საქართველოს ტექნიკურმა უნივერსიტეტმა ბათუმში მეცნიერების ფესტივალზე მონაწილეობა მიიღო

კითხვები იყო, ძირითადად, ასეთ ვითარებაში ჩემი განცხადება ვნებდა თუ არა ქვეყანას, შევეცადე, ამეხსნა, რომ ქვეყანას ვნებს ის, რაც ხდება და რისი პრევენციაც ვერ ხერხდება, – ამის შესახებ გივი თარგამაძემ სახელმწიფო უსაფრთხოების სამსახურიდან გამოსვლის შემდეგ განაცხადა.როგორც თარგამაძემ სუს-ში გამოკითხვის შემდეგ განაცხადა, მისი „განცხადება იყო მოწოდებული იმისთვის, რომ მეტად იმუშაონ და პრევენცია მოახდინონ იმის, რაც ვნებს ქვეყანას“.„ყველაფერი მქონდა ღია წყაროებიდან და შესაბამისი მუშაობა უნდა ამ ფაქტებზე იმისთვის, რომ ეს არ გაგრძელდეს. სამწუხაროდ, ამ დაკითხვების პარალელურად ეს პროცესი ვითარდება და ვითარდება ძალიან საჯაროდ, ძალიან თავხედურად და ძალიან მიზანმიმართულად, შეუჩერებლად. ამიტომ იმედი მაქვს, რომ დაძაბავენ თავის ძალისხმევას, მიმართავენ იქით, საითაც უნდა მიმართონ. არანაირი გამოსვლა და განხილვა არ აჩენს საფრთხეს. საფრთხეს აჩენს ის ქმედება, რომელიც გრძელდება, სამწუხაროდ და რომლის პრევენციაც ამ სამსახურმა უნდა მოახდინოს. ეს უნივერსიტეტი არის ამის გამო დასანქცირებული. ეს არის ფაქტები, დასანქცირების ფურცელი არის ფაქტი. გამოძიება იმ ოთხ შემთხვევაზე არის ფაქტი. ოთხი ფაქტია მიჯრით მომხდარი ერთი წლის განმავლობაში – ორი მკვლელობის მცდელობა, ერთი ჟურნალისტის ამერიკაში, ერთი მთავარი რაბინის, აზერბაიჯანში და ორი ჯაშუშობა ირანის სასარგებლოდ, ნატოს ერთსა და იმავე ბაზაზე საბერძნეთში. ეს ზედიზედ ოთხი ფაქტი არ არის ფაქტი? საქართველოს მოქალაქეა ყველა – ქვემო ქართლიდან, აზერბაიჯანული წარმოშობით, რომელიც უკავშირდება ამ უნივერსიტეტს. მეტი რა ფაქტი უნდათ. როდესაც არის ასეთი მძიმე ვითარება, მაშინ უნდა მივუთითოთ. ეს ემსახურებოდა საფრთხეებზე ყურადღების გამახვილებას, იმიტომ რომ ვერ მუშაობს სათანადოდ ეს სისტემა. ფაქტია, პრევენციას ვერ ახდენს. მე მინდა, რომ მოახდინოს. ეს იყო ჩემი მიზანი“,- განაცხადა გივი თარგამაძემ.

გადაიკეტა ქუთაისი-ტყიბულის დამაკავშირებელი გზა, ყველა ტიპის ტრანსპორტისთვის არის მოძრაობა აკრძალული და ველოდებით გეოლოგების დასკვნას, - განაცხადა ტყიბულის მერმა დავით კუბლაშვილმა.მისივე თქმით, აღნიშნულ ტერიტორიაზე მუშაობს რამდენიმე ჯგუფი.„ჩვენი ინფორმაციით არის 5 სახლი დანგრეული და 38 ოჯახი არის ევაკუირებული“, - აღნიშნა დავით კუბლაშვილმა.ტყიბულის მერიის ინფორმაციით, სოფელ კურსებში, ბეროძეებისა და გოგოლაშვილების უბანში მეწყრული პროცესების განვითარების შედეგად 5 საცხოვრებელი სახლი დაინგრა.გარემოს ეროვნული სააგენტოს ცნობით, 12 მარტს, გამთენიისას, ტყიბულის მუნიციპალიტეტის სოფელ კურსებში ადგილი ჰქონდა მეწყრული პროცესების ჩასახვა-გააქტიურებას.საგანგებო სიტუაციების მართვის სამსახურის ინფორმაციით, სტიქიის ადგილზე დილიდან მობილიზებულია შინაგან საქმეთა სამინისტროს სხვადასხვა დანაყოფების წარმომადგენლები, ასევე შესაბამისი ტექნიკა.

