საქართველოს ტექნიკური უნივერსიტეტის რექტორი ცნობილ მეცნიერს, ინჟინერსა და საზოგადო მოღვაწეს, აკადემიკოს რამაზ ხუროძეს 80 წლის იუბილეს ულოცავს

ევროპარლამენტი კიდევ ერთხელ ადასტურებს, რომ დღითი დღე თავს იმკვიდრებს, როგორც საბჭოთა კავშირის საკავშირო სახალხო დეპუტატთა ყრილობის მემკვიდრე, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.მისივე თქმით, ევროდეპუტატ რასა იუკნევიჩიანეს ქმედება გასაკვირი არ არის, რადგან ევროპარლამენტის რიგებში ვხედავთ საბჭოთა მოქალაქეებს, საბჭოთა ნომენკლატურისა თუ ელიტის წარმომადგენლებს.„დღეს ისინი ევროპარლამენტში არიან მოკალათებული, ვგულისხმობ, ბალტიის ქვეყნებისა და აღმოსავლეთ ევროპის ზოგიერთი ქვეყნის წარმომადგენლებს. როგორც მოსკოვის საკავშირო ყრილობა იღებდა მტრულ გადაწყვეტილებებს საქართველოსთან დაკავშირებით, ასევე ბრიუსელის საკავშირო პარლამენტი დღეს იღებს ამგვარ მტრულ გადაწყვეტილებებს. ამ რეზოლუციის ავტორი არის ქალბატონი იუკნევიჩიენე, რომელიც გამოირჩევა ფაშისტური განცხადებებით ქართველის ხალხის მიმართ. რამდენიმე დღეში ჩვენ გვექნება კიდევ ერთი აღნიშვნა ფაშიზმზე გამარჯვების დღისა და სიმბოლურია, რომ 9 მაისამდე რამდენიმე დღით ადრე ადამიანი, რომელიც გამოირჩევა ფაშისტური განცხადებებით ქართველი ხალხის მიმართ, არის ამ რეზოლუციის ავტორი. მას ეკუთვნის განცხადება, რომ „ქართული ოცნება“ არის ინფექცია. ეს არის ფაშისტური ნარატივი. მან ასევე განაცხადა, რომ საქართველოში დამნაშავეები არიან „ქართული ოცნების“ ამომრჩევლები, რითაც კოლექტიური პასუხისმგებლობა წარგვიდგინა, რაც სწორედ ფაშისტური მიდგომაა“, – განაცხადა პაპუაშვილმა.ევროპარლამენტის საგარეო საქმეთა კომიტეტმა საქართველოს შესახებ ანგარიში მიიღო, რომელიც მომხსენებელ რასა იუკნევიჩიენეს მიერ იყო წარდგენილი.

ივანიშვილის დროს, უკვე რამდენიმე წელია, მეტი ქართველი კვდება, ვიდრე იბადება. ჩემ დროს მეტი იბადებოდა, ვიდრე კვდებოდა. ჩემ დროს მეტი ქართველი ბრუნდებოდა, ვიდრე გადიოდა. ივანიშვილმა გადაუჯოკრა შაჰ აბასს, ნახევარ მილიონ ქართველს აიძულა ქვეყნიდან წასვლა და დაახლოებით ამდენი უცხოელი შემოიყვანა, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც სააკაშვილი აღნიშნავს, უახლოეს თვეებში გარდაუვალია ინდოელების მასობრივი შემოყვანა მშენებლობებსა და კომუნალურ სამუშაოებზე დასასაქმებლად.„მე ყოველთვის მინდოდა, ბევრი ტურისტი შემოსულიყო განვითარებული ქვეყნიდან, ფული დაეხარჯათ ქართულ ბიზნესებში და გასულიყო. ამათ შემოჰყავთ უცხოელები ძირითადად დაბალი განვითარების ქვეყნებიდან, მათ მიაქვთ ქვეყნიდან გაძევებული ქართველების ადგილები. ქმნიან ბიზნესებს და მიაქვთ ქართველების ფული. ეს არის ძალიან მწარე რეალობა – ხდება მრავალეთნიკური ქართველი არის გენეტიკური კოდის გამოცვლა.საქართველოში თანდათან ჩნდებიან ვაკინსკაია ობლასტ, ჩუღურეთის ხალიფატი, რამდენიმე ადგილის რაჯასტანი. რატომ ხდება ეს ასე? მარტივია, დიქტატურას ფეხებზე ჰკიდია ჩვენი ძირძველი მოსახლეობა, უცხოელები ნაკლებ ხელფასს კმაყოფილდებიან და არ ჯანყდებიან, მათთვის მთავარია ფულის გაკეთება და თუ ეს ნიშნავს ეთნიკური ქართველების, აზერბაიჯანელების და სომხების, ინდუსებით, პაკისტანელებით, რუსებით, ნიგერიელებით ჩანაცვლებას, ეს კლეპტოკრატიული რეჟიმი ამას მხოლოდ მიესალმება და ყველანაირად უწყობს ხელს. თუ არ მოვაშორეთ, საქართველო აღარ იარსებებს“, – წერს მიხეილ სააკაშვილი.

