საქართველოს ტექნიკური უნივერსიტეტი ცნობილი მეცნიერის, სტუ-ის სამეთვალყურეო საბჭოს წევრის, პროფესორ რაიჩო ლაზაროვის გარდაცვალების გამო მწუხარებას გამოთქვამს

მძიმე პროცესია და ამ პროცესის არსებობა საქართველოს უახლოეს ისტორიაში არის დემოკრატიისა და ეროვნული ინტერესების წინააღმდეგ მიმართული. მილიონზე მეტი ადამიანი რჩება პოლიტიკური წარმომადგენლობის გარეშე - პრაქტიკულად, „ქართული ოცნება“ არჩევნებსა და პოლიტიკურ წარმომადგენლობას აზრს უკარგავს,- ამის შესახებ „ერთიანი ნაციონალური მოძრაობის“ წევრმა, ხატია დეკანოიძემ განაცხადა.მისი თქმით, „ქართული ოცნების“ მიერ საკონსტიტუციო სასამართლოში წარდგენილ სარჩელში საფრთხეები იკვეთება, ერთ-ერთი კი რუსეთიდან მომდინარე საფრთხეებია.„გუშინდელმა დღემ ნათლად აჩვენა ის საფრთხეები, რომლებიც ჩადებულია ამ ე.წ. სარჩელში და ის მცდელობები, რომლებიც „ქართული ოცნებისა“ და ბიძინა ივანიშვილის მიერ საქართველოს სახელმწიფოსა და ეროვნული ინტერესების წინააღმდეგ ხორციელდება. არცერთი შუამდგომლობა არ დაკმაყოფილდა, ამიტომ რთულია და ზედმეტიც კია, რომ რაიმე სამართლებრივ ჭრილზე ვისაუბროთ, რადგან არსობრივად არ მსჯელობს სასამართლო არცერთ შუამდგომლობაზე.დავაყენეთ შუამდგომლობა, რომელიც ეხებოდა მიხეილ სააკაშვილის მოწმედ გამოძახებას, რადგან სარჩელი „ვარდების რევოლუციის“ შემდეგ საქართველოს მნიშვნელოვან პროგრესს ეხება. ამიტომ მიხეილ სააკაშვილის ჩამოსვლა და სასამართლოსთვის იმ კითხვებზე პასუხის გაცემა იქნებოდა მნიშვნელოვანი და გაუგებარია, თუ სარჩელი მას ეხება, რატომ არ არის წარმოდგენილი ის. ეს შიშია, რომლის გაგებაც არ უნდა სასამართლოს.ასევე, დავაყენეთ შუამდგომლობა მოწმეებად იმ მაღალჩინოსნების გამოძახებაზე, რომლებიც მაღალ თანამდებობებს იკავებდნენ ჩვენი ხელისუფლების პირობებში და როგორც ხედავთ, დღესაც „ქართულ ოცნებაში“ არიან. გაუგებარია, თუ სისტემაზეა საუბარი, მათი გამოძახება მოწმეებად რატომ არ უნდა მომხდარიყო, რადგან მაშინ თუ არ ჰქონდათ პრეტენზიები, დღეს რა პრეტენზიები აქვთ, როგორც „ქართული ოცნების“ წარმომადგენლებს? შუამდგომლობები ეხებოდა მოსამართლეების აცილებასაც, მაგრამ სამართლებრივი მხარე აქ, როგორც დომინანტი მხარე, არ შეიძლება ჩაითვალოს.მძიმე პროცესია და ამ პროცესის არსებობა საქართველოს უახლოეს ისტორიაში არის დემოკრატიისა და ეროვნული ინტერესების წინააღმდეგ მიმართული. მილიონზე მეტი ადამიანი რჩება პოლიტიკური წარმომადგენლობის გარეშე. პრაქტიკულად, „ქართული ოცნება“ არჩევნებსა და პოლიტიკურ წარმომადგენლობას აზრს უკარგავს.საფრთხეები თავად სარჩელში დიდია და მთავარი საფრთხე არის რუსეთიდან მომდინარე საფრთხეები. ამას დაემთხვა კობახიძის მიერ სპეციალური წარმომადგენლის დანიშვნა რუსეთ-საქართველოს ურთიერთობებსა და მოლაპარაკებებში. ეს ფაქტობრივად დიპლომატიური ურთიერთობების აღდგენას ნიშნავს. არავითარი სტატუს-კვოს შეცვლის აუცილებლობა არ იყო. შესაბამისად, ვთვლით, რომ რუსეთის საფრთხეა ყველაზე მთავარი, რაც სარჩელში იკვეთება, ასევე ის, რომ ჰააგასა და სტრასბურგში მოგებული სარჩელები, ბათუმში წაშალოს.სწორედ წულუკიანის კომისიას, რომელიც ასევე ეროვნული ინტერესების წინააღმდეგ იყო, ეყრდნობა სარჩელი. სწორედ იმისთვის იყო შექმნილი ეს კომისია, რომ გაგრძელებულიყო და დაგვირგვინებულიყო საკონსტიტუციო სასამართლოში. სარჩელში, საქართველო პროვოკატორ-აგრესორად არის მოხსენიებული, ეს ეროვნული ინტერესების წინააღმდეგ არის მიმართული და ღალატია, რომელიც მძიმე შედეგებს მოიტანს“, - განაცხადა ხატია დეკანოიძემ.