სომხეთი სატრანზიტო ქვეყანა გახდება, – ამის შესახებ აზერბაიჯანის პრეზიდენტმა, ილჰამ ალიევმა განაცხადა.ალიევის თქმით, სომხეთთან მშვიდობის მიღწევის შემდეგ, ქვეყნებს შორის მჭიდრო თანამშრომლობაა შუა დერეფნის ახალი განშტოების შესაქმნელად.„ეს მარშრუტი სომხეთის ტერიტორიაზე გაივლის და სომხეთი პირველად გახდება სატრანზიტო ქვეყანა დამოუკიდებლობის ისტორიაში. ამჟამად მას ასეთი სტატუსი არ აქვს. ეს პროექტი შესაძლებელს გახდის აზერბაიჯანის ორი ნაწილის – ძირითადი ტერიტორიისა და ნახჭევანის ავტონომიური რესპუბლიკის დაკავშირებას უწყვეტი სატრანსპორტო ხაზით, ენერგეტიკული ხაზით, ბოჭკოვანი ოპტიკური კაბელით, ელექტროგადამცემი ხაზებით და შესაძლოა, მილსადენებით. ეს ყველასთვის მომგებიან სიტუაციას შექმნის, რადგან აზერბაიჯანის ორივე ნაწილი სატრანსპორტო ინფრასტრუქტურით იქნება დაკავშირებული და ახალი სატრანსპორტო დერეფანი ბევრ ქვეყანას დამატებით შესაძლებლობებს შეუქმნის“, – განაცხადა ილჰამ ალიევმა.

„ერთიანი ნაციონალური მოძრაობის“ დელეგატებმა წარმომადგენლობითი ყრილობით, დემოკრატიული მანდატით უდიდესი პასუხისმგებლობა მომანდეს და მე ბრძოლის ველიდან გაქცევას არ ვაპირებ, – ამის შესახებ „ნაციონალური მოძრაობის“ თავმჯდომარე თინა ბოკუჩავა სოციალურ ქსელში წერს, რითაც გამოეხმაურა თავმჯდომარის პოზიციიდან მისი გადაყენების შესახებ გავრცელებულ ინფორმაციას.„მას შემდეგ, რაც ნიკო სკოლაში და ლუკა და სანი ბაღში გავუშვი, ატყდა გაუთავებელი რეკვა – „პოსტ ტვ“, „რუსთავი 2“, „იმედი“, (მადლობა რუს პროპაგანდისტებს, რომ ბავშვებთან დილის რუტინა მადროვეს). კითხვა – „გავრცელდა ინფორმაცია, რომ „ერთიანი ნაციონალური მოძრაობის“ თავმჯდომარის პოზიციიდან გადაგაყენეს“. წარსულში ამ პროპაგანდისტურ ბოდვას არ ვპასუხობდი, მაგრამ ახლა მინდა, ორიოდ სიტყვით გამოვეხმაურო.გასაგებია, რომ რუს-ქოცებს და პირადად ბიძინა ივანიშვილს ყელში ვეჩხირები. ცამეტი წელია, ხან ტროლ-ბოტებს მიქსევენ ბინძური ტყუილებით, ხან ბავშვების უსაფრთხოებით მემუქრებიან, ხან ფიზიკურად თავს მესხმიან პაპუაშვილი და მისნაირი ველური მძორები. გარდა იმ საქმიანობისა, რასაც „ერთიანი ნაციონალური მოძრაობის“ საერთაშორისო გუნდი პარტნიორებთან რეჟიმის მხილების და სანქცირების ნაწილში ეწევა, ოპოზიციის ალიანსში ჩვენი ძალისხმევა რეჟიმისთვის განსაკუთრებით მტკივნეულია, საერთო ბრძოლის სტრატეგიით დავუპირისპირდეთ რეჟიმს.ტრუსკავეც მდინარაძე, რომელიც სახელმწიფო უსაფრთოების გარდა ყველაფერს იცავს და სინამდვილეში, პროპაგანდისტების უსტაბაშია, ისევე როგორც მისი ბნელი პატრონი უნდა გავაწბილო: „ერთიანი ნაციონალური მოძრაობის“ დელეგატებმა წარმომადგენლობითი ყრილობით, დემოკრატიული მანდატით ეს უდიდესი პასუხისმგებლობა მომანდეს და მე ბრძოლის ველიდან გაქცევას არ ვაპირებ. ვიბრძვით გამარჯვებამდე!“, – წერს თინა ბოკუჩავა.

