ქართველებმა ეტლით ფარიკაობაში საუკეთესო მოფარიკავის ტიტულები მიიღეს

სახელმწიფო საკუთრებაში მოქცეული საქონლის იმპორტი აქციზის გადასახადის გადახდისგან თავისუფლდება. შესაბამისი ცვლილებები „საგადასახადო კოდექსში“ შედის.დღეს მოქმედი კანონმდებლობით, სახელმწიფო საკუთრებაში მოქცეული ქონების იმპორტი გათავისუფლებულია დამატებული ღირებულების და იმპორტის გადასახადისგან, თუმცა მსგავსი შეღავათი აქციზის გადასახადზე არ ვრცელდება.ინიციატორების შეფასებით, აქციზის გადასახადით დაბეგვრა სახელმწიფო ბიუჯეტს ტვირთად აწვება და ართულებს ასეთი საქონლის სახელმწიფოს მხრიდან შემდგომ განკარგვას.

თბილისის მერი კახა კალაძე აცხადებს, რომ დიუშენის სამკურნალო პრეპარატის, რომლის საქართველოში შემოტანასაც აღნიშნული სინდრომის მქონე ბავშვების მშობლები ითხოვენ, ეფექტიანობასა და უსაფრთხოებაზე თავად მწარმოებელი კომპანია ვერ იღებს პასუხისმგებლობას.ამის შესახებ მან აშშ-ის სურსათისა და წამლის ადმინისტრაციის მიერ გამოქვეყნებულ დასკვნასთან დაკავშირებით განაცხადა, რომლის თანახმადაც, მედიკამენტს ე.წ. შავი ჩარჩოს გაფრთხილება მიენიჭა.„გულწრფელად გეტყვით, დარგის სპეციალისტი არ ვარ, თუმცა, რადგან თემა მწვავე იყო, მეც მოვიძიე ინფორმაცია, თუ რა ვითარება იყო აღნიშნულ საკითხთან დაკავშირებით. ნებისმიერ ადამიანს შეუძლია, გადაამოწმოს, რომ კომპანია, რომელიც აღნიშნულ პრეპარატს აწარმოებს, თავად ვერ იღებს პასუხისმგებლობას მასზე. ყველანაირ პოლიტიკას დავანებოთ თავი, ადამიანურად ვსვამ ძალიან მარტივ შეკითხვას: სწორად მიგაჩნიათ, სახელმწიფომ მიიღოს გადაწყვეტილება და ამ ოჯახებისთვის, ბავშვებისთვის შეიძინოს ისეთი პრეპარატი, რომელზეც თავად მწარმოებელი ვერ იღებს პასუხისმგებლობას?“ – განაცხადა კახა კალაძემ.

საქართველოს პრემიერ-მინისტრი ირაკლი კობახიძე რუმენ რადევსა და მის გუნდს არჩევნებში გამარჯვებას სოციალურ ქსელ X-ზე ულოცავს.მთავრობის მეთაური ყურადღებას ამახვილებს საქართველოსა და ბულგარეთს შორის პარტნიორობის გაღრმავებაზე.„რუმენ რადევს და მის გუნდს ვულოცავ  არჩევნებში გამარჯვებას. ბულგარეთის წინსვლისა და ბულგარელი ხალხის უწყვეტი პროგრესისა და კეთილდღეობის უზრუნველყოფის საქმეში ვუსურვებ მას წარმატებას.საქართველო მოუთმენლად ელოდება ჩვენი დიდი ხნის მეგობრობის შემდგომ განმტკიცებას და ჩვენი ძლიერი პარტნიორობის გაღრმავებას“, – აღნიშნავს პრემიერი. 

ყველა არჩევნების წინ „ნაცმოძრაობა“ და მისი ფილიალები ცდილობდნენ, რეგიონებში გასულიყვნენ. იქ უარს რომ იღებდნენ, უცხოეთში მიდიოდნენ და ცდილობდნენ, იქიდან თანხები, მხარდაჭერა წამოეღოთ, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისივე თქმით, ოპოზიციას „ამ ვითომ გაერთიანების თავადაც არ სჯერა“.„როგორც კი გაერთიანება დააარსეს, თქვეს, კი გავერთიანდით, მაგრამ ცალ-ცალკე ვიბრძოლებთო. ასეთი მიდგომები როცა გაქვს, ცალ-ცალკე ივლი თუ ოთახ-ოთახ, ამას არაფერი ეშველება. რა უნდა შესთავაზონ საზოგადოებას „ნაცმოძრაობის“ სატელიტებმა? ეკლესიის გინების გამო ან წინა ხელისუფლების მსხვერპლთა ოჯახების წინაშე ბოდიშს იხდიან? არ იხდიან. პოლიტიკური გემოვნების მიუხედავად, 17-21 მარტს ხალხმა კიდევ ერთხელ აჩვენა, რომ ეკლესიისა და მართლმადიდებლობის მომხრეა. ე.წ. გაერთიანებაში კი მხარს უჭერენ იმას, რომ ლგბტ პროპაგანდა დააკანონონ. რას შესთავაზებენ ხალხს? მათი არავის სჯერა, მგონი, არც მათ ამომრჩეველს“, – განაცხადა გურამ მაჭარაშვილმა.

ჩინეთის საგარეო საქმეთა სამინისტროს პრესსპიკერის, გუო ძიაკუნის განცხადებით, ჩინეთი შეშფოთებას გამოთქვამს აშშ-ის მიერ ირანული სატვირთო გემის დაკავების გამო.გუო ძიაკუნის თქმით, ჰორმუზის სრუტეში ვითარება სენსიტიური და კომპლექსურია. უწყებაში იმედოვნებენ, რომ მხარეები პასუხისმგებლობით იმოქმედებენ, პატივს სცემენ ცეცხლის შეწყვეტის შესახებ შეთანხმებას და შექმნიან აუცილებელ პირობებს სრუტეში ნორმალური გადაადგილების აღსადგენად.„რეგიონში არსებული ამჟამინდელი ვითარება კრიტიკულ ზღვარზეა ომსა და მშვიდობას შორის. ახლა, როდესაც მშვიდობის ფანჯარა გაიხსნა, ომის რაც შეიძლება მალე დასასრულებლად ხელსაყრელი პირობების შექმნაა საჭირო. ჩინეთი მხარს უჭერს შესაბამის მხარეებს ცეცხლის შეწყვეტისა და მოლაპარაკებების იმპულსის შენარჩუნებაში“, – განაცხადა გუო ძიაკუნმა.როგორც გუო ძიაკუნმა აღნიშნა, ჩინეთი გააგრძელებს ვითარების დეესკალაციისკენ მუშაობას და კონსტრუქციულ როლს შეასრულებს ახლო აღმოსავლეთში მდგრადი მშვიდობის, სტაბილურობის მიღწევაში.