საქართველოში ქრისტიანობის სახელმწიფო რელიგიად გამოცხადების 1 700 წლის იუბილესთან დაკავშირებით, საქართველოს მთავრობისა და საპატრიარქოს ერთობლივი კომისიის სხდომა გაიმართა

გიოსა და ანამარიას ჩვენი მხარდაჭერა სჭირდებათმეგობრებო, ამ ორ პატარას -10 წლის გიოსა და მის 9 წლის დაიკოს, ანამარიას - ჩვენი დახმარების გარეშე გაუჭირდებათ. ბავშვებს განვითარების შეფერხება აქვთ და ახლა გადამწყვეტი 2-თვიანი მკურნალობის კურსი უნდა დაიწყონ.ოჯახს მუდმივად უწევს ძვირადღირებული მედიკამენტების შეძენა, რისი ფინანსური შესაძლებლობაც ამ ეტაპზე აღარ გააჩნიათ. ჩვენი მიზანია შევაგროვოთ სულ რაღაც 500 ლარი, რაც მათთვის იმედის მომცემი იქნებაგთხოვთ, გავერთიანდეთ: თუნდაც 1 და 2 ლარი დიდ ცვლილებას მოახდენს!თუ თანხით ვერ ეხმარებით, გააზიარეთ პოსტი, რომ სხვამ ნახოს.საბანკო რეკვიზიტები: საქართველოს ბანკი: GE66BG0000000610025929 თიბისი ბანკი: GE66TB7842845061100138 მიმღები: გიორგი ბერიშვილი პირადი ნომერი: 46550001060

ცეცხლის შეწყვეტა ხშირად სრულყოფილი არ არის, – ამის შესახებ აშშ-ის ვიცე-პრეზიდენტმა, ჯეი დი ვენსმა თეთრ სახლში პრესსკონფერენციაზე განაცხადა.ჟურნალისტმა ვიცე-პრეზიდენტს ჰკითხეს ქურდისტანის რეგიონზე დრონების შეტევების შესახებ, რომლებიც აშშ-სა და ირანს შორის ცეცხლის შეთანხმების მიუხედავად არ შეჩერებულა.როგორც ვენსმა აღნიშნავს, მოქალაქეებზე ნებისმიერი შეტევა მიუღებელია.„სამწუხაროდ, ცეცხლის შეწყვეტა ხშირად სრულყოფილი არ არის, მაგრამ ძალადობის მნიშვნელოვან შემცირებას ვხედავთ“, -აღნიშნა ვენსმა.მან ასევე მაგალითად მოიყვანა ღაზაში ცეცხლის შეწყვეტა, სადაც შეთანხმების მიუხედავად საბრძოლო მოქმედებები გაგრძელდა.როგორც ვენსმა აღნიშნა, აშშ-ის ორი ვარიანტი აქვს, სამშვიდობო მოლაპარაკებები ან ომი.„პრეზიდენტმა გვთხოვა, გვითხრა, რომ ირანელებთან აგრესიულად ვაწარმოოთ მოლაპარაკებები. არსებობს ვარიანტი „ბე“, რომლის მიხედვითაც შეგვეძლო სამხედრო კამპანიის განახლება და ამერიკის მიზნების მიღწევა. ეს არ არის ის, რაც პრეზიდენტს სურს. მგონია, რომ ირანელებსაც არ სურთ“, -აღნიშნა ვენსმა.

