საჯარო სამსახურებს შავი ფერის ავტომობილის ყიდვა აეკრძალათ

სრულიად საქართველოს კათოლიკოს-პატრიარქის სამძიმარი დეკანოზ კონსტანტინე გიორგაძის გარდაცვალების გამო სამძიმრის წერილს აქვეყნებს.„63 წლის ასაკში გარდაიცვალა საქართველოს მართლმადიდებელი ეკლესიის გამორჩეული სასულიერო პირი, 7 შვილის მამა, დეკანოზი კონსტანტინე გიორგაძე.ამქვეყნად შედარებით ხანმოკლე მყოფობის მიუხედავად, მან ძალიან ბევრი საქმის გაკეთება მოასწრო და ღრმა კვალი დატოვა ჩვენს ცხოვრებაში. იგი, რა თქმა უნდა, პირველ რიგში, იყო ღვთისმსახური, მაგრამ, ამავე დროს, სამშობლოს ღირსეული მსახურიც. რაც, განსაკუთრებით, მომავალი თაობის აღზრდაზე ზრუნვაში გამოიხატა.სპეციალობით პედიატრი, ბავშვების სულიერ მკურნალადაც იქცა, -ფასდაუდებელია მისი შრომა ზოგადსაგანმანათლებლო სივრცეში იაკობ გოგებაშვილის „დედა ენის“ დაბრუნების საქმეში (როგორც თანამდეროვე, ისე ძველქართული ანბანების გამოყენებით) და აღზრდის თემასთან დაკავშირებულ არაერთ სხვა საქმიანობაში.თბილისში თუ პეტერბურგში, ვისთანაც კი მამა კონსტანტინეს შეხება ჰქონია, ყველა გლოვობს პატიოსან, პატრიოტ, გონიერ და მზრუნველ სულიერ მამასთან განშორებას; დიდია ჩვენი გულისტკივილიც.აღვავლენთ ლოცვებს დეკანოზ კონსტანტინეს უკვდავი სულისათვის, რათა უფალმან სავანესა მართალთასა დააწესოს იგი. ხოლო ოჯახის წევრებს, ახლობლებს, მრევლსა და გულშემატკივართ მომადლოს შინაგანი სიმტკიცე და მისთვის ლოცვის ძალა.“ - წერს ილია მეორე.

გავრცელებული ინფორმაციით, ისრაელის პრემიერ-მინისტრ ბენიამინ ნეთანიაჰუსა და აშშ-ის პრეზიდენტ დონალდ ტრამპს ირანის უზენაესი ლიდერის, ალი ხამენეის ცხედრის ფოტო წარუდგინეს. აღნიშნულ ინფორმაციას ისრაელის Channel 12 ავრცელებს.გამოცემის ცნობით, ცხედარი ირანის ხელისუფლებამ თეირანში, ხამენეის რეზიდენციის ნანგრევებში აღმოაჩინა.ისრაელმა ხამენეის რეზიდენციაზე მძლავრი დარტყმა დღეს დილით, ირანზე განხორციელებული თავდასხმების პირველივე ტალღის დროს მიიტანა.აშშ-ში ისრაელის ელჩმა, იეხიელ ლაიტერმა ამერიკელ მაღალჩინოსნებს უკვე მიაწოდა ინფორმაცია ხამენეის ლიკვიდაციის შესახებ.აღნიშნულ ინფორმაციას გამოცემა The Times of Israel-თან საუბრისას ადასტურებს ინფორმირებული წყარო, რაც ასევე ემთხვევა საინფორმაციო პორტალ Axios-ის მიერ გავრცელებულ ცნობებს.ამ დროისთვის ირანის ოფიციალური მხარე მომხდარზე დამატებით კომენტარს არ აკეთებს, თუმცა გავრცელებული კადრები და დიპლომატიური არხებით მიწოდებული ინფორმაცია ადასტურებს, რომ ისრაელის ოპერაციამ დასახულ მიზანს მიაღწია.