Forbes-ის 2026 წლის გლო­ბა­ლურ­მა რე­ი­ტინ­გში მსოფ­ლი­ოს უმ­დიდ­რე­სი ქარ­თვე­ლე­ბის სიას სა­თა­ვე­ში აღარ უდ­გას ბი­ძი­ნა ივა­ნიშ­ვი­ლი. ლი­დე­რის პო­ზი­ცია მი­ხე­ილ ლომ­თა­ძემ, ყა­ზა­ხუ­რი ფინ­ტექ-გი­გან­ტის, Kaspi-ის აქ­ცი­ო­ნერ­მა და მმარ­თველ­მა დი­რექ­ტორ­მა და­ი­კა­ვა.მი­უ­ხე­და­ვად იმი­სა, რომ ლომ­თა­ძე წლე­ბია ალ­მა­ტი­ში ცხოვ­რობს და მისი ძი­რი­თა­დი ბიზ­ნე­სი ყა­ზა­ხეთ­შია კონ­ცენ­ტრი­რე­ბუ­ლი, Forbes მას, მო­ქა­ლა­ქე­ო­ბის გათ­ვა­ლის­წი­ნე­ბით, სა­ქარ­თვე­ლო­დან წარ­დგე­ნილ მი­ლი­არ­დე­რებს შო­რის აკ­ვირ­დე­ბა.მთა­ვა­რი ციფ­რე­ბი:ქო­ნე­ბა: $6 მი­ლი­არ­დი (გა­სულ წელ­თან შე­და­რე­ბით $100 მი­ლი­ო­ნით გა­ი­ზარ­და). პო­ზი­ცია მსოფ­ლიო რე­ი­ტინ­გში: 694-ე ად­გი­ლი. ბიზ­ნეს აქ­ტი­ვი: Kaspi.kz - პლატ­ფორ­მა, რო­მე­ლიც ყა­ზა­ხეთ­ში ფი­ნან­სურ მომ­სა­ხუ­რე­ბა­სა და ელექტრო­ნულ კო­მერ­ცი­ას აერ­თი­ა­ნებს.ბი­ძი­ნა ივა­ნიშ­ვი­ლი მე­ო­რე ად­გილ­ზეა წლე­ბის გან­მავ­ლო­ბა­ში უც­ვლე­ლი ლი­დე­რი, ბი­ძი­ნა ივა­ნიშ­ვი­ლი, წელს რე­ი­ტინ­გში მე­ო­რე პო­ზი­ცი­ას დას­ჯერ­და. 70 წლის ბიზ­ნეს­მე­ნი­სა და პო­ლი­ტი­კო­სის ქო­ნე­ბა, Forbes-ის შე­ფა­სე­ბით, კვლავ $2,7 მი­ლი­არდს შე­ად­გენს. ივა­ნიშ­ვი­ლი 1560-ე ად­გილს იკა­ვებს მსოფ­ლიო რე­ი­ტინ­გში.აღ­სა­ნიშ­ნა­ვია, რომ ივა­ნიშ­ვი­ლის ქო­ნე­ბის დი­ნა­მი­კა სტა­ბი­ლუ­რია, თუმ­ცა 2024 წელს მის წი­ნა­აღ­მდეგ და­წე­სე­ბულ­მა გარ­კვე­ულ­მა სა­ერ­თა­შო­რი­სო სან­ქცი­ებ­მა ბიზ­ნეს­მე­ნის ირ­გვლივ პო­ლი­ტი­კუ­რი და ეკო­ნო­მი­კუ­რი კონ­ტექ­სტი გა­არ­თუ­ლა.  ყა­ზა­ხუ­რი ფე­ნო­მე­ნი  სა­ინ­ტე­რე­სოა, რომ ყა­ზა­ხე­თის რე­ი­ტინ­გში ლომ­თა­ძეს მხო­ლოდ მი­სი­ვე პარტნი­ო­რი, ვი­ა­ჩეს­ლავ კიმი უს­წრებს, რომ­ლის ქო­ნე­ბაც $7,8 მი­ლი­არ­დად არის შე­ფა­სე­ბუ­ლი.რო­გორც ჩანს, Kaspi-ის წარ­მა­ტე­ბუ­ლი სტრა­ტე­გია, მათ შო­რის თურ­ქე­თის ბა­ზარ­ზე შეს­ვლა და მომ­ხმა­რე­ბელ­თა რა­ო­დე­ნო­ბის ზრდა, პირ­და­პირ აი­სა­ხე­ბა ბიზ­ნეს­მე­ნე­ბის პი­რად კა­პი­ტალ­ზე. გზა წარ­მა­ტე­ბამ­დე მი­ხე­ილ ლომ­თა­ძის გზა წარ­მა­ტე­ბამ­დე, რო­გორც თვი­თონ ამ­ბობს, უკი­დუ­რე­სად სა­ინ­ტე­რე­სო, თუმ­ცა რთუ­ლიც იყო...