სინოპტიკოსები განმარტავენ, რამ გააყვითლა ცა

ბრიუსელმა უარი უნდა თქვას ძალადობის მხარდაჭერაზე და დაუბრუნდეს საბაზისო ევროპულ ღირებულებებს, როგორებიცაა ადამიანის უფლებების და სამართლის უზენაესობის პატივისცემა,- ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.მისი თქმით, ძალადობის არდაგმობა აქეზებს ექსტრემიზმს, ექსტრემიზმის არდაგმობა აქეზებს ტერორიზმს.„დღეს 4 დეკემბერია. ორი თვეა, ბრიუსელი უარს ამბობს 4 ოქტომბერს ექსტრემისტული ჯგუფების მიერ საქართველოს პრეზიდენტის სასახლეზე მიტანილი ძალადობრივი შტურმის დაგმობაზე და ამ ჯგუფებისგან გამიჯვნაზე. ძალადობის არდაგმობა აქეზებს ექსტრემიზმს, ექსტრემიზმის არდაგმობა აქეზებს ტერორიზმს. ეს მიზეზ-შედეგობრივი კავშირი საქართველოში უკვე ვნახეთ. ბრიუსელმა უარი უნდა თქვას ძალადობის მხარდაჭერაზე და დაუბრუნდეს საბაზისო ევროპულ ღირებულებებს, როგორებიცაა ადამიანის უფლებების და სამართლის უზენაესობის პატივისცემა“, – წერს შალვა პაპუაშვილი.

ვლადიმერ პუტინის თქმით, შეხვედრა აშშ-ის პრეზიდენტის სპეციალურ წარმომადგენელ სტივენ უიტკოფთან და დონალდ ტრამპის სიძესთან, ჯარედ კუშნერთან, აუცილებელი და სასარგებლო იყო. შესაბამისი განცხადება რუსეთის პრეზიდენტმა ტელეკომპანია India Today-სთვის მიცემულ ინტერვიუში გააკეთა, რომლის ფრაგმენტებსაც თავად არხი აქვეყნებს და რუსეთის სახელმწიფო სააგენტოები ციტირებენ.პუტინის თქმით, ამერიკულ დელეგაციასთან შეხვედრა ხუთ საათს გაგრძელდა, რადგან მხარეებს რუსეთსა და უკრაინას შორის ომის შეწყვეტის შესახებ წინადადებების ყველა პუნქტის განხილვა მოუწიათ.მან აღნიშნა, რომ ამერიკულ წინადადებებში იყო პუნქტები, რომლებსაც რუსეთი არ ეთანხმებოდა. „სადღაც ვამბობდით, რომ დიახ, ამის განხილვა შეგვიძლია, ხოლო ამაზე დათანხმება - არა. იმის მიღწევა, რომ კონფლიქტის მხარეებმა რაღაც კონსენსუსამდე მიაღწიონ, არ არის მარტივი ამოცანა“, - განაცხადა პუტინმა.ტელეკომპანიის ჟურნალისტის შეკითხვაზე, სურს თუ არა რუსეთს „დიდ რვიანში“ დაბრუნება, პუტინმა უპასუხა: „არა“.რუსეთის პრეზიდენტმა აღნიშნა, რომ „ერთხელ ისე მოხდა“, რომ თავად პრაქტიკულად შეწყვიტა G8-ის შეხვედრებზე სიარული. „ჩემთვის ბოლომდე გასაგები არ არის, რატომ უწოდებენ G7-ში შემავალი ქვეყნები საკუთარ თავს „დიდ შვიდეულს“. რა არის იქ ასეთი დიდი?“, - თქვა პუტინმა და დასძინა, რომ ეს „მაინც მნიშვნელოვანი პლატფორმაა: ისინი მუშაობენ, რაღაცებს განიხილავენ, იღებენ გადაწყვეტილებებს“.