არაფერი იქნება გარედან, თუ ჩვენ, ხალხი არ გავიღვიძებთ. არავის ვაკრიტიკებ. არ ვაკრიტიკებ ოპოზიციას, ამ ადამიანების ნაწილად მიმაჩნია თავი. ეს ქვეყანა არ არის პილიტიკოსების, არ არის პოლიტიკური ლიდერების, ეს ქვეყანა არის თითოული მოქალაქის, საბრძოლი არის თითოული ჩვენგანის, – ამის შესახებ „ნაციონალური მოძრაობის“ წევრმა, ლევან ხაბეიშვილმა სასამართლო სხდომაზე განაცხადა.ხაბეიშვილმა მოუწოდა ოპოზიციას, გააგებინონ ხალხს, 26 მაისს გაიმართება თუ არა აქცია.„ერთადერთი, რასაც ვთხოვ ოპოზიციას – გამაგებინეთ, 26 მაისის აქცია არის თუ არა? მე არ მაქვს სოციალური ქსელები და ტელევიზორში ვერ ვხედავ, არის თუ არა. ეს არ არის შენიშვნა და პრეტენზია. მე, როგორც გულშემატკივარს, ერთ რიგით თქვენიან მხარდამჭერს მაინტერესებს, რომელიც, ხვალ თქვენ თუ ლიდერები იქნებით, ხმას მოგცემთ, მხარს დაგიჭერთ. თუ აკეთებთ 26 მაისს რამეს, გეხვეწებით, 26-ჯერ მაინც თქვით ტელევიზორში. ეს არის ჩემი თხოვნა, რომ მე, როგორც ტელევიზორის მაყურებელს, გამაგებინეთ, 26 მაისს აქცია არის? არ არის? გამოვდივართ? ბევრნი უნდა ვიყოთ? – უნდა ვიყოთ; უნდა გავაგრძელოთ? – გავაგრძელოთ; აქტიურობა გვმართებს? – გვმართებს. გააგებინეთ ხალხს. გასაგებია, შეიძლება, მე ვერ გამოვიდე 26 მაისს თქვენთან ერთად აქციაზე, მაგრამ ვინც გიყურებთ, იმ ხალხისთვის მაინც თქვით, იქნება ეს აქცია თუ არა. ზუსტად იცოდეთ, რომ, სამწუხაროდ, 26 მაისს არანაირი კამპანია არ გაქვთ, არანაირი აქტიურობა არ არის. ეს არ არის საწყენი, არ არის შენიშვნა, ეს არის გულშემატკივრის პოზიცია. თვე-ნახევარი გავიდა, აქცია დაანონსებულია და ხალხს მეტი შეატყობინეთ. ასევე ხალხმაც უნდა იგრძნოს პასუხისმგებლობა. პოლიტიკა გახდა საქმე, სადაც პოლიტიკურ საქმიანობას თუ ეწევი, მიდიხარ ციხეში. ამიტომ ყველაფერზე ამ პოლიტიკოსების მხარეს ხელის გაშვერა მაინცდამაინც სწორი საქციელი არ არის, თორემ ბევრი მეც არ მომწონს, ბევრს მეც არ მოვწონვარ“, – განაცხადა ხაბეიშვილმა.

,,ვიწყებთ" - ამ წარწერით ,,ინსტაგტამზე" ლაშა ბექაურის ფოტო ვრცელება. ფოტო კლინიკაშია გადაღებული, სადაც ლაშა ბექაურს ოპერაციისთვის ამზადებენ.ორგზის ოლიმპიურ ჩემპიონს, ძიუდოისტ ლაშა ბექაურს მხარის ოპერაციას საფრანგეთის ქალაქ ბურჟიში მდებარე Hôpital Privé Guillaume de Varye-ში უკეთებენ.ოპერაციას ატარებენ მხრის ქირურგიის მიმართულებით წამყვანი ფრანგი სპეციალისტები - პასკალ ბუალო და ჟან-კრისტიან ბალესტრა.ოლიმპიური ჩემპიონის საფრანგეთში ოპერაცია, ასოციაციის პრეზიდენტთან, ზურაბ კახაბრიშვილთან კოორდინაციით, ექიმმა ნიკა ხუნგურუამ დაგეგმა.ლაშა ბექაურმა მარჯვენა მხრის მძიმე ტრავმა თბილისში გამართულ ევროპის ჩემპიონატზე მიიღო, რის შედეგადაც აუცილებელი გახდა ქირურგიული ჩარევა.საქართველოს სპორტული მედიცინის ასოციაციამ საოპერაციო ხარჯებს სრულად დააფინანსა.

