სუს-ის ყოფილი ხელმძღვანელის გრიგოლ ლილუაშვილის აღკვეთის ღონისძიებაზე, სასამართლო, სავარაუდოდ, დღეს იმსჯელებს

ამერიკის შეერთებული შტატების მთავრობა საქართველოს თავდაცვის სამინისტროს 10 431 459.90 აშშ დოლარის ღირებულების გრანტს გამოუყოფს.ამერიკის შეერთებული შტატების მთავრობის მიერ საქართველოს თავდაცვის სამინისტროსთვის გამოყოფილი გრანტების მოწონების შესახებ საქართველოს მთავრობის განკარგულებას საქართველოს პრემიერ-მინისტრი ირაკლი კობახიძე აწერს ხელს.„1. „საქართველოში საგარეო დახმარების კოორდინაციისა და საქართველოს სამინისტროების მიერ გრანტის გაცემის წესის დამტკიცების შესახებ“ საქართველოს მთავრობის 2015 წლის 1 ივწისის №o238 დადგეწილების შესაბამისად, მოწონებულ იქნეს ამერიკის შეერთებული შტატების მთავრობის გადაწყვეტილება საქართველოს თავდაცვის სამიწისტროსათვის გრანტების (PB-B-WFK, DT-B-WAZ, PB-B-WFJ, DT-BWBC და DT-B-WBA) ფარგლებში საქონლის (საერთო ღირებულებით – 10, 431, 459.90 აშშ დოლარი) გადმოცემის შესახებ.2. „გრანტების შესახებ“ საქართველოს კანოწის მე-4 მუხლის „გ“ ქვეპუნქტის შესაბამისად, მიენიჭოს უფლებამოსილება საქართველოს თავდაცვის სამინისტროს, განახორციელოს ამ განკარგულების პირველი პუნქტით გათვალისწინებული ამერიკის შეერთებული შტატების მთავრობის მიერ საქართველოს თავდაცვის სამინისტროსათვის გამოყოფილი გრანტებით განსაზღვრული კავშირგაბმულობის საშუალებებისა და სხვა სახის საქონლის მიღება“, – ნათქვამია განკარგულებაში, რომელსაც ირაკლი კობახიძე აწერს ხელს.

უკრაინის პრეზიდენტმა, ვოლოდიმირ ზელენსკიმ უკრაინისა და აშშ-ის მიერ ერთობლივად შემუშავებული სამშვიდობო გეგმის ოცი პუნქტი წარადგინა, სადაც უკრაინის ნატო-ს წევრობაზე საუბარი არ არის.ზელენსკიმ ხაზი გაუსვა, რომ ეს ომის დასრულების საბაზისო დოკუმენტია და რუსეთმა ამ გეგმაზე რეაგირება 24 დეკემბერს, ამერიკულ მხარესთან შეხვედრის დროს უნდა მოახდინოს. უკრაინის პრეზიდენტმა ასევე აღნიშნა, რომ უკრაინა მზადაა შეერთებულ შტატებთან ლიდერების დონეზე შეხვედრისთვის, რათა განიხილონ მგრძნობიარე, განსაკუთრებით ტერიტორიული საკითხები.აშშ-სა და უკრაინის მიერ შემუშავებული ამჟამინდელი სამშვიდობო გეგმა შემდეგია:პუნქტი 1 – უკრაინის სუვერენიტეტი კიდევ ერთხელ დადასტურდება.„ჩვენ ვადასტურებთ, რომ უკრაინა სუვერენული სახელმწიფოა და შეთანხმების ყველა ხელმომწერი ამას თავისი ხელმოწერით ადასტურებს“, – აღნიშნა ზელენსკიმ.პუნქტი 2 – „ეს დოკუმენტი წარმოადგენს რუსეთსა და უკრაინას შორის სრულ და უპირობო თავდაუსხმელობის შესახებ შეთანხმებას. აღნიშნულია, რომ გრძელვადიანი მშვიდობის შესანარჩუნებლად შეიქმნება მონიტორინგის მექანიზმი უპილოტო კოსმოსური ხომალდების გამოყენებით კონტაქტის ხაზის მონიტორინგისთვის, დარღვევების შესახებ ადრეული შეტყობინებისთვის და კონფლიქტების მოსაგვარებლად. ტექნიკური ჯგუფები შეთანხმდებიან ყველა დეტალზე“, – განაცხადა უკრაინის პრეზიდენტმა.პუნქტი 3 – უკრაინა მიიღებს „მტკიცე“ უსაფრთხოების გარანტიებს.პუნქტი 4 – უკრაინის შეიარაღებული ძალების რაოდენობა მშვიდობიან პერიოდში 800 000-ზე დარჩება.პუნქტი 5 – ამერიკის შეერთებული შტატები, ნატო და ევროპის ხელმომწერი სახელმწიფოები უკრაინას მისცემენ უსაფრთხოების გარანტიებს, რომლებიც ასახავს მე-5 მუხლს.