სირიის არმიამ ქურთების მიერ კონტროლირებადი ტერიტორიები დაიკავა

„საზოგადოებრივი სარგებლის გამოყენების“ მაღალი რისკის გამო ამერიკის შეერთებული შტატები 75 ქვეყნის მოქალაქეებისთვის საიმიგრაციო ვიზების გაცემას აჩერებს. ამ ჩამონათვალში მოხვდა საქართველო და მისი მეზობელი ქვეყნები: სომხეთი, აზერბაიჯანი და რუსეთი.საქართველოში აშშ-ის საელჩო ციტირებს სახელმწიფო დეპარტამენტის ვებგვერდზე გამოქვეყნებულ ინფორმაციას და განმარტავს, ვის შეეხება ახალი გადაწყვეტილება, რომელიც 14 იანვრის განახლებას ეფუძნება."ორმაგი მოქალაქეობის მქონე პირებზე, რომლებიც განაცხადს წარადგენენ იმ ქვეყნის მოქმედი პასპორტით, რომელიც სიაში არ შედის, საიმიგრაციო ვიზების გაცემაზე პაუზა არ გავრცელდება", - ამის შესახებ ამერიკის საელჩოს მიერ გავრცელებულ განცხადებაშია ნათქვამი.საელჩოს ინფორმაციით, პრეზიდენტმა ტრამპმა მკაფიოდ განაცხადა, რომ იმიგრანტები უნდა იყვნენ ფინანსურად თვითკმარნი და არ უნდა წარმოადგენდნენ ფინანსურ ტვირთს ამერიკელი გადასახადის გადამხდელებისთვის. სახელმწიფო დეპარტამენტი ახორციელებს ყველა პოლიტიკის, რეგულაციისა და სახელმძღვანელო დოკუმენტის სრულ გადახედვას, რათა უზრუნველყოს, რომ მაღალი რისკის მქონე ქვეყნებიდან ჩამოსული იმიგრანტები არ გამოიყენებენ სოციალურ დახმარებას შეერთებულ შტატებში და არ გახდებიან საჯარო ტვირთი.ამასთან დაკავშირებით, ამერიკის საელჩო საქართველოში ყველაზე ხშირად დასმულ კითხვებს აქვეყნებს, რომლებიც ამ გადაწყვეტილების შემდეგ გაჩნდა:"რა ბედი ეწევა ჩემს საიმიგრაციო ვიზის გასაუბრების თარიღს?საიმიგრაციო ვიზა აპლიკანტებს, რომლებიც ზემოთ აღნიშნული ქვეყნების მოქალაქეები არიან, შეუძლიათ განაცხადის წარდგენა და გასაუბრებაზე დასწრება. დეპარტამენტი გააგრძელებს გასაუბრების თარიღების ჩანიშვნას, თუმცა პაუზის პერიოდში ამ მოქალაქეებზე საიმიგრაციო ვიზები არ გაიცემა.არსებობს თუ არა გამონაკლისები?ორმაგი მოქალაქეობის მქონე პირებზე, რომლებიც განაცხადს წარადგენენ იმ ქვეყნის მოქმედი პასპორტით, რომელიც ზემოთ ჩამოთვლილ სიაში არ შედის, ეს პაუზა არ გავრცელდება.ექნება თუ არა გავლენა ამ პაუზას ჩემს ამჟამად მოქმედ ვიზაზე?არა. ამ მითითების ფარგლებში არც ერთი საიმიგრაციო ვიზა არ გაუქმებულა. შეერთებულ შტატებში შესვლასთან დაკავშირებული შეკითხვებით, გთხოვთ, მიმართოთ შიდა უსაფრთხოების დეპარტამენტს (DHS).ეს პაუზა ვრცელდება თუ არა ტურისტულ ვიზებზე?არა. ეს პაუზა ვრცელდება მხოლოდ საიმიგრაციო ვიზა აპლიკანტებზე. ტურისტული ვიზები არასაიმიგრაციო ვიზებია", - ნათქვამია საელჩოს მიერ გავრცელებულ განცხადებაში. შეგახსენებთ, ქვეყნების სრული ჩამონათვალი, ვისაც შეზღუდვა შეეხო, ასეთია: ავღანეთი, ალბანეთი, ალჟირი, ანტიგუა და ბარბუდა, სომხეთი, აზერბაიჯანი, ბაჰამის კუნძულები, ბანგლადეში, ბარბადოსი, ბელარუსი, ბელიზი, ბუტანი, ბოსნია, ბრაზილია, ბირმა, კამბოჯა, კამერუნი, კაბო-ვერდე, კოლუმბია, კოტ-დ’ივუარი, კუბა, კონგოს დემოკრატიული რესპუბლიკა, დომინიკა, ეგვიპტე, ერიტრეა, ეთიოპია, ფიჯი, გამბია, საქართველო, განა, გრენადა, გვატემალა, გვინეა, ჰაიტი, ირანი, ერაყი, იამაიკა, იორდანია, ყაზახეთი, კოსოვო, ქუვეითი, ყირგიზეთი, ლაოსი, ლიბანი, ლიბერია, ლიბია, მაკედონია, მოლდოვა, მონღოლეთი, მონტენეგრო, მაროკო, ნეპალი, ნიკარაგუა, ნიგერია, პაკისტანი, კონგოს რესპუბლიკა, რუსეთი, რუანდა, სენტ-კიტსი და ნევისი, სენტ-ლუსია, სენტ-ვინსენტი და გრენადინები, სენეგალი, სიერა-ლეონე, სომალი, სამხრეთ სუდანი, სუდანი, სირია, ტანზანია, ტაილანდი, ტოგო, ტუნისი, უგანდა, ურუგვაი, უზბეკეთი და იემენი.

