საქართველოში შობადობა, წინა წელთან შედარებით, 5,6%-ით შემცირდა

მოსალოდნელი იყო, რომ სააკაშვილი გარკვეულწილად გაემიჯნებოდა „ალიანსს“, რადგან საზოგადოების ნაწილს გაცნობიერებული აქვს ის დანაშაულები, რაც სააკაშვილის პერიოდში მოხდა, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, ისეთ ილუზიას ქმნიან, თითქოს „ალიანსი“ აერთიანებს ადამიანებს, რომლებიც სააკაშვილს უპირისპირდებიან, არ აქებენ, მონურ მორჩილებას არ იჩენენ.„საზოგადოებას ეუბნებიან, გაერთიანდით ყველა, ვინც თავს ოპოზიციონერს უწოდებს, მაგრამ ფაქტია, ეს არის „კოლექტიური ნაცმოძრაობა“. არავინ არასდროს გამიჯვნია არც სააკაშვილს, არც ერთმანეთთან ჰქონიათ სხვაობა პოლიტიკაში, ან თუნდაც საერთო საკაცობრიო თუ ჩვეულებრივ ყოველდღიურ საკითხებზე. შეიძლება, პიროვნულად ერთმა მეორეზე რამე თქვას ან ჭორი წამოროშოს, მაგრამ ფაქტია, ეს არის „კოლექტიური ნაცმოძრაობა“ და ამ კოლექტიურ „ნაცმოძრაობას“ აქვს სააკაშვილის სახე. ყველაფერი გადაფარულია იმ სისხლითაც, იმ ქმედებებითაც, რომელმაც საქართველოში ძალიან მძიმე მემკვიდრეობა დატოვა“, – განაცხადა გია ვოლსკიმ.მისი თქმით, მიხეილ სააკაშვილის გარეშე ეს „ალიანსი“ არ არსებობს.„ალიანსი“ არის სააკაშვილთან ერთად. სააკაშვილი არის მთავარი სახე, მაგრამ ცდილობენ, საკუთარი ალიანსი წარმოაჩინონ ისე, თითქოს აქ პლურალიზმია. თითქოს ზოგიერთი ემიჯნება იმ წარსულს, რასაც ჩვენ სამართლიანად სისხლიან წარსულს ვეძახით. ზოგიერთი თითქოს ახლებურად უდგება ამ თემას, მაგრამ ძირითადად ყველა ის შემადგენელი სტრუქტურა, ერთეული თუ ადამიანთა რესურსი იყო ჩართული იმ დანაშაულებში, რომელსაც სააკაშვილთან ერთად ჩადიოდნენ. განსხვავება დამისახელეთ და მაშინ შეიძლება, გავაგრძელოთ მსჯელობა. ეს არის განზრახ შემოტანილი თემა, თითქოს აქ სხვადასხვა აზრი არსებობს სააკაშვილის რეჟიმთან ან მის მიერ ჩადენილ და უკვე აღიარებულ დანაშაულებთან მიმართებაში. არსებობს ადამიანთა ჯგუფი, გვარები შეგვიძლია დავასახელოთ, რომლებიც ამბობენ, დიახ, ეს დანაშაულები ჩადენილია და, დიახაც, სწორად მოვიქეცით. თუნდაც ტერიტორიების დაკარგვასთან და რუსეთისთვის მირთმევასთან დაკავშირებით გარკვეული ადამიანები ყოველდღე სხვადასხვა მედიასაშუალებენით გამოდიან და ამბობენ: „დიახ, სწორად მოვიქეცით“. არიან მეორენი, რომლებიც ამბობენ, რომ შეცდომები იყო დაშვებული. ჩერგოლეიშვილი ამბობს, რომ სააკაშვილი უნდათ, ისეთ იმპერატორად აქციონ, რომელსაც ყველანი უნდა გავყვეთ და ეს ასე არ არის. თითქოს გაემიჯნა, მაგრამ ბოკერია იყო ერთ-ერთი მნიშვნელოვანი მექანიზმი იმ დანაშაულებრივი, გესტაპოს მართვის სისტემის, რომელიც შეიქმნა. სააკაშვილი განზრახ ამბობს, თითქოს ამ ალიანსში რაღაც სხვადასხვაობა არსებობს. ორი რამის ერთმანეთში გადაზელვა უნდა მოხდეს ისე, რომ  ახალგაზრდებმა არ უნდა იცოდნენ, რეალურად რაში მდგარეობს კონსპირაცია“, – განაცხადა გია ვოლსკიმ.