ზელენსკის თქმით, ამ პუნქტს აქვს შემდეგი კომპონენტები: თუ რუსეთი შეიჭრება უკრაინაში, კოორდინირებული სამხედრო რეაგირების გარდა, რუსეთის წინააღმდეგ ყველა გლობალური სანქცია აღდგება; თუ უკრაინა შეიჭრება რუსეთში ან პროვოკაციის გარეშე გახსნის ცეცხლს რუსეთის ტერიტორიაზე, უსაფრთხოების გარანტიები ბათილად ჩაითვლება. თუ რუსეთი გახსნის ცეცხლს უკრაინაზე, უსაფრთხოების გარანტიები ამოქმედდება; ამ შეთანხმებით ორმხრივი უსაფრთხოების გარანტიები გამორიცხული არ არის.პუნქტი 6 – რუსეთი ევროპისა და უკრაინის მიმართ თავდაუსხმელობის პოლიტიკას ყველა საჭირო კანონსა და რატიფიკაციის დოკუმენტში, მათ შორის სახელმწიფო სათათბიროში აბსოლუტური უმრავლესობის რატიფიცირებით აფიქსირებს.პუნქტი 7 – უკრაინა ევროკავშირის წევრი კონკრეტულ დროს გახდება და ასევე მოკლევადიან პრივილეგირებულ წვდომას მიიღებს ევროპულ ბაზარზე.უკრაინის პრეზიდენტის თქმით, ამჟამად ეს აშშ-სა და უკრაინას შორის ორმხრივი დისკუსიაა, ევროპული დადასტურების გარეშე. ამავდროულად, ზელენსკიმ ხაზგასმით აღნიშნა, რომ უკრაინას ევროკავშირში გაწევრიანების კონკრეტული თარიღი სურს, რადგან ეს კიევის უსაფრთხოების ერთ-ერთი გარანტიაა.პუნქტი 8 – ეს პუნქტი ასახავს უკრაინისთვის გლობალური განვითარების ძლიერ პაკეტს, რომელიც განისაზღვრება ინვესტიციებისა და მომავალი კეთილდღეობის შესახებ ცალკე შეთანხმებაში, რაც მოიცავს ეკონომიკური სექტორების ფართო სპექტრს.პუნქტი 9 – ვოლოდიმირ ზელენსკის თქმით, ეს პუნქტი ეხება უკრაინის აღდგენისთვის სახსრების შექმნას. მან აღნიშნა, რომ უკრაინა ამჟამად მიზნად ისახავს 800 მილიარდი დოლარის მოზიდვას კაპიტალის, გრანტების, ვალის და კერძო სექტორის შენატანების მეშვეობით, რათა დაეხმაროს ქვეყანას სრული პოტენციალის რეალიზებაში.პუნქტი 10 – ამ შეთანხმების დადების შემდეგ, უკრაინა დააჩქარებს შეერთებულ შტატებთან თავისუფალი ვაჭრობის შეთანხმების დადების პროცესს.პუნქტი 11 – უკრაინა ადასტურებს, რომ ის დარჩება არაბირთვული სახელმწიფო ბირთვული იარაღის გაუვრცელებლობის შესახებ ხელშეკრულების შესაბამისად.პუნქტი 12 – ზაპოროჟიეს ატომურ ელექტროსადგურს სამი ქვეყანა ერთობლივად მართავს: უკრაინა, აშშ და რუსეთი.უკრაინის პრეზიდენტის თქმით, ეს აშშ-ის წინადადებაა, რადგან რუსეთი თვლის, რომ ზაპოროჟიეს ატომურ ელექტროსადგურს ის მართავს. თუმცა, უკრაინა სთავაზობს, რომ ზაპოროჟიეს ატომურ ელექტროსადგურს ერთობლივი საწარმო მართავდეს, სადაც აშშ და უკრაინა ენერგიას 50/50-ზე გაიყოფენ. უკრაინის პოზიციაა, რომ გამომუშავებული ელექტროენერგიის 50% უკრაინას მიეწოდება, ხოლო დანარჩენის განაწილებას აშშ დამოუკიდებლად განსაზღვრავს.ამავდროულად, ზელენსკის თქმით, შეერთებული შტატები სთავაზობს ზაპოროჟიეს ატომური ელექტროსადგურის სიმძლავრის კიევს, მოსკოვსა და ვაშინგტონს შორის გადანაწილებას, სადაც თითოეული ქვეყანა სიმძლავრის 33%-ს მიიღებს.პუნქტი 13 – ორივე ქვეყანა იღებს ვალდებულებას, სკოლებსა და საზოგადოებაში განახორციელოს საგანმანათლებლო პროგრამები, რომლებიც ხელს შეუწყობს სხვადასხვა კულტურის გაგებას, ტოლერანტობას და აღმოფხვრის რასიზმს და ცრურწმენებს. უკრაინა განახორციელებს ევროკავშირის რეგულაციებს რელიგიური ტოლერანტობისა და უმცირესობათა ენების დაცვის შესახებ.