„საქართველოში ხდება და ყურადღებით იყავით!“ – ვრცელდება გოგა მანიას უახლესი წინასწარმეტყველება

„თანავინსტერების ფონდის“ ყოფილ ხელმძღვანელს, გიორგი ბაჩიაშვილს „ქართული ოცნების“ დამფუძნებლის, ბიძინა ივანიშვილის კრიპტოვალუტის მითვისების საქმეზე 11 წლით თავისუფლების აღკვეთა მიესაჯა.აღნიშნული გადაწყვეტილება თბილისის საქალაქო სასამართლოს მოსამართლემ, გიორგი გელაშვილმა რამდენიმე წუთის წინ გამოაცხადა.თანხის მითვისების ნაწილში ბაჩიაშვილს 10 წლით თავისუფლების აღკვეთა განესაზღვრა, ხოლო უკანონო შემოსავლის ლეგალიზაციაში 11 წლით თავისუფლების აღკვეთა. ამ უკანასკნელმა 10-წლიანი სასჯელი შთანთქა და მას საბოლოოდ თავისუფლების აღკვეთა 11 წლით განესაზღვრა.როგორც მოსამართლემ აღნიშნა, ბაჩიაშვილი აღკვეთის ღონისძიების ქვეშ იმყოფებოდა, თუმცა ის საქართველოში არ იმყოფება და მართლმსაჯულებას თავი აარიდა, რაც აღკვეთის შეცვლის საფუძველი გახდა. მოსამართლის განმარტებით, სასამართლოს მიაჩნია, რომ ბაჩიაშვილის ნებისმიერი ფორმით სხდომაზე მონაწილეობის მიღება აღკვეთის ღონისძიების მიზნებს დაარღვევს.დაცვის მხარის შუამდგომლობას არ დაეთანხმა ბრალდების მხარე. პროკურორის თქმით, ბაჩიაშვილი თავს არიდებს მართლმსაჯულების განხორციელებას.ცნობისთვის, გიორგი ბაჩიაშვილს აღნიშნულ საქმეზე შეფარდებული აღკვეთის ღონისძიება გირაო პატიმრობით მას შემდეგ შეეცვალა, რაც მან ქვეყანა დატოვა. გიორგი ბაშიაჩვილისთვის წარდგენილი ბრალდება 2017 წელს განხორციელებულ ქმედებას ეხება. კერძოდ, პროკურატურის ინფორმაციით, ბაჩიაშვილმა ინვესტორს ჩადებული ინვესტიციიდან მიღებული სრული მოგების სანაცვლოდ მხოლოდ 536 900 აშშ დოლარი გადასცა, ხოლო დარჩენილი ინვესტორის კუთვნილი 8 986 ოდენობის ბიტკოინი მართლსაწინააღმდეგოდ მიითვისა, რომლის ღირებულებაც მისი მართლსაწინააღმდეგოდ დაუფლების პერიოდში 43 მილიონამდე აშშ დოლარს შეადგენდა. გიორგი ბაჩიაშვილი წარდგენილ ბრალდებაში თავს დამნაშავედ არ მიიჩნევს. აღნიშნული ქმედება 9-დან 12-წლამდე თავისუფლების აღკვეთას ითვალისწინებს.