მართლმადიდებელი ეკლესია დღეს ყოვლადწმინდა ღვთისმშობლის ტაძრად მიყვანების დღეს აღნიშნავს. ამ დღესთან დაკავშირებით, ყველა მოქმედ ეკლესია-მონასტერში საღმრთო ლიტურგია სრულდება.სამების საკათედრო ტაძარში წირვა-ლოცვა დილის 10 საათიდან დაიწყება. ეს დღე 12 საუფლო დღესასწაულთა შორის ერთ- ერთია, ანუ შესულია იმ 12 დიდ დღესასწაულთა შორის, რომლებიც ეკლესიის მიერ არის დადგენილი.

ბრიუსელმა უარი უნდა თქვას ძალადობის მხარდაჭერაზე და დაუბრუნდეს საბაზისო ევროპულ ღირებულებებს, როგორიცაა ადამიანის უფლებების და სამართლის უზენაესობის პატივისცემა,- ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.მისი თქმით, ძალადობის არდაგმობა აქეზებს ექსტრემიზმს, ექსტრემიზმის არდაგმობა აქეზებს ტერორიზმს.„დღეს 4 დეკემბერია. ორი თვეა, ბრიუსელი უარს ამბობს 4 ოქტომბერს ექსტრემისტული ჯგუფების მიერ საქართველოს პრეზიდენტის სასახლეზე მიტანილი ძალადობრივი შტურმის დაგმობაზე და ამ ჯგუფებისგან გამიჯვნაზე. ძალადობის არდაგმობა აქეზებს ექსტრემიზმს, ექსტრემიზმის არდაგმობა აქეზებს ტერორიზმს. ეს მიზეზ-შედეგობრივი კავშირი საქართველოში უკვე ვნახეთ. ბრიუსელმა უარი უნდა თქვას ძალადობის მხარდაჭერაზე და დაუბრუნდეს საბაზისო ევროპულ ღირებულებებს, როგორიცაა ადამიანის უფლებების და სამართლის უზენაესობის პატივისცემა“, – წერს შალვა პაპუაშვილი.

ფინანსთა სამინისტროს შემოსავლების სამსახურის საბაჟო გამშვები პუნქტი ,,თბილისის აეროპორტის“ მებაჟე ოფიცრებმა საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებთან ერთად ჩატარებული ღონისძიების   შედეგად, თბილისის საერთაშორისო აეროპორტში, განსაკუთრებით დიდი ოდენობით ნარკოტიკული საშუალებები  - 760 გრამზე მეტი  ,,მდმა", 762 გრამი ,,კლეფედრონი" და ნახევარ კილოგრამზე მეტი ფსიქოტროპული ნივთიერება ,, კეტამინი" აღმოაჩინეს.მებაჟე ოფიცრის მიერ, უცხო ქვეყნის მოქალაქის ბარგის რენტგენო ინსპექტირების სკანერით დათვალიერების შედეგად, აღმოჩენილი იქნა საეჭვო შიგთავსი, რის შემდეგაც უფლებამოსილი პირის მიერ, მოხდა ბარგის სპეციალური წითელი ფერის წებოვანი სტიკერით ნიშანდება და ის დამატებით, ფიზიკურ დათვალიერებას დაექვემდებარა.სამართალდამრღვევ მოქალაქეს,  სამგზავრო ჩანთაში, ნარკოტიკული საშუალებები ჩვილ ბავშვთა კვებისთვის განკუთვნილ  ჰერმეტულ ქილებში მალულად ჰქონდა განთავსებული.საქმის მასალები შემდგომი რეაგირების მიზნით, შინაგან საქმეთა სამინისტროს შესაბამის სამსახურს გადაეცა.ფინანსთა სამინისტროს შემოსავლების სამსახური და საქართველოს შინაგან საქმეთა სამინისტრო კოორდინირებულად,  მუდმივ რეჟიმში ახორციელებენ საბაჟო საზღვრების უმკაცრეს მონიტორინგს და  ამ მიმართულებით კონტროლი მომავალშიც გაგრძელდება.