ღმერთმა ხელი მოუმართოთ იმ დიპლომატებს, რომლებსაც კიდევ აქვთ იმედი, რომ ანტიქართული ძალებისგან რაიმე შეიძლება გამოაცხონ, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.შალვა პაპუაშვილს კითხვა დაუსვეს დიპლომატიური კორპუსის წარმომადგენლებთან „ძლიერი საქართველოს“ წევრების შეხვედრასთან დაკავშირებით.„ყველა გეგმა, რომელიც სხვადასხვა საელჩოს ჰქონდა დაგეგმილი ჩვენი ქვეყნის წინააღმდეგ, ჩაიშალა მარტივი რამის გამო: ისინი გვერდში უდგებიან მათ, ვინც ერთგულებას უცხადებს მათ – უცხოელებს და არა ქართველებს და ამას არ ექნება არანაირი შედეგი.რაც შეეხება კონკრეტულად „ლელოს“, ეს არის რადიკალური პარტია, რომელმაც უარი თქვა დემოკრატიულ მანდატზე და, შესაბამისად, არის ანტიდემოკრატიული ძალა, ანტიკონსტიტუციური ძალა. თქვენ იცით, რომ მიმართული გვაქვს საკონსტიტუციო სასამართლოსთვის და ველოდებით განხილვებს. ეს არის ძალა, რომელიც ცდილობდა, რომ საქართველოს ბიუჯეტიდან მილიარდ-ნახევარი ლარი ამოეღო და ჯიბეში ჩაედო. მამუკა ხაზარაძე ცდილობდა თაღლითური სარჩელებით ამას და დამარცხდნენ საქართველოში და საზღვარგარეთ. ეს ძალა როდესაც არის მხარდაჭერილი სხვადასხვა უცხოური ჯგუფების მიერ, აჩვენებს კიდევ ერთხელ, რომ, საბოლოო ჯამში, ყველაფერს აეხადა ფარდა; ღირებულებებზე საუბარი არის აბსოლუტური ფარსი ზოგიერთი ევროპელის მხრიდან, ვინაიდან ისინი ჩაფლული არიან თაღლითებთან, ანტიქართული განწყობების მქონე ძალებთან თანამშრომლობაში“, – განაცხადა პაპუაშვილმა.მისი თქმით, საქართველოს ისტორიაში არცერთი ადამიანის ბედი არ წასულა კარგად, ვინც ცდილობდა გარე ძალებით ხელისუფლების მოპოვებას.„საქართველოს ყველა მოქალაქეს, რომელსაც უნდა რაიმე გააკეთოს საქართველოს პოლიტიკაში, ყველას ვურჩევ, შეეშვან ერთი საელჩოდან მეორეში სიარულს და გარე ძალების იმედად აქ ყოფნას. საქართველოს ისტორიაში არცერთი ადამიანის ბედი არ წასულა კარგად, ვინც ცდილობდა გარე ძალებით ხელისუფლების მოპოვებას და შენარჩუნებას. ისტორია ყოველთვის მეორდება და არიან ძალები, რომლებიც ცდილობენ საკუთარი გავლენის დამყარებას საქართველოში, აქვთ სხვადასხვა მტრული თუ არასწორი მიზნები საქართველოსთან დაკავშირებით. ყველა, ვინც დადგება და ჩადგება უცხო ქვეყნის სამსახურში საკუთარი ქვეყნის წინააღმდეგ, საბოლოო ჯამში, დამარცხდება საკუთარ ხალხთან. როგორც მარცხდებოდნენ აქამდე სხვადასხვა უცხო ქვეყნის პოლიტიკოსების თუ ელჩების იმედად, ასე დამარცხდებიან“, – განაცხადა პაპუაშვილმა.საქართველოს პარლამენტის თავმჯდომარემ ასევე მიმართა საქართველოში აკრედიტებულ ელჩებს.„ასევე, ვეტყვი უცხო ქვეყნების ელჩებს, რომლებსაც ჰგონიათ, რომ სხვადასხვა დიდი ქვეყნის წარმომადგენლები რახან არიან, ეს მათ აძლევს რაიმე უფლებას, სხვა ხალხის ცხოვრებაში ჩაერიონ. შეიძლება, ბრიტანეთის ელჩი ფიქრობს, რომ ბრიტანეთის მიერ ატომური ბომბის ფლობა აძლევს უფლებას, სხვა ქვეყნებს შეხედოს, როგორც მეორეხარისხოვანს და თავს მოახვიოს საკუთარი დღის წესრიგი, გადახედონ გინდ საკუთარ და გინდ საქართველოს ისტორიას. ბევრი გვინახავს ასე ცხვირაწეული საქართველოსთან მოლაპარაკე ხალხი, მაგრამ, საბოლოო ჯამში, საქართველო დარჩა და სხვა, ვინც დიდი გონორით ცდილობდა საქართველოს დამორჩილებას, ვხედავთ, რომ სხვადასხვა ბედს იზიარებენ. მე ყველა ელჩს მოვუწოდებ, გაიაზრონ, აქ იმისთვის არ არიან, რომ საქართველოში ხელი აფათურონ ქართველი ხალხის ცხოვრებაში. კარგი არაფერი მოუტანია სხვისი ხელების ფათურს ქართველი ხალხის ცხოვრებაში. ამიტომ ყველა, შესაბამისად, უნდა შეეშვას ამგვარ ქცევას“, – განაცხადა პაპუაშვილმა.