გენერალურმა პროკურატურამ სამშობლოს ღალატის, კერძოდ საბოტაჟის ბრალდებით „ასავალ-დასავალის“ ჟურნალისტი დომენტი (დიტო) ჩუბინიძე დააკავა.ამის შესახებ საქართველოს გენერალურ პროკურატურაში ბრიფინგი გაიმართა.უწყების განმარტებით, „2026 წლის თებერვლიდან დიტო ჩუბინიძე სხვადასხვა მედიასაშუალებისა და სოციალური პლატფორმების გამოყენებით სისტემატურად ახორციელებს ცრუ და დეზინფორმაციულ ცნობებს".

ევროკავშირის დიპლომატები და ოფიციალური პირები ჯერ ისევ ვერ შეთანხმდნენ, ვინ წარმოადგენს ევროკავშირს ვლადიმერ პუტინთან სამშვიდობო მოლაპარაკებებზე. ამის შესახებ „პოლიტიკო“ წერს.საკითხი მიმდინარე კვირას მას შემდეგ გახდა აქტუალური, რაც აშშ-ის პრეზიდენტის სპეციალური წარმომადგენელი სტივ უიტკოფი რუსეთში სამმხრივი შეხვედრის შესათავაზებლად გაემგზავრა.ჩეხეთის პრეზიდენტმა, პეტრ პაველმა განაცხადა, რომ პუტინი ევროკავშირს ავტორიტეტად არ აღიქვამს და ურსულა ფონ დერ ლაიენთან, კაია კალასთან და სხვა ევროპელ ლიდერებთან, მათ შორის ემანუელ მაკრონთან საუბარზე უარს ამბობს. პაველის აზრით, ევროპამ უნდა დაასახელოს ადამიანი ან ადამიანთა ჯგუფი, რომელსაც დანარჩენები მოლაპარაკების მანდატს მისცემენ.„პოლიტიკო“ წერს, რომ დიპლომატები ვერ თანხმდებიან, ვინ უნდა იყოს ევროპის წარმომადგენელი. ერთ-ერთი ვერსია ფინეთის პრეზიდენტი ალექსანდრ სტუბია. მას ტრამპთან ევროკავშირის ლიდერებს შორის ერთ-ერთი საუკეთესო ურთიერთობა აქვს, ხოლო ფინეთს რუსეთთან დიდი გამოცდილება აქვს. სტუბი ოსლოში ზელენსკისა და უიტკოფთან გამართულ შეხვედრასაც ესწრებოდა.„არჩევანი იმის თაობაზე, ვინ წარმოადგენს საბოლოოდ ევროკავშირს, დაფუძნებული იქნება იმაზე, რა მოიტანს ყველაზე დიდ სარგებელს, და არა პირადი ძალაუფლებისთვის ბრძოლაზე ან ნარცისულ მიკერძოებებზე“, – განუცხადა გამოცემას ევროკავშირის ერთ-ერთმა დიპლომატმა.ევროპელი დიპლომატი ასევე მიიჩნევს, რომ ევროპული საბჭოს პრეზიდენტი ანტონიო კოშტა პუტინთან დალაპარაკებას უნდა შეეცადოს. მისი თქმით, ფონ დერ ლაიენი და კალასი უკრაინის მხარესთან ზედმეტად დაკავშირებულად აღიქმებიან, კოშტა კი უფრო მიუკერძოებელ შუამავლად გამოიყურება.

