სოზარ სუბარი: აუცილებლად დადგება დრო, როდესაც ოკუპაცია დამთავრდება

ხმა უნდა მივცე მოსაყდრე მეუფე შიოს - ვიცი, როგორი ურთიერთობა ჰქონდა პატრიარქთან და ვიცი, როგორ წყვეტდა უწმინდესი საკითხებს მეუფე შიოს მეშვეობით, მეუფე შიოს თვითნებურად არაფერი გაუკეთებია და ჩემთვის ეს ძალიან მნიშვნელოვანია, - ამის შესახებ ჭყონდიდელმა მიტროპოლიტმა, ასევე ცაგერისა და ლენტეხის ეპარქიის მიტროპოლიტმა სტეფანემ აბაშის მუნიციპალიტეტის სოფელ ზანათის წმინდა ნიკოლოზის სახელობის მამათა მონასტერში ქადაგებისას განაცხადა.მისივე თქმით, ის „უწმინდესს ენდობა და მის გამორჩეულ ადამიანს“.„მე თავიდანვე ვამბობ, რომ მე უწმინდესის მიერ გამორჩეულ მოსაყდრეს ვუჭერ მხარს. მე ვფიქრობ ასე: ხმა უნდა მივცე მოსაყდრე მეუფე შიოს და ეს არის ჩემი პოზიცია, არ მჭირდება არავისთან ინტერვიუები, ეს უკვე ნათქვამი მაქვს და არავისთან გავცემ ამაზე ინტერვიუს...მე უწმინდესს ვენდობი, მის გამორჩეულ ადამიანს ვენდობი. 9 წელია მეუფე შიო ემსახურება ჩვენს ეკლესიას უწმინდესის ხელმძღვანელობით. მე ვიცი, როგორი ურთიერთობა ჰქონდა მასთან და ვიცი, როგორ წყვეტდა უწმინდესი საკითხებს მეუფე შიოს მეშვეობით. მეუფე შიოს თვითნებურად არაფერი გაუკეთებია და ჩემთვის ეს ძალიან მნიშვნელოვანია. ჩემთვის პრობლემა იქნებოდა, უწმინდესის სიტყვის საწინააღმდეგოდ რაიმე რომ გაეკეთებინა, მხოლოდ ამ შემთხვევაში. მე ვხედავ მის ერთგულებას, მე ვხედავ მის უწმინდესისადმი ყველანაირ გამოხატულ სიყვარულს და რა თქმა უნდა, მე სხვა ვარიანტს არ ვუშვებ ჩემს გადაწყვეტილებაში. სხვა რას გააკეთებს, ვერ ვაგებ პასუხს“, - აღნიშნავს მიტროპოლიტი სტეფანე.გარდა ამისა, მიტროპოლიტი სტეფანე ახალქალაქისა და კუმურდოს მიტროპოლიტის, მეუფე ნიკოლოზის განცხადებასაც გამოეხმაურა, რომელმაც აღნიშნა, რომ „ილია მეორის ტახტზე არავინ უნდა დაჯდეს - ეს ტახტი უნდა დავუტოვოთ მას“.როგორც მიტროპოლიტი სტეფანე აღნიშნავს, „არავითარი შესანახი ტახტი არ გვაქვს ჩვენ“.„რა უნდა შევინახოთ?! პატრიარქის ტახტი არის, რომელზეც ყველა პატრიარქი უნდა იჯდეს. ეს უნდა იყოს სათუთად მიპყრობილი. ვინც დაჯდება, სათუთად უნდა მოეპყროს. არა ის, გვერდით დავდოთ და რაღაც შემოვაბათ ზონარი აქ პატრიარქი იჯდა. ჩვენ პატრიარქი გვეყოლება. სანამ ამ ქვეყნად ცხოვრება იქნება, პატრიარქი უნდა გვყავდეს. არავითარი შესანახი ტახტი არ გვაქვს ჩვენ. ის ტახტი უნდა იყოს როგორც რელიკვია, ამავე დროს იმ ტახტში უნდა იჯდეს პატიოსანი მემკვიდრე“,- აღნიშნავს მიტროპოლიტი.ცნობისთვის, სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე 17 მარტს გარდაიცვალა. 18 მარტიდან სამების ტაძარში მისი სამოქალაქო პანაშვიდი მიმდინარეობდა. უწმინდესის ხსოვნას ათასობით მოქალაქემ პატივი მიაგო. ილია მეორე 22 მარტს, სიონის საპატრიარქო ტაძარში დაკრძალეს.

