საქართველო ტყის მდგრადი განვითარების სისტემის შექმნაზე მუშაობს

დიუშენის მედიკამენტების შესყიდვასთან დაკავშირებით ჩვენი პოზიციები ერთმანეთისგან დიდად არც განსხვავდებოდა. განსხვავებული შეხედულებები არსებობდა იმასთან დაკავშირებით, რამდენი მტკიცებულება იყო აუცილებელი გადაწყვეტილებების მისაღებად, – ამის შესახებ ჯანდაცვის მინისტრმა, მიხეილ სარჯველაძემ განაცხადა.როგორც მიხეილ სარჯველაძემ აღნიშნა, პროცესის დაწყებიდან – ჯერ კიდევ 2024 წლიდან, მნიშვნელოვანი იყო მედიკამენტებთან დაკავშირებით კონკრეტული გადაწყვეტილების მიღება, თუმცა არა იმპულსურად და ემოციურად, არამედ მტკიცებულებებზე დაყრდნობით.„დასაწყისიდანვე მშობლების შეხედულება იყო, რომ არ დავლოდებოდით მტკიცებულებებს და გადაწყვეტილებები უფრო სწრაფად მიგვეღო. მე მაინც ვთვლი და თავიდანვე ამ პოზიციაზე ვიდექით – გადაწყვეტილების მიღებას სჭირდებოდა მტკიცებულებები, რომელმაც მოიყარა თავი და, საბედნიეროდ, დღეს გვაქვს შესაძლებლობა ვისაუბროთ იმაზე, რომ ეს არა იმპულსური და ემოციური, არამედ გააზრებული გადაწყვეტილებაა, თუმცა აქვე მინდა, აღვნიშნო – ვერცერთ შემთხვევაში, ვერცერთ მშობელს ვერ დავადანაშაულებ იმაში, რომ მათ ეჩქარებოდათ თითოეული ნაბიჯის გადადგმა, თუმცა ეს ბუნებრივია. ჯერ კიდევ 2024 წლიდან მოყოლებული, როდესაც თანამშრომლობა და მუშაობა დავიწყეთ, თითოეულმა მათგანმა იცის, რომ აბსოლუტურად თანაგრძნობით ვარ განწყობილი და გადასარევად მესმის, რაოდენ მნიშვნელოვანია გადაწყვეტილებების სწრაფად მიღება, თუმცა აქაც დაბალანსებულად უნდა იყოს მიდგომა: ერთი მხრივ, დაყოვნება არ შეიძლება, მაგრამ ეს იმას არ ნიშნავს, რომ გაუფრთხილებლად მივიღოთ გადაწყვეტილებები, ეს რისკი, ბუნებრივია, მუდმივად პროცესის თანმდევი იყო“, – განაცხადა ჯანდაცვის მინისტრმა.როგორც მიხეილ სარჯველაძემ აღნიშნა, დიუშენის მედიკამენტებთან დაკავშირებით გადაწყვეტილების მისაღებად სამინისტროს პროცესი არ შეუჩერებია და მტკიცებულებების მოსაპოვებლად მუდმივად ეცნობოდა წამყვანი სახელმწიფოების გამოცდილებას.„პირველივე ბრიფინგზე გავაკეთე განცხადება, რომ პროცესებთან დაკავშირებით საზოგადოებას აუცილებლად ჩავაყენებდით საქმის კურსში. ჩვენ ურთიერთობების გამწვავების ფონზეც გავაგრძელეთ მუშაობა, პროცესი არ შეგვიწყვეტია, მაგალითად, სულ ცოტა ხნის წინ, ჟენევაში, მსოფლიო ჯანდაცვის ასამბლეაზე რომ ვიმყოფებოდი და მქონდა შესაძლებლობა, დაახლოებით, 15 სახელმწიფოს ძალიან მაღალი დონის თანამდებობის პირებს, ჯანდაცვისა და კლინიკური სექტორის წარმომადგენლებს შევხვედროდი, იქაც გამოიკვეთა გარკვეული შესაძლებლობები, მტკიცებულებები. ბუნებრივია, რომ ამის თაობაზე საზოგადოებასაც მივაწოდეთ მაშინ ინფორმაცია. სწორედ ამ ტიპის სამუშაოებმა შეუწყო ხელი დიდწილად საბოლოო გადაწყვეტილებების მიღებას“, – განაცხადა ჯანდაცვის მინისტრმა.მისივე თქმით, მნიშვნელოვანია, პროცესი დაკვირვებითა და ყურადღებით წარიმართოს, რათა თითოეულმა პაციენტმა მაქსიმალური სარგებელი მიიღოს.