სიკვდილმისჯილმა პატიმარმა სიცოცხლის ბოლო წუთს ზეთისხილი მოითხოვა – მიზეზი გაგაოცებთ

ილია თოფურიას ყოფილი მეუღლე,  ჯორჯინა უზკატეგუი, სოციალურ ქსელში სიმღერის ტექსტს აქვეყნებს:„არ მენანები, რადგან ვინც შენთან რჩება, ის ემოციურად იცვლება... შენ კი დანაშაულს არასდროს აღიარებ და იტყვი, რომ ეს შენი ორეული იყო“, - ეს არის იმ სიმღერის ტექსტი, რომელიც ჯორჯინა უზკატეგუი ბადელიმ მინიშნების სახით საკუთარ პოსტში გამოიყენა.ესპანელი მომღერალი და სიმღერების ავტორი როსალია სიმღერაში La Perla ემოციურ დაუცველობაზე, მისწრაფებებსა და ლტოლვაზე მღერის. ტექსტი ზღვის, მარგალიტებისა და მითოლოგიის მეტაფორებით გვიყვება სათქმელს.

თქვენ ხართ სასოწარკვეთილ მდგომარეობაში მყოფი ადამიანი, რომელიც უკვე მეოთხე წელია, ვერ ახერხებს ან არ სურს ომის დასრულება, – ამ სიტყვებით მიმართა უნგრეთის პრემიერ-მინისტრმა, ვიქტორ ორბანმა უკრაინის პრეზიდენტ ვოლოდიმირ ზელენსკის.სოციალურ ქსელში გამოქვეყნებულ პოსტში ვიქტორ ორბანი აღნიშნავს, რომ უნგრეთს არ შეუძლია უკრაინის საომარ ძალისხმევაში მხარდაჭერა.„ძვირფასო პრეზიდენტო, როგორც ჩანს, ჩვენ ვერ შევძლებთ ერთმანეთის გაგებას. მე ვარ თავისუფალი ადამიანი, რომელიც უნგრელ ხალხს ემსახურება. თქვენ ხართ სასოწარკვეთილ მდგომარეობაში მყოფი ადამიანი, რომელიც უკვე მეოთხე წელია, ვერ ახერხებს ან არ სურს ომის დასრულება, მიუხედავად იმისა, რომ შეერთებული შტატების პრეზიდენტმა ყველა შესაძლო დახმარება გაგიწიათ ამისთვის. ამიტომ, რაც არ უნდა მეპირფეროთ, ჩვენ არ შეგვიძლია თქვენი საომარი ძალისხმევის მხარდაჭერა. უკრაინელ ხალხს, რა თქმა უნდა – თქვენი ფრთხილად შერჩეული შეურაცხყოფების მიუხედავად – კვლავაც შეუძლიათ, ჩვენი იმედი ჰქონდეთ, რომ ჩვენ გავაგრძელებთ თქვენი ქვეყნის ელექტროენერგიითა და საწვავით მომარაგებას. ასევე გავაგრძელებთ უკრაინიდან ჩამოსული ლტოლვილების მხარდაჭერას. დანარჩენს ცხოვრება თავად დაალაგებს და ყველა მიიღებს იმას, რასაც იმსახურებს“, – წერს ვიქტორ ორბანი.

პარლამენტის თავმჯდომარის მოადგილემ გიორგი კახიანმა „დღის ქრონიკაში“ ოპოზიციის შესაძლო გაერთიანებაზე ისაუბრა. დეპუტატი მიიჩნევს, რომ ეს ფლანგი ისედაც ერთ ძალას წარმოადგენს, რომელსაც საზოგადოებაში მხარდაჭერა აღარ აქვს.„სიმართლე გითხრათ, ღიმილის მომგვრელიც არის საუბარი მათ მხრიდან იმაზე, რომ კიდევ ახალი გაერთიანებები შეიქმნას. რა გაერთიანებაზეა საუბარი? თითქოს ერთ გუნდს არ წარმოადგენენ, ერთი პატრონი არ ჰყავდეთ, თითქოს ერთი ხელით არ იმართებოდნენ. ისედაც ერთნი არ არიან? როდესაც სჭირდებათ ერთად არიან, როდესაც ამის საჭიროება არ არის, ვითომ ცალ-ცალკე ჯგუფებად წარმოჩნდებიან. რაც არ უნდა გააკეთონ, ეს არის ძალა, რომელსაც ფაქტობრივად არანაირი მხარდაჭერა აღარ აქვს საზოგადოებაში. ვფიქრობ, რადიკალიზმის დრო წავიდა ჩვენი ქვეყნიდან“, - განაცხადა კახიანმა.მან ასევე აღნიშნა, რომ ევრობიუროკრატები ცდილობენ ქვეყნის შიდა საქმეებში ჩარევას და გარკვეული პოლიტიკური ჯგუფების ფინანსურ მხარდაჭერას. დეპუტატმა ამ მხრივ გამჭვირვალობის შესახებ კანონის მნიშვნელობას გაუსვა ხაზი.„თუკი დაფინანსების ასეთი მცდელობები იქნება, რა თქმა უნდა, ამ კანონმდებლობის შესაბამისად, საზოგადოება ამის შესახებ ინფორმირებული იქნება“, - განაცხადა კახიანმა.

