საქართველოს ტექნიკურ უნივერსიტეტში აფხაზური ენის დღისადმი მიძღვნილი ღონისძიება გაიმართა

„ბოლო მონაცემებით 600-ზე ცოტა მეტი საჩივარი იყო შემოსული...საჩივრების სიმრავლე სულ არ ნიშნავს იმას, რომ ის დარღვევა ან დადასტურებული იყო, ან რაიმე არსებითი წერია...“ - ამის შესახებ ცესკო-ს თავმჯდომარემ გიორგი კალანდარიშვილმა გადაცემა „ვახო ხუზმიაშვილის თავისუფალ სივრცეში“ განაცხადა.  

საქართველოს მთავრობას შეუძლია, ხელახლა დაადასტუროს თავისი დემოკრატიული ევროატლანტიკური ტრაექტორია კანონის უზენაესობის პატივისცემით, საარჩევნო პროცესში არსებული ხარვეზების გამოსწორებით, ანტიდემოკრატიული კანონმდებლობის გაუქმებითა და ევროკავშირში გაწევრიანებისთვის რეფორმების რეკომენდაციებზე მნიშვნელოვანი ძალისხმევის გაწევით, – ამის შესახებ აშშ-ის სახელმწიფო დეპარტამენტის სპიკერმა, მეთიუ მილერმა ბრიფინგზე განაცხადა. „ქართველმა ხალხმა მიიღო მონაწილეობა არჩევნებში, რომლის გარემოც ფორმირებული იყო მმართველი პარტიის პოლიტიკით, მათ შორის საჯარო რესურსების არამიზნობრივი გამოყენებით, ხმების მოსყიდვითა და ამომრჩეველთა დაშინებით. ამან ხელი შეუწყო არათანაბარი საარჩევნო გარემოს შექმნას და ძირი გამოუთხარა საზოგადოებრივ და საერთაშორისო ნდობას სამართლიანი შედეგის მიღწევის შესაძლებლობის მიმართ. ჩვენ ვუერთდებით საერთაშორისო და ადგილობრივი დამკვირვებლების მოწოდებას, სრულად გამოიძიონ არჩევნებთან დაკავშირებული ყველა ცნობა დარღვევების შესახებ. ასევე, გავცემთ მოწოდებას გამოხატვისა და მშვიდობიანი შეკრების ფუნდამენტური თავისუფლებების პატივისცემისკენ. ჩვენ მოვუწოდებთ საქართველოს მმართველ ოფიციალურ პირებს, გაითვალისწინონ, თუ როგორი ურთიერთობა სურთ ევროატლანტიკურ საზოგადოებასთან, ნაცვლად იმ პოლიტიკის გაძლიერებისა, რომელსაც ავტორიტარები აქებენ“, – აღნიშნა მეთიუ მილერმა. მისივე თქმით, ქართველი ხალხის 80 პროცენტზე მეტს სურს ქვეყნის ევროკავშირსა და ნატო-ში ინტეგრაცია. „საქართველოს კონსტიტუცია, რომელიც შემოთავაზებული და მხარდაჭერილია ამჟამინდელი მმართველი პარტიის მიერ, ადგენს ამ ევროატლანტიკურ ინსტიტუტებში გაწევრიანების მისწრაფებას. ყველა პარტია კამპანიის დროს მხარს უჭერდა ამ მიზანს, თუმცა მმართველმა პარტიამ მიიღო ზომები, რომლებიც შეუთავსებელია ამ კურსთან. საქართველოს მთავრობას შეუძლია, ხელახლა დაადასტუროს თავისი დემოკრატიული ევროატლანტიკური ტრაექტორია კანონის უზენაესობის პატივისცემით, საარჩევნო პროცესში არსებული ხარვეზების გამოსწორებით, ანტიდემოკრატიული კანონმდებლობის გაუქმებითა და ევროკავშირში გაწევრიანებისთვის რეფორმების რეკომენდაციებზე მნიშვნელოვანი ძალისხმევის გაწევით. ჩვენ წლის განმავლობაში მუდმივად მოვუწოდებდით საქართველოს მთავრობას, უკან დაეხია ანტიდემოკრატიული ქმედებებისგან და დაბრუნებოდა ევროატლანტიკურ გზას. ჩვენ არ გამოვრიცხავთ შემდგომ შედეგებს, თუ საქართველოს მთავრობის კურსი არ შეიცვლება. ჩვენ გვსურს, ვნახოთ პროცესის გამოძიება. ჩვენ აღვრიცხეთ დარღვევები, ასევე ადგილობრივი და საერთაშორისო ოფიციალური პირების მოწოდებები სრული გამოძიების ჩატარების შესახებ. ვუერთდებით ამ მოწოდებებს“, – განაცხადა მეთიუ მილერმა. კითხვაზე, ნიშნავს თუ არა ეს, რომ არ ეთანხმებიან არჩევნების შედეგებს, მილერმა