აშშ-ის პრეზიდენტმა დონალდ ტრამპმა ტელეკომპანია ABC News-თან სატელეფონო ინტერვიუში განაცხადა, რომ ამერიკის მიერ განხორციელებულმა დარტყმებმა ირანს უკვე „ძალიან დიდი ზიანი“ მიაყენა.ტრამპის თქმით, ირანის ხელმძღვანელობის „დიდი ნაწილი აღარ არის“, თუმცა აღნიშნა, რომ სრული სურათი ჯერ უცნობია. „ყველაფერი არ ვიცით, მაგრამ მისი დიდი ნაწილი აღარ არსებობს,“ – განაცხადა აშშ-ს პრეზიდენტმა.

ირანში განვითარებულ მოვლენებთან დაკავშირებით, ხვალ ევროკავშირის საგარეო საქმეთა საბჭოს საგანგებო სხდომა გაიმართება, – ამის შესახებ ევროკავშირის უმაღლესი წარმომადგენელი კაია კალასი სოციალურ ქსელში წერს.მისი თქმით, საბჭოს რიგგარეშე სხდომაზე ირანის საკითხი და ახლო აღმოსავლეთში სწრაფად განვითარებული მოვლენები უნდა განიხილონ.„კონტაქტზე ვიყავი ჩვენს პარტნიორებთან სპარსეთის ყურის ქვეყნებში. ირანის რეჟიმის განურჩეველი თავდასხმები მეზობლების წინააღმდეგ რეგიონის უფრო ფართომასშტაბიან ომში ჩათრევის რისკს შეიცავს და ჩვენ ამას ვგმობთ. აუცილებელია, ომი უფრო არ გავრცელდეს. ირანის რეჟიმს არჩევანის გაკეთება მოუწევს“, – წერს კაია კალასი სოციალურ ქსელში. 

საფრანგეთის პრეზიდენტის, ემანუელ მაკრონის განცხადებით, აშშ-ისა და ისრაელის ერთობლივ სამხედრო ოპერაციაში საფრანგეთი ჩართული არ ყოფილა.მისი თქმით, საფრანგეთი თავდასხმის შესახებ ინფორმირებულიც კი არ იყო.როგორც მაკრონმა აღნიშნა, მსგავს მდგომარეობაში იყვნენ რეგიონის სხვა ქვეყნებიც.„აშშ-მა და ისრაელმა ბოლო საათებში გადაწყვიტეს ირანზე თავდასხმის განხორციელება. საფრანგეთი, ისევე, როგორც რეგიონის ყველა სხვა ქვეყანა და ჩვენი მოკავშირე, არ იყო არც ინფორმირებული და არც ჩართული. ირანმა საპასუხო ზომები მიიღო მრავალ ქვეყანაში, რომელთაგან ბევრი მეგობრული ქვეყანაა, ჩვენ გვყავს მოქალაქეები და გყვაქვს სამხედრო აქტივები, რაც გავლენას ახდენს რეგიონულ სტაბილურობაზე, მშვიდობაზე რეგიონსა და მის ფარგლებს გარეთ. ცხადია, ჩვენი პრიორიტეტი არის ჩვენი მოქალაქეების უსაფრთხოება ყველა იმ ქვეყანაში, რომელზეც ამჟამად თავდასხმა ხორციელდება“, – განაცხადა ემანუელ მაკრონმა.ამასთან, საფრანგეთის პრეზიდენტის თქმით, დიპლომატიური ძალისხმევა აუცილებელია, რადგან ირანის ბირთვული პროგრამის საკითხით გამოწვეული კრიზისი სამხედრო დარტყმებით ვერ გადაიჭრება.„ვიმედოვნებ, ყველა საჭირო ნაბიჯს გადავდგამთ იმის უზრუნველსაყოფად, რომ დიპლომატიური მუშაობა თავის რიტმს დაუბრუნდეს. ჩვენ უნდა გავზარდოთ ჩვენი ძალისხმევა ამ საკითხების დიპლომატიური არხებით მოსაგვარებლად, რადგან არავის სჯერა, რომ ირანის ბირთვული პროგრამის, ბალისტიკური რაკეტების აქტივობისა და რეგიონული დესტაბილიზაციის საკითხი უბრალოდ დარტყმებით მოგვარდება“, – აღნიშნა  მაკრონმა.