აშშ-ის ჰელსინკის კომისია კახა კალაძის საარჩევნო ბანერის დაზიანებისთვის პარტია „დროას“ ლიდერის, ელენე ხოშტარიასთვის ერთი წლით და ექვსი თვით თავისუფლების აღკვეთას ეხმაურება.კომისიის განცხადებაში აღნიშნულია, რომ „ქართული ოცნება“ სასამართლოს იარაღად იყენებს, რათა გააჩუმოს ყველა, ვინც მათ ძალაუფლებას ეჭვქვეშ აყენებს“.„ელენე ხოშტარიას, ოპოზიციური პარტია „დროას“ ლიდერს, საპატიმრო სასჯელი, ერთი წელი და ექვსი თვე მიუსაჯეს მას შემდეგ, რაც დამნაშავედ ცნეს „ქონების დაზიანებისთვის“ იმისთვის, რომ გასულ სექტემბერს „რუსული ოცნება“ მიაწერა თბილისის მერის, კახა კალაძის წინასაარჩევნო ბანერს. „სახელმწიფოს წინააღმდეგ ჩადენილი სავარაუდო დანაშაულებისთვის“ ხოშტარია და ოპოზიციის სხვა ლიდერები ახლა კიდევ უფრო მკაცრი სასჯელის – 7-დან 15 წლამდე თავისუფლების აღკვეთის – წინაშე დგანან“,- ნათქვამია განცხადებაში.

საქართველოს ეროვნული საფეხბურთო ნაკრები 2026 წლის პირველ მატჩში მიხეილ მესხის სახელობის სტადიონზე ისრაელს დაუპირისპირდა – შეხვედრა ფრედ, 2:2 დასრულდა.მთავარმა მწვრთნელმა ვილი სანიოლმა დაცვის ცენტრში ორი დებიუტანტი ათამაშა – ლუკა გადრანი და ილია ბერიაშვილი. სიახლე იყო ნახევარდაცვაშიც – ტრავმირებული გიორგი ქოჩორაშვილის არყოფნაში ფრანგმა სპეციალისტმა მესამე ახალწვეული, გიზი მამაგეიშვილი გამოსცადა.მატჩის დაწყებამდე ფეხბურთის ფედერაციის ვიცე-პრეზიდენტმა, ალექსანდრე იაშვილმა ხვიჩა კვარაცხელიას 2025 წლის საუკეთესო მოთამაშის ჯილდო გადასცა.საქართველოს კათოლიკოს-პატრიარქის, ილია მეორის ხსოვნის პატივსაცემად შეხვედრა წუთიერი დუმილით დაიწყო.პირველი რეალური საგოლე მომენტი „ჯვაროსნებმა“ 31-ე წუთზე შექმნეს, როდესაც ისრაელის ნაკრების მეკარე შეცდა, გადაცემა კიტეიშვილმა ჩაჭრა, კარში კი მიქაუტაძემ დაარტყა, მაგრამ ბურთს მცველი გადაეღობა და სტუმრები გოლს გადაარჩინა.

ირანის საგარეო საქმეთა მინისტრი აცხადებს, რომ აშშ ორმაგი სტანდარტებით მოქმედებს.ამის შესახებ აბას არაღჩიმ სოციალურ ქსელში დაწერა.„აშშ-მა მხარი დაუჭირა ისრაელის მიერ ღაზის ბლოკადას, ამართლებდა დახმარების შეწყვეტას „უსაფრთხოების“ არგუმენტით, ამავე დროს გმობს ირანის ქმედებას, როცა ის თავს იცავს ჰორმუზის სრუტეში. ორმაგი სტანდარტი: ისრაელის დანაშაულები მისაღებია, ირანის თავდაცვა აგრესორების წინააღმდეგ კი – დასაგმობი. საერთაშორისო სამართალი მოხერხებულობის იარაღი არ არის“, – წერს აბას არაღჩი.

აშშ-ის პრეზიდენტმა განაცხადა, რომ შესაძლოა, მომავალში აღარ ეცადოს ირანთან სამშვიდობო შეთანხმების მიღწევას. ამის შესახებ დონალდ ტრამპმა მინისტრთან კაბინეტის სხდომის დაწყებადე ჟურნალისტებთან საუბრისას განაცხადა.„ისინი გვთხოვენ შეთანხმებაზე მუშაობას, არ ვიცი, შევძლებთ თუ არა ამას. არც ის ვიცი, მზად ვართ თუ არა ამისთვის“, – აღნიშნა ტრამპმა.დონალდ ტრამპის თქმით, მოლაპარაკებების განახლების ინიციატივა სწორედ ირანის ლიდერებისგან მოდის, თუმცა შეთანხმების მიღწევა, შესაძლოა, უკვე დაგვიანებულია, რადგან ეს ოთხი კვირის წინ უნდა გაეკეთებინათ ირანელებს.„ისინი სულელები არ არიან, პირიქით, ძალიან ჭკვიანები არიან გარკვეული თვალსაზრისით“, – თქვა აშშ-ის პრეზიდენტმა.