უპასუხა, რომ ამაზე საბოლოო შეფასება ჯერ არ აქვთ. „ჯერჯერობით არ გვაქვს საბოლოო შეფასება. ჩვენ გვსურს, ვიხილოთ გამოძიება“, – დასძინა მილერმა. მილერს კითხვა დაუსვეს, რომლის თანახმად, საქართველოს პრეზიდენმა განაცხადა, რომ არჩევნები არალეგიტიმურია და რუსული ოპერაციის ნაწილია. არის რაიმე მიზეზი, რატომ არ არის ეს ასახული სახელმწიფო მდივნის განცხადებაში, რაზეც მილერმა განაცხადა, რომ კონსულტაციებს გადიან, რომელმა ორგანომ შეიძლება, ჩაატაროს გამოძიება. „ჩვენ მკაფიოდ ვაცხადებთ, რომ გვსურს გამოძიების ჩატარება. სიცხადისთვის განვმარტავ – მე არ მითქვამს ჩემს განცხადებაში, რომ გამოძიება საქართველოს ოფიციალურმა პირებმა უნდა ჩაატარონ. ჩვენ კონსულტაციებს გავდივართ ჩვენს ევროპელ პარტნიორებთან იმის თაობაზე, თუ რომელი სათანადო ორგანო შეიძლება, იყოს ასეთი გამოძიების ჩამტარებელი“, – აღნიშნა მილერმა. კითხვაზე, არ ელოდება, რომ „ქართული ოცნება“ ჩაატარებს გამოძიებას, მილერმა კვლავ გაიმეორა, რომ გადიან კონსულტაციებს პარტნიორებთან. „მოისმინეთ ჩემი პასუხი ამ კითხვაზე – ჩვენ ვკონსულტირებთ ჩვენს პარტნიორებთან იმის თაობაზე, თუ რომელი სხვა სათანადო ორგანო შეძლებს ასეთ გამოძიების ჩატარებას. მე არ გავცდები იმას, რაც ჩემს შესავალ განცხადებაში ვთქვი – საქართველოს ქმედებები განსაზღვრავს ჩვენს რეაგირებას. ჩვენი ურთიერთობა საქართველოსთან რამდენიმე თვეა, გადახედვის პროცესშია. თქვენ უკვე ნახეთ, რომ შევაჩერეთ 95 მილიონი დოლარის დახმარება საქართველოს მთავრობისთვის. ჩვენი სხვა დახმარებები კვლავ გადახედვის პროცესშია“, – აღნიშნა მილერმა. სახელმწიფო დეპარტამენტის სპიკერს ასევე კითხვა დაუსვეს თბილისში მიმდინარე საპროტესტო აქციასთან დაკავშირებით. ჟურნალისტის თქმით, რომ აქციაზე შეკრებილებს სჯერათ, რომ ისინი მიატოვა აშშ-მ. მან მილერს ჰკითხა, თუ აქვს რაიმე სათქმელი აქციის მონაწილეებისთვის. „ჩვენ, რა თქმა უნდა, მხარს ვუჭერთ მშვიდობიანი პროტესტის უფლებას და მოვუწოდებთ ხელისუფლებას, სრულად პატივი სცეს ქართველების უფლებას მშვიდობიან შეკრებაზე. გვსურს, ვნახოთ სრული გამოძიება არჩევნებში სავარაუდო დარღვევების შესახებ“, – განაცხადა მილერმა. კითხვაზე, რატომ არ არის ნახსენები რუსეთი სახელმწიფო მდივნის გუშინდელ და მილერის დღევანდელ განცხადებებში და მიიჩნევს თუ არა, რომ რუსები ჩაერივნენ საქართველოს არჩევნებში, მილერმა აღნიშნა, რომ ამ ეტაპზე არ აქვს შეფასება ამასთან დაკავშირებით. „ამ ეტაპზე არ მაქვს შეფასების გაკეთების შესაძლებლობა. ჩვენ ვნახეთ, რომ რუსეთის ჩარევის ბრალდებების მიღმაც კი, მმართველმა პარტიამ მიიღო ზომები, რომლებიც ზღუდავდა ქართველების უფლებას, მონაწილეობა მიეღოთ სრულიად თავისუფალ და სამართლიან არჩევნებში. ჩვენ ვნახეთ ხმების მოსყიდვა, ვნახეთ რეპრესიები. რა თქმა უნდა, ეს ცალკე საკითხია რუსეთის ჩარევისგან. ჩვენ ვნახეთ რუსეთის ჩარევა მისი არაერთი მეზობლის არჩევნებში ბოლო რამდენიმე წლის განმავლობაში. ჩვენ ვნახეთ მათი ჩარევა ჩვენს საკუთარ არჩევნებშიც. ჩვენ განვაგრძობთ ყურადღებით დაკვირვებას, მაგრამ არ მაქვს შეფასება ახლახანს ჩატარებულ არჩევნებთან დაკავშირებით“, – განაცხადა მილერმა. კითხვაზე, აქვს თუ არა რამე რეაქცია ვიქტორ ორბანის საქართველოში ვიზიტზე, მილერმა უპასუხა, რომ – „არა“.