„მთელი პროცესი სრულად უნდა იყოს მორგებული პაციენტებზე. სამუშაოები სხვადასხვა მიმართულებით დაიწყება, მათ შორის, მედიკამენტების შესყიდვისა და მათი გვერდითი მოვლენების დამუშავების კუთხით. აქვე ძალიან მნიშვნელოვანია პრეპარატების თაობაზე ინფორმაციის გაზიარება იმ ექიმებისთვის, რომლებმაც უშუალოდ უნდა მართონ პაციენტები, ამიტომ, ბუნებრივია, ისინი სრულად იქნებიან პროცესებში ჩართული“, – განაცხადა სარჯველაძემ.მისივე განცხადებით, აუცილებელია ყველა დაინტერესებული მხარის ერთობლივი მუშაობა, შესაბამისად, უწყების წარმომადგენლებთან და ექიმებთან ერთად თითოეული საკითხი განხილული იქნება პაციენტების მშობლებთან.„რაც შეეხება ვადებს, რთული სათქმელია, რადგან ეს მხოლოდ ჩვენზე არ არის დამოკიდებული. საუბარია, მათ შორის, იმ ორგანიზაციებზე, რომლებთანაც კომუნიკაცია, კონსულტაცია და მოლაპარაკებები გვექნება. შემიძლია, გადაჭრით ვთქვა, რომ ყოველგვარი დაყოვნების გარეშე იქნება თითოეული გადაწყვეტილება მიღებული, უბრალოდ, ობიექტურად, შესაძლოა, გარკვეულ ნაბიჯებს მომზადება დასჭირდეს, თუმცა ყველაფერი გაკეთდება თითოეული პაციენტის საკეთილდღეოდ. ძალიან მნიშვნელოვანია, პროცესი დაკვირვებითა და ყურადღებით წარიმართოს, რათა ყოველგვარი რისკი გამოირიცხოს და მაქსიმალური სარგებელი მიიღოს თითოეულმა პაციენტმა“, – განაცხადა ჯანდაცვის მინისტრმა.მიხეილ სარჯველაძემ პროცესის გრძელვადიან პერსპექტივაზეც ისაუბრა.„ძალიან დიდი იმედი მაქვს, მომავალში გაჩნდება ახალი თაობის ძლიერი მედიკამენტები, რომლებიც განკურნების შესაძლებლობებს გააჩენს, რაც იქნება დიდი და მნიშვნელოვანი სიახლე. ამაზე მუდმივად ვსაუბრობდით და, ბუნებრივია, ამ მიმართულებით მუშაობასაც გავაგრძელებთ“, – განაცხადა ჯანდაცვის მინისტრმა.ინფორმაციას ჯანდაცვის სამინისტროს პრესსამსახური ავრცელებს.

მთელი ევროპის უსაფრთხოება, განსაკუთრებით კი რუმინეთის უსაფრთხოება, საფრანგეთისთვის უმნიშვნელოვანესია, – ასე გამოეხმაურა საფრანგეთის პრეზიდენტი ემანუელ მაკრონი რუმინეთის ქალაქ კონსტანის პორტში დრონი აფეთქებას.მისივე თქმით, საფრანგეთი რუმინეთის გვერდით დგას და გააკეთებს ყველაფერს, რათა ქვეყნის სუვერენიტეტი დაიცვას.„უკრაინაში ომის დაწყებიდან რამდენიმე საათში, რუმინეთის ხელისუფლების თხოვნის საპასუხოდ, გადავწყვიტეთ ჩვენი სამხედროების გაგზავნა რუმინეთის ტერიტორიის დასაცავად, ამიტომაც ვართ დღეს იმ უსაფრთხოების უზრუნველმყოფი ქვეყანა, რომელსაც რუმინეთი იღებს. ასე რომ, ჩვენ რუმინეთის ხელისუფლებასთან ერთად ვდგავართ და გავაკეთებთ ყველაფერს, რასაც ხელისუფლება საჭიროდ ჩათვლის, რათა დავიცვათ სუვერენიტეტი, როგორც ხმელეთზე, ისე საჰაერო სივრცეში“, – განაცხადა ემანუელ მაკრონმა.რუმინეთის ქალაქ კონსტანცის პორტში უპილოტო საფრენი აპარატი აფეთქდა, რის შემდეგაც პორტიდან სასწრაფო ევაკუაცია განხორციელდა.