ვლადიმერ პუტინმა რუსეთს ყველა მოქალაქეს მოუწოდა, იმუშაონ უკრაინაში რუსი ჯარისკაცების წარმატებისთვის. ამის შესახებ რუსეთის პრეზიდენტმა მოსკოვში გამართულ ფორუმზე სიტყვით გამოსვლისას ისაუბრა.ვლადიმერ პუტინმა კიდევ ერთხელ შეადარა უკრაინაში რუსეთის მიერ წამოწყებული ომი მეორე მსოფლიო ომს.„დიდი სამამულო ომის დროს მთელი ზურგი მუშაობდა ფრონტისთვის, ჩვენი ჯარისკაცებისთვის, ჩვენი მცველებისთვის, მაგრამ ისინი არ აკეთებდნენ მხოლოდ ტანკებს, თვითმფრინავებს და ჭურვებს. ბავშვები, ბებიები, ქალები წინდებს ქსოვდნენ, აგზავნიდნენ ფრონტზე ამანათებს და საჩუქრებს. აი, ამაშია ერთობა და ამაში მდგომარეობს ჩვენი გამარჯვებების წარმატება. ასე იქნება ახლაც“, – განაცხადა რუსეთის პრეზიდენტმა.ცნობისთვის, „ლევადა ცენტრის“ ბოლო სოციოლოგიური კვლევებით, რუსეთის სულ უფრო მეტი მოქალაქე უჭერს მხარს უკრაინასთან მოლაპარაკებებს. ასე ფიქრობს გამოკითხულთა 67%. ამასთან ერთად, შემცირდა უკრაინის წინააღმდეგ ომის მხარდამჭერთა რაოდენობა. საომარ მოქმედებების გაგრძელებას გამოკითხულთა 24% ემხრობა.

რამდენჯერ უნდა დააწესონ სანქციები? ერთხელ, ორჯერ, სამჯერ? გავიგეთ ეს ყველაფერი, მაგრამ აქ ხომ ქვეყნის ინტერესებზეა საუბარი, – ამის შესახებ დედაქალაქის მერმა, კახა კალაძემ მედიასთან ისაუბრა.ჟურნალისტების კითხვაზე, რომევროკავშირის უმაღლესი წარმომადგენლმა, კაია კალასმა საქართველოსთან დაკავშირებით სანქციებზე კიდევ ერთხელ ისაუბრა, თბილისის მერმა აღნიშნა, რომ ევროპელ ბიუროკრატებს არგუმენტები არ უყვართ.„სანქციებთან დაკავშირებით განცხადება არაერთხელ გაკეთდა და კიდევ ერთხელ გავიმეორებ, როდესაც საქმე ქვეყნის ინტერესებს ეხება, ჩვენ ვიქნებით უკომპრომისო. გვექნება ძალიან პრინციპული პოზიცია. დავიცავთ საქართველოს ინტერესებს, ქვეყნის მომავალს და ქართველი ხალხის ინტერესს. ჩვენ ჩვენს საქმეს ვაკეთებთ, ვახორციელებთ იმ პოლიტიკას, სადაც ხალხისა და ქვეყნის ინტერესია დაცული. რამდენჯერ უნდა დააწესონ სანქციები? ერთხელ, ორჯერ, სამჯერ? გავიგეთ ეს ყველაფერი, მაგრამ აქ ხომ ქვეყნის ინტერესებზეა საუბარი. ზოგადად, ევროპელ ბიუროკრატებს არგუმენტები არ უყვართ. ისინი მხოლოდ ზედაპირული მესიჯებით, მუქარებითა და შანტაჟით შემოიფარგლებიან. ამდენი ხანია, მათგან მოდის მუქარა, თუნდაც ე.წ. გამჭვირვალობის კანონთან დაკავშირებით. ჩვენ ვითხოვთ მხოლოდ ერთ რამეს, რატომ არის აღნიშნული კანონი პრობლემა ან რატომ ეწინააღმდეგება ევროპულ ღირებულებებს, მაშინ როცა სხვადასხვა ევროპული ქვეყანა თავად საუბრობს მსგავსი კანონის აუცილებლობაზე? ჩვენ რომ ეს კანონი მივიღეთ, გახსოვთ, რა შემოტევები იყო და დღესაც იგივე გრძელდება“, – განაცხადა კახა კალაძემ.