31 წლის დიმიტრი კასრაძეს საზოგადოების მხარდაჭერა სჭირდება. ახალგაზრდის მდგომარეობა უკიდურესად მძიმეა. მას სწორი ნაწლავის სიმსივნე აქვს.„ხალხის იმედად  ვარ დარჩენილი. გთხოვთ დამეხმარეთ, არ მინდა დიტო დავკარგო. არ გავიარო იგივე გზა, რაც ერთხელ გავიარე“,-წერს პაციენტის დედა.ექიმები ყველაფერს აკეთებენ, რომ დiმიტრი მიიყვანონ ქიმიოთერაპიამდე, მაგრამ დრო ძალიან ცოტაა… ყოველი წუთი სასიცოცხლოდ გადამწყვეტია.დომიტრი ამჟამად გადის მკურნალობას კლინიკაში, თურქეთში, სამსუნში.ანგარიშის ნომერითიბისი: #GE78TB7482345061100002საქ.ბანკი: #GE75GB0000000240522600მიმღები თათია გოგუაძე (დეიდაშვილი)  

თბილისში ისრაელის საელჩომ ისრაელის სახელმწიფოს დამოუკიდებლობის 78-ე წლისთავი საზეიმო მიღებით აღნიშნა.ღონისძიებას ესწრებოდნენ ოფიციალური პირები, დიპლომატიური კორპუსის, ებრაული თემის, სამოქალაქო საზოგადოებისა და კულტურის სფეროს წარმომადგენლები.საქართველოში ისრაელის ელჩმა, ვალიდ აბუ ჰაიამ ისაუბრა ქვეყნის განვითარების, დემოკრატიული პროგრესისა და მეცნიერების, მედიცინის, ტექნოლოგიების სფეროში მიღწევების შესახებ.„ისრაელის საელჩო, ჩვენს ქართველ მეგობრებთან და დიპლომატებთან ერთად, თბილისში ზეიმობს ისრაელის სახელმწიფოებრიობის 78-ე წლისთავს. ძალიან მნიშვნელოვანი საღამოა ჩვენთვის, ეს ჩვენი დამოუკიდებლობის დღეა. ძალიან ბევრს ნიშნავს ჩვენთვის და ჩვენი ქართველი მეგობრობისთვის. ამას ხედავთ კიდეც, მთავრობიდან, სამინისტროებიდან ბევრი სტუმარი მოვიდა, რომ ჩვენთან ერთად იზეიმოს – აქ იმყოფება საქართველოს საგარეო საქმეთა მინისტრის მოადგილე, ასევე, პარლამენტის წევრები, ელჩები და დიპლომატები. აგრეთვე, ხალხი, რომელთაც აქვთ კარგი კავშირი ისრაელთან და ჩვენს საელჩოსთან. ეს ადამიანები გრძნობენ, რომ უნდა მოვიდნენ და დაუჭირონ მხარი ისრაელს დღევანდელ საღამოს. მადლობა ყველას. ისრაელი 78 წლისაა, მაგრამ ძალიან ახალგაზრდაა. ამ წლების განმავლობაში ჩვენი ქვეყანა განვითარდა და ბევრი რამით შეგვიძლია, ვიამაყოთ. მიუხედავად არაერთი კონფლიქტისა, რომელიც გამოვიარეთ, ჩვენ შევძელით ძალიან კარგი ეკოსისტემის შექმნა ტექნოლოგიებისთვის, განათლებისთვის, სოფლის მეურნეობისთვის, რისი გაზიარებისთვისაც მზად ვართ, მათ შორის საქართველოსთან და ამას წლების განმავლობაში ვაკეთებთ კიდეც. ჩვენ მზად ვართ, საქართველოსთან ურთიერთობები განვავითაროთ. მადლობა მობრძანებისთვის, განსაკუთრებით ამ კონფლიქტის დროს, ეს მხარდაჭერისა და სიყვარულის დიდი ნიშანია ისრაელისთვის და ჩვენ ამ სიყვარულს უკან ვუბრუნებთ ყველა ქართველს“, – განაცხადა საქართველოში ისრაელის ელჩმა, ვალიდ აბუ ჰაიამ.საქართველოს საგარეო საქმეთა მინისტრის მოადგილემ, ალექსანდრე ხვთისიაშვილმა ყურადღება გაამახვილა საქართველოსა და ისრაელს შორის მრავალსაუკუნოვან მეგობრობასა და პარტნიორობის გაღრმავების მნიშვნელობაზე.ღონისძიებაზე განსაკუთრებული ყურადღება დაეთმო ორ ქვეყანას შორის 2600-წლიან ისტორიულ კავშირებსა და თანამშრომლობას.როგორც აღინიშნა, ისრაელის დამოუკიდებლობის დღის წლევანდელი თემა – „განახლების ძალა“ ასახავს როგორც ისრაელის ეროვნულ გზას, ასევე, იმ სიცოცხლით სავსე ურთიერთობებსა და პარტნიორობას, რომელიც ისრაელსა და საქართველოს აკავშირებს.