საზოგადოებაში ბევრი მითი არსებობს და თანაც, ისე აქვს ფესვები გადგმული, რომ შემდეგ დაუწერელი წესებივით, ბრმად მისდევს ყველა.არსებობს მოსაზრება, რომ 19 იანვარს, ნათლისღების დღესასწაულზე, ნაძვის ხე სახლში აღარ უნდა გვედგას და 18-ში აუცილებლად უნდა ავიღოთ. უცნობია, საიდან იღებს ეს მოსაზრება სათავეს, თუმცა, საქართველოში ოჯახების უმეტესობა, სწორედ ასე იქცევა.ამ თემასთან დაკავშირებით „პრაიმტაიმი“ დეკანოზ მამა გურამ ჭარელაშვილს ესაუბრა.„მსგავსი რამ, არსად წერია. ალბათ, იცით, რასთან აკავშირებენ? ნათლისღების წინა დღეს მარხვაა და სადღესასწაულო დღეების დასასრულად აღიქვამენ 18 იანვარს. ახალ პერიოდში გადადის. ეს, რა თქმა უნდა, დირექტიული მითითება არ არის. მსგავსი რამეები არსად წერია.კიდევ არის ასეთი მომენტიც - სასულიერო პირი თავის შვილს რომ რაღაცაზე მისცემს კურთხევას, შეიძლება ისე განზოგადდეს, რომ სხვებმაც კანონად და წესად იქციონ,“ - განმარტა მოძღვარმა.

ტრამპი გაეროს საკუთარ ალტერნატივას ქმნის და მასში გაწევრიანებისთვის მილიარდ დოლარს ითხოვს, - ინფორმაციას Bloomberg-ი დიპლომატიურ წყაროებზე დაყრდნობით ავრცელებს და აღნიშნავს, რომ საქმე ღაზის საკითხზე შექმნილ „მშვიდობის საბჭოს“ ეხება, რომელიც პერსპექტივაში სხვა კონფლიქტებზეც, მათ შორის უკრაინაში მიმდინარე ომზეც იმუშავებს, ხოლო მისი ერთპიროვნული მმართველი ანუ თავმჯდომარე დონალდ ტრამპი იქნება.გამოცემა მის ხელში აღმოჩენილი დოკუმენტის მიხედვით იუწყება, რომ საბჭო გადაწყვეტილებებს ხმათა უმრავლესობით მიიღებს, თუმცა ნებისმიერი მათგანი ძალაში მხოლოდ თავმჯდომარის თანხმობით შემდეგ შევა. პროექტი ჯერ ოფიციალურად არ დამტკიცებულა. მას სულ მცირე 3 ქვეყნის თანხმობა სჭირდება.