საქართველოდან ზოგიერთი სასმელის იმპორტზე დაწესებული შეზღუდვები მიზნობრივია, არანაირი პოლიტიკური საფუძველი არ არსებობს, - ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ განაცხადა.მარია ზახაროვამ რუსეთში რიგი ქართული სასმელების შეტანის აკრძალვის შესახებ დასმულ შეკითხვას უპასუხა.მისი თქმით, აღნიშნული საკითხი რუსეთის მომხმარებელთა უფლებების დაცვისა და ადამიანის კეთილდღეობის ზედამხედველობის ფედერალური სამსახურის („როსპოტრებნადზორი“) კომპეტენციის ნაწილია.„დაწესებული შეზღუდვები მიზნობრივია. ვხედავთ, როგორ ცდილობენ სრულიად რუტინული პროცედურიდან რაღაც პოლიტიკური ფაქტორების შექმნას და სპეკულირებას. აქ არაფრის ძებნა საჭირო არ არის. არანაირი პოლიტიკური საფუძველი არ არსებობს. არსებობს გარკვეული მოთხოვნები, რომლებიც გადაეცათ მათ, ვისაც ეს პროდუქცია შემოჰქონდა. შემიძლია ვთქვა, რომ რუსეთში შემოტანას ათობით ქართული კომპანია ახორციელებს. დარღვევები მხოლოდ რამდენიმე საწარმოში გამოვლინდა. ყველა დანარჩენი უპრობლემოდ მუშაობას განაგრძობს ჩვენს ბაზარზე, რომელიც საქართველოსთვის პრიორიტეტულია“, - განაცხადა ზახაროვამ.ცნობისთვის, რუსეთმა ზოგიერთი ქართული კომპანიის ნაწარმის იმპორტის აკრძალვის შესახებ გამოაცხადა. „როსპოტრებნადზორმა“ განაცხადა, რომ 9 ოქტომბრიდან რუსეთის ფედერაციაში საკვები პროდუქტების იმპორტისა და მიმოქცევის შეჩერების მიზნით დროებითი სანიტარული ღონისძიება დაწესდა. აკრძალვა შემდეგ კომპანიებს შეეხო: „თელიანი ველი“; „თბილღვინო“; „ძმები ასკანელები“; „ვაინმენი“; „ქართული ლუდის კომპანია“; „კოკა-კოლა“; „ნაბეღლავი“.

პოლიტიკური პარტია ნიშნავს, რომ მას რაღაც გარკვეული პოლიტიკური და, მათ შორის, ელექტურალური მხარდაჭერა აქვს, მაგრამ მიუხედავად ელექტორალური მხარდაჭერისა, პოლიტიკური პარტიის საქმიანობა, შეიძლება, იყოს შეუსაბამო კონსტიტუციასთან, კონსტიტუციურ წყობასთან და სასამართლომ მიიღოს ასეთი პარტიის აკრძალვის გადაწყვეტილება, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა საქართველოს პირველი არხის გადაცემაში „დღის თემა“ განაცხადა.„ეს არის ის ნორმა, რომელიც, ზოგადად, არა მარტო პოლიტიკური პარტიის მიმართ, არამედ პიროვნების მიმართაც მოქმედებს. პიროვნებას აქვს უფლება კონსტიტუციით გარანტირებული თავისუფლებისა, მაგრამ მან, შეიძლება, ისეთი ქმედება ჩაიდინოს, რომ ეს თავისუფლება მას აღეკვეთოს. აქედან გამომდინარე, ეს ის ნორმაა, რომელიც სწორედ მაგიტომაც არსებობს, რომ რაღაც უფლება შეგეზღუდოს. ეს უფლება უნდა შეგეზღუდოს თუ არ უნდა შეგეზღუდოს, ამას გადაწყვეტს უკვე საკონსტიტუციო სასამართლო“, – განაცხადა ქადაგიშვილმა.მისი თქმით, ამ პარტიების მხრიდან აპელირება, რომ ამომრჩეველი ჰყავდათ და ჰყავთ, პოლიტიკურად და მორალური კუთხით ძალიან არარელევანტურია.