პუნქტი 14 – უკრაინის პრეზიდენტის თქმით, ეს ეხება ტერიტორიულ საკითხს და ყველაზე რთულია მთელ გეგმაში. ზელენსკის თანახმად, დონეცკის, ლუგანსკის, ზაპოროჟიესა და ხერსონის ოლქებში ჯარების განლაგების ხაზი ამ შეთანხმების თარიღისთვის არის ფაქტობრივად აღიარებული შეხების ხაზი. ზელენსკიმ აღნიშნა, რომ ამ საკითხის განსახილველად უნდა შეიკრიბოს სამუშაო ჯგუფი, რომელიც განსაზღვრავს კონფლიქტის დასასრულებლად საჭირო ძალების გადაადგილებას, ასევე პოტენციური მომავალი სპეციალური ეკონომიკური ზონების პარამეტრებს.„ჩვენ ისეთ სიტუაციაში ვართ, სადაც რუსებს დონეცკის რეგიონის დატოვება სურთ, ამერიკელები კი ცდილობენ იპოვონ გზა, რომ ეს „გასვლა“ არ იყოს – რადგან ჩვენ გასვლის წინააღმდეგი ვართ. მათ სურთ, იპოვონ დემილიტარიზებული ზონა ან თავისუფალი ეკონომიკური ზონა, ანუ ფორმატი, რომელიც ორივე მხარის შეხედულებებს გაითვალისწინებს“, – აღნიშნა ზელენსკიმ. უკრაინის პრეზიდენტმა განმარტა, რომ თუ გეგმის პირველი ვერსია, რომელიც ითვალისწინებს ომის დასრულებას შეხების ხაზის მიღმა, ჩაიშლება, არსებობს კიდევ ორი ვარიანტი. პირველი არის საომარი მოქმედებების გაგრძელება. მეორე შეთანხმება ითვალისწინებს, რომ შეთანხმების ძალაში შესასვლელად რუსეთმა უნდა გაიყვანოს თავისი ჯარები დნეპროპეტროვსკის, ნიკოლაევის, სუმის და ხარკოვის ოლქებიდან. თუმცა, პოტენციურად შესაძლებელია „თავისუფალი ეკონომიკური ზონის“ შექმნა დონეცკისა და ლუგანსკის ოლქებში, ასევე ენერგოდარში. როგორც ვოლოდიმირ ზელენსკიმ აღნიშნა, მას სურს, ტერიტორიებისა და თავისუფალი ეკონომიკური ზონების საკითხი ლიდერების დონეზე გადასაწყვეტად დატოვოს.პუნქტი 15 – მომავალ ტერიტორიულ შეთანხმებებზე შეთანხმების შემდეგ, როგორც რუსეთის ფედერაცია, ასევე უკრაინა იღებენ ვალდებულებას, რომ არ შეცვალონ ეს შეთანხმებები ძალის გამოყენებით.პუნქტი 16 – რუსეთი ხელს არ შეუშლის უკრაინის მიერ დნეპრისა და შავი ზღვის კომერციული საქმიანობისთვის გამოყენებას. დაიდება ცალკე საზღვაო შეთანხმება და წვდომის შეთანხმება, რომელიც მოიცავს ნავიგაციისა და ტრანსპორტის თავისუფლებას. ამ შეთანხმების ფარგლებში, კინბურნის კონცხი დემილიტარიზებული იქნება.პუნქტი 17 – შეიქმნება ჰუმანიტარული კომიტეტი გადაუჭრელი საკითხების გადასაჭრელად. კერძოდ, ის იმუშავებს ყველა დარჩენილი სამხედრო ტყვეების დაბრუნების უზრუნველსაყოფად, მათ შორის 2014 წლიდან რუსული სისტემის მიერ გასამართლებული პირების, „ყველა ყველაზე“ პრინციპით. ის ასევე შეეცდება მშვიდობიანი მოსახლეობის, მათ შორის ბავშვებისა და პოლიტიკური პატიმრების დაბრუნებას. გარდა ამისა, მიღებული იქნება ზომები კონფლიქტის მსხვერპლთა პრობლემებისა და ტანჯვის მოსაგვარებლად.პუნქტი 18 – უკრაინამ შეთანხმების ხელმოწერის შემდეგ, რაც შეიძლება მალე უნდა ჩაატაროს არჩევნები. ზელენსკის თქმით, ეს კონკრეტულად უკრაინის პრეზიდენტის არჩევნებს ეხება.პუნქტი 19 – ეს შეთანხმება იურიდიულად სავალდებულო იქნება. მის შესრულებას გააკონტროლებს და უზრუნველყოფს მშვიდობის საბჭო, რომელსაც პრეზიდენტი ტრამპი უხელმძღვანელებს. ამ მექანიზმის ნაწილი იქნებიან უკრაინა, ევროპა, ნატო, რუსეთი და შეერთებული შტატები. დარღვევებისთვის სანქციები დაწესდება.