,,მსოფლიოში, რომელიც ჩამოყალიბდა ამერიკისა და ისრაელის მიერ ირანზე განხორციელებული თავდასხმის შემდეგ, საერთაშორისო ძალთა ბალანსი ისე შეიცვალა, რომ ევროპამ და ამერიკამ ცხელი ზაფხულის წინ „გაყინული ურთიერთობების“ მდგომარეობა აირჩიეს. რა ბედი ელის სხვა ქვეყნებს? ეს იყო კითხვა, რომელიც დღეს ერთმა ეკონომიკურმა აქტივისტმა დამისვა. აქ ვუზიარებ ჩემს აუდიტორიას იმ შეფასების ნაწილს, რომელიც მასთან განვიხილე. პირველ რიგში, თვალშისაცემია გლობალური ვაჭრობის რეკორდული მოცულობა, რომელსაც თან ახლავს ფასების ზრდა. გაზაფხული არის პერიოდი, რომელიც წელიწადში ერთხელ მოდის და წარმოადგენს შანსს, დაიწყოს საკვების უზრუნველყოფისა და სასურსათო ჯაჭვის უსაფრთხოების გაძლიერების მიმართულებით ნაბიჯების გადადგმა. თუმცა ამ მიმართულებით ნებისმიერი მცდელობა საჭიროებს ნედლეულს, როგორიცაა ქიმიური სასუქები და მეცხოველეობის დანამატები. თვითონ სასოფლო-სამეურნეო პროდუქციის შეგროვებაც და შეფუთვაც კი დამოკიდებულია იმ პეტროქიმიური პროდუქციის წარმოებასა და განაწილებაზე, რომლის დიდი ნაწილი ამჟამად სპარსეთის ყურეშია გაჩერებული. ტრამპის წარუმატებელმა პოლიტიკამ ვერ უზრუნველყო ამ საქონლის თავისუფალი გადაადგილება დანიშნულების ადგილებისკენ. შედეგად, 2026 წლის ცხელი ზაფხული მოიტანს პროდუქტების დეფიციტს, შეზღუდულ შესაძლებლობებს მოსავლის აღებისა და დამზადებისთვის, ხოლო ტრანსპორტირების ხარჯები გადააჭარბებს რიგითი მოსახლეობის შეზღუდულ შემოსავალს მთელ მსოფლიოში. ამ ვითარების ჯამური შედეგი არის ინფლაცია და პროდუქტების მოხმარების შემცირება. ეს განსაკუთრებით გამოიწვევს საზოგადოებრივ უკმაყოფილებას იმ ქვეყნებში, სადაც მოსახლეობა შეჩვეულია უფრო კომფორტულ ცხოვრებას. რაც უფრო მწირი ხდება სუფრა, მით უფრო ადრე დგება შემოდგომა. შემოდგომა, რომელსაც თან ახლავს სიცივე და ენერგორესურსების დეფიციტი, ცხოვრების ხარჯებს კიდევ უფრო ზრდის. ამ ეტაპზე ევროპა უფრო მოწყვლადი ხდება ცხოვრების ყაიდისა და რესურსების ნაკლებობის გამო. ამერიკა ევროპის გარეშე არის ის, რასაც ახლა ვხედავთ: ქვეყანა, რომლის ვიცე-პრეზიდენტი ვაშინგტონში თვითმფრინავის კიბეზე ბოლთას სცემს, სანამ ისლამაბადიდან არ მოვა ინფორმაცია, რომ ირანმა მოლაპარაკებებს მწვანე შუქი აუნთო. მხოლოდ ამის შემდეგ აფრინდება ამერიკის ნომერ პირველი თვითმფრინავი. ამ პირობებში, რის გაკეთებას შეძლებს ამერიკა, რათა შეიცვალოს ევროპის პოზიცია? ეს იყო ჩემი მეგობრის მეორე კითხვა. ჩემი მოკლე პასუხი იყო: ასეთ ვითარებაში ამერიკა გააძლიერებს დაპირისპირებას მარტო დარჩენილ ევროპასთან და მას გლობალურ მასშტაბზე გადაიყვანს. ეს ნიშნავს მცირე და საშუალო „კარტების“ თამაშს. ამ ეტაპზე ამერიკამ შესაძლოა ბევრი გასწიროს, რათა ევროპაში შიში გააჩინოს. საერთაშორისო ურთიერთობების ისტორია აჩვენებს, რომ ამერიკა არ ერიდება სუსტი მოკავშირეების გაწირვას. ერთ-ერთი ნათელი მაგალითია ავღანეთი. ამერიკის 20-წლიანი ინვესტიცია ავღანეთის რესპუბლიკის პერიოდში, 2020 წელს რამდენიმე კვირაში დასრულდა აშრაფ ღანისგან თალიბანისკენ მოულოდნელი შემობრუნებით. მსგავსი რამ მოხდა ლიბიაშიც, კადაფის მმართველობის დროს. მას