მნიშვნელოვანია, მოძალადეებმა საკუთარი დანაშაული აღიარეს და ინანიებენ, რომ საკუთარი ქვეყნის წინაშე დანაშაული ძალადობით ჩაიდინეს. მნიშვნელოვანია, ათი მოძალადე აღიარებს, რომ მათი მიზანი პრეზიდენტის სასახლის ხელში ჩაგდება იყო, რაც ყველანაირად ადასტურებს, რასთან გვქონდა საქმე, – ამის შესახებ პარლამენტის თავმჯდომარემ, შალვა პაპაუშვილმა განაცხადა.მისი თქმით, ეს მნიშვნელოვანია, წერტილი დაესმევა იმ სპეკულაციებსა და პროპაგანდას, რითაც ცდილობდნენ, შავი თეთრად წარმოედგინათ და ძალადობა სიკეთედ, რასაც სამწუხაროდ, ზოგიერთი უცხოეთიდან აკეთებს.„ყველას მოვუწოდებდი, ამ მაგალითს მიბაძონ. საქართველოს ხელისუფლებამ განაცხადა, რომ სადაც იქნება სინანული, იქ იქნება ადეკვატური რეაგირება ხელისუფლების მხრიდან, ეს იქნება გამოძიების პროცესში თუ შეწყალების ფორმა, თუნცა, რა თქმა უნდა, დანაშაულის სიმძიმიდან გამომდინარე. გააჩნია, დანაშაულის სიმძიმეს. ამის მიხედვით იქნება შესაბამისი რეაგირება. ფაქტია, ეს იმ ადამიანების ჯგუფია, რომლებიც შიდა და გარე რადიკალებმა წააქეზეს დანაშაულზე. ერთი მხრივ, ეს ადამიანები რადიკალმა ოპოზიციამ წააქეზა და მეორე მხრივ, ბრიუსელიდან წამოსულმა განცხადებებმა. ეს ადამიანები დანაშაულზე წაიყვანეს, ციხისთვის გაწირეს, ციხეში მიატოვეს. ამიტომ, მნიშვნელოვანია, სხვებმაც ამ პროცესს შეხედონ, დასკვნები გამოიტანონ და სახელმწიფოს ეთანამშრომლონ და არა, სახელმწიფოს მტრებს“, – განაცხადა შალვა პაპუაშვილმა.

მიმდინარე გადატვირთვის პროცესს განსაკუთრებული მნიშვნელობა აქვს ჩვენთვის, რადგან აშშ-ის ახალი ადმინისტრაცია ამერიკულ-ქართულ ურთიერთობებთან დაკავშირებით ორ ტერმინს იყენებს – სუვერენიტეტსა და ეროვნულ ინტერესებს. სწორედ ამ ორ პრინციპს უგულებელყოფდა ბაიდენის ადმინისტრაცია – სხვა ქვეყნების სუვერენიტეტსა და ეროვნულ ინტერესებს, – ამის შესახებ საქართველოს პარლამენტის თავმჯდომარე შალვა პაპუაშვილმა ჟურნალისტებს განუცხადა.პაპუაშვილის თქმით, ორივე მხარე თანხმდება, რომ ახალი სტრატეგიული პარტნიორობა რეალურ დღის წესრიგს უნდა ეფუძნებოდეს და ორიენტირებული იყოს როგორც ქართველი, ისე ამერიკელი ხალხისთვის ხელშესახები შედეგების მიღწევაზე.„ასე რომ, ჩვენთვის მთავარია ეს ძირეული ცვლილება ამერიკის საგარეო პოლიტიკაში, რომლის შედეგადაც, იმედი გვაქვს, შესაძლებელი გახდება ახალი სტრატეგიული პარტნიორობის ჩამოყალიბება. რაც შეეხება სტრატეგიულ პარტნიორობას, რომელიც 2009 წელს, აგვისტოს საქართველო-რუსეთის ომის შემდეგ, როგორც დამამშვიდებელი პრიზი გადასცეს მაშინ „ნაციონალური მოძრაობის“ რეჟიმს, რათა საბოლოოდ არ ჩამოშლილიყო, ვფიქრობ, ამ სტრატეგიულ პარტნიორობასთან მგონი, არის სრული კონსენსუსი არა მხოლოდ ჩვენი, არამედ ამერიკელების მხრიდან, რომ ის იყო ცარიელი და არაფრისმთქმელი დოკუმენტი, დეკლარაცია, რომელსაც არ ჰქონდა არსებითი შინაარსი.