პოლიტიკამ ევროპა ცივილიზაციური უფსკრულის პირას მიიყვანა, იქ, სადაც იკარგება ეკონომიკური სტაბილურობა, ნადგურდება კულტურული იდენტობა და ეჭვქვეშ დგება ევროპული იდეის ღირებულებითი საფუძველი. ევროკავშირი ვეღარ შეძლებს ამ პროცესების იგნორირებას. აუცილებელია მკაფიო პოლიტიკური გადაწყვეტილებები და არსებული მიდგომების გადახედვა“, – წერს პაპუაშვილი.

,,ძალიან მიჭირს ასეთი თხოვნით რომ მოგმართავთ მაგრამ სხვა არჩევანი აღარ დამრჩა… უკვე წელიწადზე მეტია, რაც ჩემი მეუღლე რთულ გზას გადის მელანომასთან საბრძოლველად , დაავადება რომელმაც ჩვენი ყოველდღიურობა ბოლომდე შეცვალა.მკურნალობა საქართველოში დავიწყეთ, შემდეგ კი მეგობრებისა და უამრავი კეთილი ადამიანის დახმარებით თურქეთში გავაგრძელეთ. იქ დოდოშკამ გაიარა ყველა საჭირო პროცედურა, მათ შორის ურთულესი ოპერაციაც. სახელმწიფოსგანაც მივიღეთ გარკვეული დაფინანსებაც. ბევრი დაბრკოლება დავძლიეთ და განუწყვეტელი ბრძოლით აქამდე მოვედით.სამწუხაროდ, დაავადება ბოლომდე ჯერ ვერ დავამარცხეთ. ორგანიზმში წასულია მეტასტაზები, რაც კიდევ უფრო რთულ და დაუნდობელ ბრძოლას ნიშნავს. მისთვის ახლა სასიცოცხლოდ მნიშვნელოვანია იმუნოთერაპიის გადასხმები და სხივური თერაპიით მკურნალობა, რომელიც ძალიან ძვირადღირებულია და რომლის დაფინანსებასაც საკუთარი ძალებით ვეღარ ვახერხებთ.დღეს იმედით და ადამიანური თანადგომის რწმენით მოგმართავთ… ნებისმიერი მხარდაჭერა ჩვენთვის არა მხოლოდ ფინანსური დახმარებაა ეს არის შანსი, ძალა და იმედი, რომ დოდოშკას სიცოცხლისთვის ბრძოლა გაგრძელდება და ამ ბრძოლას ჩვენ აუცილებლად მოვიგებთ !!!!!-წერს ნოდო მელქაძეთბს : #GE07TB7148645064300050საქ: #GE23BG0000000028366300მიმღები დოდო წიკლაური