სოფელ ასურეთის ახალი საბავშო ბაღი სამ სოფელს მოემსახურება

საქართველოს პროკურატურამ სასამართლოს უპატივცემულობის ფაქტზე ნიკა მელიას ბრალდება წარუდგინა, - ამის შესახებ ნათქვამია საქართველოს გენერალური პროკურატურის განცხადებაში.უწყების ცნობით, მელიამ მოსამართლეს სიტყვიერი შეურაცხყოფა მიაყენა.„შინაგან საქმეთა სამინისტროს მიერ ჩატარებული გამოძიებით დადგინდა, რომ 2025 წლის 10 ნოემბერს, თბილისის საქალაქო სასამართლოში გამართულ ადმინისტრაციულ სასამართლო სხდომაზე, ნიკანორ მელიამ სასამართლოს უპატივცემულობა ჩაიდინა, რაც მოსამართლის სიტყვიერი შეურაცხყოფით გამოიხატა.ნიკანორ მელიას ბრალდება საქართველოს სისხლის სამართლის კოდექსის 366-ე მუხლის მე-2 ნაწილით (სასამართლოს უპატივცემულობა, რაც გამოიხატა მოსამართლის შეურაცხყოფით) წარედგინა, რაც სასჯელის სახედ და ზომად 2 წლამდე თავისუფლების აღკვეთას ითვალისწინებს.ვინაიდან, ნიკანორ მელია სხვა სისხლის სამართლის საქმეზე გამოტანილი გამამტყუნებელი განაჩენის საფუძველზე იხდის სასჯელს, პროკურატურა სასამართლოს წინასასამართლო სხდომის განსაზღვრის შუამდგომლობით მიმართავს“, - ნათქვამია განცხადებაში.

მთავრობის ადმინისტრაციაში პრემიერ-მინისტრის ბრიფინგი ჩაინიშნა. ირაკლი კობახიძე განცხადებას 17:00 საათზე გააკეთებს.ცნობისთვის, მთავრობის ადმინისტრაციაში, 15:00 საათიდან, სტუ-ს რექტორსა და პროფესორ-მასწავლებლებთან შეხვედრა მიმდინარეობს. შეხვედრაზე საქართველოს ტექნიკური და თბილისის სახელმწიფო უნივერსიტეტების გაერთიანების საკითხი განიხილება.

ტყიბულში, ერთ-ერთ შახტში, ერთი ადამიანი დაიღუპა.თავდაპირველად ინფორმაცია სოციალურ ქსელში გვერდმა „მაღაროელი“ გაავრცელა. მათი ცნობით, სავარაუდოდ, დაღუპულია შახტში დასაქმებული.

სოციალურ ქსელში ვრცელდება ამონარიდი პატრიარქის ერთ-ერთი ქადაგებიდან, სადაც ის ბრძანებს და მრევლს მოუწოდებს, ილოცონ და ელაპარაკონ გარდაცვლილი მშობლებს.„ვისაც მშობლები გარდაცვლილი გყავთ, უნდა გქონდეთ მათი სურათები, სურათებთან საკურთხი უნდა დაუდგათ და ელაპარაკოთ როგორც ცოცხლებს. მათ ესმით თქვენი, ისინი შეისმენენ თქვენს საუბარს. ლოცვა კურთხევა მშობელთა იყოს თქვენზე და ყოველ ადამიანზე",- ბრძანებს პატრიარქი.

ევროკავშირი ჰონგ-კონგელი მედიამაგნატის, მილიარდერი ჯიმი ლაისთვის 20-წლიანი პატიმრობის შეფარდებას ეხმაურება და მის დაუყოვნებლივ გათავისუფლებას მოითხოვს.ბრიუსელის განცხადებით, მისი მოტივირებული დევნა ზიანს აყენებს ჰონგ-კონგის რეპუტაციას.„ევროკავშირი გმობს ჰონგ-კონგის უმაღლესი სასამართლოს მიერ 2026 წლის 9 თებერვალს ბრიტანეთის მოქალაქისა და მედიამეწარმის (media entrepreneur), ჯიმი ლაისთვის დაკისრებულ მძიმე, 20-წლიან პატიმრობას. ევროკავშირი კვლავ იმეორებს თავის მოწოდებას ჯიმი ლაის დაუყოვნებლივი და უპირობო გათავისუფლების შესახებ, მისი ხანდაზმული ასაკისა და ჯანმრთელობის მდგომარეობის გათვალისწინებით. ჯიმი ლაის, Apple Daily-ს ყოფილი აღმასრულებელი ხელმძღვანელისა და ჟურნალისტების პოლიტიკურად მოტივირებული დევნა ზიანს აყენებს ჰონგ-კონგის რეპუტაციას. ევროკავშირი მოუწოდებს ჰონგ-კონგის ხელისუფლებას, აღადგინოს ნდობა პრესის თავისუფლების მიმართ ჰონგ-კონგში, რომელიც მისი ისტორიული წარმატების ერთ-ერთი საყრდენია, როგორც საერთაშორისო ფინანსური ცენტრისა, და შეწყვიტოს ჟურნალისტების დევნა“, – ნათქვამია განცხადებაში.ცნობისთვის, უცხოურ ძალებთან შეთქმულების ბრალდებით, ჰონგ-კონგელ მედიამაგნატს, მილიარდერ ჯიმი ლაის 20-წლიანი პატიმრობა შეუფარდეს. როგორც მედია წერს, ლაი ჩინეთის მთავრობის ერთ-ერთი ყველაზე ხმამაღალი კრიტიკოსი იყო და ხშირად პროტესტის იარაღად თავის გაზეთს, Apple Daily-ს იყენებდა. Apple Daily 1995 წელს ჯიმი ლაიმ დაარსა. გაზეთი ცნობილი იყო პროდემოკრატიული პოზიციითა და ჩინეთის მთავრობის კრიტიკით.