შემდეგ, რაც კადაფი ამერიკისკენ გადაიხარა, იგი მოიშორეს, რათა ევროპისთვის მნიშვნელოვანი საზღვაო სავაჭრო ზონა — ხმელთაშუა ზღვა — კრიზისში ჩაეგდოთ. ამ თამაშში ვაშინგტონის სტრატეგიული პარტნიორი, ისრაელიც მონაწილეობდა. დღეს მოსადის ყოფილი ხელმძღვანელი ღიად აცხადებს, რომ ისრაელმა შექმნა ისლამური სახელმწიფო, რათა დაესრულებინა ამერიკის თამაში. ისლამური სახელმწიფოს გეოგრაფია ახლო აღმოსავლეთი იყო, მაგრამ მისი დანაყოფები მოქმედებდნენ ევროპაში, რუსეთში, აფრიკაში, ჩრდილოეთ კავკასიაში, ცენტრალურ აზიასა და ავსტრალიაშიც კი — შიშის დასათესად. ახლა ისევ ჩანს იმავე პოლიტიკის ნიშნები — პოლიტიკას, რომელსაც, ჩემი აზრით, ახალი მსხვერპლი მოჰყვება. მსოფლიოს წინაშე ორი გზა დგას: ან დავრჩეთ და ვუყუროთ ძვირადღირებული თამაშის გამეორებას, ან ვიფიქროთ შეზღუდული, მაგრამ ეფექტური კოალიციების შექმნაზე, ეროვნული და რეგიონული ინტერესების დასაცავად. თუმცა გამოწვევებთან ერთად არსებობს შესაძლებლობებიც: ჩრდილოეთ-სამხრეთის კორიდორის გაძლიერება: ირანსა და კავკასიას შეუძლიათ ტრანზიტული ინფრასტრუქტურის გაუმჯობესებით შექმნან უსაფრთხო და ნაკლებად ძვირადღირებული მარშრუტი ინდოეთიდან და სპარსეთის ყურიდან ევროპასა და რუსეთამდე. ეს კორიდორი შეამცირებს რთულ მარშრუტებზე დამოკიდებულებას. თანამშრომლობა სასურსათო უსაფრთხოების მიმართულებით: ირანმა, მიუხედავად სანქციებისა, შეძლო გარკვეულ სასოფლო-სამეურნეო პროდუქტებსა და ქიმიურ სასუქებში ნაწილობრივი თვითკმარობის მიღწევა. ირანის მეზობლებს შეუძლიათ, სტაბილური შეთანხმებების გზით, დააკმაყოფილონ იმპორტის საჭიროებების ნაწილი შეთანხმებულ ფასად და გლობალური ბაზრის რყევების გარეშე ალტერნატიული მექანიზმები: ბარტერულმა შეთანხმებებმა შეიძლება შეამციროს ზეწოლა და შეინარჩუნოს ორმხრივი ვაჭრობა. ირანის ბევრმა კეთილმა მეზობელმა გონივრულად აირჩია თავისი გზა. ამჟამინდელ სიტუაციაში საუკეთესო პოლიტიკაა „ერთ პოლუსზე ზედმეტი დამოკიდებულების თავიდან აცილება“ და „ეკონომიკური პარტნიორების დივერსიფიკაცია“. ჩემი აზრით, ერთად შეგვიძლია ზაფხულის მართვა და შემოდგომის გადატანა სიცივის შიშის გარეშე''- ამის შესახებ  ირანის ისლამური რესპუბლიკის ელჩი საქართველოში ალი მოჯანი   წერს.

უნგრეთის მოქმედი პრემიერ-მინისტრი ვიქტორ ორბანი ევროკავშირის უზენაესი სასამართლოს გადაწყვეტილებას ეხმაურება, რომლის მიხედვითაც. უნგრეთის ანტილგბტქ კანონები ევროკავშირის ღირებულებებს არღვევს.„ბრიუსელის სატკეპნი მანქანა უკვე მუშაობს. ჩვენმა პატრიოტულმა მთავრობამ უნგრელი ბავშვები დაიცვა აგრესიული ლგბტქ პროპაგანდისგან. ახლა ბრიუსელის იმპერია საპასუხო დარტყმებს ახორციელებს. ჩვენ ევროპის სულისთვის ბრძოლას არ დავთმობთ“, – წერს ორბანი სოციალურ ქსელში.ცნობისთვის, ევროკავშირის უზენაესმა სასამართლომ დაადგინა, რომ უნგრეთში 2021 წელს მიღებული  კანონი, რომელიც არასრულწლოვნებისთვის გენდერის შეცვლის „პოპულარიზაციას“ კრძალავდა, ეწინააღმდეგება ევროკავშირის წესებს თანასწორობისა და უმცირესობათა უფლებების შესახებ და პირველად ისტორიაში დაარღვია ევროკავშირის ხელშეკრულების მე-2 მუხლით განსაზღვრული ფუნდამენტური ღირებულებებიც.