ევროპულმა სასამართლომ დღევანდელ გადაწყვეტილებაში ძალიან მკაფიოდ თქვა, რომ სახელმწიფოს ლეგიტიმური უფლებაა, საჯარო მოსამსახურეები, მათ შორის პოლიტიკური თანამდებობის მქონე პირები დაიცვას თავდასხმებისგან, – ამის შესახებ საქართველოს იუსტიციის მინისტრის პირველმა მოადგილემ, ბექა ძამაშვილმა საქმეზე „მილაძე საქართველოს წინააღმდეგ“ სტრასბურგის სასამართლოს გადაწყვეტილების შეფასებისას განაცხადა.ბექა ძამაშვილის განმარტებით, გადაწყვეტილება ადგენს ბალანსს გამოხატვის თავისუფლებასა და ადამიანის სხვა უფლებებს შორის.„კონკრეტული ადამიანების – საჯარო მოსამსახურეების, თუნდაც პოლიტიკური თანამდებობის პირების მიმართ, არ შეიძლება, გამოხატვის თავისუფლება იყოს აბსოლუტური, ისე, რომ ვისაც მოუნდება, საჯარო სივრცეში შეურაცხყოფა მიაყენოს, მუქარა გამოხატოს, სიძულვილის ენით ისაუბროს, დაამციროს. ამგვარი გამოხატვის ფორმა ევროპული სასამართლოს პრაქტიკით არის დაუშვებელი. ხშირად მედიაში ვრცელდება ხოლმე არასწორი ნარატივი, თითქოს საჯარო მოსამსახურეს თუ თანამდებობის პირს უნდა ჰქონდეს თმენის ისეთი ვალდებულება, რომ მის მიმართ გამოხატული ყოველგვარი შეურაცხყოფა მოითმინოს“, – აღნიშნა ძამაშვილმა.ამასთან, ძამაშვილის თქმით, ევროპული სასამართლო სრულად დაეთანხმა, რომ ვირტუალურ სივრცეში, ინტერნეტსივრცეში გამოხატვის ფორმა არათუ ნაკლებ, შეიძლება, უფრო მეტ საფრთხეებსაც შეიცავდეს და ამიტომ სახელმწიფოს აქვს ლეგიტიმური უფლება, მაქსიმალურად მკაცრად შეზღუდოს და დაარეგულიროს გამოხატვის ასეთი ფორმები.ბექა ძამაშვილის განცხადებით, ევროპულმა სასამართლომ არ გაიზიარა მომჩივანის პოზიცია, რომ ის, რაც ადმინისტრაციულ სამართალდარღვევათა კოდექსით ითვლება წვრილმან ხულიგნობად, არ უნდა გავრცელებულიყო ინტერნეტსივრცესა და ვირტუალურ სივრცეზე.„მომჩივანი აქცენტს აკეთებდა, რომ ის, რაც ადმინისტრაციულ სამართალდარღვევათა კოდექსით ითვლება წვრილმან ხულიგნობად, არ უნდა გავრცელებულიყო ინტერნეტ სივრცეზე, ვირტუალურ სივრცეზე, კიბერსივრცეზე და ეს მხოლოდ ფიზიკურად, საჯარო სივრცეში გამოხატვის დროს უნდა განხორციელებულიყო, რაზეც ევროპულმა სასამართლომ ძალიან მკაფიოდ გააკეთა განმარტება. ამ საქმის შემდეგ არა მხოლოდ საქართველოში, არამედ ევროპის ყველა სხვა სახელმწიფოში იქნება დადგენილი სტანდარტი, რომ ადამიანი სხვას როცა შეურაცხყოფას აყენებს, ცდილობს მის დამცირებას, გამოხატავს აგრესიას, გამოხატვის ეს ფორმა უტოლდება ფიზიკურ სივრცეში გამოხატვის ფორმას. შესაბამისად, ჩვენი კანონმდებლობით თუ ეს ითვლება წვრილმან ხულიგნობად და არის დასჯადი სამართალდარღვევათა კოდექსით, ვირტუალურ სივრცეშიც ანალოგიური ქმედება იქნება დასჯადი“, – განაცხადა ბექა ძამაშვილმა.