ჩვენ არავისთან კონფრონტაცია არ გვსურს, მათ შორის, რა თქმა უნდა, გიჟი უნდა იყო, რომ რუსეთთან კონფრონტაცია სცადო. ყველაფერი ვცადე, რომ რუსეთთან კონფრონტაცია თავიდან ამეცილებინა, – ამის შესახებ საქართველოს ყოფილმა პრეზიდენტმა, მიხეილ სააკაშვილმა დღევანდელ სასამართლო პროცესზე კლინიკა „ვივამედიდან“ დისტანციურად ჩართვისას განაცხადა.მისივე თქმით, მიუხედავად ამისა, არაფერი გამოვიდა.„ჩემი საბოლოო, დიდი ოცნება არის ქართული სახელმწიფოს მძლავრი ცენტრის წარმოშობა სოხუმში. აფხაზეთთან ერთად, საქართველო, პრაქტიკულად, ორმაგი და სამმაგი ძალის არის. ამათ ყველაფერი გააკეთეს, რომ აფხაზეთი დაავიწყონ ჩვენს ხალხს, მაგრამ მე ეს ერთი წამით არ მავიწყდება. ზუსტად ვიცი, რომ ჩვენი წინაპრების საფლავები და ჩვენი ბავშვების მომავალი გვეძახის ისევ აფხაზეთისკენ. ეს მოხდება ისეთ პირობებში, როცა ქართველი ხალხი იქნება ერთიანი, ძლიერი, მშვიდობიანი, მაგრამ ძალიან მტკიცე. ჩვენ არავისთან კონფრონტაცია არ გვსურს, მათ შორის, რა თქმა უნდა, გიჟი უნდა იყო, რომ რუსეთთან კონფრონტაცია სცადო. მე ხომ ყველაფერი ვცადე, რომ რუსეთთან კონფრონტაცია თავიდან ამეცილებინა. პირველივე გამოსვლაზე ინაუგურაციაზე გავუწოდე ხელი, პირველი ვიზიტით ჩავედი მოსკოვში. ომის წინ რა არ შევთავაზეთ, ოღონდ ხელი აეღოთ თავის განზრახვაზე. 2008 წლის შემდეგ გავუხსენით საზღვრები რუს ტურისტებს, ვმასპინძლობდით რუს ჟურნალისტებს, რისთვისაც ახლა მასამართლებენ, იმ ჟურნალისტებს, რომლებსაც ჩვენი სიმართლე უნდა გაეტანათ და აგრესია შეემცირებინათ, პრაქტიკულად, ჩვენი დაცვის ერთ-ერთი ზღუდე უნდა ყოფილიყვნენ, მაგრამ არაფერი გამოვიდა, რადგან მათ არ სჭირდებათ საქართველოს სახელმწიფოს არსებობა. მათ ძალიან არ უნდათ საქართველოს სახელმწიფოს არსებობა, ნებისმიერი ფორმით. მათ არ მოსწონდათ გამსახურდია და ჰიბრიდული ოპერაციის შედეგად, სამხედრო გზით დაამხვეს. ჯერ მოახდინეს მისი სრული, მასობრივი პროპაგანდისტული დაბომბვა და შემდეგ უკვე პირდაპირი გზით დაბომბვა. მათ არ მოსწონდათ არც შევარდნაძე და, რა თქმა უნდა, არ მოვწონდი მე. მეტიც, მათ არც ივანიშვილი მოსწონთ ბოლომდე, რადგან მათ არ მოსწონთ თვითონ იდეა, რომ ვიღაც კიდევ არის მათი ჩამნაცვლებელი. მიაჩნიათ, რომ მთლიანად ყველაფერი მათი უნდა იყოს. შუამავლები მათ არ სჭირდებათ საქართველოს განადგურებასა და კონტროლში“, – განაცხადა სააკაშვილმა.

ვერ ვიტყვი, რომ ხაზარაძემ დანაშაული აღიარა, მაგრამ ის იძულებულია, ჯარიმა გადაიხადოს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, ხაზარაძე ვალდებული იყო, ეს გაეკეთებინა.„სახელმწიფოს სერიოზული ზარალი მიაყენა იმით, რომ სახელმწიფომ მილიონი დოლარი დახარჯა იმ ვალდებულების შესასრულებლად, რასაც ანაკლიის პორტის და მისი შემოგარენის განვითარება ჰქვია. სახელმწიფო ბიუჯეტმა პროექტში უშველებელი რესურსი ჩადო, პროექტის შემსრულებელმა კი არაფერი, გარდა იმისა, რომ სერიოზული პოლიტიკური და ეკონომიკური ზარალი მიაყენა იმით, რომ წლების განმავლობაში ეს თემა ვერ განვითარდა და საქართველოსთვის მნიშვნელოვანი სატრანზიტო რესურსი არ იყო ამოქმედებული. აქედან გამომდინარე, მის მიერ ჯარიმის გადახდა, მით უმეტეს, თუ ამას არბიტრაჟი ავალებს, ის ვალდებულება იყო, რასაც იძულებითი ნაბიჯი ჰქვია. აქედან გამომდინარე, ვერ ვიტყოდი, რომ იგი გონს მოეგო, რამე აღიარა ან პოზიცია შეიცვალა ამ საკითხთან დაკავშირებით, წინააღმდეგ შემთხვევაში, პოლიტიკურ ქოლგას შეფარებული ხაზარაძე დიდი ხნის წინ გააკეთებდა განცხადებას თავისი გეგმებისა და ამოცანების შესახებ“, – განაცხადა გია ვოლსკიმ.