ვფიქრობ, ორივე მხარე თანხმდება, რომ ახალი სტრატეგიული პარტნიორობა რეალურ დღის წესრიგს უნდა ეფუძნებოდეს და ორიენტირებული იყოს როგორც ქართველი, ისე ამერიკელი ხალხისთვის ხელშესახები შედეგების მიღწევაზე. ასე რომ, ამ მხრივ, ვფიქრობ, საერთო ხედვა გვაქვს როგორც ჩვენ, ისე აშშ-ის ადმინისტრაციას“, – განაცხადა პაპუაშვილმა.

საქართველოს პარლამენტის თავდაცვისა და უსაფრთხოების კომიტეტის თავმჯდომარე ალექსანდრე ტაბატაძე იტალიის რესპუბლიკის დეპუტატთა პალატის თავდაცვის კომიტეტის თავმჯდომარეს ანტონინო მინარდოს შეხვდა.შეხვედრაზე მხარეებმა საქართველო-იტალიის თანამშრომლობის საკითხები, საერთაშორისო და რეგიონული უსაფრთხოების გარემო, კიბერუსაფრთხოების მიმართულებით არსებული გამოწვევები და ჰიბრიდულ საფრთხეებთან დაკავშირებული საკითხები განიხილეს. ყურადღება ასევე გამახვილდა ორ ქვეყანას შორის თავდაცვის სფეროში თანამშრომლობის გაღრმავების შესაძლებლობებზე.შეხვედრისას ხაზი გაესვა საქართველოს მნიშვნელოვან როლს რეგიონში უსაფრთხოების, სტაბილურობისა და ეკონომიკური განვითარების ხელშეწყობის პროცესში. აღინიშნა საქართველოს მზარდი მნიშვნელობა, როგორც ევროპისა და აზიის დამაკავშირებელი ქვეყნისა და რეგიონული თანამშრომლობის მნიშვნელოვანი პარტნიორის.ალექსანდრე ტაბატაძემ იტალიის მხარეს საქართველოს სუვერენიტეტისა და ტერიტორიული მთლიანობის, ასევე ქვეყნის ევროპული და ევროატლანტიკური ინტეგრაციის მხარდაჭერისთვის მადლობა გადაუხადა. მან ხაზი გაუსვა საქართველოსა და იტალიას შორის არსებული მჭიდრო პარტნიორობისა და თავდაცვის სფეროში თანამშრომლობის მნიშვნელობას.მხარეებმა საპარლამენტო კომიტეტებს შორის ურთიერთობების გაძლიერების კუთხით მზადყოფნა გამოთქვეს, რაც გამოცდილებისა და საუკეთესო პრაქტიკის გაზიარების და უსაფრთხოების, ტექნოლოგიური ინოვაციებისა და რეგიონული სტაბილურობის საკითხებში ურთიერთთანამშრომლობას მოიცავს.იტალიელ კოლეგასთან გამართულ შეხვედრაზე განსაკუთრებული ყურადღება საპარლამენტო ურთიერთობებისა და ორმხრივი ვიზიტების მნიშვნელობაზე გამახვილდა, რაც თავის მხრივ, ორ ქვეყანას შორის პარტნიორობის შემდგომი გაღრმავების მნიშვნელოვან ინსტრუმენტს წარმოადგენს.შეხვედრას პარლამენტის თავდაცვისა და უსაფრთხოების კომიტეტის წევრები - ზვიად შალამბერიძე და იოსებ ჯორბენაძე დაესწრნენ.