პუნქტი 20 – მას შემდეგ, რაც ყველა მხარე დაეთანხმება ამ შეთანხმებას, სრული ცეცხლის შეწყვეტა დაუყოვნებლივ ამოქმედდება. უკრაინის პრეზიდენტის თქმით, უკრაინამ ეს შეთანხმება რატიფიკაციისთვის უნდა წარადგინოს. ეს პროცედურა შეიძლება, განხორციელდეს პარლამენტის და/ან საყოველთაო რეფერენდუმის მეშვეობით. შეთანხმება ძალაში შედის ორივე მხარის მიერ ვალდებულებების შესრულებისთანავე, თუ ამ შეთანხმების თანახმად, ასეთი ვალდებულებები წინასწარ უნდა შესრულდეს.

22 დეკემბერს, სოციალურ ქსელებსა და სატელევიზიო ეთერებში ერთ-ერთი არასამთავრობო ორგანიზაციის წარმომადგენლის მხრიდან, გელათის მთავარი ტაძრის დროებითი გადახურვის გათბობის სისტემის თაობაზე, გავრცელდა სუბიექტურ და კერძო შეხედულებებზე დაფუძნებული ცრუ განცხადებები, რაც ჩვენთვის უკვე კარგად ნაცნობი დესტრუქციული და პროფესიული ეთიკისგან დაცლილი დეზინფორმაციის კამპანიის ნაწილია, – ამის შესახებ გელათის რეაბილიტაციის დროებითი კომიტეტი განცხადებაშია ნათქვამი.„საზოგადოების ინტერესიდან გამომდინარე, გელათის რეაბილიტაციის დროებითი კომიტეტი პუნქტობრივად განმარტავს ზემოხსენებულ საკითხთან დაკავშირებულ დეტალებს: 1. ზემოხსენებული პირის მიერ გაჟღერდა ბრალდება, რომ კომიტეტმა გასულ ზაფხულს გელათის მთავარი ტაძრის ერთიანი დროებითი გადახურვის სამუშაოების დასრულების შესახებ განაცხადა და მიუხედავად ამისა, სამუშაოები დღემდე გრძელდება და შესაბამისად, პროცესი არა გეგმიური და ქაოტურია. რეალობა კი ასეთია: დიახ, 2025 წლის 25 ივნისს, გელათის რეაბილიტაციის დროებითი კომიტეტის მიერ გაკეთდა განცხადება, რომ ერთიან დროებით გადახურვაზე გუმბათის გადახურვის კეხის დადგმით დასრულდა ერთიანი დროებითი გადახურვის სტრუქტურული სამუშაოები. იქვე განიმარტა, რომ ერთიანი დროებითი გადახურვის სტრუქტურაზე შეუფუთავად დატოვებულ იქნა აღმოსავლეთისა – დასავლეთ მკლავების გადახურვის კონსტრუქციაზე არსებული ზედა სამკუთხედები და სტრუქტურის ოთხივე კუთხე, რათა ზაფხულის სიცხეების გათვალისწინებით, ტაძარი ეტაპობრივად შეგუებოდა ახალ კლიმატურ გარემოს და მოგვიანებით, პროექტის შესაბამისად, რამდენიმე თვეში მოხდებოდა ღიად დატოვებული სივრცეების დახურვაც, რაც ოქტომბრის თვეში განხორციელდა. (კომიტეტის ვებგვერდზე იხილეთ ამა წლის 25 ივნისის განცხადების სრული ტექსტი: https://gelatirehabilitation.ge/ka/news/view/63).ზემოხსენებული სამუშაოს დასასრულებლად სწორედ ოქტომბრის თვე იყო საუკეთესო პერიოდი, ვინაიდან ტემპერატურა თანაბრდება და ამ პერიოდში არც მაღალი სიცხეები და არც ძლიერი სიცივეები არ აღინიშნება. დროებითი გადახურვის უმნიშვნელოვანესი კონსტრუქციული სამუშაოს განხორციელებისთანავე დაიწყო პროექტის დამასრულებელი ეტაპი, რომელიც დროებითი გადახურვის სტრუქტურის საფარი PVC მასალის გათბობისა და ვენტილაციის სისტემის მონტაჟს გულისხმობს და რომელის პროექტირება და დაგეგმარება ბოლო 8 თვის განმავლობაში მიმდინარეობდა. შესაბამისად, რეალურად, კომიტეტი მკაცრად იცავს რთული და კომპლექსური პროექტის განხორციელებისათვის საჭირო თანამიმდევრულობას. კიდევ ერთხელ განვმარტავთ: 