ორშაბათი, მაისი 19, 2025

საქართველოს ტექნიკური უნივერსიტეტის დელეგაციამ აშშ-ში გამართულ „ABET სიმპოზიუმი – 2025“-ში მიიღო მონაწილეობა

საქართველოს ტექნიკური უნივერსიტეტის ვიცე-რექტორებმა, პროფესორებმა თამარ წერეთელმა და თამარ ლომინაძემ, ასევე, სტუ-ის საერთაშორისო აკრედიტაციის სამსახურის ხელმძღვანელმა, პროფესორმა ირინე გოცირიძემ ამერიკის შეერთებულ შტატებში, ქალაქ სან-დიეგოში გამართულ ყოველწლიურ სიმპოზიუმში მიიღეს მოანწილეობა.

ინფორმაციას საქართველოს ტექნიკური უნივერსიტეტი ავრცელებს. მისივე ცნობით, „ABET სიმპოზიუმი – 2025”-ში, რომელიც უმაღლესი საგანმანათლებლო დაწესებულებებისთვის ABET აკრედიტაციის მოსამზადებელი პროცესების განხილვას მიეძღვნა და ოთხ დღეს გასტანა, მსოფლიოს წამყვანი უნივერსიტეტების დელეგაციები მონაწილეობდნენ.

საქართველოს ტექნიკური უნივერსიტეტის ვიცე-რექტორის, პროფესორ თამარ ლომინაძის თქმით, უნივერსიტეტი ბაკალავრიატის საგანმანათლებლო პროგრამების – ქართულენოვანი: კომპიუტერული მეცნიერება, კომპიუტერული ინჟინერია, ბიოსამედიცინო ინჟინერია და ინგლისურენოვანი: კომპიუტერული მეცნიერება, კომპიუტერული ინჟინერია – ABET აკრედიტაციისთვის ემზადება.

„სიმპოზიუმმა უნივერსიტეტებს შესთავაზა ფასდაუდებელი ინფორმაცია და პრაქტიკული რჩევები, თუ როგორ უნდა გაუთანაბრონ თავიანთი საგანმანათლებლო პროგრამები საერთაშორისო ხარისხის სტანდარტებს. საქართველოს ტექნიკური უნივერსიტეტის დელეგაციის მონაწილეობა ასეთ მასშტაბურ და მნიშვნელოვან ღონისძიებაში ხაზს უსვამს ჩვენი უნივერსიტეტის მიზანს უზრუნველყოს და მიაღწიოს უმაღლეს აკადემიურ სტანდარტებს და კიდევ მეტად გაიძლიეროს პოზიციები გლობალურ საგანმანათლებლო სივრცეში. ამჟამად საქართველოს ტექნიკური უნივერსიტეტი ABET აკრედიტაციისთვის ამზადებს ხუთ აკადემიურ პროგრამას. აღსანიშნავია, რომ ორი წლის წინ ერთმა პროგრამამ, ინგლისურენოვანმა ბიოსამედიცინო ინჟინერიამ, მოიპოვა ABET აკრედიტაცია, რაც უნივერსიტეტის მიერ ხარისხის მუდმივ გაუმჯობესებაზე ორიენტირებულობის ნათელი მაგალითია. ABET აკრედიტაცია წარმოადგენს მაღალპროფესიულ და ავტორიტეტულ შეფასებას, რომელიც ადასტურებს, რომ აკადემიური პროგრამა შეესაბამება ინჟინერიისა და ტექნოლოგიის სფეროში არსებულ უმაღლეს საგანმანათლებლო სტანდარტებს. საქართველოს ტექნიკური უნივერსიტეტისთვის ეს ნიშნავს გაზრდილ საერთაშორისო აღიარებას, სასწავლო პროგრამების გაუმჯობესებას და კურსდამთავრებულთა დასაქმების მეტ შესაძლებლობებს. სტუდენტებისთვის კი ეს ნიშნავს საერთაშორისო კონკურენტუნარიან განათლებას, პროფესიული წარმატების საფუძვლიან მომზადებას და გლობალურ კარიერულ შესაძლებლობებზე წვდომას. საქართველოს ტექნიკური უნივერსიტეტის დელეგაციის ვიზიტი და ABET სიმპოზიუმში მონაწილეობა მნიშვნელოვანი ნაბიჯია უნივერსიტეტისთვის საერთაშორისო პარტნიორობის გაღრმავებისა და საგანმანათლებლო ხარისხის ამაღლების გზაზე. მსგავსი ღონისძიებები მნიშვნელოვან როლს თამაშობს ცოდნისა და გამოცდილების გაცვლის, საუკეთესო პრაქტიკის დანერგვისა და საქართველოს უმაღლესი განათლების სისტემის გაძლიერებაში“, – განაცხადა თამარ ლომინაძემ.