ალბანეთის დედაქალაქ ტირანაში დასრულდა 23 წლამდე ასაკის თავისუფალი სტილით მოჭიდავეთა მსოფლიო ჩემპიონატი. ტირანაში დასრულებულ 23 წლამდე ასაკის თავისუფალი სტილით მოჭიდავეთა მსოფლიო ჩემპიონატზე ქართველმა მოჭიდავეებმა ერთობ  წარუმატებლად იასპარეზეს. ნაკრების 10 წევრიდან ათეულში მოხვედრა და გუნდისთვის ჩასათვლელი ქულების მოტანა მხოლოდ სამმა სპორტსმენმა შეძლო. მათგან საუკეთესომ, პარიზის ოლიმპიური თამაშების მონაწილე ვლადიმერ გამყრელიძემ, მეხუთე ადგილი დაიკავა. საქართველოს თავისუფალი სტილით მოჭიდავეთა ნაკრებმა გუნდურ ჩათვლაში მხოლოდ მეთოთხმეტე ადგილზე გასვლა შეძლო. აღსანიშნავია, რომ ეს შედეგი კიდევ უფრო უარესი იქნებოდა, ჭიდაობის საერთაშორისო ფედერაციას რუსეთის და ბელარუსის მოჭიდავეთა შედეგები გუნდურ ჩათვლაში რომ აღენუსხა. თავისუფალი სტილით მოჭიდავეებამდე ბერძნულ-რომაული სტილით მოჭიდავეებმა იასპარეზეს და მათ ერთი ოქროს - 72კგ გიორგი ჩხიკვაძე, ერთი ვერცხლის - 67კგ დიეგო ჩხიკვაძე,   ოთხი ბრინჯაოს - 60კგ ფრიდონ აბულაძე, 82 კგ დათა ჩხაიძე, 87კგ აჩიკო ბოლქვაძე, 130კგ გიორგი ცოფურაშვილი მედალი მოიპოვეს და გუნდურ ჩათვლაში მეორე ადგილზე გავიდნენ. სპორტ

,,მეფეეს აგინეს, სპორტსმენებს აგინეს, ხელოვანებს აგინეს, ქართულ ჯარს აგინეს, პოლიციელებს აგინეს, პატრიარქს და მღვდლებს აგინეს, მრევლს აგინეს, ტრადიციებს აგინეს, მშვიდობას აგინეს, ღვინოს აგინეს, კახელებს აგინეს, აფხაზებს აგინეს, მარნეულელებს აგინეს, ერთმანეთის ცოლებიც კი გაცვალეს, სამშობლო გაყიდეს, სტრასბურგში ვერცერთი საქმე ვერ მოიგეს, ვისი ვისაში აქვთ ვერ გაიგებ, ერთმანეთს ხომ მკვდარი და ცოცხალი აგინეს და აგინეს, დაა ... რატომ წავაგეთოოო?!- წერს ედმონდ მინაშვილი.

საქართველოს იუსტიციის მინისტრი რატი ბრეგაძე, პრეზიდენტ სალომე ზურაბიშვილთან, ორბელიანის სასახლეში ოპოზიციის შეხვედრას სოციალურ ქსელში ეხმიანება და წერს. "გუშინ პრეზიდენტის სასახლეში აღქმაკრატიის იდეოლოგიის მიმდევართა დამფუძნებელი ყრილობა გაიმართა. კონსტიტუციის დამრღვევი პრეზიდენტი, მხოლოდ საკუთარი აღქმებისა და შთაბეჭდილებების საფუძველზე, მტკიცებულებების გარეშე, არჩევნებს ტოტალურად გაყალბებულს უწოდებს და მას არ აღიარებს. ქალბატონი სალომე დეტალებში არ შედის და მაღალი ალბათობით, არც თვლის საჭიროდ ბრალდებების დასაბუთებას. სავარაუდოდ ამ კითხვაზეც მათი პასუხი იქნება ლეგენდარული იმიტომ. სამწუხაროა, რომ მეხუთე პრეზიდენტი ისე ასრულებს თავის უფლებამოსილების ვადას, რომ ნაცვლად სახელმწიფო ინტერესების და კონსტიტუციის დაცვისა, მხოლოდ აღქმაკრატიის დამფუძნებლად მოგვევლინა." - წერს რატი ბრეგაძე.