„სიენენი“: დემოკრატების ნაწილი კამალა ჰარისის საპრეზიდენტო არჩევნებში დამარცხებას, ქვეყნის პრეზიდენტს, ჯო ბაიდენს აბრალებს

ესპანეთი არ მიიღებს მონაწილეობას სამხედრო მისიაში ჰორმუზის სრუტეში, რადგან ირანის წინააღმდეგ ისრაელ-აშშ-ის ომს უკანონოდ მიიჩნევს. ამის შესახებ ესპანეთის თავდაცვისა და საგარეო საქმეთა მინისტრებმა განაცხადეს. ინფორმაციას „როიტერი“ ავრცელებს.ესპანეთის თავდაცვის მინისტრმა, მარგარიტა რობლესმა აღნიშნა, რომ ესპანეთი მსგავს ნაბიჯს მხარს არ დაუჭერს.„ესპანეთი არასოდეს მიიღებს დროებით ზომებს. მთავარი მიზანი უნდა იყოს, რომ ომი დასრულდეს და დასრულდეს ახლა“, – განაცხადა რობლესმა.ამასთან, ესპანეთის საგარეო საქმეთა მინისტრმა, ხოსე მანუელ ალბარესმა აღნიშნა, რომ სრუტეში არსებული ვითარება ევროპელებისთვის სერიოზული შეშფოთების საგანია, თუმცა ევროკავშირის პოზიცია უნდა იყოს, რომ ომი, ეკონომიკური მოსაზრებების მიუხედავად, უნდა დასრულდეს.„ჩვენ არ უნდა გადავდგათ ნაბიჯი, რომელიც დამატებით დაძაბულობას გამოიწვევს ან ვითარების ესკალაციას შეუწყობს ხელს“, – განაცხადა ალბარესმა.როგორც „როიტერი“ წერს, ევროკავშირის წევრმა რამდენიმე ქვეყანამ უკვე განაცხადა, რომ ჰორმუზის სრუტეში სამხედრო ოპერაციებში მონაწილეობას არ გეგმავს, მათ შორის არის გერმანია, იტალია და საბერძნეთი.

ირანის საგარეო საქმეთა მინისტრმა, აბას არაღჩიმ მეზობელი ქვეყნები ირანზე თავდასხმების ხელშეწყობაში დაადანაშაულა და პოზიციების მკაფიოდ დაფიქსირებისკენ მოუწოდა.„არსებობს ცნობები, რომ ზოგიერთი მეზობელი სახელმწიფო, რომელიც აშშ-ის ძალებს მასპინძლობს და ირანზე თავდასხმების უფლებას აძლევს, ასევე აქტიურად უწყობს ხელს ამ ხოცვა-ჟლეტვას. ამ ქვეყნებმა პოზიციები დაუყოვნებლივ უნდა განმარტონ“, – წერს არაღჩი.ირანის საგარეო საქმეთა მინისტრის თქმით, ისრაელისა და აშშ-ის ერთობლივი „დაბომბვების“ შედეგად ასობით მშვიდობიანი მოქალაქე დაიღუპა, მათ შორის 200-ზე მეტი ბავშვი.როგორც „სიენენი“ ირანის ოფიციალური პირებზე დაყრდნობით წერს, ომის დაწყებიდან ირანში 1300-ზე მეტი ადამიანი დაიღუპა, ათასობით კი დაშავდა.