სტუ-ის ვიცე-რექტორის, პროფესორ თამარ წერეთლის თქმით, საქართველოს ტექნიკური უნივერსიტეტის დელეგაციამ, სიმპოზიუმის ფარგლებში, მონაწილეობა მიიღო სამუშაო შეხვედრებში, სადაც განიხილეს საგანმანათლებლო პროგრამების ABET აკრედიტაციისთვის მომზადების ეტაპები. მისივე თქმით, უნივერსიტეტის დელეგაცია შეხვდა ABET პრეზიდენტს, დოქტორ სარა რაჯალს და ABET აკრედიტაციის განყოფილების მთავარ დირექტორ ჯეინ ემმეტს.

„ჩვენ გავდივართ სწავლების მნიშვნელოვან ეტაპს – ხუთი პროგრამა მზადდება ABET აკრედიტაციისთვის, რაც მარტივი ამოცანა არ არის. ის მოითხოვს აკადემიური პროცესების ყველა კომპონენტის ყოვლისმომცველ და დეტალურ ანალიზს, იქნება ეს სასწავლო გეგმა, სწავლის შედეგები, პროფესორ-მასწავლებელთა კვალიფიკაცია, სტუდენტების მიღწევები თუ ჩართულობა და უწყვეტი გაუმჯობესების მექანიზმები. სწორედ ამ მნიშვნელოვანი დეტალებით გახდა ABET-ი საერთაშორისო სტანდარტი, რომელსაც მთელ მსოფლიოში აღიარებენ ინჟინერიისა და ტექნოლოგიების სფეროში. უნივერსიტეტმა განახორციელა მიზანმიმართული და გუნდური მუშაობა იმისათვის, რომ ჩვენმა პროგრამებმა მაქსიმალურად დააკმაყოფილოს ABET-ის მაღალი სტანდარტები. რექტორი, აკადემიკოსი დავით გურგენიძე, ჩვენი პროფესორები, ადმინისტრაცია, პროგრამების კოორდინატორები და ხარისხის უზრუნველყოფის სამსახურის თანამშრომლები დაუღალავად მუშაობდნენ. მათ გაანალიზეს, განაახლეს და გააუმჯობესეს ჩვენი საგანმანათლებლო საქმიანობის თითოეული ელემენტი. ჩვენ ვაძლიერებთ შედეგებზე ორიენტირებულ სწავლებას, შეფასებისა და ანალიზის სისტემებს. შედეგად, სტუდენტები, სასწავლო პროცესისთვის დღეს დაწესებული მიზერული საფასურის ფარგლებში, იღებენ მაღალი სტანდარტის განათლებას, იმ მიზნით, რომ მზად იყვნენ არა მხოლოდ დღევანდელი შრომის ბაზრისთვის, არამედ მომავლისთვისაც. ABET აკრედიტაცია ადასტურებს, რომ ჩვენი საგანმანათლებლო პროგრამები აკმაყოფილებს ინჟინერიისა და ტექნოლოგიების სფეროში საერთაშორისოდ აღიარებულ სტანდარტებს. ეს ნიშნავს, რომ ჩვენი კურსდამთავრებულები მზად არიან, საერთაშორისო შრომით ბაზარზე კონკურენტუნარიანი პოზიცია დაიკავონ. გარდა ამისა, ეს მნიშვნელოვნად ზრდის ჩვენი უნივერსიტეტის პრესტიჟს როგორც ეროვნულ, ისე საერთაშორისო დონეზე. რაც მთავარია, ABET აკრედიტაცია სტუდენტებს აძლევს უნივერსიტეტისადმი მეტი მხარდაჭერისა და სანდოობის განცდას, რომ ისინი იღებენ მომავლისთვის საჭირო განათლებას, ასევე – მხარდაჭერას ინდუსტრიისგან, რომ ჩვენი კურსდამთავრებულები მზად არიან წვლილი შეიტანონ პროგრესში“, – აცხადებს თამარ წერეთელი.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

„დასრულდა თავგადასავალი, რომელიც 4 წლის წინ დაიწყო…“ – გიორგი მამარდაშვილი მიმართვას ავრცელებს

გიორგი მამარდაშვილი „ვალენსიას“ ემშვიდობება.„არ ვიცი, ვიყავი თუ არა საუკეთესო, მაგრამ ყოველთვის ვცდილობდი ვყოფილიყავი ჩემი თავის საუკეთესო ვერსია. დღეს განსაკუთრებული და ემოციური დღეა. დასრულდა თავგადასავალი, რომელიც 4 წლის წინ დაიწყო. ჩამოვედი როგორც უბრალო ბავშვი, ესპანურის ცოდნის გარეშე, მაგრამ დიდი ოცნებით. ამ დროში იყო ბევრი სირთულე, განვითარების რთული გზა და დაუვიწყარი მომენტები.დღეს დროა დაგემშვიდობოთ. მადლობა ყველას, ვინც ამ 4 წლის განმავლობაში ჩემს გვერდით იდგა. ვფიქრობ, ჩემი პატარა ისტორია ვალენსიაში დავტოვე. იმედია, ეს კლუბი ყოველთვის იქნება იქ, სადაც მისი ადგილია“, - წერს მამარდაშვილი.