25 ივნისს, საზოგადოებას ეცნობა ერთიანი დროებითი გადახურვის სტრუქტურული მშენებლობისა და არა მისი თანმდევი კომპონენტების დასრულების შესახებ.2. ასევე, გაჟღერებული იყო ბრალდება, რომ თითქოს დროებითი გადახურვის მაღალტექნოლოგიური მასალის შეთბობა წარმოქმნის „თერმულ დაძაბულობას მიკრონულ დონეზე და გრძელვადიან პერსპექტივაში გახდება ბზარების, მარილების მიგრაციის და პიგმენტის დაზიანების საფუძველი“. ასევე, თითქოს გელათის სამონასტრო კომპლექსის ტაძრების მოხატულობას და ზოგადად რეაბილიტაციის პროცესს, არ ჰყავს გარემო პირობების სპეციალისტი და ქმედებები არაპროფესიულია. რეალობა კი შემდეგში მდგომარეობს: ა) ტაძრის ერთიანი გადახურვის სტრუქტურის სპეციფიკა, პროექტის შესაბამისად, მოითხოვს, რომ გადახურვის ზედაპირის ფართობზე დადებული თოვლის სიმაღლე არ აღემატებოდეს 20 სანტიმეტრს, სწორედ ამ ტექნიკურმა მონაცემმა განაპირობა დროებითი გადახურვის შეთბობის საჭიროება. გათბობა-ვენტილაციის სისტემის ჰაერსატარები იმგვარადაა მოწყობილი, რომ დროებითი გადახურვის ფენილების ქვედა მხრიდან შეთბობის მეთოდით დროებითი გადახურვის ზედაპირზე თოვლის ეფექტური დნობა გამოიწვიოს. ბ) ზამთრის პერიოდში, აღნიშნული გათბობა-ვენტილაციის სისტემის ფუნქციონირება, მხოლოდ მაშინ არის გათვალისწინებული, როდესაც ერთიანი დროებითი გადახურვის საფარზე დადებული თოვლის სისქე 20 სმ-ს მიაღწევს. დღევანდელი კლიმატური რეალობის გათვალისწინებით, შესაძლოა, აღნიშნული გათბობის სისტემის ჩართვა ზამთრის კონკრეტულ სეზონებზე საერთოდ არ გახდეს საჭირო, ან მისი ჩართვების საჭიროება ერთეული რაოდენობებით შემოიფარგლოს (ისიც რამდენიმესაათიანი ციკლებით), რათა მაღალტექნოლოგიური საფარი მასალა დადებული თოვლის მასისგან განთავისუფლდეს. გ) სამუშაოების ფარგლებში, განხორციელდა გელათის კლიმატური ზონის შესწავლა და განისაზღვრა სტრუქტურის გადახურვის, მაღალტექნოლოგიური მატერიის, ქვედა სიბრტყის, გათბობის ტემპერატურული დიაპაზონი.სპეციალისტების ჩართულობით დადგინდა, რომ გადახურვის მაღალტექნოლოგიური მატერიის გათბობა უნდა მოხდეს ან +2c-დან +4c-მდე (რაც თოვლის საფარის ეფექტური დნობის კუთხით სარისკოდ მიიჩნიეს), ან +9c-ის ზევით. შესაბამისად, სპეციალისტებმა საუკეთესო ტემპერატურულ დიაპაზონად +9c-დან +14c -მდე ტემპერატურა მიიჩნიეს. აღნიშნული ტემპერატურული დიაპაზონი (+9c – +14c) აზღვევს გადახურვის მაღალტექნოლოგიური მატერიის ქვედა მხარეს ნამის წარმოქმნისგან, ვინაიდან დადგინდა, რომ +5c- დან +8c-მდე ტემპერატურაზე მატერიის ქვედა მხრიდან წარმოიქმნებოდა ნამი (იხილეთ საფარის გათბობისა და ვენტილაციის პროექტი და სამშენებლო კლიმატოლოგიის დაპროექტების ნორმების ცხრილები). რაც შეეხება კრიტიკოსების მხრიდან წამოჭრილ საკითხს გათბობის სისტემის პერიოდული ფუნქციონირების შედეგად ტაძრის ფასადზე ნამის წარმოქმნის თაობაზე, ან როგორც დაასკვნეს, ტაძრის 140 სმ-იანი კედლების შიგნით, +14c-ის გავლენით, კედლის მხატვრობის დაზიანების საკითხს, ეს მოსაზრება ლოგიკის მიღმაა და ამაზე აღარ შევჩერდებით. აქვე გვინდა აღვნიშნოთ, რომ დამონტაჟებულ აგრეგატებს, გარდა ჰაერის შეთბობის ფუნქციისა (რომელიც ჩვენს შემთხვევაში მიმართულია კონსტრუქციის გადახურვის მატერიიის ძირის შეთბობისთვის და თოვლის დნობისთვის) გააჩნიათ შეუმთბარი/არსებული ჰაერის დაბერვის ფუნქციაც, რაც საჭიროების შემთხვევაში, ზაფხულის პერიოდში არსებული სივრცის ვენტილაციისთვის იქნება გამოყენებული. დ) კრიტიკის მცდელობას წარმოადგენდა გელათის სამონასტრო კომპლექსის რეაბილიტაციის პროცესში გარემო პირობების ე.