ამავდროულად, ბექა ძამაშვილმა აღნიშნა, რომ გამოხატვის კრიტიკული ფორმა იქნება დაცული, მაგრამ კრიტიკული ფორმა როცა უკვე ისეთ ხასიათს იღებს, რომ მიზნად ისახავს კონკრეტული ინდივიდების დამცირებას, შეურაცხყოფას, დაშინებას, მასზე სახელმწიფოს ექნება რეაგირება.ბექა ძამაშვილმა „საინტერესო დამთხვევა“ უწოდა იმ ფაქტს, რომ სტრასბურგის სასამართლოს გადაწყვეტილების გამოცხადება საქმეზე „მილაძე საქართველოს წინააღმდეგ“, დროში დაემთხვა შინაგან საქმეთა სამინისტროში ახალი დეპარტამენტის შექმნის შესახებ ინიციატივას, რომლის ფუნქციაც საჯარო სივრცეში სიძულვილის ენის, შეურაცხმყოფელი კამპანიების, აგრესიული კომუნიკაციის სისტემური მონიტორინგი და შესაბამისი რეაგირება იქნება.„ახალი ინიციატივაც მიზნად ისახავს, რომ გამოხატვის კრიტიკული ფორმა იქნება დაცული, მაგრამ როდესაც ეს კრიტიკული ფორმა უკვე იღებს ისეთ ხასიათს, რომ მიზნად ისახავს კონკრეტული ინდივიდების დამცირებას, შეურაცხყოფას, დაშინებას, მასზე სახელმწიფოს ექნება რეაგირება. კანონი, რომელზე დაყრდნობითაც უნდა იმოქმედოს შსს-ს ახალმა დეპარტამენტმა, შეაფასა დღეს ევროპულმა სასამართლომ და თქვა, რომ რეგულირება შესაბამისობაშია ევროპულ კონვენციასთან“, – განაცხადა ბექა ძამაშვილმა.იუსტიციის მინისტრის პირველი მოადგილის თქმით, სოციალურ ქსელებში გამოხატვის თავისუფლება სხვისი უფლებების დარღვევის ხარჯზე არ უნდა ხდებოდეს.„სოციალური ქსელი, ერთი მხრივ, არის კარგი საშუალება, ადამიანს გამოხატვის თავისუფლების რეალიზებაში დაეხმაროს. თუმცა, რამდენადაც ამ ფორმით ადამიანს აქვს შესაძლებლობა, ფართო აუდიტორიას მისწვდეს, თუ გამოხატვა არის არასწორი ფორმით, სხვა ადამიანის უფლებების დარღვევის რისკები უფრო მომატებულია. დღევანდელ გადაწყვეტილებაში ეს ძალიან მკაფიოდ აღნიშნა ევროპულმა სასამართლომ“, – განაცხადა იუსტიციის მინისტრის პირველმა მოადგილემ, ბექა ძამაშვილმა.ცნობისთვის, საქართველოს იუსტიციის სამინისტრომ დღეს გაავრცელა ინფორმაცია, რომ სტრასბურგის სასამართლომ საქმეზე „მილაძე საქართველოს წინააღმდეგ“ გაიზიარა იუსტიციის სამინისტროს პოზიცია და დაადასტურა, რომ თანამდებობის პირთა მიმართ საჯაროდ გაკეთებული შეურაცხმყოფელი, დამამცირებელი და უცენზურო განცხადებები გამოხატვის თავისუფლებით დაცულ ფარგლებს სცდება.