უკრაინის პრეზიდენტი ვოლოდიმირ ზელენსკი აცხადებს, რომ ხვალ არაბთა გაერთიანებულ საამიროებში უკრაინის, აშშ-ისა და რუსეთის სამუშაო ჯგუფების შეხვედრა გაიმართება. ამის შესახებ ზელენსკიმ დავოსის მსოფლიო ეკონომიკურ ფორუმზე ისაუბრა.მისივე თქმით, მანამდე გაიმართება უკრაინის და აშშ-ის დელეგაციების შეხვედრა.„არაბთა გაერთიანებულ საამიროებში ხვალ და ზეგ გაიმართება სამმხრივი შეხვედრები. იმედი მაქვს, საამიროებში ეს იციან, რადგანაც ხანდახან ამგვარი სიურპრიზები გვაქვს ხოლმე აშშ-ის მხრიდან. ვფიქრობ ეს კარგია, თუ ტაქტიკურ დონეზე სამუშაო ჯგუფები დაიწყებენ სამმხრივ შეხვედრებს. იმედი მაქვს, ვიპოვით რამეს. რუსები მზად უნდა იყვნენ კომპრომისებისთვის. ყველა უნდა იყოს მზად კომპრომისებისთვის, მხოლოდ უკრაინა არა. ვნახოთ, რა იქნება შედეგი, ეს უკეთესია, ვიდრე საერთოდ არ გქონდეს დიალოგი. ღმერთმა ქნას, ომი შეჩერდეს“, – განაცხადა ზელენსკიმ.

„ერთიანი ნაციონალური მოძრაობა“ პარტია „ბატკივშჩინის“ ლიდერ იულია ტიმოშენკოს, რომელიც კორუფციის საქმეზეა ბრალდებული, მხარდაჭერას უცხადებს. ამის შესახებ „ნაციონალური მოძრაობის“ განცხადებაშია აღნიშნული.„ჩვენს პარტიას დიდი ხნის ურთიერთობა აკავშირებს იულია ტიმოშენკოსთან, რომელიც უკრაინის დიდი პატრიოტი და ძალიან ცნობილი საერთაშორისო ფიგურაა. არსებობს აღქმა, რომ მას შესაძლოა, უსამართლოდ მოეპყრან და მოვუწოდებთ გამჭვირვალე და სამართლიანი პროცესისკენ.გვჯერა, ის იქნება უდანაშაულო და გააგრძელებს უკრანელების კეთილდღეობაში წვლილის შეტანას შემდგომი დაბრკოლებების გარეშე. უკრაინას ის თავისუფალი და უსაფრთხოდ სჭირდება“, – ნათქვამია „ნაციონალური მოძრაობის“ მიერ გავრცელებულ განცხადებაში.ცნობისთვის, ანტიკორუფციულმა უწყებებმა „ბატკივშჩინის“ ხელმძღვანელის, იულია ტიმოშენკოს ოფისში 13 იანვარს წინ ჩხრეკა ჩაატარეს. როგორც ცნობილია, ჩხრეკა უკავშირდებოდა ბრალდებას, რომლის მიხედვითაც, ტიმოშენკო უმაღლეს რადაში სხვა ფრაქციის წევრ დეპუტატებს, კონკრეტული კანონპროექტების სასარგებლოდ ან მათ წინააღმდეგ ხმის მიცემის სანაცვლოდ, ქრთამს სთავაზობდა და მათ მოსყიდვას ცდილობდა.16 იანვარს უკრაინის უმაღლესმა ანტიკორუფციულმა სასამართლომ იულია ტიმოშენკოს 33 მილიონი გრივნას ოდენობის გირაოს გადახდა დააკისრა, დაავალა პასპორტის ჩაბარება და აუკრძალა ნებართვის გარეშე კიევის დატოვება.