წ. კლიმატის სპეციალისტის თითქოს არყოფნა და ამ კუთხით პროცესის არა სანდოობაც. გვინდა, საზოგადოებას განვუმარტოთ, რომ გელათის რეაბილიტაციის დროებითი კომიტეტის პარტნიორი და მხარდამჭერი უმაღლესი რანგის საერთაშორისო ექსპერტების ჩართულობითა და დახმარებით, პროექტში მის გუნდთან ერთად მონაწილეობს და გარემო პირობების კუთხით სამეცნიერო ხელმძღვანელობას ახორციელებს, დასავლეთ ევროპაში გარემო პირობების კვლევის, შესწავლისა და მონიტორინგის სტანდარტების ერთ-ერთი მთავარი ფუძემდებელი, პროფესორი – ბატონი დარიო კამუფო, რომლის სამეცნიერო ნაშრომები მსოფლიოში სასწავლო სამეცნიერო სტანდარტად არის მიჩნეული. 3) გვინდა ასევე აღვნიშნოთ, რომ სამწუხარო და ყოველგვარ პროფესიულ ეთიკას მოკლებულია დარგის სპეციალისტების მიერ კომპეტენციის არმქონე კერძო პირის დასკვნებისა და პროპაგანდის ერთგვარი უპირობო დასტური. ჩვენთვის გასაკვირია ამგვარი წინააღმდეგობის სული და დამოკიდებულება გელათის რეაბილიტაციის დროებითი კომიტეტის მიმართ, მაშინ, როცა მსოფლიოში აღიარებული და მოწინავე სპეციალისტები საჯარო მხარდაჭერას უცხადებენ გელათის მთავარი ტაძრის ერთიანი დროებითი გადახურვის პროექტს და მის ფარგლებში განხორციელებულ სამუშაოებს. გელათის დროებითი გადახურვის პროექტს, მისი მასშტაბის, სირთულისა და კომპლექსურობის გათვალისწინებით, არც საქართველოში, არც ზოგადად, რეგიონში განხორციელებული კულტურული მემკვიდრეობის ძეგლების რეაბილიტაცია-კონსერვაციის კუთხით, ანალოგი არ აქვს. საერთაშორისო მასშტაბის ინჟინერ-რესტავრატორი – ბატონი ნიკოლა ბერლუკიც კი, რომელსაც მსოფლიოში 400-მდე კულტურული მემკვიდრეობის ძეგლზე აქვს განხორციელებული სარესტავრაციო სამუშაოები და რომელიც გელათის სამონასტრო კომპლექსის რეაბილიტაციის პროცესს ხელმძღვანელობს, გელათის მთავარი ტაძრის გადახურვის კონსტრუქციას უნიკალურ პროექტად მიიჩნევს.ვფიქრობთ, საქართველოს ნებისმიერი მოქალაქისათვის საამაყო უნდა იყოს გელათის რეაბილიტაციის ისტორიული პროცესისათვის თვალის დევნება, თუნდაც კრიტიკული, მაგრამ არა ჩასაფრებული და ავის მსურველი თვალით. კვლავ შევახსენებთ საზოგადოებას, გელათის რეაბილიტაციის დროებითი კომიტეტი საერთაშორისოდ აღიარებული უმაღლესი რანგის სპეციალისტების ჩართულობითა და ხელმძღვანელობით ახორციელებს გელათის სამონასტრო კომპლექსის რეაბილიტაციას და სრული პასუხისმგებლობით ვაცხადებთ, რომ თითოეული საპროექტო აქტივობა სიღრმისეულ სამეცნიერო კვლევებსა და ანალიზს ეფუძნება. გვინდა, დავარწმუნოთ საზოგადოება, რომ გელათის სამონასტრო კომპლექსი, რომელიც ჩვენი ერისთვის დიდი საკრალური მნიშვნელობისაა და ქართველი ერის მრავალსაუკუნოვანი სახელმწიფოებრიობის უტყუარ ბეჭედს წარმოადგენს, უფლის წყალობით, მაღალი საერთაშორისო პრინციპების თანახმად იქნება რეაბილიტირებული“, – ნათქვამია გავრცელებულ განცხადებაში.