სირიაში განვითარებულ მოვლენებთან დასავლეთის კავშირებზე წერს სოციალურ ქსელში „ხალხის ძალის“ წევრი თამარ ჩიბურდანიძე. როგორც ჩიბურდანიძე აღნიშნავს, შემაშფოთებელია ის უმოქმედობა, რასაც დასავლეთი იჩენს, როცა არათუ არ აჩერებს სისხლისღვრას, არამედ საშინელი მოვლენების დამგმობი განცხადებების გაკეთებისგანაც კი იკავებს თავს და დუმილს ირჩევს.„შემზარავ ფაქტებს ვუყურებთ ბოლო სამი წელი უკრაინაში და დღეს უკვე სირიაშიც. თუკი უკრაინაში საკუთარი დანაშაული ომის პოლიტიკის ავტორებმა „პატრიოტიზმით“ შეფუთეს, სირიაში ცდილობენ ეს საშინელი ფაქტები საპირისპირო მხარეს დააბრალონ და თავად ისევ „მშვიდობის მტრედებად“ მოგვევლინონ. თუმცა, უკვე იმდენად გაშიშვლდა მათი პოლიტიკა, რომ საკუთარი ქვეყნების მოქალაქეებსაც კი ვეღარ ატყუებენ.საოცარი ისაა, რომ აქამდე ფარისევლურ შეშფოთება-აღშფოთებას მაინც გამოხატავდნენ და ახლა სამარისებური დუმილი აქვთ. დავიჯეროთ, სინდისმა შეაწუხათ? არა, უბრალოდ მათსავე მოყვანილ ხელისუფლებას ხომ არ გალანძღავენ? რაღაც მცირედით შეიძლება გააკრიტიკონ, მაგრამ ესეც მხოლოდ ხალხის თვალის ასახვევად, ზუსტად ისე, როგორც იქცეოდნენ სააკაშვილის ხელისუფლების მიმართ.პოლიტიკის დიდ თამაშებს ყოველთვის უდანაშაულო ადამიანები ეწირებიან, მაგრამ უკრაინის, ღაზის და ახლა უკვე სირიის მოვლენები ზედმეტად დიდი მსხვერპლია ახალი საუკუნის დასაწყისისთვის. ეს ის მსხვერპლია, რომელსაც რომელიმე მხარისთვის არც შედეგი მოუტანია და მსოფლიოც გაურკვეველ ქაოსში გახვია.ჩვენ ყველაზე მეტად ჩვენი ქვეყანა გვტკივა. შემზარავია იმის გააზრება, რომ დასავლეთი ზუსტად ისეთ „დემოკრატიულ“ სახელისუფლებო ცვლილებებს გეგმავდა საქართველოში, რაც განახორციელეს უკრაინასა და სირიაში. სწორედ მათ სინდისზეა ამ ქვეყნებში დაღვრილი სისხლი, რისი უფლებაც საქართველოში არ მივეცით“, - წერს თამარ ჩიბურდანიძე.

საქართველოს ტექნიკური უნივერსიტეტის რექტორი, აკადემიკოსი დავით გურგენიძე ცნობილ მეცნიერსა და დამსახურებულ ეკონომისტს, საქართველოს სოფლის მეურნეობის მეცნიერებათა აკადემიის ნამდვილ წევრს, ირაკლი ჟორდანიას სახელობის საქართველოს საწარმოო ძალებისა და ბუნებრივი რესურსების შემსწავლელი საუნივერსიტეტო ცენტრის მკვლევარს, პარლამენტის ყოფილ წევრს, მინისტრთა საბჭოს ყოფილ თავმჯდომარეს, სოფლის მეურნეობის ყოფილ მინისტრს, მეცნიერების განვითარებაში შეტანილი განსაკუთრებული წვლილისთვის არაერთი ჯილდოს, მათ შორის სტუ-ის ოქროს მედლის მფლობელს, აკადემიკოს ნოდარ ჭითანავას დაბადებიდან 89-ე წელს ულოცავს. ინფორმაციას საქართველოს ტექნიკური უნივერსიტეტი ავრცელებს.„ბატონო ნოდარ, გულითადად გილოცავთ 89-ე დაბადების დღეს! თქვენმა გამორჩეულმა კარიერამ და ფასდაუდებელმა წვლილმა მეცნიერებასა თუ საჯარო სამსახურში, წარუშლელი კვალი დატოვა ქვეყნის განვითარების მიმართულებით. როგორც საქართველოს სოფლის მეურნეობის მეცნიერებათა აკადემიის აკადემიკოსმა, ჟორდანიას სახელობის საქართველოს სამრეწველო ძალებისა და ბუნებრივი რესურსების შემსწავლელი საუნივერსიტეტო ცენტრის ერთ-ერთმა გამორჩეულმა მკვლევარმა, რომლის სამეცნიერო ინტერესები მოიცავს გლობალიზაცისა და საქართველოში გარდამავალი პერიოდის სოციალურ-ეკონომიკური და სოფლის მეურნეობის განვითარების პრობლემატიკის, ასევე, სახელმწიფოსა და ეკონომიკის ურთიერთდამოკიდებულების თანამედროვე პრობლემების შესწავლას, 150-მდე სამეცნიერო ნაშრომის, მათ შორის 15 მონოგრაფიის ავტორმა და არაერთი სახელმწიფო ჯილდოს მფლობელმა, თქვენ მნიშვნელოვანი როლი შეასრულეთ ქართული მეცნიერების განვითარებაში, ხოლო როგორც საქართველოს სახელმწიფოებრივი დამოუკიდებლობის აღდგენის აქტზე ხელმომწერმა, გადამწყვეტი როლი ითამაშეთ ჩვენი ქვეყნის სწრაფვაში სუვერენიტეტისკენ.თქვენი თავდადება, სიბრძნე და დაუღალავი ძალისხმევა მაგალითს აძლევს მეცნიერთა, მკვლევართა და პროფესიონალთა თაობებს. მადლობელი ვართ თქვენი ხანგრძლივი აკადემიური და სამეცნიერო მოღვაწეობისთვის. გისურვებთ დღეგრძელობას, ჯანმრთელობას და წარმატებებს“, - აღნიშნულია რექტორის, აკადემიკოს დავით გურგენიძის მილოცვაში.რექტორის მილოცვას საქართველოს ტექნიკური უნივერსიტეტის ადმინისტრაცია და სამეცნიერო-აკადემიური წრეები უერთდებიან.