მამა თეოდორე გიგნაძე პასუხობს შეკითხვას, შეიძლება თუ არა შაბათს ჯვრისწერა. ის ასევე განმარტავს, რა მნიშვნელობა აქვს ჯვრისწერას და რატომ აქვს ზოგიერთ ადამიანს ამ საკითხთან დაკავშირებით არასწორი მიდგომა:- საეკლესიო სამართლის მიხედვით, შაბათს ჯვრისწერა არ ხდება. ჯვრისწერა ერთ-ერთი ისეთი საიდუმლოებაა, რომელიც ეკლესიის მიერ ყველაზე მეტადაა შერყვნილი. ადამიანს სწამს - არ სწამს, იცის - არ იცის, რა აღთქმას დებს, რა პასუხისმგებლობის წინაშე დგება - ჩვენ ჯვარს ყველას ვწერთ. პრობლემა ჩვენ შევქმენით და რატომ - ჯერ ჩვენ, სასულიერო პირებმა დავიჯერეთ და მერე სხვებს დავაჯერეთ, რომ თუ წყვილმა ჯვარი არ დაიწერა, ესე იგი, მრუშობენ. გვავიწყდება, რომ მრუშობა ღალატია. გავიხსენოთ ჩვენი ბებიები, ბაბუები, მაშინ სად იყო ჯვრისწერა?! გადასარევი ოჯახები ჰქონდათ. ვინმეს ენა მოუბრუნდება და იტყვის, რომ ისინი მრუშობაში იყვნენ? ზოგ მათგანს მართლაც ღვთისგან კურთხეული ოჯახი ჰქონდა. კიდევ ერთი ნიუანსი გვავიწყდება - ბიზანტიის იმპერიაში ჯვრისწერა, როგორც ასეთი, სახელმწიფო და საეკლესიო პრაქტიკაში ცოტა მოგვიანებით შემოდის. მაშინ ადამიანი იკითხავს - რა იყო იქამდე? ვინც ჯვრისწერის რიტუალური მხარე, წირვა, ნათლობა იცის, ერთ რამეს დააკვირდება, რომ ძალიან ბევრი რაღაც, მონახაზი და ღვთისმსახურების მოძრაობის სქემა იდენტურია. მთელ რიგ შემთხვევებში, საგალობლები იდენტურია. ლოცვებიც ისეთია, გეგონება, წირვაზე დგახარ. რატომ? იმიტომ, რომ ადრე ჯვრისწერა არ იყო. ადრე წყვილი, როდესაც ერთმანეთი უყვარდათ და ქორწინებას გადაწყვეტდნენ, წირვას ესწრებოდა, წირვაზე ეზიარებოდა. მანამდე, რა თქმა უნდა, ქრისტიანულად ცხოვრობდნენ. ზიარების შემდეგ კურთხევას, დალოცვას იღებდნენ სასულიერო პირის მიერ. ეს იყო ჯვრისწერა. ნათლობაც წირვის შემადგენელი ნაწილი იყო. ყველა საიდუმლოება, მათ შორის, ზეთის კურთხევა... მღვდლები ავადმყოფთან წირვიდან მიდიოდნენ. ნათლობის საიდუმლოება და ჯვრისწერის საიდუმლოება წირვის შემადგენელი ნაწილი იყო. მერე, როცა სახელმწიფო რელიგიად იქცა, სეკულარული საზოგადოება ჩამოყალიბდა, სახელმწიფო რელიგიაა და საჭიროა, რომ ქრისტიანი იყო - ნელ-ნელა ამ ყველაფრის ერთმანეთისაგან დაშორება ხდება. აქედან გამომდინარეა, რომ დღეს ჯვრისწერა განცალკევებულია. მაგრამ, არსობრივად ჯვრისწერა უნდა მოხდეს იმ ადამიანებთან, რომლებიც ქრისტესთან ერთად არიან. თუ ქრისტე არ უნდათ... ხშირად ასეთ კითხვას სვამენ - რატომ არ წერენ მართლმადიდებელსა და კათოლიკეს ჯვარს? მე პასუხად მაქვს - რა აუცილებელია, ჯვარი დავწერო? ისე დავლოცავ. ადამიანმა, რომელსაც მართლმადიდებლური ეკლესია არ უნდა, ჯვარი რატომ უნდა დაიწეროს, ვერ ვხვდები. ამას იცით რა ნაყოფი აქვს? აბა, შედით საპატრიარქოში, სადაც ჯვრის აყრის რიგებია. საშინელი სანახავია. ახალგაზრდა ბიჭი, ახალგაზრდა გოგო ერთმანეთს გაბუსული უყურებს და ჯვრის აყრა უნდათ. საშინელი სანახავია. ეს უბედურებაა. აღარ ვლაპარაკობ იმაზე, რომ შეიძლება, ოჯახი არ დაინგრეს, მაგრამ ქმარი ცოლს ღალატობდეს, ახლა აღარც ცოლები იხევენ უკან. ადამიანი ჯვარს იწერს და წარმოდგენაც კი არ აქვს, რას ნიშნავს ქრისტიანული ქორწინება. თუ ეს არ იცი, თუ შესაბამისად არ ცხოვრობ, დაქორწინდი ისე, მაინცდამაინც გვირგვინი უნდა დაიდგა?! რომ დაიდგი ეს გვირგვინი და არ იცი, რა არის, რა საჭიროა ამის გაკეთება? მაგრამ, აქ წარმართული მიდგომაა - ჯვარს დავიწერთ და ყველაფერი კარგად იქნება, ყველაფერი აგვიშენდება." - ამბობს მამა თეოდორე.

"თბილისის შემოვლითი გზა - გლდანთან ავტომობილი გადავარდა და დაიწვა, რა ინფორმაციაც მოგვაწოდეს არავინ დაღუპულა თუმცა ვაზუსტებთ დეტალებს !", | წერს სოციალურ ქსელში ორგანიზაცია "ჩემი ქალაქი მკლავს" და ვიდეოს ავრცელებს