„ხალხის ძალის“ დეპუტატი ზურაბ ქადაგიძე სოციალურ ქსელში, პრემიერ - მინისტრ ირაკლი კობახიძის ინიციატივას ეხმიანება და აღნიშნავს, რომ „პრემიერის ინიციატივა უმნიშვნელოვანესი ნაბიჯია, სამართლებრივი სახელმწიფოს შენების გზაზე! როცა ხელოვნურად გაბერილი ფასები და კარტერული გარიგებების კვალი იკვეთება, სახელმწიფომ ასე უნდა იმოქმედოს.“მისი შეფასებით, ძლიერი სახელმწიფო სწორედ იქ ჩანს, როცა უსამართლო სპეკულაციას აჩერებს და ხალხის ინტერესს იცავს.„პრემიერის ინიციატივა უმნიშვნელოვანესი ნაბიჯია, სამართლებრივი სახელმწიფოს შენების გზაზე! როცა ხელოვნურად გაბერილი ფასები და კარტელური გარიგებების კვალი იკვეთება, სახელმწიფომ ასე უნდა იმოქმედოს!ეს ნიშნავს მომხმარებლის დაცვას, ჯანსაღ კონკურენციას და პასუხისმგებლიან ბაზარს.ძლიერი სახელმწიფო სწორედ იქ ჩანს, როცა უსამართლო სპეკულაციას აჩერებს და ხალხის ინტერესს იცავს!“ - წერს ქადაგიძე.

დარწმუნებული ვარ, ერთად დგომითა და სხვა სახელმწიფო უწყებების მხარდაჭერით, ქალაქი მომავალ წლებში იქნება უფრო მწვანე, მოწესრიგებული და თანამედროვე, – ამის შესახებ დედაქალაქის მერმა თბილისის მუნიციპალიტეტის მთავრობის სხდომაზე განაცხადა.კახა კალაძემ ისაუბრა დედაქალაქის 2026 წლის ბიუჯეტის შესახებ, რომელიც საკრებულომ გუშინ დაამტკიცა და აღნიშნა, რომ მომავალ წელს ფინანსები მიემართება იმ პროექტებისკენ, რომლებიც მოქალაქეების კეთილდღეობასა და კომფორტს ეხება.„გუშინ თბილისის საკრებულომ ქალაქის მთავარი ფინანსური დოკუმენტი – 2026 წლის ბიუჯეტი დაამტკიცა. ვისაც გახსოვთ, 2017 წელს, როდესაც ხელისუფლებაში მოვედით,  ბიუჯეტის მოცულობა, დაახლოებით, 861 მლნ ლარს შეადგენდა. ამის შემდეგ თანდათანობით, დედაქალაქის ბიუჯეტი იზრდებოდა, რაც საშუალებას გვაძლევდა, ქალაქში ხელშესახები ცვლილებები განხორციელებულიყო. გამონაკლისი არ იქნება მომავალი წელიც. 2026 წლის ბიუჯეტის საერთო მოცულობა შეადგენს 2 193 388 700 ლარს, რომელიც 210 210 700 ლარით მეტია 2025 წლის დამტკიცებულ ბიუჯეტთან შედარებით“, – განაცხადა კახა კალაძემ.მისივე თქმით, ბიუჯეტის შემოსავლების სტრუქტურა შემდეგნაირია: საკუთარი შემოსულობები – 1 533 357 600 ლარი; სახელმწიფო ბიუჯეტიდან მისაღები კაპიტალური სპეციალური ტრანსფერი – 630 000 000 ლარი; სხვა კაპიტალური გრანტები (სესხის ფარგლებში დასაფარი დღგ-ის ჩათვლით) – 25 480 000 ლარი; მიზნობრივი ტრანსფერი, დელეგირებული უფლებამოსილების განსახორციელებლად – 4 551 100 ლარი.„მომავალ წელსაც პრიორიტეტული მიმართულება იქნება ინფრასტრუქტურის განვითარება, რადგან მიგვაჩნია, რომ ქალაქის ინფრასტრუქტურული ნაწილი – გზები, ხიდები, სკვერები, მუნიციპალური ტრანსპორტის მოწესრიგება და ა.