აშშ-მ ირანში 7000-ზე მეტი სამიზნეს დაარტყა და 100 გემი გაანადგურა, – ამის შესახებ  დონალდ ტრამპი ტრამპ-კენედის ცენტრის საბჭოს წევრებთან გამართულ შეხვედრაზე განაცხადა.მისი თქმით, აშშ-ის სამხედრო კამპანია ბოლო რამდენიმე დღის განმავლობაში სრული ძალით გაგრძელდა.„ისინი ფაქტობრივად განადგურდნენ, საჰაერო ძალები გაქრნენ, საზღვაო ძალები გაქრნენ, ბევრი გემი ჩაიძირა. მათი რადარი გაქრა და მათი ლიდერები გაქრნენ. ირანული დრონების გაშვების რაოდენობა მნიშვნელოვნად შემცირდა მეზობლების მიმართულებით, ასევე საწარმოო ობიექტებისა და საზღვაო სამიზნეების მიმდინარე მიზანში ამოღება“, – განაცხადა ტრამპმა.მისივე თქმით, აშშ-მა ირანის 30-ზე მეტი ნაღმმშენებელი გემი გაანადგურა და ახლა ირანის დრონების შესაძლებლობები „ნულთან ახლოსაა“.ტრამპმა ასევე აღნიშნა, რომ აშშ და ისრაელი „აკეთებენ იმას, რაც მრავალი წლის წინ უნდა გაკეთებულიყო“.აშშ-ის პრეზიდენტის  თქმით, აშშ „აკავებს“ ირანის შესაძლებლობას, საფრთხე შეუქმნას კომერციულ გადაზიდვებს ჰორმუზის სრუტეში.თეთრი სახლის ლიდერმა ასევე კომენტარი გააკეთა იმ ქვეყნებზე, რომლებმაც აშშ-ის დახმარებაზე უარი თქვეს.„მათ თქვეს, რომ ჩვენ არ გვინდა ჩავერთოთ. ვიცი, რომ ჩვენ დავიცავთ მათ და თუ ოდესმე დახმარება დაგვჭირდება, ისინი ჩვენს გვერდით არ იქნებიან“, -განაცხადა მან.

თურქეთის საგარეო საქმეთა სამინისტროს განცხადებაში აღნიშნულია, რომ ლიბანში ისრაელის სახმელეთო ოპერაცია რეგიონში არასტაბილურობას კიდევ უფრო აღრმავებს.„ისრაელის მთავრობა ლიბანში ახორციელებს გენოციდისა და კოლექტიური დასჯის პოლიტიკას, რამაც შესაძლოა რეგიონში ახალი ჰუმანიტარული კატასტროფა გამოიწვიოს“, – აღნიშნულია განცხადებაში.თურქეთის საგარეო საქმეთა სამინისტრომ კიდევ ერთხელ დაადასტურა სოლიდარობა ლიბანის მიმართ იმ თავდასხმების წინაშე, რომლებიც არღვევენ მის სუვერენიტეტსა და ტერიტორიულ მთლიანობას.

ევროკავშირმა ირანის წინააღმდეგ დამატებითი სანქციები დააწესა, კერძოდ იმ ფიზიკური და იურიდიული პირების მიმართ, რომლებიც ქვეყანაში ადამიანის უფლებების დარღვევაზე არიან პასუხისმგებელი.ახალი შეზღუდვები შეეხება 16 ფიზიკურ და იურიდიულ პირსა და სამ ორგანიზაციას, რომლებიც 2026 წლის იანვარში გამართული ანტისამთავრობო საპროტესტო აქციების ძალადობრივ ჩახშობაში მონაწილეობდნენ.სანქციები შეეხო, მათ შორის ირანის შინაგან საქმეთა მინისტრის მოადგილეს უსაფრთხოების საკითხებში, ასევე ირანის ისლამური რევოლუციის გუშაგთა კორპუსის მეთაურებს, რომლებიც უშუალოდ მონაწილეობდნენ საპროტესტო აქციების სასტიკ ჩახშობაში.სიაში ასევე მოხვდნენ ირანის სასამართლოს წარმომადგენლები, რომლებიც მშვიდობიანი დემონსტრანტებისა და აქტივისტების წინააღმდეგ სასამართლო დევნაში იყვნენ ჩართული.ირანში ადამიანის უფლებების მძიმე დარღვევებთან დაკავშირებით ამ დროისთვის სანქციები უკვე დაუწესდა 263 ფიზიკურ და 53 იურიდიულ პირს.სანქცირებულ პირებსა და ორგანიზაციებს აქტივები ეყინებათ, ამასთან, ევროკავშირის მოქალაქეებსა და კომპანიებს ეკრძალებათ მათთვის ფინანსური რესურსების გადაცემა. ფიზიკური პირებისთვის ასევე მოქმედებს სავიზო შეზღუდვა, რაც ნიშნავს, რომ მათ ეკრძალებათ ევროკავშირის ტერიტორიაზე შესვლა ან მისი გავლით გადაადგილება.