„ამ პარტიებს ამომრჩეველმა დაუჭირა მხარი, არავინ არ უარყოფს ამას, მაგრამ რომელიმე ეს პოლიტიკური პარტია შეეკითხა თავის ამომრჩეველს, როდესაც ყოველგვარი არგუმენტის, ფაქტის და მტკიცებულების მოტანის გარეშე აცხადებდა, რომ არჩევნები გაყალბდა, არ შედგა და, ფაქტობრივად, ქვეყანაში დემოკრატიული და საკონსტიტუციო წყობის ჩამოშლის გზას დაადგა? ამაზე პასუხი არსებობს? ვინმემ იზრუნა თავის ამომრჩეველზე? აქ ის კი არ არის მარტო, მათ რომ თქვეს, ჩვენ არ გვინდა ეს არჩევნები და არ შევდივართ ამ პარლამენტში, მათ განაცხადეს, რომ არჩევნები გაყალბდა, მაგრამ ამის დამამტკიცებელი ვერცერთი საბუთი ვერ წარმოადგინეს და ეს არ არის პირველი შემთხვევა, ბოლო სამი საპარლამენტო არჩევნები „ნაციონალური მოძრაობის“ კლასტერის მხრიდან სულ ამ სცენარით ვითარდებოდა, გავიხსენოთ ყველაფერი“, – აღნიშნა ქადაგიშვილმა.მისივე თქმით, როგორც კი მათთვის სასურველი შედეგი არ დგებოდა, მაშინვე იწყებოდა დემოკრატიის ფუნდამენტური საფუძვლების მოშლა-ნგრების პოლიტიკა.„მაგალითად, საფრანგეთში ან გერმანიაში რომ რომელიმე პარტიამ ეს ერთხელ, ორჯერ განაცხადოს, თქვენ გგონიათ, იმ პარტიის პოლიტიკური და სამართლებრივი პასუხისმგებლობა არ დადგება? აუცილებლად დადგება. თქვენ გგონიათ, უკრაინაში რომ 18 პარტია აკრძალეს, ან მოლდოვაში, ან კიდევ სხვაგან, იმათ თავიანთი ამომრჩეველი არ ჰყავდათ? იქ სასამართლოც არ ჩაუტარებიათ, აქ კი ღია ეთერით მიმდინარეობს სასამართლო. ამიტომ, როდესაც ჩვენ ვსაუბრობთ, რომ პოლიტიკური ბრძოლის არეალი, შეიძლება, პარლამენტს გარეთაც იყოს, რა თქმა უნდა, შეიძლება, პოლიტიკური ბრძოლის არეალი იყოს პარლამენტს გარეთაც, მაგრამ არ შეიძლება, არჩევნები, დემოკრატია და კონსტიტუციური ინსტიტუტების ლეგიტიმაცია მუდმივად, ყოველგვარი არგუმენტაციის, მტკიცებულებების გარეშე ხდებოდეს ამ პოლიტიკური პარტიების მხრიდან დარტყმის ობიექტი. ყველაზე დიდი პრობლემა რა არის? ამის მერე ხდება ამ თემის მუსირება მსოფლიოს მასშტაბით და ქვეყნის სახელმწიფოებრივი ინტერესების შელახვა. საინტერესო მაგალითს მოგიყვანთ, რაც რაღაცნაირად ბუმერანგივით შეუტრიალდებათ ხოლმე, გუშინ, როდესაც საფრანგეთის სენატი ამკაცრებდა კანონმდებლობას უცხოურ ჩარევაზე, მიტინგებთან და ასეთ საკითხებთან დაკავშირებით, შს მინისტრმა, რომელსაც კანონპროექტი გამოჰქონდა, საქართველოს მაგალითი მოიტანა, რადგან ეს უქმნის ქვეყანაზე ამ წარმოდგენას მთელ მსოფლიოს და ეს უქმნის ქვეყანაში დემოკრატიას, სახელმწიფო ინსტიტუტებს და საზოგადოებრივ უსაფრთხოებას ფუნდამენტურ პრობლემებს“, – განაცხადა ქადაგიშვილმა.შეკითხვაზე, რატომ მოხდა სასარჩელო მოთხოვნაში გიორგი გახარიას პარტია, რომელმაც ბოიკოტი შეწყვიტა და შემდგომ აღიარა არჩევნების შედეგები, ქადაგიშვილმა განაცხადა, რომ გახარიას პარტიაზეც არის ბმა, ხშირ შემთხვევაში როლები საკმაოდ ოსტატურად იყო ხოლმე გადანაწილებული, ვიღაც უნდა გარეთ გაქცეულიყო, ვიღაც შიგნით დარჩენილიყო და ასე შემდეგ.„გახარიას პარტია ბოლოს კი შემოვიდა პარლამენტში, მაგრამ ისინი არ აღიარებდნენ, რომ ეს არჩევნები იყო კანონიერი არჩევნები და ლეგიტიმაციის საკითხს არ აღიარებდნენ ასე“, – განაცხადა ქადაგიშვილმა.