შ., მნიშვნელოვანია. ყველაზე მეტ თანხას კი, რა თქმა უნდა, სოციალური და ჯანდაცვის მიმართულებით დავხარჯავთ, რადგან ჩვენთვის ამოსავალი წერტილი ადამიანი და მისი ჯანმრთელობის მდგომარეობაა, მით უმეტეს, თუ გავითვალისწინებთ იმას, რომ ყველაფერი, რაც ქალაქში კეთდება, კეთდება ჩვენი მოქალაქეების კეთილდღეობისა და კომფორტისთვის“, – აღნიშნა თბილისის მერმა.ამასთან, კახა კალაძემ ყურადღება კიდევ ერთხელ გაამახვილა იმ მნიშვნელოვან და მასშტაბურ პროექტებზე, რომლებსაც მუნიციპალიტეტი 2026 წელს განახორციელებს.„გუშინაც დეტალურად ვისაუბრეთ ბიუჯეტის პროექტის მიხედვით დაგეგმილ მსხვილ და ახალ პროექტებზე, თუმცა კიდევ ერთხელ გავიმეორებ, რომ მომავალი წელი აუცილებლად იქნება მნიშვნელოვანი ცვლილებების დასაწყისი, რადგან განხორციელდება: სადგურის მოედნისა და დადიანის ქუჩის დამაკავშირებელი საავტომობილო ხიდის პროექტირება/მშენებლობა; სკვერების მოწყობა/რეაბილიტაცია (მათ შორის დიღმის ჭალები, პირველი რესპუბლიკის პარკის რეაბილიტაცია); ე.წ. სამხედრო ქალაქის პარკის მოწყობა; ვაკის პარკის  შადრევნების კასკადის რეაბილიტაცია; ოთხი საბავშვო ბაღის მშენებლობა; ავარიული სახლების ჩანაცვლება; ჭადრაკის სასახლის რეაბილიტაცია; სულხან-საბასა და ინგოროყვას ქუჩების რეაბილიტაცია (კომუნიკაციების ჩათვლით) და ბევრი სხვა პროექტი“, – აღნიშნა თბილისის მერმა.კახა კალაძემ დღევანდელ სხდომაზე მხარდაჭერისთვის მადლობა გადაუხადა თბილისის საკრებულოს წარმომადგენლებს, ცენტრალურ ხელისუფლებას და უწყების თითოეულ თანამშრომელს.„აქვე მინდა, ვისარგებლო შემთხვევით და მადლობა გადავუხადო თბილისის საკრებულოს წევრებს მხარდაჭერისთვის. დიდი მადლობა ცენტრალურ ხელისუფლებას, პრემიერ-მინისტრს, ფინანსთა მინისტრს, რადგან მათი თანადგომის გარეშე შეუძლებელი იქნებოდა უკვე განხორციელებული თუ დაგეგმილი პროექტების ბოლომდე მიყვანა. მადლობას ასევე იმსახურებენ ჩვენი უწყების თანამშრომლები, რადგან მათი დაუღალავი შრომისა და ერთგულების გარეშე, წარმატებაზე საუბარი წარმოუდგენელია.მუნიციპალიტეტის თითოეული თანამშრომელი საკუთარ აგურს დებს ქალაქის აღმშენებლობის საქმეში, რაც მე, როგორც თბილისის მერს და როგორც ამ ქალაქში მცხოვრებს, მეამაყება. ბედნიერი ვარ, რომ მყავს ძლიერი, პროფესიონალი, საქმესა და ქალაქზე შეყვარებული, ერთგული ადამიანები. ყველაფერი, რაც ბოლო წლებში გაკეთდა და რაც დაგეგმილია, ჩვენი თითოეული თანამშრომლის დიდი დამსახურებაა. ამ გაკეთებულ საქმეებში უზარმაზარი შრომაა ჩადებული. დარწმუნებული ვარ, ერთად დგომითა და სხვა სახელმწიფო უწყებების მხარდაჭერით, ქალაქი მომავალი წლების განმავლობაში იქნება უფრო მწვანე, მოწესრიგებული და თანამედროვე“, – განაცხადა დედაქალაქის მერმა.