მო­მა­ვა­ლი ბიზ­ნეს­მე­ნი 1975 წლის 17 ოქ­ტომ­ბერს ქა­ლაქ ბა­თუმ­ში, სამ­ხედ­რო მო­სამ­სა­ხუ­რის ოჯახ­ში და­ი­ბა­და. მამა, ნუგ­ზარ ლომ­თა­ძე 25 წლის გან­მავ­ლო­ბა­ში საბ­ჭო­თა კავ­ში­რის სამ­ხედ­რო სამ­სა­ხურ­ში იყო. ერთ-ერთ ინ­ტერ­ვი­უ­ში მი­ხე­ი­ლი ამ­ბობს, რომ ამის გამო მთე­ლი ქვეყ­ნის მას­შტა­ბით ხში­რად უწევ­დათ სა­ცხოვ­რე­ბე­ლი ად­გი­ლის შეც­ვლა, ამი­ტო­მაც მის­თვის ახალ ად­გი­ლას ფე­ხის მო­კი­დე­ბა მოზ­რდი­ლო­ბი­სას უკვე აღარ იყო რთუ­ლი.მა­მას სურ­და შვილს ტექ­ნი­კუ­რი გან­ხრით ეს­წავ­ლა, თუმ­ცა ალ­ბათ ვე­რას­დროს წარ­მო­იდ­გენ­და მის ასეთ დიდ წარ­მა­ტე­ბას.ბიზ­ნეს­მენს ერთი და ჰყავს, რო­მე­ლიც მშობ­ლე­ბის მსგავ­სად, სა­ქარ­თვე­ლო­ში, უფრო ზუს­ტად კი ბა­თუმ­ში ცხოვ­რობს.ლომ­თა­ძემ ბა­კა­ლავ­რის ხა­რის­ხი თბი­ლის­ში, სა­ქარ­თვე­ლოს მე­ნე­ჯმენ­ტის ევ­რო­პულ სკო­ლა­ში მი­ი­ღო, შემ­დეგ სწავ­ლა ამე­რი­კის შე­ერ­თე­ბულ შტა­ტებ­ში გა­ნაგ­რძო და მსოფ­ლი­ო­ში რი­გით მე-3 უნი­ვერ­სი­ტეტ­ში, ჰარ­ვარ­დის ბიზ­ნეს სკო­ლა­ში ჩა­ი­რი­ცხა. 2002 წელს ლომ­თა­ძემ ჰარ­ვარ­დის მა­გის­ტრის MBA ხა­რის­ხი აიღო და დიდი გეგ­მე­ბით სა­ქარ­თვე­ლოს და­უბ­რუნ­და.1995 წელს, ბიზ­ნეს­მენ­მა სა­ქარ­თვე­ლო­ში კომ­პა­ნია "ჯი-სი-სი აუ­დი­ტი" და­ა­ფუძნა და ხელ­მძღვა­ნე­ლის თა­ნამ­დე­ბო­ბა და­ი­კა­ვა. 2002 წელს, კომ­პა­ნია "ერსტ ენდ იან­გის" შე­მად­გე­ნე­ლი ნა­წი­ლი გახ­და. ამა­ვე წელს ლომ­თა­ძემ მუ­შა­ო­ბა რუ­სეთ­ში "ბე­ა­რინგ ვოს­ტოს კე­პი­ტალ პარ­ტერსში" და­ი­წყო და სა­ინ­ვეს­ტი­ციო პრო­ექ­ტე­ბის მე­ნე­ჯე­რის თა­ნამ­დე­ბო­ბა მი­ი­ღო, 2004 წელს ამ კომ­პა­ნი­ის პარტნი­ო­რიც გახ­და.2003 წელს ბიზ­ნეს­მე­ნი რუ­სე­თის ლი­ზინ­გუ­რი კომ­პა­ნია, "ეუ­როპ­ლა­ნის" დი­რექ­ტორ­თა საბ­ჭოს წევ­რი იყო, მოგ­ვი­ა­ნე­ბით თავ­მჯდო­მა­რის ად­გი­ლი და­ი­კა­ვა და 2005 წლი­დან სა­ბან­კო პროგ­რა­მუ­ლი მო­წყო­ბი­ლო­ბის წამ­ყვა­ნი კომ­პა­ნი­ის "ფი­ნან­სუ­რი ტექ­ნო­ლო­გი­ე­ბის ცენ­ტრის" დი­რექ­ტორ­თა საბ­ჭოს წევ­რო­ბაც შე­ი­თავ­სა. 2008 წლი­დან ლომ­თა­ძე ყა­ზა­ხუ­რი პლატ­ფორ­მის Kaspi-ს ხელ­მძღვა­ნე­ლი და აღ­მას­რუ­ლე­ბე­ლი დი­რექ­ტო­რი ხდე­ბა.