ჯო ბაიდენის ოფისში აცხადებენ, რომ ბაიდენს პროსტატის კიბო დაუდგინდა

აშშ-ის ყოფილ პრეზიდენტს, ჯო ბაიდენს პროსტატის კიბო დაუდგინდა. როგორც მედია წერს, ამის შესახებ ბაიდენის პირადი ოფისის მიერ გავრცელებულ განცხადებაშია აღნიშნული.როგორც ცნობილია, ბაიდენს ავთვისებიანი სიმსივნე აქვს, ხოლო მეტასტაზები ძვლებზეა გავრცელებული.„მიუხედავად იმისა, რომ ეს წარმოადგენს დაავადების უფრო აგრესიულ ფორმას, ჩანს, რომ კიბო ჰორმონ მგრძნობიარეა, რაც საშუალებას იძლევა ეფექტური მკურნალობისთვის“, – აღნიშნულია განცხადებაში.შეგახსენებთ, ჯო ბაიდენი აშშ-ის 46-ე პრეზიდენტი იყო. მან 2020 წლის არჩევნებში დონალდ ტრამპი დაამარცხა. ბაიდენი მეორე ვადით იყრიდა კენჭს 2024 წლის საპრეზიდენტო არჩევნებში, თუმცა დემოკრატები მას მოუწოდებდნენ, კანდიდატურა მოეხსნა. მოგვიანებით, ის საპრეზიდენტო კამპანიას გამოეთიშა და მხარი მაშინდელ ვიცე-პრეზიდენტს, კამალ ჰარისს დაუჭირა.

დონალდ ტუსკი საპრეზიდენტო არჩევნების პირველი ტურის ეგზიტპოლის შედეგებს ეხმაურება – ბრძოლა თითოეული ხმისთვის, ეს ორი კვირა განსაზღვრავს ჩვენი სამშობლოს მომავალს, არცერთი ნაბიჯით უკან

პოლონეთის პრემიერ-მინისტრი დონალდ ტუსკი საპრეზიდენტო არჩევნების პირველი ტურის ეგზიტპოლის შედეგებს ეხმაურება.„ყველაფრისთვის თამაში ახლა იწყება. ძლიერი ბრძოლა თითოეული ხმისთვის. ეს ორი კვირა განსაზღვრავს ჩვენი სამშობლოს მომავალს. სწორედ ამიტომ, არცერთი ნაბიჯით უკან“, – წერს ტუსკი სოციალურ ქსელში.შეგახსენებთ, რომ პოლონეთში საპრეზიდენტო არჩევნების პირველი ტური გაიმართა. გამოკითხვების მიხედვით, მმართველი პარტიის კანდიდატს, ვარშავის მერს, რაფალ ტშასკოვსკის ხმების 30.8 პროცენტი აქვს, ხოლო კაროლ ნავროცკის, რომელსაც მხარს უჭერს მემარჯვენე-კონსერვატიული პარტია „კანონი და სამართლიანობა“, ხმათა 29.1 პროცენტი. საპრეზიდენტო არჩევნების მეორე ტური პირველ ივნისს ჩატარდება, რომელშიც მონაწილეობას ტშასკოვსკი და ნავროცკი მიიღებენ.

მესტიაში მეხი ჩამოვარდა – რა ხდება, ამ დროისთვის, ცნობილი

მესტიაში მეხი ჩამოვარდა.როგორც ირკვევა, მეხი ლანჩვალის თავზე ჩამოვარდა. ამ წუთებში, ადგილზე უამინდობაა.ფაქტის ამსახველი კადრები სოციალურ ქსელში დათო ჯაფარიძემ გაავრცელა.დაშავებულების შესახებ ინფორმაცია არ გავრცელებულა.

საქართველოში მიწისძვრა მოხდა

საქართველოში მიწისძვრა მოხდა. ბიძგების სიმძლავრემ 4,1 მაგნიტუდა შეადგინა.სეისმური მონიტორინგის ეროვნული ცენტრის ინფორმაციით, ეპიცენტრი ქალაქი ტყვარჩელი, სოფელი მარცხენა პტიშიდან 10 კილომეტრში იყო.დამატებითი ინფორმაცია არ გავრცელებულა.

ბოლო სიახლეები